四季茗茶精選２０２０

日前收到英記（08241.HK）的人肉溫馨提示（以前都無啲咁嘅事，非必要品的零售的確難做），話有周年大減價，全線正價貨品八折：

但自從屯門市廣場大裝修，屯門英記摺埋之後，要買茶葉就要去荃灣、旺角、或者上環英記分店，唔係咁方便；況且疫情肆虐，好多實體鋪都會早收工，魔術師要買就要早少少返放專情坎去買工咯！

不過，魔術師在ＦＢ都見到廣告，話維基 Mall 都有英記茶葉賣，都係八折，以魔術師買嘅量，點計都可以免運費，如果唔介意幫襯黃色經濟圈的話真係可以考慮吓。唔使專程走去買，拎嚟嚟去，真係省時又方便！

茶葉的選擇基本上跟過往一樣，只係因為大紅袍不太對魔術師的口味，便以人參鳥龍代替。

春天（正月、二月、三月）飲花茶。只有香片一個選項，只需「補倉」白龍珠香片便成。

夏天（四月、五月、六月）飲綠茶。照舊都係龍井與碧螺春的選擇。基於獅峰龍井與碧螺春尚有存貨，於是補入雀舌龍井（極品龍井貴但唔啱飲）便是。

秋天（七月、八月、九月）飲青茶、岩茶。選項有鐵觀音、鳳凰單欉、鳥龍、與及以白茶中的白毫銀針（維基 Mall 無售）。基於貢品觀音王與鳳凰尚有存貨，只需要補入人參烏龍及白毫銀針即可。

冬天（十月、十一月、十二月）唔飲紅荼飲普洱（黑茶）。家中已經存有「家藏普洱」（毒果話係十二年陳），只需補入「遠年普洱」（毒果話係只是六年陳，但相當對魔術師胃口、甚至覺得好飲過舊年份），與及「頂舊普洱」（毒果話係九年陳）便是。

咁，究竟魔術師去咗實體店買定係幫襯網購黃色經濟圈呢？

＊＊＊

伸延閱讀：

唔該普洱 英記茶莊（蘋果日報 2007.02.16）

四季茗茶精選２０１８

四季茗茶精選

（攝於２０２０年１１月６日）