上文《網購手錶開箱記（2023年3月）》講到魔術師網購了「名錶」乙只，並以大貓 Red Card 付款，除了「首我城貨幣＄12,500 會回贈 4%（即$500），之後無上限回贈 1%」，「之後仲有分期計劃，12個月分期「只需」在首月俾哂全期『手績費』（語言偽術，其實即係利息）便可」。
|
| （圖片來源：香港滙豐 > 信用卡 > 簽賬分期計劃, captured on 16 Apr 2023） |
假設魔術師於2023年3月15日簽賬我城貨幣（下同）35萬，做12個月分期，每月還＄34,566.67，加上第一個月手續費＄5,100，2023年5月1日開始找數直至2024年4月1日，息率為2.6664%：
現時魔術師的 Mortgage Link 戶口為3.125%，基本上35萬淨存款都有賺（當然前提係魔術師屬於「有錢唔還住」嘅人，而唔係以分期付款先洗未來錢的月光族）：
如果再進取啲，魔術師就用暫時唔使還住嘅錢揼資落「無風險」的尾帝國債。睇返 Interactive Brokers（下稱 IB）的報價，短期債最高息的就剛剛好是6個月後到期 T-Bill，孳息率為5.03%
|
| （圖片來源：IB Trader Workstation > Bond Scanner > US Treasuries > Maturity Date 07/2023 - 04/2023, Exclude Variable Rate, Products T-Bill T-Note; captured on 17 Apr 2023） |
以《借定唔借？還得到先好借！(2022年12月）》提及的方法，將6個月的還款額留在 Mortgage Link 以備找數，再將餘下6個月的還款額投資在2023年10月到期的尾帝國債；留在 Morgage Link 的資金可以邊收息邊負責5月至10月的還款，到時10月尾帝國債資金回籠，本金可提供6個月的還款，更取得債券利息回報，又可放在 Mortgage Link 邊收息邊還款直至完結。 計完一輪，假設 Mortgage Link 存款不變，以上計劃大約可收$7273.60（=$3190.10+4083.50）。減去＄5,100手續費，以無風險利率賺息差就得約＄2,100微利：
如果考慮到12個月短期分期付款可以唔使理 cashflow mismatch，懶少少都可以用呢間保險公司的短期儲蓄保來賺息差：
重點係：
「每年保證回報率4.7% p.a.」是指在保單於2年期滿時的保證回報率，相等於期滿保證總現金價值為總繳保費的 109.7%。而1年期滿時的保證回報率則可高達4.5% p.a.，相等於期滿保證總現金價值為總繳保費的 104.5%。提早退保需繳付退保費用。
「WeSave短期高息儲蓄保ST1」為儲蓄保險計劃，並非銀行儲蓄產品。 」
以一年短期儲蓄保來說，雖然風險唔等於銀行定期，亦唔會有存款保障，但我城保險公司遇上財困甚至執笠嘅個案少之又少（不久前有泰加，之前仲有邊間？）。如果魔術師儲35萬一年後就會有約$15,750回報，減去＄5,100手續費都有成萬蚊落袋。與上述用尾帝國債的分別就係在於本金35萬會全期12個月鎖死；要退保仲要食 surrender fee；每月還款的現金流就要從每月工資及被動收入扣減，唔能夠算係「真．自給自足」。
另外，由於保單貨幣為帝幣，保險公司收我城貨幣轉帝幣會過水濕腳賺匯率差額。魔術師亦問過保險公司，佢地會收我城結算的帝幣支票，所以如果好似魔術師咁有帝幣支票戶口的話就不妨搵 IB 用平絕全城的匯率轉定錢先。
＊＊＊
伸延閱讀：
沒有留言:
張貼留言