1. Le Cafe（屯門）
魔術師這天來到黃金海岸，想吃過下午茶，但見無乜選擇，便選了這間有個法國名的巷式茶餐廳：
|
| （圖片來源：Openrice > 餐廳 > 香港 > 屯門 > Le Cafe, capture on 23 Nov 2025) |
女侍應遞咗張 QR code 點餐紙過嚟，魔術師便點了個炸雞髀薯條下午茶餐準備放縱一下。點知過咗一陣，只聽到個女侍應哇哇叫，然後拎張單埋嚟，話魔術師點解一個人點咁多嘢食，佢已經叫廚房唔好煮...
魔術師即時第一個回應就係：「我淨係點咗最後面嗰個餐，係你個 system 落錯單。」
女侍應兀自不服氣：「呢張單係你落嘅。呢個 QR code 得你有。」
魔術師最憎就係俾人屈：「我得一個人，點有可能叫咁多嘢？你咁講法即係叫我以後唔好嚟。」
擾攘了一陣，女侍應雖然無再大大聲，但仲堅持個 QR code 得魔術師有，張單係魔術師點嘅。
魔術師就不斷重申只無點咗雞髀餐。
魔術師睇咗一陣張單，見啲食物跟餐飲都係特別點過，有熱有凍，仲有魔術師絕對唔會食的吉列魚柳同埋散叫凍檸茶，一定唔係魔術師按錯。
會唔會係女侍應 reuse 之前俾過另一枱客的 QR code，而前一枱客點了菜但無落過單就走咗？
睇嚟以後遇着 QR code 點單，要 screen capture 點咗乜。
諗得幾諗，個餐已來到。
快手食完，埋單走人，餐廳亦唔敢收魔術師200幾蚊，但即使只係 $61，食到一肚氣絕對唔值，相都唔想影。
2. 元気寿司 (屯門時代廣場)
屯門市中心有兩間元氣，魔術師偏愛呢間在屯門時代廣場地下呢間，可能係因為多年前佢哋開張時個店長妹妹撩過魔術師吧（嗲聲嗲氣話「我嚟咗呢間分店呀...」點解魔術師成日俾啲「妹豬」撩嘅？又唔見佢同其他客講，唔似係拉客 script。）
|
| （圖片來源：Openrice > 餐廳 > 香港 > 屯門 > 元気寿司 (屯門時代廣場), capture on 23 Nov 2025) |
元氣話哂係由曾經自稱「放棄一袋有青」的美心經營，大集團營運點都用心啲，有 app 點菜，點過乜嘢食物一目了然，唔似幫襯黃人成日鼓吹的「小店」咁膽顫心驚。而且餐單仲不時有更新，好似近期就有軟雪糕食：
是日食了＄131，加一即是＄144.1，積分扣減$10，實付$134.1
＊＊＊
3. 泰廚泰國菜館
魔術師有時放咗工都去旺角寵物街睇吓貓仔、兔仔等小動物，睇完自然就要去醫肚，今次就揀咗呢間泰國菜：
|
| （圖片來源：Openrice > 餐廳 > 香港 > 旺角 > 泰廚泰國菜館, capture on 23 Nov 2025) |
發覺原來 MK 想食泰國菜的話，尤其是一人餐選擇唔多（大角咀反而多啲），呢間泰菜的一人餐都似乎只有海南雞飯揀得落手：
食落其實好一般吓，尤其個醬汁唔夠惹味，唔係好得，$84蚊偏貴。
魔術師餐單：海南雞飯晚餐（連餐湯、熱飲）＄84，轉凍飲加＄3 ＝ ＄87。
沒有留言:
張貼留言