神經質之屋

天水圍鄰近濕地公園，半新樓，應該都係 YOHO 系列。魔術師就唔知道地下所謂「特色戶」有乜好住，隨時俾人高空擲物掟煙頭M巾甚至空中飛人，風險實在太大（00:12 - 09:55）：

28Hse 特約：家家有求 - 2025年第20集

濕地景色環抱，營造酒店式溫馨空間。改動廁所間隔要符合法例，窗戶安排、喉管都不能馬虎。搬屋最難搬廚房，講解玻璃易碎品入箱竅訣。

戶主要求都好奇怪，又要酒店 feel（窮遊三星到六星級總統套房都係「酒店」），又要保留原裝 non-酒店傢俬，夠哂典型傷民唔知想點的心態：

切雞C一嚟就叉能廚戶主想要點樣嘅酒店 feel 呢（左上、右上）。最後得出答案，就係在廳區用上不同的材質，有金屬、雲石、布藝，用上白色同灰色夠耐用，配合唔用紋理同滲燈，「打造」出酒店格調（左中、右中）。在花園的三分二位置設有弧型平台，「帶出個景深」，再擺設主題（例如露營、燒烤），最後一句「點樣都好啦」夠哂耐人尋味，潛台詞即係話唔知戶主想點（左下、右下）：

所謂「開放式廚房將進門動線牽引到梳化」，其實即係間屋細到一入門口就係開放式廚房，再行兩步就到廳（左上、右上）。廚房設有波浪型吊燈懶有酒店格調（左中）。開放式廚房設有中島枱面，戶主可以一邊煮食一面同廳裡的家人互動（左中）。例如當女戶主叫「開飯喇！」，男戶主就會幫手從中島拉開枱面同埋唔知從邊度拎出餐椅，據切雞C講個擺位係就算有人在背後行過都唔做讓位嘅（左下）。女戶主就可以從高身櫃拎啲餐具同調味料等雜物出來擺枱（右下）。呢個畫面實在非常溫馨：

切雞C將原則的儲物室拆走，房門向廳移（左上、右上），變出衣櫃和類似衣帽間的地方，整咗個櫃但又無抽屜唔似係梳妝枱（左中）。主人房以地店設計增加收納（右中），有跳夠空間可以三邊落床（左下）。奇怪的是切雞C話女戶主可以「盤膝」坐在窗前小長椅前化妝（咁化妝唔擺係邊？右下）：

切雞C此時爆料，話女戶主除了要睇住「小朋友」在平台活動之外，佢仲做任何事都要望到平台，咁就夠安心（左上、右上、左中）。女戶主咁缺乏安全感要兼職做保安，睇怕都係怕賊仔從平台潛入爆格、綁架、夫目前女女女。都唔知呢啲特色戶又細又唔安全仲賣咁貴，點解仲有水魚落搭？囡囡戶以童真 feel 軟裝設計師，方便日後長大更換（右中、左下、右下）...但女戶主住到神經質，睇怕好快要搬：

＊＊＊

精華版：

完全版：