爽歪歪摩洛哥（三）之 Day 2 舍夫沙萬（Chefchaouen）：一條濕滑的斜坡

話說在拉巴特天氣是10-16°C 有雨，已經係沾寒沾凍，第二天仲要 7:30am 起身、08:15 執好行李、09:00 食完早餐出發，真係慘過返工的日子。鑑於靚姐姐起身梳洗都要搞一排，所以魔術師都係漏夜執定最多嘅嘢先，較早少少個鬧鐘寧願早一粒鐘醒住訓,,,

第二天的景點是充滿「關色小屋」（希臘 feel？）的舍夫沙萬，不過要由拉巴特去就要搭約5小時車，真係醒完訓、訓完醒：

中途又去過些油站痾殊殊，一落車就已經感到冷意，好在領隊都叫我哋穿好羽絨先落車。中途就在一些不知名的廳廳吃午飯：

好在麵包雖硬，醋汁和橄欖油都不錯（用來撈湯），而且有貓店長（？）陪伴，好又一餐唔好又一餐：

又越過高山又越過谷，終於去到舍夫沙萬，當地氣溫只有5-7°C，又下着疑似「黃色暴雨」，仲要位處山腰(海拔 560 公尺而已，無得賴「空氣稀薄」XD），下下都上樓級和暗斜，加上孭住部無反 Nikon Z7 同埋天涯鏡 Z 24-200，即時將魔術師變成廢老，要慢慢躝上去（一眾唔去旅行會死的退休人士還真是健步如飛）：

（鏡頭向下，魔術師已是氣喘如牛。）

其實呢個舊城區的小巷兩邊都有唔少小店，販賣「特色產品」（target 當然是遊客），有啲似行咗入赤柱咁。不過，由於天氣凍又落大雨，領隊掛住趕行程，上上落落都無時間周圍望，純粹只是跟住領隊腳步行一圈（手指頭更是凍到控制唔到部相機）。

行完舊城區就去探索由「囚禁異見人士」的監獄改建而成的卡斯巴（Kasbah）博物館：

玩了一個下午，便要回酒店晚餐。當地「夜得很快」，8:00pm 天已全黑。又係只睡一晚晚的旅館，匆匆 check 完 in 便食飯，但呢間旅館（Dar Ba Sidi & Spa ）真係唔太掂，燈光唔夠，夜麻麻落住雨全身濕哂由房間搵路去餐廳都唔係咁易，食物種類又少；最令人氣結的是無熨斗俾魔術師監生熨乾牛仔褲褲脚同啲襪（乾少少都好），仲有次所企缸無門檻，一開水淋浴便成個次所濕哂，認真狼狽。

不過由於魔術師同靚姐姐都散散哋，所以無圖無真相。

＊＊＊

伸延閱讀：

維基百科：舍夫沙萬

爽歪歪摩洛哥（二）之 Day 1 卡隡布蘭卡(Casablanca)、拉巴特（Rabat）：雨中的感嘆號