無飯一人餐

1. Taste X Fresh 生鮮生活

魔術師近期又有開心大發現，就係向來唔幫襯的李氏力場 PK Shop 系列中，有檔叫 Taste 的超市品牌，近年同 Fresh 新鮮生活大搞聯乘店，將街市的鮮活雞鴨豬牛海產帶入超市，仲可以幫客人加工烹製。最近就由淘大開到綠楊再開到屯門市中心（裝修中，無相）。

魔術師貪得意想先「試」為快，唔想第日同班屯門牛鬥逼試新C坑，這天就去綠楊買了一斤基圍蝦（$88），要蒜蓉粉絲蒸（$50），睇吓掂唔掂：

估佢唔到的是用錫紙盤裝，買完由荃搭車返到屯門屋企都仲係熱，太開心之餘連撕開保鮮紙開餐竟然唔記得手機先食...總之呢餐就食飽飽，唔便白飯就咁粉絲底就夠。

＊＊＊

2. 厚興瑜記手撕雞專門店旗艦店

魔術師不時都有食厚興瑜記手撕雞，多數都係外賣半隻雞或雞加小食加冷麵拎返屋企食（飯就唔好拎咁遠了），估唔到最近呢間手撕雞專門店開咗間堂食旗艦店，仲要開在屯門卓爾居。於是這天魔術師趁去開市中心買嘢，便順道再行遠少少試吓呢間堂食店：

（圖片來源：Openrice > 餐廳 > 香港 > 屯門 > 厚興瑜記手撕雞 > 外賣紙/餐牌, captured on 15 Nov 2022）

今次魔術師叫的是外賣店沒有提供的冷撈麵，配牌麻辣手撕雞（$52）和鳳爪小食（$10），只要例湯唔加錢叫啲懶 fusion 的特飲，又真係幾好食，仲無外賣咁油添：

＊＊＊

3. 掃街小食

有時魔術師夜咗出去食飯，無乜選擇之下會走去龍門居食街掃街買嘢食，買完仲要搭車返屋企認真神心。龍門居嘅泰美美食就係魔術師的賣飛佛之一，今次叫的是炸雲吞X3、茄子X3、辣椒X2、炸魚蛋x1（最近加咗價10蚊3件，共$30），另加碗仔趐一碗（＄28），最唔偉康但就比新鮮生活同厚興瑜記更美味：