來到呢個將一晚嘅音樂會斬開幾集來播的音樂節目的尾聲，今次的主題的是 Cantonpop，先由兩條囡囡 sell 吓勁歌熱舞。
1. 莊錠欣、黃淑蔓
莊錠欣（Elkie）、黃淑蔓（Feanna）分別獨自「重新演繹」三首典Cantopop跳舞歌《隆重登場》、《Chotto等等》、及《花花宇宙》，算是咁多集咁多位囡囡之中比較好樣同「唱得好」的兩位 - 雖然歌曲長度剪短了，節拍也放慢了，「又唱又跳」的程度也只是很一般，但起碼好過之前幾集的囡囡們「郁都唔郁」。同情地理解，歌曲長度剪短了係因為節目時間關係而唔係歌手 live 唔 1 .5 首勁歌會夠氣驚甩嘴、跳舞動作唔太大係要顧住枝咪...而且打頭炮的莊錠欣要顧住把道具扇又開又合十足秋官唱《楚留香》，節拍同後面班 dancers 都夾到，後生女嚟講算係相當唔錯㗎喇！
2. 黃淑蔓
魔術師無睇過呢套小清新電影，所以也沒聽過着主題曲，沒什麼感動，也不能評是否唱得好。不過文青女大學生咁嘅樣，阿蔓都應該會幾受毒男們歡迎的。同埋，點解現場只有小貓幾隻，是在綵排嗎？
3. 莊錠欣
同上一着歌一樣，呢首歌都似係由綵排片段剪出嚟，背景無哂現場觀眾，個樣樣亦由上一首歌的臉尖尖網紅臉變返「較有辨識度」，證明有時啲妝唔好整到自己太過大眾化大家一樣樣仲。雙歌魔術師依然係唔識，亦唔覺特別好聽，不過都唔係太難聽就是。
4. 華蜢
呢一集的「壓軸前輩」就是草蜢。草蜢應該算是我城跳唱男團元祖？梅姐提拔佢哋出嚟都係由陪舞開始。過咗咁多，魔術師雖然認得佢哋三個，但就分唔到佢哋邊個打邊個，誰是「經一事 蔡一智」XD 雖然唔知唱陳百強的《粉紅色的一生》有乜嘢 point，但由首本名曲《飛躍千個夢》真又唱又跳，到擺明是紀念梅艷芳的《似水流年》，都能見到總算唔係賣樣亦唔係賣歌藝的樂悠卡廢老組合竟然比剛才的後生女更動靜皆宜。
＊＊＊
又，對魔術師來說，當年最洗腦的 Cantonpop 是太極的《全人類高歌》，在屯門仁愛堂的遊戲機中心成日播：
＊＊＊
克坐版如下：
＊＊＊
伸延閱讀：
//小清新電影//
回覆刪除黃人打飛機電影就真
好明顯既黃人幻想中既8-90年代:
中學生可以去後山做飛機
普通家庭隨便就供無衰仔去外國升學 - 打造97前傷巷人均馬斯克既幻夢
去到現狀就係要服待無知暴發大陸婆 - 97後俾大陸佬搞到傷巷人衰過做雞
//黃人打飛機電影就真
刪除好似好吸引咁，拎嚟笑吓都好。
\\中學生可以去後山做飛機
刪除當年咁去既話，兩野就俾童黨老笠/踢入會
\\普通家庭隨便就供衰仔去外國升學
8,90年代既機票價錢同而家相差無幾，但收入升左幾多?
\\去到現狀就係要服待無知暴發大陸婆 - 97後俾大陸佬搞到傷巷人衰過做雞
最應該懷舊既係當年手豆4/5萬人工番大陸狂滾過皇帝式生活既跨境貨櫃車手
森
草蜢是譚詠麟張國榮林子祥淡出、而四大天王未冒起時，成功攝到時間的代表（另一個係李克勤）。
回覆刪除大約就是89-90兩年，當時劉華同學友仲係二綫，一段時間作爲歌手草蜢李克勤係紅過佢兩個（黎明除左新秀後頭兩年係暗星之外，90年底《人在邊緣》後就上到一綫；郭富城就更唔使講挾《對你愛不完》載譽歸來就即刻成天王了）。
李克勤後穩守第五（不過無人會叫佢第五天王）；草蜢90年代一段時間香港聲勢比較低迷，但其實在台灣紅到爆，《失戀陣綫聯盟》在台灣傳唱度比粵語版《失戀》在香港高得多（可參考《我的少女時代》）
//草蜢應該算是我城跳唱男團元祖
元祖應該是唱《忍著淚說Goodbye》的小虎隊（不是台灣同名組合）...雖然非常短命，應該只是無綫跟風之作。非常喜歡散檔後孫明光的《微風中》
//黃人打飛機電影就真
2015年電影，當時剛過完佔中開始踢喼，是乘笨土思想風勢之作。
//李克勤後穩守第五（不過無人會叫佢第五天王）；草蜢90年代一段時間香港聲勢比較低迷
刪除論歌藝，李克勤係好的，但衰在「左麟右李」後不進則退。
//《忍著淚說Goodbye》的小虎隊
係，唔記得咗佢哋添。林利，孫明光，胡渭康仲有《件我啟航》都好有陽光味 XD 佢哋係青少年面向多啲，為 CCTVB 服務咁，無草蜢咁商業化。
\\論歌藝，李克勤係好的，但衰在「左麟右李」後不進則退。
刪除我很喜歡李克勤，但都承認他聲線的可塑性限制了他的歌路。
很多人喜歡拿陳奕迅和他比較，陳雖然唱功及Live穩定性不及李，但感染力及歌路的多元卻的確比李為佳
森
//但都承認他聲線的可塑性限制了他的歌路
刪除同感。感覺他的聲綫只適合唱很「中學男校」（話時話，而家都無分男女校，這種氛圍可能已成絕唱）的歌，很難如Eason唱adult contemporary般成功。
《傾心》是我對Raidas最不感冒的作品，但覺得適合李克勤更甚於陳德彰；之前提過單飛的陳德彰只是「弱版李克勤」，自然無運行了。
\\感覺他的聲綫只適合唱很「中學男校」
刪除時代不同了，陳奕迅可能好快都俾人當老餅
\\但覺得適合李克勤更甚於陳德彰
「左麟右李」兩個互唱對方金曲都唱得好出色(李唱忘不了你簡直超越原唱)，但後面同容祖兒合作唱「心淡」簡直係災難
森
\\李克勤後穩守第五（不過無人會叫佢第五天王）
刪除其實周華健當年實力同人氣都無比接近四大天王，不過大家都鐘意叫佢「天王殺手」多D，而佢重心主要都係放係台灣
森
//但都承認他聲線的可塑性限制了他的歌路//
刪除我唔識聽聲線同歌路既必然連繫
只係覺得李克勤欠缺陳奕迅既"帶聽眾進入故事"既能力
//其實周華健當年實力同人氣都無比接近四大天王
刪除//佢重心主要都係放係台灣
佢問題除了重心放台灣外，説話和唱歌都一口「台灣腔」--即是每個字發音和文法都準確，但語氣和詞匯就好似講緊台灣國語。
除左佢之外，王傑都有同樣現象。
反過來舒淇、任賢齊就係粵語發音不正，但語氣和用詞就更接近地道港人。
我成日話一個人的專業屬哪裏人唔係睇佢國籍戶口，而係睇在邊度培養，除非培養後又轉去另一地方長期發展--周華健和王傑只能算香港人（後者不在香港出生但應該有三粒星），但始終是「台灣歌手」。
（根據這定義，其實王嘉爾都唔係...)
//陳奕迅可能好快都俾人當老餅
刪除這ok啊，唔老餅點唱adult contemporary😂
當年送禮勤的《護花使者》，節奏歌詞完全是俾中學男校生自嗨的歌曲...
//陳雖然唱功及Live穩定性不及李，但感染力及歌路的多元卻的確比李為佳
刪除同意 x 2
//任賢齊就係粵語發音不正，但語氣和用詞就更接近地道港人。
我又諗起《樹大招風》
//《護花使者》
仲有《開學禮》、《告別校園時》都係「學生王子」歌。
//陳奕迅既"帶聽眾進入故事"既能力
我都唔識咁抽象嘅嘢。
//唔老餅點唱adult contemporary😂
醫神又好似好耐無推 hit 歌同開個唱了。