7人家庭要住自製相連單位，希望無違反地契條款喇（00:31 - 09:16）！
傳統屋苑相連單位，木系元素營造溫馨大宅。天然草本可以防蚊，中醫師教自製驅蚊包。裝修從底層傷手，徹底防治牆身發霉。
戶主一家五口，兩公婆三個「小朋友」，再加兩個工人姐姐，便買入一個三房和一個兩房單位打通，成1,200單位，但感覺上一啲都唔「大」；於是切雞C便將兩房單位撥給大人，三房單位撥給「小朋友」，兩個「睡眠區」分佈在相連單位的兩個角落，相當遙遠：
切雞C將兩房單位變成一房一次的主人大套房（左上），無得三邊落床（右上），內設衣帽間（左中）。次所就將洗手盤搬出來（右中），馬桶與沖涼區域分開（無影出嚟），另設浴缸浸浴，再加天花彷日光燈，扮哂「返鄉下」浸露天風呂（左下，右下）。兩公婆晚晚鴛鴦戲水，間屋遲早唔夠住：
女戶主唔係巷婦，喜愛煮主，仲喜歡同工人姐姐一起下廚（教姐姐煮餸？），所以切雞C就保留了近主人房的廚房，由梗廚改成半開放式連吧枱，增加煮食空間（左上、右上、左中）。客飯廳明顯分區，貫徹木色調與條子設計；但鑽石則奇形怪狀，電視牆凹陷在一角，要以弧型梳化配合才睇到電視（右中、左下、右下），要「電視送飯」就無乜可能了（依家多數係「手機送飯」）：
切雞C將三房單位的主人房與另一間大客房打通俾三個仔（？）住（左上），又似特大趟門將睡房與走廊連在一起，「小朋友」玩樂時可以碌埋出走廊，「擴闊玩樂空間」（右上）。疑似是大仔訓單人床（左中），另外兩兄弟訓碌架床（右中）。切雞C在原房門位置設樓梯行上上層，又以軟墊包住橫樑作保護（真．橫樑壓頂），側邊設繩網防止「小朋友」墜下，對住冷氣機訓仲可以當係寒玉床練《玉女心經》添（左下、右下）：
最後，切雞C懶貼心咁設置有轆櫃桶俾「小朋友」推出推入拎玩具玩及收拾（左上），又在原主人房偷位擴大次所，夠三位「小朋友」用（右上）...應該只係 for 擺浴室用品用，唔會係三人一起沖涼掛？為了給次所多些空間，洗衣機、乾衣機就搬咗出嚟，但使用時會震發出噪音，要加隔音物料（左下）。工人姐姐應該訓另一間細房（右下），又係無影出嚟，純屬魔術師猜測。
＊＊＊
精華版如下：
完全版如下：
//便買入一個三房和一個兩房單位打通，成1,200單位
回覆刪除未改前還好，改咗變成一嗰缺好多角嘅岩巉單位, 點解唔買一個大單位？
//一房一次的主人大套房（左上），無得三邊落床
//另外兩兄弟訓碌架床（右中）
//由梗廚改成半開放式連吧枱
點解仲要咁小家，竟然仲要碌架床又要開放式廚房
//客飯廳明顯分區，貫徹木色調與條子設計；但鑽石則奇形怪狀，
原本中間冇橫梁，而家就一大條橫梁喺個飯枱上面
//側邊設繩網防止「小朋友」墜下
好快就污糟，好似打仗嘅軍營咁
//點解唔買一個大單位？
刪除可能個屋苑無大單位，又唔想搬 XD
//點解仲要咁小家，竟然仲要碌架床又要開放式廚房
個裝修根本 unsustainable
//原本中間冇橫梁，而家就一大條橫梁喺個飯枱上面
哈哈！
//好快就污糟，好似打仗嘅軍營咁
仲好易霉。