先簡略補充返《爽歪歪摩洛哥（一）之準備篇》其間發生的事：
魔術師在屯門市中心上了 A33X 去機場，見巴士進了屯赤隧道便因為太疲倦睡着了，一覺醒來車已停站，在不太清醒的狀態下落了車，但那個站卻是巷豬噢大橋，不是機場站...
魔術師見又有一巴士駛來落客，便揮手示意向司機查詢。誰知那司機態度頗為惡劣：「呢度只係落客，唔上客的。」
魔術師苦笑：「我落錯車...」
司機：「唔關我事！」
的確魔術師落錯車係唔關你事，但魔術師又唔係要強硬上車，只係想問吓點樣可以搭返車去機場，使唔使咁嘅態度呢？
又，就以近期火災為例，便會出現很多「唔關佢哋事」的「義工」（記得元祖版本就是來自「縮骨遮革命」）整理救災物資，相信是「發自內心的關懷」的確會令傍徨無依的人很受落（有點像一神教戰時派奶粉的場景），更與那些去到集合先行打卡的「關愛隊」造成強烈對比。「主動的幫助」與一般人冷冷地「唔關我事」的分別，日常的人情冷暖，小黃人（？）更能「收買人心」，自不待言。
總之，魔術師問過保安岡位的叔叔，知道轉車巴士站的方向，再向靚姐姐和領隊稍遲少許，才「安心上路」。
＊＊＊
去到機場集合 check in，領隊是個矮小的C9，團友有兩對退休夫婦A及夫婦B，還有闊太M。
退休夫A是開會計師樓的。闊太M 則是離婚婦，有自己收入，不用靠前夫，家住巷島海拔50米以上，仔大女大依家成日去玩去旅行、行山做運動，體能超 fit（雖無法冰證，但相信係魔術師塞內設計系列要有展示櫃 show off 旅行戰利品嗰種人）。
乘塔阿聯酋航空 (Emirates)，飛機先由我城去杜拜 DXB（約6小時），再轉機去卡隡布蘭卡 CMN（又約6小時）- 由於我城比卡隡布蘭卡快 7 小時，所以「實際飛行時間」約19小時。
當地時間12月22日下午去到卡隡布蘭卡，過關見到有咁嘅 Welcome 告示，才知道摩洛哥正主辦 2025 非洲國家盃。
等候行李期間魔術師先拿出準備好的帝幣，在機場先找換100元帝幣的當地貨幣（Moroccan Dirham, DH or MAD）再說。
搬哂行李上旅遊巴，便直奔拉巴特（Rabat），要坐 1.5 小時車。
魔術師事後才知，原來摩洛哥國家隊(MAR)於前一天（12月21日）迎戰葛摩國家隊（COM），場館正是位於拉巴特，可以想像如果早一天肯定塞車塞到暈。
車程雖短，但都要上車落車，包括去次所 - 中途站次所還算乾淨，但某些位於偏遠地區的次所卻有女士「把守」，要收小費以換取破爛紙巾一張...
這天的景點就是：
1. 哈辛塔
2. 穆罕默德五世皇陵(外觀) - 其實可以走到入去，從高處望到樞木；但去到都差唔多日落，人哋都趕住收工了。魔術師無意「破地獄」亦無意影相，轉一圈便走了。
這時天不造美，下着毛毛雨，天雨路滑要小心腳步。走馬看花看完這天的景點，夜麻麻食個頹飯之後便回酒店：
|
| (淨係記得影個湯，烤魚麵包就因為太肚餓，食咗先無影低了。) |
 |
| （攝於餐廳門外。） |
酒店（塞拉多利兹Spa度假酒店, Dawliz Rabat）尚可，住一晚無所謂（亦無乜特別值得影低的地方）。但魔術師同靚姐姐都唔太喜歡呢種安排 - 點解啱係 check in 咗先換過衫去埋次所再去景點呢？條底褲着咗超過 24 小時都好唔衛生吓。在酒店去咗次所（開埋大都得），就唔需要中途停車去痾殊殊喇！
＊＊＊
伸延閱讀：
/點解啱係 check in 咗先換過衫去埋次所再去景點呢？/
回覆刪除因為咁樣一定遲
亞力士
無錯，一懶床就好難起返身。但個假期去旅行，究竟係為自己定為了趕行程呢？搞到精神仲好似緊張過返工咁。
刪除//團友有兩對退休夫婦A及夫婦B，還有闊太M。
刪除如果只有少過十人我又覺得唔會咁大機會有人遲到嘅...
成個團都係十零人（仲冇一隊退休夫婦在摩洛哥機場 join 我哋，佢哋係由尾帝出發，唔同我哋一班機。）
刪除五月
回覆刪除/點解啱係 check in 咗先換過衫去埋次所再去景點呢？/
回覆刪除旅行團一貫落機就直奔景點，參加旅行團就按他們的行程，可以選擇又有足夠時間準備的話，一定自由行，公共交通不便的地方就參加一天團。
//旅行團一貫落機就直奔景點，參加旅行團就按他們的行程
刪除問題係「直奔景點」個景點在「他們的行程」中最後一天會再行一次；另外有好多時間浪費在車程中途休息站 hea，無端端等到夜晚黑才 check-in，唔見得係因為無時間而要「直奔景點」，所以後期頂唔順都要脫隊。