魔術師 Netflix 煲劇片單（２０２１年１１月）

近月魔術師多了一個習慣，就係每晚都會有家中煲返一集 Netflix 劇集，消耗返一個小時左右輕鬆吓。講得上係「輕鬆吓」，魔術師當然就唔會用手機去睇片，必定係要在家中梳化上享受吓大電視與多聲道影音效果，更唔會「扮型」去用１.５x速去播放，一定要原汁原味享受鏡頭調配、演員對白、背景音效等細節，否則只會不求甚解。尤幸魔術師選劇通常都有幾個原則：

１. 有頭有尾有結局的優先：死唔斷氣，一季接一季添食的，儘量排後啲睇（例如《屍戰朝鮮》）。

２. 曲高和寡少人欣賞的優先；普羅大眾熱議的，儘量排後啲睇（例如《魷魚遊戲》）。

３. 有心儀原著、導演、演員者優先，否則又可以排後啲

咁究竟魔術師直至目前為止又有乜推介呢？

必看推介（排名分先後）

１. 《闇（Dark）》

日耳曼燒腦穿越神劇，三季完。「欲知前世因，今生受者是；欲知來世果，今生作者是。」魔術師竟然找不到 bug，完勝其他推理犯罪片：

２. 《美國怪談（American Horry Story）》

每季獨立故事，恐演員班子大抵固定，只是不同季度飾演不同角色；恐怖血腥度每季不同，要劇情有劇情（第二季《Asylum》）、要靚女有靚女（第三季《Coven》、第九季《1984》）、要老戲骨有老戲骨（第四季《Freak Show》）、要政治諷刺的也有政治諷刺（第七季《Cult》）。可惜現時只有第七季在線，要睇吓日後 Netflix 會唔會再將其他季度 renew。

魔術師覺得最好睇就係第二季《Asylum》

３. 《新世紀福爾摩斯（Sherlock）》

奇異博士做現代福爾摩斯，共４季，每集獨立故集，會唔會繼續落去無傷大雅。整套劇中心思想就係：Attention to details 好重要！

４. 《黑鏡（Black Mirror）》

共５季，每集獨立故集，會唔會繼續落去無傷大雅。講吓對科技發展、呃 like 文化、甚至乎「元宇宙」想像。

５. 《后翼棄兵（Queen's Gambit）》

睇占飛評論好過魔術師自己寫（見伸延閱讀）！

（圖片來源：信報 2021年3月4日 占飛 忽然文化 《金球獎 網飛最耀眼》）

其他推介

犯罪片

１. Search "Harlan Coben"，有幾套懸疑片幾好睇，不過最後解謎時有 bug，跟《Dark》差了一個檔次。

２. 《紙房子（Money Heist）》：未睇，排緊期睇，５季完。

奇幻片

１. 《今際之國的有栖（Alice in Borderland）》：皇國（鄉下）漫畫真人版。都係唔使講，睇圖就知點解要推介。

（網上圖片）

２. 《Sweet Home》：泡菜國網絡漫畫改篇，但ＣＧ有點不倫不類，而且愈做愈縮，結局有點爛。

３. 《獵魔士（The Witcher）》：未睇，睇落有啲似《魔戒》造型，仲要有解畫系列。夠燒腦。未睇先鍾意。

喜劇

１. 唔使講，一定係《Big Bang Theory》（舊 Blog 寫過）

再其他可以擺吓先：《屍戰朝鮮》、《絕夜逢生（Into the Night）》、《末世列車（Snowpiercer）》等等。

再再其他片集就開始有啲伏（有啲睇咗、有啲未睇），暫時到此為止。

＊＊＊

伸延閱讀：

《魷魚遊戲（Squid Game）》：別人好評我派嬲

信報 2020年11月10日

占飛 忽然文化

人生如棋局局新

電視劇較電影吸引之處，不在故事情節曲折離奇、峰迴路轉——而在於電視劇篇幅較長，由五六個小時至十多二十個小時，可以深入細緻刻畫人物的性格，令觀眾代入。提起《網中人》、《上海灘》、《大時代》、《鱷魚淚》等等經典香港電視劇，你會想起故事或是劇中的人物？

（本文含劇透）網飛的電視劇《后翼棄兵》（The Queen's Gambit），勝在人物刻畫出色。論故事，這只是一般小人物的成長故事。論結構，這只是大衞戰勝巨人哥利亞式勵志體育劇。在五十年代的美國南部，女主角碧芙夏雯（Beth Harmon）8歲時父親離家，母親在交通意外中喪生，她被送入孤兒院。夏雯不擅交友，沉默寡言，寂寞難耐淒涼，並服食鎮靜劑上癮。幸好她得老雜工之助，發現了自己是「西洋棋的莫扎特」，之後扶搖直上，參加比賽贏獎金供養她的養母，十多歲已晉身大高手（Grandmaster），挑戰俄羅斯的西洋棋世界冠軍波哥夫。結局如何，不用說也猜得到。雖然故事情節毫無驚喜，但無損此劇激動人心。

一波三折

《后翼棄兵》改編為電視劇，有一番曲折。同名小說出版於1983年，作者泰維斯（Walter Tevis）在1984年逝世，小說稍後絕版。幸而編劇亞倫史葛（Allan Scott，筆名）在1990年一口氣讀完小說，即買下版權，寫成劇本，找人投資拍電影。貝托魯奇曾表示有興趣，編、導商議了一年，終不成事。十多年後，喜愛下棋的希斯．萊傑（Heath Ledger）看中此小說，打算執導，豈料他在2008年1月服藥過量猝死。《后翼棄兵》改編為電影的計劃，再一次胎死腹中。

塞翁失馬，焉知非福？《后翼棄兵》出版37年後拍成電視劇，比拍成電影更好。電影要在兩小時內寫一個8歲才學棋的女孩，成長至挑戰世界冠軍，難免缺乏說服力。近7小時的電視劇，可更細緻地描寫她的內心世界，如何過五關斬六將，一級一級地贏上去，說服力更強。

原著寫於1983年，劇中部分情節已過時。首先，在七十年代初，還沒有女子棋力足以挑戰男大高手，遑論世界冠軍。其次，劇裏，比賽中途，棋手可以叫停，封棋，明天繼續。現今棋賽規定了時間，一局棋頂多歷時七八個小時，一天內定可完成，沒有封棋這回事矣！

國際奧委會1999年承認了西洋棋為體育項目。跟其他體育項目一樣，西洋棋亦有「暴力」的一面。大高手不單要贏比賽，更要「羞辱」（humiliate）對手。已故美國世界冠軍波比菲沙（Bobby Fischer）說過：「西洋棋是棋盤上的戰爭，目的是摧毀對手的心智（mind）。我喜歡擊潰對手的自我那一刻。」當今世界冠軍挪威的卡爾森（Magnus Carlsen）也說過，他最享受看見對手「走投無路」時無地自容那一刻。然而，西洋棋比賽，棋手沒有身體接觸，不能談話。要觀眾感受到棋賽的緊張氣氛，棋手如何攻擊對方的自我，純靠演員的表情：勝者無聲冷笑，視以白眼。敗者緊皺眉頭，交叉雙手抱胸，坐不安席，雙手托腮、抱頭……

渾身是戲

《后翼棄兵》成功之處在：導演拍攝多場棋賽，各具特色，憑不斷特寫兩名棋手的表情，配以出色的配樂，營造氣氛，非常精采。演夏雯的戴萊哉（Anya Taylor-Joy）24歲，是英、蘇格蘭、西班牙、阿根廷混血兒，長相獨特，眼大而稍凸，但她充滿自信、狠狠地瞪着對手時流露內心的「侵略性」，極有氣勢。難得她由15歲演到二十多歲，層次分明。許多場戲只得她一人演獨腳戲，沒有對白或內心獨白，但她渾身是戲，憑「簡約」的面部表情及身體語言，已扣人心弦。此姝日後必成大器。

原著作者泰維斯本身是個C級棋手，夫子自道棋手心理以及描寫棋賽，都極具實感。《后翼棄兵》邀請了前世界冠軍卡斯柏羅夫（Kasparov）作顧問，劇中所有棋賽皆有真實的棋賽作藍本。夏雯大戰波哥夫的比賽，改編自1996年一場兩大高手之戰，讀者不妨上網看這場棋賽的分析：https://www.youtube.com/watch?v=oIMaTKOZG-8。

《后翼棄兵》並非沒有缺點，夏雯的藥癮和她心靈空虛太輕描淡寫，篇幅不夠。不過，小疵不掩大醇，以西洋棋為背景的電影及電視劇並不多，拍得好的極為罕有。懂西洋棋的讀者不可錯過此劇。不懂西洋棋者亦一樣看得過癮，而且可學懂一點西洋棋的「常識」。