第三天的景點是遊菲斯古城，朝早07:45 就要執好行李放在房間門外再去食早餐，08:30 出發，即係又係6點幾7點要醒到，凍冰冰咁早起身真係慘絕人寰。
又重複搭4.5小時車的「行程」，又係訓完醒、醒完落車去次所、上車再訓過，浪費了半天在車上，終於來到菲斯古城，看上去格局竟然有點像九龍城寨：
其實第一天到埗之後，跟住旅遊車就有個識講英文當地人副領隊帶路，負責同司機和其他當地人溝通（摩洛哥都算係阿拉伯國家，唔係人人識巨嬰語言）。去到菲斯，天氣6 - 13°C，下着毛毛細雨，尚可接受。在副領隊領領下，左穿右插行上幾層類似「唐樓」的樓梯（魔術師行正常樓梯係可以的）後，便去到一間類似食私房菜的餐廳，大吃清真食物（羊、雞、魚？）：
|
| （為了避開團友，唯有影天花板。） |
菲斯古城有好多貓貓，唔驚人的：
|
| (佢對住魔術師喵咗幾聲。) |
|
| (黑白左右門神貓。） |
一眾小店啱哂黃人胃口
|
| （夏基美波衫） |
其中去了紡織坊，頗多遊客，但咁大塊布好難買返去當「戰利品」：
領隊亦有帶我們去睇著名的皮革店，但靚姐姐與趣缺缺（要買名牌唔會係度買，要買A貨更加唔會喺呢度買（PDD大把）），連相都無影，只係去到皮革店樓上天台，趁日落影幾相烏瞰風景相：
在「九龍城寨」穿插行來行去，磨一輪之後「天就黑哂」（都唔知咁夜做乜？），然後就返酒店（Palais Medina & spa）晚餐兼 check in，今次呢間酒店唔錯，但由於翌日要去沙漠，要執定簡易行裝，所以又係無得嘆，無圖無真相！
＊＊＊
伸延閱讀：
皮革店朕味都幾勁XD嗰啲一缸缸好似喺尿定喺咩去醃啲皮
回覆刪除睇嚟join團都喺唔掂，咁早，可能啲退休老嘢易早起身XD一個人又要同領隊一齊---以前試過，原來領隊夜晚要做唔少嘢冇得點收工, 又有啲團友會打電話問三問四
//睇嚟join團都喺唔掂，咁早
刪除自由行都可能要早，睇你是否需要壓縮時間。無關是否窮游，好多景點同博物館都係早收，你要hea到食埋個brunch先起錨咁就算俾你去到都睇唔晒。
//一個人又要同領隊一齊
唔計公司旅行，暫時試過單拖跟過3次團，每一次我都寧願加錢住單人房。