1. 瓏門住家飯
是日靚姐姐伯母搞團年飯，叫埋魔術師去，席間估唔到靚姐姐大哥大嫂亦在座。好在早前魔術師幫靚姐姐同伯母買賀年榚點（每人各兩底）時，美心（唔係美誠）要買夠5張榚點劵才會送貨，所以魔術師便搭單買多一份四喜臨門年糕，刪好這天團年飯時用來送給靚姐姐大哥大嫂做禮，「禮多人不怪」呢句話真係無講錯。
餐飯都係行禮如儀，一樣咁好餸，有花膠湯，白灼蝦、蜆、髮菜蠔豉等。
2. 湊湊火鍋‧茶憩 (如心廣場二期)
|
| （圖片來源：Openrice > 餐廳 > 香港 > 荃灣 > 湊湊火鍋‧茶憩 (如心廣場二期)）, captured on 15 Feb 2026） |
早前靚姐姐話同魔術師食火鍋(間店個名怪怪的，諧音竟是「臭臭」XD)，臨場又話叫埋阿媽嚟。畢竟依家我城經濟唔係大好（比卡超都無再提「執10間開返16間」？），聽靚姐姐講商界啲古惑嘢亦愈來愈不遮掩（即係好似正苦買水事件咁，以前 honour system 係 work，原因係做 vendor 想攤正苦 contract 擦亮自己招牌，係睇長線嘅；依家就見正苦蠢唔係扮，所以就擺明呃 9 你，搵快錢快主。）靚姐姐要潔身自愛，愈發要睇住荷包做人，睇吓有乜租盤可以慳 cost（佢自己住又好俾佢父母住都好），荃灣新發展一帶都係幾唔錯的選擇。
這個三人餐火鍋都幾唔錯，番茄湯底鮮甜，職員都時時來招呼加湯。唯一唔好處就又係用電子落單，而電子落單對於火鍋呢類多菜式的情況，好多時花多眼亂碌來碌去好難揀到心目中的一個 set：前面記住咗要 A，碌到後面揀咗 B，就隨時碌返上前都搵唔返 A...而餐廳又燈光昏暗，靚姐姐同魔術師都開始有少少老花，睇 menu 叫都有啲啲難度。
|
| （呢個企鵝丸相當別緻） |
餐單不能盡錄，1,500幾落樓，三個人食亦唔算太貴。
3. 麥當勞 (屯門時代廣場南翼)
|
| （圖片來源：Openrice > 餐廳 > 香港 > 屯門 > 麥當勞 (屯門時代廣場南翼), captured on 15 Feb 2026） |
重點唔係魔術師餐單叫咗個50幾蚊的沙律餐，而係張飛（唔關劉關張事）上面的輪候號碼 - 777！
／／睇吓有乜租盤可以慳 cost（佢自己住又好俾佢父母住都好），／／
回覆刪除同時揹2個單位都幾吃力
有冇興趣間間劏房比靚姐姐？ 又近佢探媽媽？
亞力士
靚姐姐太多架生，劏房唔夠擺。
刪除好多個月前靚姐姐睇過黃金海岸一間海景複式連天台，信和只係租3萬8（呢啲盤信和只租不賣），有問過同我夾份租，不過我就供一間俾一間租比較吃力，要將依家屋企租出去一時之間難以成事（我啲影音嘢都難搞），結果諗得兩諗黃金海岸個筍盤就俾人租咗嚕。
//有問過同我夾份租/
刪除真係要上心D
//真係要上心
刪除好上心 discuss 過㗎啦，最大問題係靚姐姐同伯母搞唔掂，複式連天台咁大間屋，相見好同住難呀。
/黃金海岸一間海景複式連天台，信和只係租3萬8/
刪除呢個價錢真係抵
／最大問題係靚姐姐同伯母搞唔掂／
靚姐姐意思係三個一齊住？
亞力士
//呢個價錢真係抵
刪除個盤真係超筍，所以好快就俾人租咗。
//靚姐姐意思係三個一齊住？
靚姐姐依家靠佢支撐佢自己同佢父母，一個人頂兩頭家，壓力都大㗎，慳 cost 同父母住係一個 option，但一齊住又難實行（已經唔關我是否「夾份租」的問題）。
//有問過同我夾份租
刪除//真係要上心D
會唔會考慮拉埋天窗追個靚妹妹或小魔兄♡´･ᴗ･`♡
靚genes唔好晒XD
(多口mode)
-z
//拉埋天窗
刪除我養靚姐姐唔起 XD
湊湊好食，同埋佢前身叫呷哺呷哺 (Shabushabu嘅諧音)，主打一人平價火鍋，我第一次食是在2009年的北京，真係超級抵食
回覆刪除佢標榜自己係台式火鍋但其實都係中資的 (冇計，佢2019年打入香港，唔咁標示肯定俾人裝修)
森
//一人平價火鍋
刪除如果有一人版就正啦！
//2019年打入香港，唔咁標示肯定俾人裝修
火鍋店捱得過疫情真係好本事。