賣懶

這天一起床，碌一碌手機，便發現邪惡 FB 推送了小斯有關大貓信用卡的優略給魔術師：

Apple 一公佈出 iPhone 18 及 iPhone DUO，大貓便有相應的 Apple Store 信用卡購物惠，擺到明早有預謀。

其實只要係大貓客戶，都會知道呢張 RED card 係本市網購信用卡市場較具競爭力的產品之一，回贈比率雖然只得 4% 唔係最高，但每月最高消費金額有成 ＄10,000 （即每月最高回贈 ＄400）好似就無乜其他產品有（依家已經孤寒咗，以前的最高消額更高），相比起其他卡（例如都係大貓的「唔去旅行會死卡」EveryMile 卡，折合全數 1% 回贈），真係唔使諗知點比較。

（圖片來源：香港滙豐  信用卡  滙豐Red信用卡, captured on 13 Sep 2026）

以大貓的 RED card 跟 EveryMile card 作比較，計返個打和點出來，

（Red）350 ＋ 10000 * 4% ＋（X-10000） * 0.4% ＝（EveryMile) 200 ＋ X * 1%

X ＝ 85,000

即係，除非買到＄85,000，否則都係 Red 的優惠抵啲。

例如今次，魔術師打算買部 512GB 的 iPhone DUO（一來 Apple 的內置 SSD 超貴；二來魔術師唔濫拍片唔濫影相唔濫下載，到依家都部只係用蝕咗電池的 iPhone 15 Pro Max 只係用咗 150GB，換機的需求都只係被創造出來），Apple 索價都係＄19,299，理論上用 RED card 買就最好。

（圖片來源：Apple > Hong Kong > iPhone > iPhone DUO, captured on 13 Sep 2026）

不過，魔術師為咗陪靚姐姐去旅行，呢張唔去旅行會死的 EveryMile card，竟然收成$2,000 年費，打電話去 waive 都話唔得，硬生生要在 11 月前以 EveryMile 用多約＄25,223 才可以慳回＄2,000（變相就係 EveryMile 多咗＄2,000 回贈）。

魔術師再想，反正用開的電訊商例如薯乜通咁都會有 iPhone DUO 發售，咁倒不如 Why not both，一面用 RED card 在 Apple Store 買 ＄10,000 Gift card（日後可以用來扣數買 Apple 服務及產品），一面用 EveryMile card 去薯乜通買 iPhone，咁咪唔使問小斯都可以一石二鳥啦（計埋 10月份有筆約＄10,000 的支出，EveryMile 就「跑夠數」了）！

又，睇嚟好多妄民真係計唔掂條婆仔數（折或係懶得諗），而走去問小斯。懶惰（無知？）有價，積少成多儲埋儲埋呢啲懶人提供的「價值」，唔怪之得小斯發過豬頭喇！

（註：好似由今年開給，大貓啲優惠係要在 Reward App 登記咗，之後交易才會有效；以前就係只要在優惠期開始後登記，優惠期開始後登記嘅交易都會有效，明顯就係孤寒咗。）

＊＊＊

伸延閱讀：

信報 2026年8月14日

高天佑 新聞點評

「斯世代」整頓樓市

內地有Z世代整頓職場，香港也有「斯世代」整頓樓市，說的是一批新晉樓市買家之口味，與傳統觀念大異其趣。例如「九十後網紅」小斯豪擲1.37億元購入北角海璇豪宅，便被質疑「這個價錢何不買種植道，卻買渣華道？」此外，古洞新盤開售平均呎價近1.8萬元，與同期的長沙灣新盤價格相若，也令人嘖嘖稱奇。觀乎本港樓市歷史，亦曾有一些地區或項目的樓價異軍突起，之後卻會「打回原型」甚至「長期沉淪」。

本港近期樓市確實令很多人看不透，第一團迷霧繫於內地連串「防走資」政策，對本港樓市長遠將有何影響。此外，令不少市場人士「𢱑爆頭」的，還有某些地區或項目的樓價反常地高企，對多年來的傳統觀念構成重大衝擊。

1.4億買北角樓 心頭好無價

以上文提到的九十後網紅小斯（真名張鎌安）為例，他斥1.37億元購入北角海璇豪宅，呎價達6.5萬元。不少人提到，按這個價錢，足以在山頂種植道、白加道等超級豪宅區買樓，環境清幽，地段尊貴，但小斯為何選擇在「對正東區走廊、毗鄰街市和垃圾站」的北道渣華道置業？

須知道，就算在港島各區當中，北角向來被視為平民地段，有別於中西半山、跑馬地、南區等傳統豪宅區。而在北角區裏面，較為與豪宅沾得上邊的是半山天后廟道、寶馬山道一帶。相反，海璇位於山腳渣華道，其地皮前身為公屋北角邨，即使該項目定位為豪宅、建築質素一流、設計充滿品味，兼享無敵海景，但是否值得高達6.5萬元呎價？

除此之外，主打「北部都會區」概念的古洞新盤Park Silicon近期開售，平均每方呎索價近1.8萬元，貴過九龍區甚至港島區很多二手屋苑。舉例說，繼該盤之後開價的西九龍長沙灣大型新盤叡璟，首批單位平均呎價亦是約1.8萬元，被業界視為「擺明與Park Silicon打對台」。在本港傳統觀念中，九龍區住宅理應較「新界北」存在一定溢價，但這兩個同期開售的新盤，呎價卻幾乎一樣，難免令很多人摸不着頭腦。

無論如何，正所謂「凡存在皆合理」，在市場上既然「有人買」，便會構成市價，亦在一定程度上體現了最新的買家喜好和供求趨勢，背後未必無因。以小斯為例，他接受媒體訪問時透露，自己有「精神潔癖」，「只會買全新一手物業」，兼且首選「大型發展商的大型屋苑項目」；單此一項要求便剔除了山頂、南區等傳統豪宅區，皆因該些地段地皮極稀缺，難覓新盤供應，遑論是大型屋苑。

此外，對年輕新世代來說，北角渣華道雖然在傳統上不夠「尊貴」，卻勝在交通便利、四通八達，方便到處去蒲，充滿繁華「煙火氣」。相比之下，他們其實未必喜歡兜兜轉轉、道路狹窄、高處不勝寒的山頂豪宅區。正如小斯所講，其置業以自住需求為先，最重要是選擇「自己真正喜歡、住得舒服的地方」。至於豪與不豪、尊貴與否，未必是他的優先考慮因素。有實力豪擲逾億元入市的買家，自然毋須旁人指指點點。

古洞新盤 勝在方便返深圳

至於古洞新盤Park Silicon，將於周日開售首批100伙單位。按照1.8萬元這口呎價，該盤倘能暢順去貨，相信反映了北都和大灣區概念備受追捧。例如有些年輕人喜歡古洞方便返深圳，亦看好北都潛力無限。同時值得留意，現今本港樓市愈來愈多買家來自內地，其喜好及揀樓條件可能與「舊香港人」大不一樣（例如相比起港島老牌豪宅區，他們往往更喜歡九龍站、奧運站、啟德），這亦有機會左右樓市大方向。

不過，雖云「凡存在皆合理」，但在歷史上，一些反常的新現象往往未能長久持續。就像香港在九十年代，深井樓市曾經熱炒「機場概念」，浪翠園（按實用面積計）呎價達一萬元，比太古城更貴。結果，隨着概念熱潮冷卻，深井樓價大插水，此後長期嚴重跑輸全港樓市；目前浪翠園呎價約9000多元，未及太古城（呎價約1.7萬元）60%。

另一個例子是火炭駿景園，當時炒的是「馬場概念」，1997年呎價超過1.2萬元，較跑馬地比華利山更貴。但隨後駿景園樓價持續低迷，目前呎價雖升至約1.5萬元，但在30年間累計漲幅只有約25%，同期中原指數升幅則達60%。作為比較，比華利山現時呎價達2.5萬元，較1997年累升逾一倍。

講到「比華利山」，不得不提位於大埔的同名屋苑，即主打獨立屋的「比華利山別墅」項目，在2007年開售時，標榜為「新界貝沙灣」，吸引大量名人入市認購。不過，該盤樓價長期跑輸大市，目前最新成交呎價低至7000多元，大批一二手業主慘蝕離場，故這個項目又被市場人士戲謔為「買家墳場」。

事實上，傳統樓市觀念的形成有其自身道理，例如港島半山、山頂、南區成為傳統豪宅區，繫於自然環境優越、歷史顯赫、住戶高質、供應稀缺等因素，這些優勢未必是其他新晉地區能夠輕易取代。當然，市場偶爾會出於偏離主流的嶄新現象，值得認真了解；但這些新趨勢最終能否重塑市場大方向，抑或僅屬曇花一現，尚待進一步觀望。看待樓市長遠走勢，至少須以十年為期；且看十年之後，北角渣華道較之傳統豪宅區，以及古洞較之長沙灣，樓價升跌孰勝孰負。