競投貓銀幣

話說幾個月前，前僱傭兵公司的短裙妹約魔術師出來午飯，並派出紅色炸彈一大個。相請不如偶遇，魔術師便八八卦卦地問下前公司近況。原來前黃Ｃ上司已成功將整個舊 Project Management team 的舊人剷除，就連當年佢自己親手請、有份「勸退」魔術師的Ｔ公公都未能倖免。而最爆的就係Ｔ公公臨走前更寫了一份超長 email bcc 了各部門阿頭與小組組長（應該唔少得大老闆卦？）數臭前黃Ｃ上司...
查實間公司前黃Ｃ上司又無份嘅，咁細間公司都仲要玩埋啲咁嘅「權力遊戲」，真心唔明為咗乜。
而更搞笑嘅係，婚宴當日魔術師同一班舊僱傭兵坐埋一枱，竟然人人都係度Ｄ９前黃Ｃ上司，而前黃Ｃ上司亦無去到短裙妹的婚宴（反而大老闆有去）...
言歸正傳，短裙妹咁賞面請魔術師去飲，送禮當然唔少得。

魔術師見短裙妹都係貓奴，於是便去訂了以下的禮物給她：

（圖片來源：The Perth Mint > Silver Coins > All Silver Coins > Always Together 2015 1/2oz Silver Proof Coin, retrieved on 26 May 2019）

由於呢隻貓銀幣已經絕版，原價 ５７.７３袋鼠幣，魔術師亦只有一套作為收藏，要送禮便要到網上訂。原來呢隻貓銀幣在 eBay 有得 bid - 當然擺得上 eBay，自不然有直購價，但魔術師不願被無厘頭 markup，於是便直截了當落 bid 算數，連直購價係幾多的圖都無 capture：

過了數天，竟然有人搶高了價：

呢類咁小眾的 item 竟然都有人搶？唔係好信囉！魔術師懷疑此人其實就是賣家自己，想托高少少個價等魔術師去搶。魔術師也暫不理他，一直等到截標期限前才 revise bid。原來 ebay 個 bid 唔容許自由更改，係要一口一口價咁加上去：

果然，魔術師個「競爭者」無意令魔術師買唔到，只係酌量提吓價，令魔術師的買價多了４袋鼠幣咁大把：

由於個賣家唔提供國際郵運，於是魔術師便採用呢間代運商的澳洲地址作郵遞之用：

（圖片來源：買＋易服務收費, retrieved on 22 May 2019）

於是便可以通知賣家出貨了，全部承惠６００幾元我城貨幣：

袋鼠郵政在４天內便寄到代運商的澳洲地址：

代運商亦同時以電郵通知魔術師：

手續費只是４５個我城大洋：

本地付運可以用順風：

順風會將貨件送到智能提取櫃，收費２２個我城大洋：

實物照如下，你話係咪好靚仔呢？