因噎廢食

本來魔術師習慣返到公司樓下先至去茶記或其他餐廳食早餐，但自從數月公司辦公室「真・裝修」，整個部門被搬到去周圍都無啖好食的偏遠商廈之後，魔術師便重彈舊調，每星期都買包麥包返屋企當早餐，一於烘多士沖奶茶，食完先返工，一星期都有四日係咁（因為細包方包只得四片！）。
講起沖奶茶，以前老豆老媽就用三花，不過魔術師最近發現黑白淡奶都有細盒家庭裝，４５０毫升，魔術師一人用剛好，唔會開盒太耐飲唔哂怕變壞。

這天魔術師又到超市為黑白奶補貨，行吓行吓在早餐類貨架上竟然見到久違了「保衛爾」！二話不說馬上便掃了一樽回家...

記得「保衛爾」是兒時美食，老媽通常都只係在樽中舀一小匙沖熱水給魔術師飲，說這是「保衛爾牛肉汁」，味道的確香濃。魔術師一家以前住在荃灣山邊木屋區，家境唔好，食得都唔好嘥，小匙沖完熱水仲有未化開的「牛肉濃汁」，老媽便索性將小匙往魔術師嘴裡塞，「就咁食」也另有一番滋味。
雖然話「保衛爾」可以就咁沖溫水飲，但老父卻總可以找到些「沖調」方法出來：就係簡簡單單加幾粒鹽，味道竟然好像有少許不同...
長大後也忘記了幾時開始戒了「保衛爾」，但有時在舊式茶餐廳也會見到有「保衛爾牛肉茶」的。至於是否用「保衛爾」墥少許紅茶就不得而知了。

再睇返成份，赫然發現「保衛爾」已沒有了牛肉成份，不再是「牛肉汁（茶）」，而只是「酵母萃取物」，徒具「保衛爾」之名，卻沒有「保衛爾」之實。根據有時不太準確的維基百科，原來係因為米國瘋牛症事件，導致我城禁止輸入米國牛肉製品，故此「保衛爾」使以「酵母」代替；但在外地沒有我城「禁運」條例的國家，「保衛爾」依然有輸出「真．牛肉汁」：

這種「保衞爾牛肉汁」在英國狂牛症流行後，由於香港政府禁止入口英國牛肉產品，而2004年保衛爾牛肉汁推出不含牛肉、成分為酵母萃取物、可供素食者食用的版本，此後於香港出售的，而不再是牛肉製品了；但在英國本地及世界大部份國家有出售保衛爾牛肉汁的國家和地區仍然可以買到含有牛肉成分的保衛爾。

看來如果要一嚐正宗「保衛爾」口味，便要去外地試飲才可以了！
嘿！瘋牛症就識都做得咁絕，但又唔見因為武漢肺炎，而禁絕蝗國遊客喎，呢個特衰正苦真係幫唔落！
＊＊＊
伸延閱讀：
維基百科：牛肉茶