日行千里（2nd edition）

今年魔術師牛一碰巧是星期六，便和靚姐姐去迪迪尼行個圈兼食餐飯。邊個約邊個無所謂（所以唔會有標題黨《她約我去迪迪尼》咁肉麻），總之講開就講（話題好似係靚姐姐最鍾意睇啲童真可愛嘅電影（例如今年嘅《狸想奇兵（Hoppers)》，同魔術師最鍾意睇恐怖、驚悚片唔同），而魔術師又未去過巷版迪迪尼（男人老狗一枝公做乜會去？），於是便約去食個生日飯。

靚女例牌遲到，就算約下午三點等，靚姐姐一樣照例遲。靚姐姐叫魔術師睇住妹妹仔先，坐住等，但其實門口無乜吸睛霉妹仔停留，反而等到靚姐姐入咗場之後仲有啲肉地睇吓。

好在，眼前的靚姐姐都露吓個玉背俾魔術師睇：

（2nd Edition）：根據網友意見，魔術師刊登此相片已犯死罪，故刪除。）

靚姐姐對於賓周狀嘅嘢一向好在意，但對於兔仔造型嘅嘢就更着迷，不過實在太多人排隊影相，時間實在划不來：

靚姐姐又話呢件嘢係潮吹，真係俾佢激親：

行完 Marvel 區，便去排隊坐車車：

行完一輪終於入夜，去到放飯時間。呢間餐廳叫「大冒險家餐廳」，食半自助餐。靚姐姐唔知係咪故意着細一個碼，搞到魔術師成餐飯對眼唔知放邊度好：

（2nd Edition）：魔術師不欲再被羅織罪名，故刪除圖片。）

食完飯去小小世界坐船仔：

雖然食個飯有「觀賞專區」睇煙花，但魔術師和靚姐姐就無深究幾時和去邊度集合，只係混在人群中睇埋「幻彩耀迪迪尼」，然後就散場歸家：

返到屋企，魔術師發現真係攰到腳軟，靚姐姐 whatsapp 都係咁話。魔術師睇吓 iPhone，原來是日行咗兩萬步，唔怪之得喇！

＊＊＊

伸延閱讀：

信報 2026年4月3日

余家強 思前‧賞後

雪山救狐 《狸想奇兵》

復活佳節假期，來介紹一套卡通片，迪士尼+Pixar出品，包保老幼咸宜。祖國《哪吒》系列爆紅，去年香港《世外》亦好評如潮，惟終不及迪士尼和《哪吒》瞄準大茶飯市場；港產動畫誠意可嘉，卻能否學學優先討好小朋友的基本盤呢？賣萌，也可以富內涵，例如這套《狸想奇兵》。

片名當然又食字，描述河狸生態，不應讀理；英文名Hoppers，勉強聯想Hoper吧，但更宜解作「跳槽者」，因為內容恰恰關於身份轉移【詳見下文】。台灣譯《狸想世界》，香港則自《奪寶奇兵》（1981年）迷戀奇兵情意結，強調動作刺激，用心良苦。

近日雪山救狐狸洗版，益發提醒我狸無論正音陽平或變調陰上皆讀梨。雪山救狐狸好鬼煩，尤其可怕在，一鋪玩殘，AI無所不能，什麼特技奇觀妙想瘋狂搞笑，予取予求，兼且人人識用，免費任睇，審美疲勞。霎時之間，你會懷疑從今還須要付錢入戲院欣賞大公司製作嗎？細思極恐。

剛巧，《狸想奇兵》正正敍述一項嶄新科技裝置讓人類意識「躍跳」至栩栩如生的機械河狸體內云云；以前天方夜譚啦，現在即使毫不懂科學原理的小市民甚至小孩子，也聽落似曾相識。所謂眼界，究竟算闊了抑或窄了？語不驚人死不休，要語出驚人，愈來愈難。

我懷着這樣心情進場。

幕啟，女孩Mabel自幼由祖母教導要愛護森林，環保L，典型迪士尼戲軌。主角活脫脫那位著名瑞典少女影子，連咄咄逼人口吻都相似；有趣於，站着她對立面的官僚今次並非臉譜化大反派，各自表述，反映荷里活順應潮流漸從極端左膠覺醒，也算另一種Woke啊！

發展城鎮興建公路，須填平河川；政策上，只要那裏沒受保育的河狸即可進行工程。大學生Mabel誤打誤撞，採用了老師博士研究中的裝置，變身成一隻河狸，融入動物族群，鼓動牠們回到河川生活，從而捍衞環境免受蹂躪。

設定夠心思，既科幻又貼近時事（世界各地皆有類似新聞），並且完美解釋到動物擬人化這卡通片最常見的路數——因為那河狸的確由人扮——時代進步了，小孩子也講究合理性。Mabel闖進動物世界，想阻撓灰熊吞吃河狸，卻被指破壞規矩，即所謂森林定律，弱肉強食，天經地義，才是真正尊重大自然，猶如當頭棒喝。

左右之間，我說《狸想奇兵》定位較中立，它一方面揭露官方用卑劣手段驅趕鳥獸（使人想起香港殺野豬），另方面無可否認居民對城鎮興旺的渴望，所以Mabel發起簽名聯署反對總反應冷淡。「物競天擇，適者生存」法則不止發生於森林，左右兩難。動物高峰會議，河狸Mabel鼓勵大家自保，偏釀成群起襲擊的戰役，故曰「奇兵」，比喻歷史上諸般悲劇，寓意高遠，發人深省。

根本，雪山救狐狸何嘗不如此？救了狐狸，死了醬鴨，幽默背後乃永恒無解之難題，順得哥情失嫂意，不能怪動物，不能怪人煩，唯有怪機器，一隻蝴蝶靠裝置「躍跳」化身市長，大肆搗蛋，充當終極big boss。曲折到一地步，堪稱我看過最複雜劇情的卡通片，折射整體要求提升，不滿足停留於天真爛漫，動物界亦講階級講鬥爭，言之有物。雪山救狐狸流露電影產業危機，賣弄CG不足恃矣！倒不如回歸深厚內容和旨趣，《狸想奇兵》或許啟示出路，值推薦，闔府統請。