魔術師資產配置（２０２０年１月結）

牛龜咁大隻的有青搞了大半年都做不到的事，顯微鏡才看得到的病菌只幾天便做到了：話口未完幾日內便便將大市攬炒了差不多２,０００點。複式盈富為本月跌幅最大組合，較上月下跌６.８５％，每單位收報＄１４２.１７（我城貨幣，下同），由第一位跌落第三位。沉船基金趺幅稍微，較上月下跌５.５7％，每單位收報＄１４３.２８，守第二位。由第三位攀升至第一位的是保持平穩的房託基金，收報＄１５０.９２，較上月微升０.５３％。
生活基金跌幅出乎意外地輕微，「僅」較上月回落２.００％，收報＄１２８.７１，上升一格至第四位。反之，跌一格至第五位的是受恆指基金拖累的強積金組合，收報＄１２６.４５，較上月跌４.１８％。
佔第六位的是搶韁上前的商品組合，收報＄１２４.６４，較上月大升４.２０％。作為合格線的現金及債券基金收報＄１２３.０５，較上月升１.５２％，敬陪未席。

日前跟舅父們拜年，二舅父又問大舅父同埋魔術師各自層樓值幾多。咁「關心」市況原來公墓園博士大表弟有意入市買樓。二舅父一向主宰佢兩個仔的主意（其實博士大表弟都三十幾勾了），由於二舅父舅母於９７期間換入黃埔，「一朝被蛇咬，十年怕草繩」；故此一向睇淡樓市、聞買樓色變的二舅父忽然之間開綠燈，實在唔知係咪因為博士大表弟跳 point 升職、定係趁政府放寬按揭政策、定係博士大表弟諗住結婚（雖然魔術師未聽聞佢有拖拍）...不過，照計唔會因為趁疫情想執平貨掛？畢竟，以二舅父的心態，經常覺得要跌返到沙士價才算抵，但當年的經濟大氣候，按揭槓桿率都同現時大不相同，無可能直接比較，所以魔術師對二舅父一家的執行力亦存疑，只保持觀望態度。
於是魔術師只淡淡的問了句：「咁諗住買新樓定二手樓？」二舅父不置可否，答曰：「都係睇返市區嗰啲喇！」魔術師又再淡淡的講了句：「哦。樓市升咗咁多年，就算依家趁回落入市，依然會比當年直入買入貴哦！」
可不是嗎？本月魔術師屋企樓價平均估值（大貓、小貓、阿爺）與及投資組合均錄得下跌，資產淨值（身家）收報＄１６,７０３，較上月升１.１２％；淨流動現金亦較上月下跌０.８８％。對比之下，較起始日２０１６年３月３１日，身家漲了６７％，而流動資金亦多了７２％，可見主動地找到對的投資方向總好過等運到「發國難財」：

資產負債表保持健康，保持正值；重點依然是要管理好 cashflow，保持賺錢買花戴，辭職信永遠在 draft box 的狀態：

最後就係魔術師資產淨值跟以７２法則（即每六年翻一倍）的 actual、planned、 與及恆生指數的 benchmark 做比較。由於市況短期內未見曙光，「每六年翻一倍」的目標未見樂觀。本月 beta 值為０.３３，correlation 為５５.３５％，兩者跟上月都微升少許：