只有騙子才是真的

魔術師發現最近呢個星期又出現返呢類薯片叔/劏房波/譚校長/...作頭像的電騙廣告，內文千篇一律，唔理你當事人係邊盒，說一定係以「串嘴」聞名於世；當事人在訪問中說漏了嘴/唔記得熄咪，爆響口某種虛弊發達秘技，主辦方（可以係正苦/電台/大貓投資座談會）撳都撳唔，以止住引誘讀者去參與某些虛弊平台。理所當然又係俾班水魚先贏幾局，引苦主不斷入金，過得一排想出金就出唔到，又話要入更多金去解凍戶口云云...

（網上圖片）

（題外話：奇就奇在呢類電騙廣告都係一時時出現，睇嚟 Google ad 是有機制控制到佢是否將呢類廣告下架；至於「傷巷國歌」的 search result 呢...）

呢類騙局都玩咗好幾年，魔術師正懷疑仲有無人信的時候，前幾個月就在屯門市廣場墥見一位以前在美顏組共事的同事，聚吓舊傾兩句，佢就話自己就你被以上 formula 騙咗一大筆錢...魔術師大吃一驚，估唔到我城中剷竟然會又貪又蠢至此。唔怪得以下班苦主，有本事被人碌走幾十萬卡數（證明該些「苦主」個底都有返咁上下）都唔知唔覺，唔係「嚴重疏忽」都好難講得過去。

市民稱信用卡遭盜用簽帳59萬　銀行指「嚴重疏忽」要求自行承擔 2023年04月10日

【有線新聞】民建聯近日接獲多名市民投訴信用卡被盜用簽帳，銀行以事主「嚴重疏忽」為由要求他們承擔全部或部分簽帳額。

張女士去年八月銀包被盜，失去身份證及三張信用卡，其中兩張卡被冒簽帳26萬及33萬元，她收到大額交易信息，已隨即取消信用卡。滙豐指她「嚴重疏忽」，要她承擔簽帳。張女士︰「這間銀行的處理手法是向我們施壓，不能安睡，每天起來上班前只會登入手機應用程式，（戶口）有沒有30多萬元卡數，每天要承受的就是這些大壓力。」

另一投訴同樣涉及滙豐，投訴人在網上被盜用信用卡資料，到第七次交易才收到銀行短訊，銀行同樣要他承擔近九萬元卡數，協助他們的議員批評銀行推卸風險，要求金管局處理。

議員助理植潔鈴︰「警方已經拘捕犯罪者，這已是最有力證據，證明這些受害人是苦主，他們是沒有授權簽帳。」

港島東（民建聯）梁熙︰「發卡銀行可無限解釋卡主『嚴重疏忽』這幾個字或這項條款，如果金管局不向銀行清晰界定甚麼是『嚴重疏忽』，只會越來越多好像現場的苦主，明明被偷信用卡去簽帳，最後要自行交卡數。」

滙豐回覆，在未有適當調查前不能評論案件、或披露客戶的機密資料，客戶如發現可疑交易，應盡快聯絡銀行或警方。

諗諗吓，魔術師就無試過拍完卡未試過收唔到銀行短訊通知。要點無唔好再用「碌卡」的傳統方法，而係用 Visa Paywave、MasterCard PayPass、又或者經電子錢包做 Card Not Present 交易，就一定會有銀行發出的短訊電郵。

收唔到短訊、電郵其中之一個問題當然就係傷民鍾意轉電話號碼同埋轉電郵，但又無更新銀行紀錄內的個人資訊所致。其實只要好似魔術師咁「有手尾」，只要有任合轉變（包括轉工轉 office phone）都會去銀行網站更新個人資料，咁就一定唔會收唔到短訊通知。

＊＊＊

正苦日前就同電訊商在+852之前播語音提示，提防電騙：

打擊電騙｜下月起接聽境外「+852」前將獲提示　通訊辦研「短訊名稱登記制度」防冒名 2023年04月11日

【有線新聞】為加強市民防範電話詐騙，最遲下月起市民接聽「+852」開頭的境外來電前，會收到文字或語音提示訊息。

電話騙案越來越多，今年2月警方就接獲145宗，僅次於投資騙案，騙徒很多時都在境外來電，模仿本地電話以「+852」開頭，減低市民戒心。

通訊事務管理局說已要求流動服務供應商最遲下月起，在用戶接聽「+852」開頭的境外來電時先播出一段粵語、普通話及英語的提示錄音，供應商還可能向用戶發送一段中英文訊息，提高他們的警覺，提示服務毋須登記、亦不收費。

通訊事務總監梁仲賢說，並非所有「+852」開頭的來電都是詐騙電話，因此不宜一刀切封鎖。通訊事務總監梁仲賢：「如果是一位朋友用手提電話從外地致電，的確會顯示『+852』及他的電話號碼，這是一個正當的通訊渠道。當然不排除有騙徒用這種方法詐騙，所以我們在無法肯定這電話是詐騙電話的情況下，我們改為用提示形式，令市民知道這個來電。無論如何，真假也好，都是從外地來的，大家要小心。」

梁仲賢又說，電話卡實名登記制實施以來，由「太空卡」撥出的可疑電話大減，有電訊商反映減少九成，相信實名制亦有助遏止電話騙案。通訊辦說正研究「短訊名稱登記制度」，機構需要事先登記才可以用機構名稱發送短訊，計劃今年底在銀行業試行。

呢個措施只係好過無。其實依家已經有「來電從海外打入」的警告字句去打擊那些「領郵件」或「衛生署訊息」，仲有就係一眾利用咖喱仔周圍 cold call (potential) candidates 的獵頭公司（尤其是係某C字頭及H字頭的獵頭，兩者都被魔術師列入 blacklist)。至於＋852，魔術師就真係無收過呢類電話，而係 WhatsApp。

無錯，以上「境外語音提示」就防唔到白墥 WhatsApp。近月魔術師都收到唔少呢類垃圾信息，由叫G廣告到「做兼職」（做乜兼職自己諗），都唔知呢類騙徒是否買電話號碼定係用電腦 mass mail 發出求其墥就算。

話又說回來，雖然知道佢哋係白墥，但有時睇吓內文都會見到唔少笑料...

呢個就比較單刀直入，無乜文化：

呢個訊息就由唔知係蝗話定係灣灣語法組成，笑點在於呢個叫G廣告的頭像是個BB，難道有暗示？

呢個就搵條+852文青妹頭像來白墥，睇吓有無電車男上當：

魔術師覺得最有創意就係呢一篇，都係+852文青文頭像，而且仲假設「苦主」竟然是個識出產電子鋼琴的有青，真係 guide 住啲電車男去扮文青：

仲有呢篇扮另一個C字頭的獵頭公司搵人做「兼職」，仲識「鍥而不捨」咁問魔術師做唔做，貫切「獵頭風格」...唔通呢一篇白墥稿係由AI生成？

仲有就係邪惡的FB，碌碌吓就見到呢類以知明財演作招徠的廣告，一睇個 sponsor，一係不見經傳的不知甚麼蝗國公司，一係就係打正招牌叫 XXX bot，真係 KLM 呃人留言、contact 都唔使咁赤裸裸掛？

諗諗吓，如果將 AI 聊天機械人用在電騙、甚至妄想情緣之上，應該都係大殺傷力武器。起碼 AI 講嘢有紋有路，唔似啲不學無術的古惑仔或KK園區工友咁前言不對後語容易被人踢爆。

＊＊＊

最後，究竟呢個自稱係香港警方反詐騙協調中心（Hong Kong Police Force Anti=Deception Coordination Centre (HKPF ADCC）的 SMS 又係真係假。乜唔係叫市民小心釣魚電郵/訊息，千祈唔好直接 click 郵訊或訊息內的 link，更加唔好隨意 download link 入去、不明來歷嘅 app 嘅咩？咁唔小心好易中木馬被壞人 hack 到機㗎！