一睇見節目簡介有「砍掉重練」四字，就知道鎢絲 sir 返咗嚟啦（00:11 - 10:07）！
全屋間隔都「砍掉重練」，加入弧線、卡位元素，配合房主獨特要求。種植達人在家建立47呎迷你農場，自給自足，還為生活加添樂趣。
雖然戶主有佢嘅諗法，但係鎢絲 sir 都仲可以 sell 到全屋拆哂牆再調嚟調去，渠口大兜亂，鎢絲 sir 把口認真了得！
鎢絲 sir 將原來的廚房變成客次，又將原來的客次變成開放式廚房（左上、右上、左中、右中），同飯廳區合而為一組成戶主喜愛的卡位設計（左下），話可以增加一入門口的可視呎數，光線昏暗一點無咁開揚都無所謂，有另一種氛圍。記者仔另行註明鎢絲 sir 無拆到結構柱，只係加上鏡面裝飾，仲可以幫個中島隔一隔個煮食區（右下）：1
經過一道趟門進入廳區（即係無得電視送飯，左上），鎢絲 sir 話雖然廳區面積細過以前，但光線充足，而且選擇傢俬令可見地板面積增加，感覺上較開揚（右上，左中）。電視櫃後面是寢區（右中）。另外鎢絲 sir 將客廳無窗台變有窗台，增加收納量（左下），又增設智能燈光（右下）：
鎢絲 sir 將主次的浴室抽離，放在客房對面，其中一名戶主沖涼時都不會影響到另外戶主用次所；主次剩餘空間就變成衣帽間，鄰近的客房面積就縮小了（左上、右上）。多出來的凹位就做了個工作枱面（左中）。由於戶主已揀好主要用料和色調，鎢絲 sir 無得亂咁嚟，只能委屈地長篇大論講點樣揀傢俬質料、顏色，順便糾正一下戶主對顏色的稱呼，以示自己「識得比你多」（右中、左下、右下）：
客房以全黑設計，配有智能窗簾同埋隔音物料，成為戶主的影音房（左上、右上、左下）。主人房床背以藝術漆塗上，佈置無乜花巧，與客飯廳咁多花臣有強烈對比：
最後，節目並無提及衣帽間及另一間客房，唔知係點樣，有乜用；反而鎢絲 sir 就口水多過浪花。
＊＊＊
精華版如下：
完全版如下：
＊＊＊
伸延欣賞：
/p>
鎢絲 sir 真喺唔過兩球嘅case喺唔接嘅XD
回覆刪除／／記者仔另行註明鎢絲 sir 無拆到結構柱
有冇講吓廚變次次變廚得唔得嘅呢，啲下水道點接駁會唔會播病毒（有冇問猿教獸）
／／同飯廳區合而為一組成戶主喜愛的卡位設計
屈喺一個角落食飯，但喺整個大大嘅中島唔知攞嚟做咩
／／又將原來的客次變成開放式廚房
開放式廚房嘅焗爐灶頭微波爐疑似喺成間屋嘅中間，拆咗牆又多咗條柱，好似唔喺咁好掛。
//多出來的凹位就做了個工作枱面（左中）
咁嘅地方點可能會專心，走廊無啦啦有個人坐喺度好怪，又唔喺冇地方整個正經啲嘅書枱
／／節目並無提及衣帽間及另一間客房
仲有喺飯枱側邊有嗰門通去一個奇怪形狀嘅空間，唔知喺咩嚟
//有冇講吓廚變次次變廚得唔得嘅呢
刪除//仲有喺飯枱側邊有嗰門通去一個奇怪形狀嘅空間，唔知喺咩嚟
似係露台。可能唔敢影出嚟，俾人知道喺邊度 XD
//整個大大嘅中島唔知攞嚟做咩
老婆大人要「備餐」吖 。
//開放式廚房嘅焗爐灶頭微波爐疑似喺成間屋嘅中間
成間屋四隻角打個大交叉，開放式廚房又未至於火燒心嘅。
//走廊無啦啦有個人坐喺度好怪
「罰你出門口做功課」（但唔係小朋友）