第二天魔術師和靚姐姐一早起床，吃過早餐，便有司機來接，正是靚姐姐用 Get Your Guide 這個 App book 的導遊來了：
這天由一導遊一司機負責照顧我們的旅程，第一站就係搭粒幾鐘車去到這個叫「波克朗加萊塔」的寺廟觀摩。導遊講的是「煲冬瓜」，跟我們介紹寺廟的歷史與文化底蘊，但魔術師的「煲冬瓜」能力實在麻麻，唔太聽得明；反而靚姐姐時常都要跟「大陸佬」傾生意，「煲冬瓜」能力比魔術高，就算聽唔明都可以扮聽得明，回應返一兩句：
|
| （圖中女子並非靚姐姐。） |
第二站就係坐 40 分鐘車到葡萄園，無乜特別，不過順便食返少許生果，都相當甜美。導遊順便 sell 我們蘋果，可惜一pack 十幾個太多食唔哂，都無無幫襯：
這天的重頭戲是又坐成粒鐘車去玩「沙丘魔堡」（美奈沙丘），又再搭個幾鐘頭車才到達這個位於鬧市中的沙漠:
去到有吉普車坐，左篩右篩去到沙丘頂附近，再徒步向上行：
|
| （腦海中不期然響起小鳳姐的《黃沙萬里》） |
玩到最後就係玩滑沙，片段當然唔會貼出嚟...
玩咗大半日都有啲肚餓，就去到附近的漁村食個 late lunch，又係海鮮，新鮮撈上來的鮑魚和唔記得係乜，炒飯就請埋導遊食：
靚姐姐在黃昏時間訂了個 show，導遊和司機又花上粒幾鐘車我們返酒店梳洗，然後去睇 show。可惜個 show 不似預期，個場又好似新開咁，連小食都無得賣，入到場完全睇唔明個故事想表達啲乜嘢，相當失敗。
靚姐姐感肚餓，便提早離場去找吃的。導遊又再帶我們去食海鮮，今次有海膽、蜆、龍蝦、炒麵等，非常愜意：
導遊的 iPhone 攝影技巧相當高超，整天跟出跟入幫靚姐姐和魔術師影了唔少相，臨走小費一定唔少得！
＊＊＊
伸延閱讀：
Lily's Travel: 芽莊 美奈的海洋天堂完美假期的理想目的
沒有留言:
張貼留言