魔術師一向是個異類，多人做的自己就偏不會去做：人人哈韓，魔術師就完全睇泡菜劇，電影都只係稍稍睇吓，多數的觀後感都係覺得不外如是，言過其實（包括《屍殺列車》）。自從裝咗 Netflix 之後，先有機會睇多咗幾套泡菜劇（例如《Sweet Home》）和電影（例如《韓流怪嚇》），不過都係劣評居多。今次《魷魚遊戲》又再熱炒，日日洗版，搞到本來無興趣睇的魔術師都要花上幾小時來完善返個觀影過程，預咗又係過譽的伏片，無期望便無失望，可能會有驚喜呢？「未試過又點知唔得呢？」（黃人腔）。
＊＊＊
果然，此片之「神」，又係傷民大驚小怪，未見過大蛇痾尿之作。本片又起犯咗《韓流怪嚇》的毛病，就係個男主角的設定實在太乞人憎，魔術師完全代入唔到，唔會對男主角有任何同情。究竟男主角有乜問題呢？
１. 在公司做咗十年之後走去搞工運，將公司當成係員工擁有的（其邏輯跟「暴大是學生擁有的」差相彷彿），俾公司炒魷魚之後仲要怨公司。
２. 之後的人生就是靠賭、靠借、靠偷年邁母親的錢去賭。老母病重都唔知，認真不孝。
３. 當問人借錢的時候，又係句句自稱「我一定會還的」，但完全就無任何行動去認真工作賺錢，仲要搵老闆借糧。是為不義。
４. 婚姻失敗也就算了，老婆帶着女兒改嫁。男主角自稱好鍚阿女，卻是又係靠賭來「賺錢」幫阿女賀生活，份生日禮物當然是愈賭愈縮，極度不負責任。
５. 去到遊戲階段，男主角是如何過關的呢？
第一關，全靠咖喱仔救一命。
第二關，靠自己想到解答。
第三關，靠有為老人與學霸友人想到解救方法。
第四關，靠欺騙有為老人（而有老又將錯就錯放水任由男主角呃）取勝。
第五關，兩個 numbers 選一個都選唔掂，優悠寡斷；跟大隊行卻連前面１０幾人都成功行過的第一步都唔識行，左右不分，又係靠友人提示與及其他參加者的犧牲而過關。
第六關，一半靠自己鋪牛力，一半又係靠別人而取勝。
結論就係男主角大約只有１／３的情況係靠自己本領勝出，其餘唔係靠別人幫助就係靠運氣過關，智慧低到無倫。全劇由第一集到結局亦見唔到主角性格有乜成長，人生依然是漫無目的。基本上所有「造就」佢勝利的角色都係白白犧牲，雖然很貼近現實，但就完全無戲劇性可言。如果以魔術師來編劇，倒不如讓要照顧母親和弟弟的「好家姐」活下來，起碼佢係有目的而活，男主角只係在浪費人生，理應早死早着。
你話一向慣於用腦思考，一步一步做好計劃的魔術師點會認同呢位賭性甚重的廢柴主角呢？觀眾代入唔到啲角色，只會覺得齣戲錯漏百出，又點會覺得好睇？唔通坊間好評的群眾都係跟男主角一樣的價值觀？
最後就係魔術師對全劇劇情的吐糟時間：
１. 警察條線主要就只是以間接的方案把謎底告訴觀眾，那些販賣人體器官的支線刪去也無阻劇情發展。
２. 如果要睇殺人殺得過癮，識睇就梗係睇第一關，眾參加者不知就裡便被槍殺時的混亂慌張。一眾外國勢力ＶＩＰ實在無理由到臨尾兩關才到來現場觀戰吧。另外，幾何面具負責人在劇中大講蹩腳英文，更在對白暗示「魷魚遊戲」乃國際化真人 show，突顯出泡菜仔「祟優媚外﹞的真性情。
３. 個遊戲搞到咁複雜咁大型，理應籌備經時（聘請、訓練班正方圓形三角工作人員都唔少時間喇！），但主辨單位負責人家中門口竟然放上一張魷魚遊戲聯絡卡片就算數，劇情亦似乎講緊負責人只係在現實世界中消失了幾天，完全唔明白個主辦單位係點營運嘅。如果係講富人玩謝窮人，舊 blog 寫過的《殺人慾室（Hostel）》系列所描述類似的「組織」似乎更有說服力。
|
| （網上圖片） |
４. 主角贏得大獎，遊戲主辦方竟然就咁俾張 ATM 卡佢提款。照計應該要轉戶口名，幾百億韓圓咁樣「轉數快」算唔算洗黑錢？泡菜國的金融管理、國家安全係咪咁兒戲？
５. 最後就係大魔頭，魔術師睇到最尾真係Ｄ咗一聲，使唔使咁似《恐懼鬥室３（Saw III）》中 Jigsaw（Tobin Bell 飾）的造型呀？
|
| （網上圖片） |
魔術師評分：７０分（１００分滿分）
＊＊＊
伸延閱讀：
《屍殺列車（Train To Busan）》：小人比女子更難養
萬聖節前夕 蘭桂坊灣仔大南瓜現人潮 魷魚遊戲角色大熱 酒吧生意增五成 2021-11-01 14:16:40
【有線新聞】萬聖節前夕，中環蘭桂坊和灣仔都有不少人外出慶祝，其中灣仔有一個大南瓜吸引不少人「打卡」。
萬聖節前夕，南瓜不能少，灣仔碼頭這個10米高吹氣大南瓜數百人來「打卡」。
黃小姐：「見到小朋友交換糖都頗開心，去年與家人均沒外出，反而今年疫情好轉有外出看看。」
小朋友：「好玩（為甚麼？）因為可以送糖給人（送得多嗎？)沒有。」
送不完糖果都不用傷心，可以扮鬼扮馬都同樣興奮。
JAYDEN：「我扮蜘蛛俠（為何扮蜘蛛俠？）因為我喜歡他（有多喜歡？）十萬伏特。」
不止人見到南瓜興奮，Ivy見到都一樣開心。
蘭桂芳無大南瓜，但都一樣熱鬧，韓劇《魷魚遊戲》角色最多人扮。
OTIS：「（為何會扮這個角色？）因為今日去萬聖節。」
她們扮恐怖遊戲的角色都一樣特別。陳小姐：「特別在它不是《魷魚遊戲》，平時玩這款恐怖遊戲時女兒都要跟我一起玩，她比較喜歡恐怖角色，唯有與她一起做，以及今年比較少人扮這角色。」
人流多帶旺酒吧，酒吧業協會說業界生意急增五成，回復到疫情前的水平。
個人覺得依套野大賣主要係時間點，其實都好一排 netfilx 無D似返D樣嘅劇出現，講 creative 日本果套 有栖 再天馬行空 講殺人就更加大觀能刺激，反而果套回響仲無咁大！
回覆刪除無嘅依個世代 債務，生活，令到基層生活透不過氣，仇富，抗爭有錢人 不是香港獨有, 總會勾起好多人嘅共鳴，不邊個唔想特然有個機會有幾億呀！
//講 creative 日本果套 有栖 再天馬行空 講殺人就更加大觀能刺激，反而果套回響仲無咁大！
刪除我都覺有栖好睇啲, 仲有大量高質日本波波妹 XD
//令到基層生活透不過氣，仇富，抗爭有錢人 不是香港獨有, 總會勾起好多人嘅共
成日話我城肯做唔會餓得死人, 就連唔做都有社福支援, 一樣餓唔死人. 總係覺得貧窮線以下那些要拾荒食二手飯無家那群人, 很多時是自己問題多於社會問題.
//不邊個唔想特然有個機會有幾億呀！
考慮到 diminishing marginal utility, 用條命去搏幾百億我就唔會做了.
依套野包到密密實又佬多過囡---點及有栖咁多後生妹，又時時都三點式水着，目測冇D都有E XD
刪除//有栖咁多後生妹，又時時都三點式水着，目測冇D都有E
刪除水雞姐殺哂 XD
【今際之國的有栖】全劇7大索爆女演員「水雞」朝比奈彩、「安」三吉彩花不輸土屋太鳳
上星期去上堂，講者一講魷魚，個個都有反應，我冇睇過，好在我個仔有“介紹”過，知道係乜嘢事。
回覆刪除韓劇我真係完全冇興趣，寧願睇大陸劇。
//我冇睇過，好在我個仔有“介紹”過，知道係乜嘢事
刪除//寧願睇大陸劇
我諗你應該係睇CCTVB多 XD
//我諗你應該係睇CCTVB多 XD
刪除唔係，要原汁原味，睇滕信 WeTV, 有啲可以喺 youtube 睇。最近嘅有“御賜小仵作”，“山海情”，“一吋相思”，“功勛”等。
TVB 有個好大問題：佢唔播原本嘅主題同片尾曲，改用本地歌，完全唔配合套劇。個人認為陸劇嘅主題/片尾曲比本地嘅“創作”高幾班。
//佢唔播原本嘅主題同片尾曲，改用本地歌，完全唔配合套劇
刪除我記得之前CCTVB播《水滸傳》時片尾曲變了胡鴻鈞唱的《飄花》, 情歌一首, 用來講林沖(與妻子)、魯智深(與金翠蓮)、燕青(與李師師)都幾啱 feel, 不過就與故事大橋無關了.
你都好, 可以睇哂魷魚
回覆刪除我睇第一集, 中間已經瞓咗 …. 之後集數都提唔起勁睇
反而我睇Queen’ Gambit, 好正, 一路追
//Queen’ Gambit
刪除呢套好嘢嚟, 夠哂戲味!
我的 Netflix 劇集排行榜前五名名是
1. Dark
2. American Horry Story
3. Black Mirror
4. Sherlock
5. Queen's Gambit
//我睇第一集, 中間已經瞓咗 …. 之後集數都提唔起勁睇
刪除公司都有好多人,睇1,2集就睇唔到落去....有個大粒佬不停話好睇,係咁問啲細嘅有冇睇,但都無咩人睇得晒,如果唔係個大粒佬係咁推,要人同佢講劇情,應該唔會有人有興趣睇晒套魷魚.....
//如果唔係個大粒佬係咁推,要人同佢講劇情,應該唔會有人有興趣睇晒套魷魚.....
刪除嘿, 大粒佬出到聲你班同事都唔俾面, 西口西面咁, 想玩「炒魷魚遊戲」乎?
//嘿, 大粒佬出到聲你班同事都唔俾面, 西口西面咁, 想玩「炒魷魚遊戲」乎?
刪除所以最後終於有人睇晒.....
哈哈，真係「工資奴」XD
刪除其實我只睇左第一集，其他都係屋企有人睇，斷斷續續咁睇到
回覆刪除//此片之「神」，又係傷民大驚小怪，未見過大蛇痾尿之作。
其實全世界都係咁
呢套野真係得天時(疫情，韓流), 地利(netflix), 人和(故事同遊戲都簡單，唔駛觀眾用腦)，吸引到大量平時冇睇過類似劇種既觀眾，形成一個潮流，好似唔睇唔得咁，所以先大hit.
呢類戲種，只係日本都大把。好似n年前既大逃殺，賭博默示錄，近期既有栖
//一眾外國勢力ＶＩＰ實在無理由到臨尾兩關才到來現場觀戰
所以成班人其實都係黎吹水多
//男主角大約只有１／３的情況係靠自己本領勝出
男主既性格同開司一樣既廢人性格，不過開司在賭方面就更有才能
//呢類戲種，只係日本都大把。好似n年前既大逃殺，賭博默示錄，近期既有栖
刪除大逃殺係真接殺對方，無解謎成份，我就唔會用來作對比。
//男主既性格同開司一樣既廢人性格，不過開司在賭方面就更有才能
講人物開司完勝成寄勳（魷魚男主）。淨係睇開司計算落注就知佢唔係亂嚟，而且有信心有執行力；而成奇勳左搖右擺，下賭注無思考過，就是池兄跟坐在馬會門外刨馬經的大叔的分別。
呢類題材，日漫多多都有，不明力量迫人玩遊戲，輸咗受懲罰，例如詐欺遊戲，真實帳號。
刪除宅男認為我地嘅領域受侵犯。
點樣講呢，我地平時哩喺一個小圈子，突然有一群外人走入嚟，追捧一啲存在已久（但品質一般）嘅嘢，仲將我地迫出圈外，但熱潮過後啲人又走晒，流低一個爛攤子（連日漫都更多走向呢個方向）。
//我地平時哩喺一個小圈子，突然有一群外人走入嚟，追捧一啲存在已久（但品質一般）嘅嘢，仲將我地迫出圈外，但熱潮過後啲人又走晒，流低一個爛攤子
刪除咁似黃人對蝗民的控訴嘅？怪唔之得咁受傷民歡迎，原來撩起了傷民心中的深層次矛盾。
韓國出品係日本既A貨.....應該叫師夷之長
回覆刪除日本既文藝產品係真心有錢有閒搞藝術, 係內向, 係為愛好者小圈子服務
注定係曲高和寡, 成為少數而死忠觀眾既"神作"
而韓國文藝產業則係為佐創匯,
會為大眾觀眾口味去調整產品,
產品出泥係食到大眾, 細品則會乏味
魷魚遊戲大熱, 講到尾係西鬼無腦,
日本既遊戲X大逃殺既門檻太高, 西鬼睇唔明/無心機睇,
魷魚簡化遊戲就無晒觀影門檻,
廢柴男主因為其他人犧牲而贏可能都有呢方面考慮, 避免佐日本式智計獲勝既觀影門檻高陷阱, 用"探討人性"泥推搪就可以
香港跟風既O者, 西鬼吹乜好就跟住起哄
--Dogdogchi
//避免佐日本式智計獲勝既觀影門檻高陷阱, 用"探討人性"泥推搪就可以
刪除西片都有好多燒腦劇（唔計《天能》），《Dark》就係一例（不過呢套係日耳曼戲）。跟魷魚類似要解謎的就有我最鍾意的《恐懼鬥室 （Saw）》系列同埋近年的《密室逃殺（Escape Room)》系列。
個個都話好睇, 就一定唔好睇.
回覆刪除群眾一向是錯的。
刪除