用心良苦切雞C

傷巷真係貧富懸殊！有啲首觸移嬰後窮到褲穿窿，有啲中剷（肯定未至於「富」）就移完再回流搵真銀，仲有錢買間靚樓搵「名C」豪豪哋（扯高音調）修，直叫首觸們情何以堪（00:14 - 07:53）？

28Hse 特約：家家有求 - 2026年 第 1 集 2026-01-04

回流家庭花費百萬元裝修海景單位，以簡約用色拼湊新風格。拆解天台漏水責任與出路。新款防水木地板，家用更安心。

戶主一家三口剛剛從巨嬰帝國回流傷巷，「小朋友」得幾歲大，父母唔知係咪在彼邦搵唔返咁多，抑或係想「小朋友」在陽光之下成長，但起碼仍然有銀兩在東涌買返個實用911呎的單位，可見實力雄厚：

單位閞則本來在大門後左手邊有位放鞋櫃（左上），但切雞C將其中一間房門移出，貼住大門，取消了鞋櫃位，令兩間房打通給「小朋友」（右上、左中），拉直了客飯廳變長方形（右中）。鞋櫃、換鞋椅就設在大門右手邊，用大櫃延伸，預留空間給雪櫃放出廳。記者仔話（應該係 quote 切雞C）可以延伸個廚房（左下、右下），但就好有公屋廚房唔夠位的味道，而且廚房內裡有乜就唔提就唔存在：

雖然屋主想要用黑白灰作主調，但切雞C 話一入到屋就被窗外海景吸引（左上），又用心良苦，唔想「小朋友」在昏暗環境中長大（咁巨嬰帝國應該唔太適合「小朋友」長大，右上、左中），所以全屋黑色只用作點綴，主色是淨色和唔同層次感的淨色...不過淨得嚟都要有切雞C最拿手、用咗十年以上的 memory wall（右中）。廳區儲物量唔多，主要就係放唔等使的 display，與及鞋櫃（左下、右下）：

主人房都係跟廳同向望海景，但切雞C為求收納空間，升高了地台去到跟窗台同樣高度，變成無得三邊落床（左上、右上），床頭無靠仲要頂住個櫃（左中），以900呎以上大單位來說略嫌寒酸。落咗床又係對住個櫃，如果去次所仲有一大級容易叉錯腳，要對正床尾先有一級落套次（夜晚去次所都幾唔方便）；套次內有張椅，似是化妝枱或工作枱，但就同廚房一樣無介紹（右中）。「小朋友」房經過改則後獨佔兩間房，要經過書房/琴房/遊戲室（左下）先入琴睡房，又係以地台加衣櫃設計（右下）：

客次在屋的另一邊，跟「小朋友」房隔幾遠，內裡有乜特色又係無講。

＊＊＊

精華版：

完全版：