千萬苦行屋

主持話戶主一家早就移民楓葉國，但就斥資２０００萬買入新樓壹鑾的兩間納米單位，一間放租、一間作為一家四口間唔時返我城住...但３５５呎住四個人，成千萬住得咁逼狹為乜呢？

樓盤傳真 28/12/2019 第四節　2019/12/28 22:46

香港人均居住面積只有161呎，今集設計個案，甚至要挑戰一家四口住下355呎的單位。然而，鑽石形開則，令傢俬擺位非常頭痛，設計師如何巧妙運用開則特點，締造空間感，達到戶主「小單位、大容量」的要求，成為是次設計最大的挑戰。

其實魔術師最唔明的是，既然戶主已是長居楓葉國，為乜又要一年返嚟我城幾次，仲要全家大細一齊返呢？其實魔術師最唔明的是，既然戶主已是長居楓葉國，為乜又要一年返嚟我城幾次，仲要全家大細一齊返呢？真係值得為咗一年返嚟幾年，用成千萬買間納米樓來「自住」？

主人房偏細，放到床放唔到衣櫃，設計師於是便將睡房牆拆去，拆成雙面櫃：向房的一面造衣櫃，向廳的一面造電視櫃（左上、右上）。主人房升高地台，門改趟門，節省空間（左中）。伴隨着懶高貴的金邊吊燈，就是凹凸不平花紋的床頭板牆紙（右中）。衣櫃藏到落地台底部，增加收納空間（左下），並且設有黃燈，方便戶主搵衫（右下）：

設計師在玄關造咗個附有企身鏡的鞋櫃，可以先隔一隔，唔使俾人直望入廳（左上）。鞋櫃分三隔，上層儲物（右上），中間預留空間俾燈掣同埋放鎖匙（左下），下層就用來放鞋（密閉空間，勁臭！）同埋可以拉出凳仔俾戶主坐低換鞋：

客廳以簡約黑白設計，特式牆就是以雲石打造的 discount，呀唔係，係電視框（電視無乜可能掛在雲石上，鑽孔承重都要有問題，左上）。電視櫃有凹槽放影音器材，黑色鏡面設計增強空間感，上下燈槽柔和黃色滲燈「為家居帶來溫馨感覺」，加上同黑色鏡面裝飾櫃與黃色燈光「可以增加空間感和層次感」。裝飾櫃連接書檯和書櫃，書櫃後面本來是一扇大窗，但因為單位位處低層，望樓景無甚景觀，於是設計師便將大半個窗封掉（！），只餘下最底的小部份透光，並且讓戶主將窗台當成腳踏（右上、左中）。飯枱收在櫃內，要拉出來反來覆去來鋪好枱，但凳就唔知收去邊（右中）。爸爸媽媽入房扑嘢，兩個囝囝十歲，就要孖鋪訓梳化床（右下）。青少年血氣方剛，晨早起身自不然會蕉氣勃勃，你眼望我眼係就係會尷尬啲，不過一年間中先返吓嚟住幾次，都無乜所謂喇！