虛擬雙龍閃長倉（２０１４—１６）

雙龍閃者，其實即係期權策略中的勒束式（strangle）或馬鞍式（straddle）的暱稱。其實期權來來去去都係得一招為基本，其他招式策略都係從此衍化出來：好似勒束式同馬鞍式，分別只係 strike price 是不是同一點，咁又無端端分兩個名出嚟記，實在是攞嚟搞。
不過又咁講，對港豬們來說，有個招式名始終係「踏實」啲（好似考試一定要有 marking scheme 咁），死記硬背就最啱（所以話港豬大有做岳不群徒弟的材料）。最佳例子就好似乜 sir的「債基疊增」，明眼人一睇就知係以債基做孖展，不停咁按落去（見７０ｓ《什麼是債基疊增？高息回報攪咩葫蘆賣咩藥？》；另外，留言「齋買債券無除淨，但債基有。」的理解恐怕有誤：以一般有贖回日的債券（非永續債）來說，派一次息，其 cashflow 就會少一次，呢個就係債劵的「除淨」，具體體現在債價愈接近到期日愈趨向１００。），難得又貪又蠢的港豬紛紛科水聽乜 sir 講。 

話說乜 sir 最近除咗推出同６８９無關的ＡＢＣ債基套餐方案，方便港豬認購之外（要做孖展何不用 Interactive Brokers(IBKR.NASD)，以魔術師無責任估計，睇怕港豬們除了俾學費之外，經乜sir做套餐，有人應該會過水濕下腳...）；仲學奀歌星開演唱會咁「開四面台」，early bird 俾學費的有得坐 zone A 可以面對住乜 sir 副尊容，而 latecomers 就只能坐 zone B 望其項背，認真搞笑。
題外話講完，言歸正傳。
以下係２０１４—１６年模擬雙龍閃長倉與期指長倉的比較：
１. 雙龍閃長倉：在本月期指結算日買入下月雙龍閃長倉。如期指開市價較接近某恆指期權 strike price，則做 straddle 長倉（例如期指開市價為２１,５９０，則買入２１,６００ call 同 put）；如期指開市價靠近兩個恆指期權的 strike prices 的中間 ，則做 strangle（例如期指開市價為２１,４８０，則買入２１,６００ call 同 ２１,４００ put），期權金以開市價計算，並一直持有直至結算。
２. 期指長倉：在本月期指結算日以開市價買入下月期指，並一直持有直至結算。

總結，三年下來，期指長倉共輸８９４點，而雙龍閃長倉則贏６,１３７點。看來有些閒錢的話，以細期玩下無傷大雅都唔錯。
＊＊＊
伸延閱讀：
７０ｓ：什麼是債基疊增？高息回報攪咩葫蘆賣咩藥？
憶苦思甜「雙龍閃」