宅男恩物

話說因肺炎疫情影響，我城無乜人外出消遣娛樂，夜鬼生活大受打擊，恐慌情緒輸出至全世界，搞到一眾娛樂事業無運行。就好似魔術師持有的 AMC Entertainment Holdings Inc Corporate Bond（AMC 5 3/4 06/15），短短數周內孳息率竟然由約７.５％暴升至約１２.４％，都唔好話唔得人驚：

（圖片來源：IB TWS > AMC Entertainment Holdings Inc Corporate Bond（AMC 5 3/4 06/15）,２０２０年３月６日收市價）

不過，照計只要捱得住目前的困難日子，消費娛樂股都未必會死直的。正如拉燈仔所言，以前傷民連掟磚都覺得好暴力，但只要不斷挑戰民眾的道德底線，例如將放火魔法常態化，民眾的 tolerance level 亦會慢慢提高，覺得掟汽油彈都係可以接受的抗爭手段。同樣道理，疫情亦可作如是觀，一係就醫學界研發出疫苗解藥「止暴制亂」，一係就民眾慣咗與口罩為伍，又或者放下戒心寧願唔戴，「大丈夫死則死矣」，如此這般生活慢慢又重返正軌，娛樂消閒公司照行 Marvel 照睇也。
＊＊＊
唔出街娛樂，結果就係留在家中上網聽歌睇戲打機。好多年前，機鋪已經淪為變相賭場推銀仔，只不過唔係用真錢而係用代幣而已；再早兩年，ＨＭＶ、香港唱片等相繼被串流影音打殘，ＣＤ鋪、影碟鋪買少見少。仲存在的ＣＤ鋪依家反而玩 HiFi 天碟，黑膠等少眾玩意仲有穩定客源，例如除咗魔術師經常貼的「人肉ＣＤ機」陳潔麗之外，原來仲有中女如夢的銷路都不錯，ＣＤ仲有炒價添：




無論係自家觀影又好，寫吓影評都好，魔術師都係慣咗睇碟，貪其易控制可以車前倒後俾多少少 attention to details 研究吓場景同對白的伏線；不過，由於影碟（尤其是係ＤＶＤ，如果講 Blu-ray 仲有「德發女人鋪」非常齊章）愈來愈難搵，真係要靠早前網友提議的 Netflix（NFLX.NASD）才可以補足。

Netflix 的登記手續很簡單，也不用介紹了。基本上＄７８我城貨幣的 standard plan 已經夠了，唔使去到 Ultra HD plan：反正魔術師睇慣的 Blu-ray 碟也不是原生４Ｋ碟，都是靠兩部已停產的 Oppo-103D 影碟機同埋 Yamaha RX-A1080 擴音機 upscale 上去俾部大電視（見《嚴選影音產品（六）之弊傢伙！電視壞鬼咗！》）。況且，有時睇舊片，如果太高清，畫面色調會有好假的感覺：

（圖片來源：Netflix 2020年2月18日截圖）

畢竟要在影音組合打字揀選心水電影唔係易事，魔術師都是先在電腦上 search 跟手 add to my list，然後再經客廳的影音組合去 select 欣賞了。先 search 吓魔術師最愛的恐怖片種，就以 James Wan 做 Keyword，其實搵到的電影並不太多，不過都算有啲 search result 係魔術師未聽聞過的電影：

（圖片來源：Netflix 2020年3月8日截圖）

令魔術師頗為驚訝的是竟然可以點播《流浪地球》，呢套嘢就連德發都無見正式出過傷巷版的 Blu-ray，唔知 Netflix 呢個係乜嘢版本呢？

（圖片來源：Netflix 2020年3月8日截圖）

如果唔啱睇，唔使出動到希特拉去 cut 線 - Cancel Membership 個掣咁顯眼，唔怕 cut 唔到。值得一讚的是推廣期內頭３０日免費升級至 premium plan ，到期後自動降回 standard plan，唔會搏大霧打蛇隨棍上客戶沒有自行 downgrade便收貴價， 非常均真。仲可以經電訊商交月費，同時好多銀行信用卡對電訊商賬單都有倍增積分的優惠（例如大貓、美帝銀行都有）：

嗯，初步來看，魔術師的用戶體驗良好，看來 Netflix 都有潛質成為生活基金中的一員喎！
＊＊＊
伸延閱讀：
嚴選影音產品（六）之弊傢伙！電視壞鬼咗！