1. 丹麥藍罐曲奇
丹麥藍罐曲奇 為你特別時刻加冕長版
話說過年前去靚姐姐屋企整電腦，事後就「被邀請」去屋苑會所同佢屋企人食團年飯（見《一、二、三、四、六、N人飯局（2024年1至2月）（2nd edition)》）。飯後魔術師同靚姐姐講話過幾日都要同世伯伯母拜過年，靚姐姐就話年初二佢同大哥夫婦會到媽媽屯門站瓏門屋企拜年：伯母份人好「實際」，只要有得食就得，仲提場話要封返封利是俾兩老。
靚姐姐話伯母最鍾意食曲奇餅，仲要係藍罐嗰隻...魔術師印象中以前真係好似有「非藍罐曲奇」廣告，不過依家見唔到了；至於「非藍罐」實貨...仲有得賣咩？
2. Collar
某夜魔術師在荃灣等車返屋企時，見到巴士站有個咁嘅廣告：
喂，唔係露下腰露下膊頭仔露吓大髀就叫索就叫 sexy 嘅！呢啲咁嘅 MK 妹質素，MK 真係唔少好過佢哋。仲有，就係啲英文名，好鬼似當年啲𡃁模 - 即係有 ABCD 名，但樣就認唔到嗰隻。張 poster 應該已經係執到最好，都仲係咁係貨色，睇維基話經理人覺得佢哋靚同有明星氣質，真定假？
3. 友建樹
魔術師在近日才見到呢個社企認證計劃廣告。翻查資料，卻見原來呢隻叫「友建樹」的吉祥物在 2022 年（即疫情期間）己經登場（見正苦新聞稿《社企吉祥物「友建樹」正式登場》），真係完全無存在感。連同早前搞到一鑊粥的美C事件，所謂「M 品牌」這認證制度亦未見有大肆宣傳...其實，正苦識唔識得做「宣傳」㗎？使唔使搞返個「A (for advertising) 認證」的宣傳計劃認證制度俾自己玩？
＊＊＊
伸延閱讀：
今期無左title？係咪《瞬間看廣告》？
回覆刪除//2. Collar
刪除呢8隻嘢（oh sorry，而家係7隻）真係差到... 兩三年前KFC揾佢地代言，結果劣評如潮（even當時香港浸黃氣都未過得晒），兩日就要將代言造型下架...
其實12+8+4係妖台一定要頂住既鷄頭，但開關後連12都漸漸大不如前，齣賀歲片以春節檔計票房都係普通，更何況auxiliary的8和4呢。
我好期待今年4月30日銅鑼灣仲有無咁多傻婆係度自拍打卡。
//3. 友建樹
呢幾年政府吉祥物，最成功一定是警務署「提防騙子」的「提子」，我見過一啲活動，細路都好中意同佢打卡；順帶連「耆樂警訊」的「豆大師」都多人識左。
//係咪《瞬間看廣告》
刪除係，已加。太眼訓了。
//12+8+4
你唔講，我連4係乜都唔知...
維基百科：全民造星V