爽歪歪摩洛哥（五）之 Day 4 艾佛德（Erfoud）：抬頭望星空一片靜

第四天(12月25日）0600 起床、0645 執好行李、0730 食完早餐出發，真慘情。這天是要開車到艾佛德（Erfoud），是撒哈拉沙漠「核心的外圍」，入住一晚「帳篷酒店」，然後第二天去睇日出。領隊要我們執定一個手提包內有一晚內外衣物及日常用品，其他東西放入大喼，跟旅遊車唔會再攞出嚟。

靚姐姐就醒目，一個 hand carry 小型行李箱就搞定；而魔術師就要清空背囊，着住厚重衣服，背囊上有電腦、叉電、水壺等物、手拎另一個袋內衣褲、梳洗用品等，有點狼狽。於是趁上文《爽歪歪摩洛哥（三）之 Day 2 舍夫沙萬（Chefchaouen）：一條濕滑的斜坡》曾提及魔術師孭住部無反 Nikon Z7 同 鏡頭上斜上樓級行到死死下，而且凍得濟手指唔聽話好難較光圈快門，便趁機餘下行程便放低幾 kg 嘢入大喼，淨係以 iPhone 影相輕裝上路。

這天雖是聖誕節，但摩洛哥是伊斯蘭教國家，沒有慶祝的習慣（我城習慣「大肆慶祝」一神教節日，唔通係一神地區？）

這天全日車程大約 7- 8小時，又係全日浪費在訓完醒、醒完落車去次所、上返車繼續行程的日常。不過，由平地去到山區，由「綠草如茵」的環境於幾小時內變成雪地戰，都算是一個頗新鮮的體驗：

中途經過依芙蘭（Ifrane，氣溫 0-4°C ），不過領隊卻沒有帶領我們遊覽這個有「小瑞士」之稱，位於海拔約 1,650米 高的滑雪勝地

（凡事問 AI）

午餐於中途餐廳，最令人 impressive 的是門口的紫水晶石柱：

(又係呢啲湯，好似叫哈里拉湯 (Harira)？）

(食完相機先食）

去到艾佛德，再轉四驅車，司機可以在夜麻麻在沒有路（？）的沙漠區揸到去帳篷酒店（Amanar Camp）晚餐。

闊太M連日來找不到酒都要以水代酒懶貴氣咁 lead a toast（畢竟摩洛哥是伊斯蘭國家，雖然部分旅遊區有酒賣，但都唔係老奉）：

餐後領過鎖匙（其實只係得一把鎖頭，不過我哋包場，無所謂啦！），入到去帳篷房問，比想像的舒適和空間大。次所仲有得乾濕分離，水溫夠熱但水壓就低咗少少。以玻璃分隔令魔術師想起一眾切雞C的「作品」：

和靚姐姐走出門外哂吓月光都幾爽：

原來中剷家庭要囝囝囡囡學打非洲鼓，都幾好聽的：

＊＊＊

伸延閱讀：

爽歪歪摩洛哥（三）之 Day 2 舍夫沙萬（Chefchaouen）：一條濕滑的斜坡

爽歪歪摩洛哥（四）之 Day 3 菲斯古城（Fes）：黃昏的景色充滿明麗