魔術師資產配置（２０２０年２月結）

因疫情影響，港美股市於二月之內跌到七個一皮，齊齊攬炒。魔術師埋單睇返各股的14天RSI，有唔少經已跌穿２５的入貨區域，好味道嘅嘢開始多到食唔哂，看來嚟緊的３月資產配置可以掃返些少貨仔。本月排第一位者依然是房託組合，每單位收報＄１４３.１９（我城貨幣，下同），較上月下跌５.０５％。第二位竟然係複式盈富，收報＄１４１.９０，只較上月微跌０.１９％，應該係早前「有事巷股梗係跌咗先」，到二月下旬帝股才「追落後」下跌之故。第三位係沉船基金，收報＄１３７.３８，較上月下跌４.１４％，原因同上，正是因為沉船基金持有較多帝股所致。
第四位是生活基金，較上月微升０.４２％，收報$１２９.２５，生活類的巷美企業抗跌力上升動力欠奉，但防守倒也有點點能耐。第五位是包括恆指基金及環球股票基金的強積金組合，收報１２８.２８，較上月逆市升１.４４。逆市奇葩是商品基金，收報$１２７.５５，上升２.３４％。
敬陪末席的是合格線現金加債券組合，收報＄１１８.５８，較上月下跌３.６３％。

魔術師身家隨自住樓估價及投資市場下滑，本月資產淨值收報每單位＄１６,３１５，較上月下跌２.２１％；流動資金較起始日（２０１６年３月３１日）多６６.６４％，較上月下跌２.９１％

資產負債方面，仍是處於正資產水平，十分健康：

在《二手飯功課考》、《魔術師資產配置（２０２０年１月結）》曾經跟三兄談及回報率是否「見得人」的問題；查實作為個人投資者，又不是基金經理，回報表現算是合格或不合格，端看個人需求，ＫＰＩ係俾自己睇嘅，「平均年回報只得Ｘ％還敢拿出來見人」呢類評論本來就是偽命題。好些投資顧問常以「７２法則」（即每六年翻一倍）來做 benchmark，魔術師就覺得是很高的要求，起碼自己就做唔到。本月魔術師身家的 beta 值為０.３３，correlation 為５５.２４％，兩者跟上月分別不大：

＊＊＊
伸延閱讀：
二手飯功課考
魔術師資產配置（２０２０年１月結）