爽歪歪芽莊遊（二）之到埗（Day 1)

去越南（除富國島外）旅遊是需要簽證的。魔術師同靚姐姐今次行程比較急，需要做快證，一個工作天申請，3小時內起貨，結果就要多200帝幣（每人）：

（圖片來源：Vietnam eVisa Online, captured on 10 Jul 2025）

於是魔術師就同靚姐姐分頭行事：靚姐姐識玩識食，當然負責 book 酒店同埋 local tour 活動；魔術師就負責 book 機票同埋兌換現金。坐兩個半小時機去越南，搭廉航就得（個 app /網站係無因航咁好用），我們選的是香港快運（HK Express）。靚姐姐仲忽然慳家，話見架機無乜人坐，唔劃位去到機場時才扭計要坐埋一齊。呢啲嘢都係女人做好啲。

兌現金魔術師一律都係 Interactive Brokers（IB） 優先，可惜 IB 無得兌越南盾，結果就要出街換。魔術師發現有間位於尖沙咀的樓上鋪個 rate 好似幾好，可惜收工去到已關門；唯有星期六（7月5日）出發前去屯門「冠軍找換店」換錢，個價都算 okay 嘅。

下午去到機場集合，先去 lounge 食啲嘢，個景都幾靚：

（前面位靚女唔係靚姐姐。）

好快飛去到芽莊，個國際機場都算起有啲睇頭，唔似富國島咁簡陋。做簽證嗰度有人來接我哋，帶埋我哋去過關，唔使排長龍。靚姐姐已經聯絡咗酒店，早已派車都機場等候，一出閘使可以跳上車去酒店。

靚姐姐 book 的酒店是 Ana Mandara Cam Ranh，讀者有興趣可以去官網睇吓。喝過 welcome drink 後，便返房放低嘢：

靚姐姐 book 唔到兩張單人床，唯有「一齊訓」（嘻嘻）：

個廳都幾大，戶外仲有個小水池

個次所有十足十傷巷中剷家庭嚮往的「酒店風」設計，雙 sink 盤設計，浴缸、淋浴、坐次全部分開：

坐定就用 Grab 呢個 App call 車出市中心（都要40分鐘車程，約 414,000VND 或 ＄125我城貨幣，司機相當好禮貌）行一陣，食好西兼掃街：

是日最後一程就係去 Skylight Disco 「威」，玩到 01:30 盡興

＊＊＊

伸延閱讀：

爽歪歪芽莊遊（一）之魔術師被有青職場整頓

爽歪歪芽莊遊（三）之黃沙萬里（Day 2)