《監獄風雲（Prison on Fire）》：精彩人生由此起

繼痴瘋仔成日話俾懲教人員留難，小膠樽出冊後又搞埋啲「告你寫」、「探監師」之類，總之就講到坐監好似好黑暗好慘咁，首觸們一時想唔開便索性展開逃亡生涯（但明明痴瘋仔、小膠樽都都無穿無爛、甚至乎肥肥白白咁出返嚟）。其實今時今日監犯生活都已經改善咗好多，跟黃人時常懷念的龍獅時代的監獄生涯，應該是兩碼子事：

＊＊＊

在那些年還是美好的龍獅時代，去監獄報到係又要踎又要當眾除褲，仲要在女獄卒面前赤身露體的。盧家耀（梁家輝飾）是監獄初哥，因誤殺被判入獄三年拿着父親俾佢嘅衣衫緬懷一番，然後便被咖哩國醫生通櫃：

耀仔一面好似痴瘋仔咁對住臭格食飯，一面回想起事發經過：某夜有班臭飛有青到耀父的小店高買，爭執之下還打傷了耀父，耀仔追上去跟有青們糾纏，混亂間耀仔把其中一名有青踢了出馬路被車墥死。耀仔發完夢之後，獄長便來給眾新仔的訓話，得知在龍獅時代的懲教署已經是很民主的了：

耀仔在監獄醫務所內結識了獄中老油條鍾天正（周潤發）。阿正係個機智懂得用各種方法拆解問題的人，見耀仔「擔Ｘ唔偷食」，便教識了耀仔唔少獄中的「潛規則」，

耀父、耀妹、與及耀女友阿美來做探監師，耀勸阿美如果唔想再等佢呢個監疐仔的話，可以分手。耀仔回到監獄醫務所工作，卻又被阿 sir 無理取鬧。阿正見耀仔受了委屈竟然哭了出來，便好心安慰，又教耀仔化解之法，在監房裡做事毋需太認真，「童子軍跳彈床」即可：

阿正等人在操場上放風，唱緊「人生於世上有幾個知己」之時，遇上囚犯幫派之間大打鬥，便將耀仔帶到一旁避難。曾被古惑仔斬傷的保安主任殺手雄（張耀揚飾）施以「警暴」，一嘢將大傻（成奎安飾）扑到頭破血流暈低。

耀仔見阿正是個值得結交的朋友，便申請調到去洗衣工場跟阿正一起工作。獄中幫派大佬之一的大咪（何家駒飾）叫手將阿正的剪刀偷走作為武器，幸好給耀仔及時發現，大咪無法抵賴，遂懷恨在心。

殺手雄查倉，搜出各樣武器、違禁品，於是捉了一干人去審問。對住一堆「傢生」，耀仔話乜都唔知；大咪為求脫身，便出賣自己兄弟，再屈傻標（黃光亮飾）的手下藏有那些「傢生」，與殺手雄夾計話耀仔係二五仔。阿正跟殺手雄要

調走耀仔，唔使講當然係不得要領。耀仔回到監房當晚就被傻標打殘，仲要唔敢投訴，否則往後的日子就難捱了。

阿美來探耀仔監，話要去米帝讀九個月書（乜嘢課程嚟架？），耀仔自卑又對自己無信心，唔想阿美走去食洋腸，罵了阿美一頓，完全忘記之前懶大方仲話可以分手的事。另一方面，原來阿正都有阿媽同阿仔來探監。耀仔回到洗衣房，卻又俾大咪欺負。耀仔情場失意，滿腔委屈，發起狠把大咪打傷，更以碎玻璃還擊對付大咪眾手下，卻意外地誤傷了幫手調停的阿正。耀仔後悔萬分，以碎玻璃企圖自殺。

搞到咁大件事，獄長親自來暸解。阿正忍無可忍，當住獄長面前怒斥殺手雄，然後就係「我大聲並唔代表我無禮貌」。獄長最後要殺手雄「寫 report」匯報。

阿正和耀仔被罰坐水飯房，阿正不忘開解耀仔，亦得知大咪而被調走。耀仔更發現膠椅上的「忍一時風平浪靜，退一步海闊天空」字句是由阿正刻上去。除夕夜，阿正跟耀仔講出自己的故事：原來當年阿正爛賭又搵唔到錢，老婆瞞住阿正出來做天使幫補家計。阿正發現「老婆勾佬」，盛怒之下殺死妻子，現已悔恨難返。耀仔則說去了嬰國讀書女朋友仔來信，大讚德文老師（去嬰國讀德文？）的洋腸好味：

一年之後，大咪調了回來。耀仔向殺手雄提出調牢房以避開大咪，殺手雄睬佢都傻；耀仔心有不甘，再向獄長及太平紳士投訴，話受黑社會騷擾，殺手雄當然矢口否認，英明的太平紳士和獄長便「責成」殺手雄「自己查自己」，調查獄中是否真的有黑社會 - 結果就係耀仔和阿正被派去清理糞渠。

阿美吃完洋腸回來，話要等耀仔三個月後放監。獄中香煙漲價，眾囚犯以日常勞動的工資買煙，甚感不忿，為了首觸的福祉，傻標便搞罷食抗爭：即使最後食返，但也是向膠官們「發聲」的方法之一（同痴瘋仔量住血壓，度住血糖搞絕食有異曲同工之妙）；況且一旦「成功爭取」，仲可以響朵添。

殺手雄想收買大咪要佢帶頭吃飯兼且篤灰，於是又諗住想陷害耀仔做金手指，話係耀他供出帶頭搞事的人。殺手雄要求耀仔跟他入次所單獨「面談」，但耀仔今次唔上當，唔會俾機會殺手雄屈自己。殺手雄一計不成，二計又生，轉而在阿正耳邊細聲講，再將從大咪提供的搞事者一一鎖起，造成是阿正篤灰的假象。獄長前來調停，大咪借機找下台階，率眾吃飯。殺手雄向阿正示威恫嚇，阿正為免被眾大佬誤會，便和耀仔奮起抗爭，被殺手雄施以濫暴打傷。

殺手雄來醫院找阿正晦氣，被阿正大罵「食Ｃ狗」，殺手雄便乘機將阿正送點監倉。阿正和耀仔在監倉被大咪率眾圍毆，但這時也有其他囚友看大咪不順眼出手制止，要求二人隻揪。大咪手下企圖幫拖，被眾囚友圍毆；但耀仔去幫阿正，眾人去說睇唔到，明顯就係唔妥大咪。

大咪被阿正打殘。這時殺手雄才出場，以消防喉當水炮潰擊眾犯，再痛毆阿正，耀仔挺身擋了一棍。阿正又再爆 seed，飛腳踢倒殺手雄，再把他耳朵咬甩。最後，耀仔出獄，見到阿正被送返獄中；眾囚友亦鼓勵耀仔，仲有好多行業唔使查有無案底的，在這獄中過的精彩人生，在別處可找不到呢。

＊＊＊

本片所描述的監獄狀況可謂非常黑暗，對比縮骨三恥、痴瘋仔、小膠樽、長毛等人監愈坐愈肥美，甚至乎１２瞞逃「自行送中」後的監獄生活也是無穿無爛，遠勝龍獅治下，淨係呢樣已經唔值得班有青「戀殖」。唔通真係要好似阿正咁咬甩懲教人員耳仔咁先叫「精彩人生」咩？要知道，黑暴咬甩黑警手指，係要坐５年半的。有青身在福中不知福，仲要搞埋啲乜師物師心靈雞湯以供慰藉，果然係長不大的巨嬰也。

睇返原來二級懲教助理今時今日的入職起點是＄２１,１５０（仲要全年都請人咁缺人手），唔知殺手雄的主管級可以去到幾多職點，使唔使搵命搏來對付阿正，仲搞到無咗隻耳仔咁「忠誠」（對事頭婆而言）：

（圖片來源：香港特別行政區政府 > 公務員事務局 > 政府職位空缺查詢系統 > 二級懲教主任（43974）, retrieved on 22 Mar 2021）

本片乃巷慘片經典之一，雖然阿正和耀仔二人跟眾大佬例如傻標、潮州佬等唔知點解咁 friend，但無乜大 bug，演員出色無話可說，魔術師評分９８分（１００分滿分）。

＊＊＊

伸延閱讀：

邵家臻組囚權組織「石牆花」　紅線下絕處逢生　「咩都唔做係最抑鬱」（立場新聞 2020/12/26）

黃之鋒獄中信訴獨囚收押所經歷：便盤代馬桶　燈長開口罩當眼罩（HK01 2020-12-01）

黃之鋒繪監房平面圖錯字多　廁所變「次所」（東網　2017年08月24日）

前年新城市廣場衝突　男子涉咬斷警長手指罪成囚五年半 2021-03-15 18:31:46

【有線新聞】前年沙田新城市廣場衝突，一名男子涉嫌咬斷警長手指，被裁定襲警等四項罪罪成，判囚五年半。

案發在前年7月14日，被告杜啟華涉嫌於沙田新城市廣場內咬斷警長手指，經審訊後被裁定襲警、有意圖傷人、對他人身體加以嚴重傷害以及公眾地方擾亂秩序，共四項罪名成立。

法官陳仲衡判刑指要考慮懲罰犯案者、阻嚇後來者、撫平受害人及家人所受傷害以及被告更新改過的需要，最終判被告監禁五年半。