睇咗
1. 《混沌少年時（Adolescence）》
演員演技精湛，場景安排出色。尤其是男女警察、心理學家，甚至那些不起眼的角色例如第一集的律師（自嘲現實與及戲內時間過了25分鐘就能到來）、護士、搜身警員、以致第二集的老師和學生、第三集的拘留所看護等。一鏡直落鏡頭穿插走位技巧高超（第二集尾段鏡頭由地下上空中再降落）更添觀賞價值。
不過，睇完唔係好明成件案嘅邏輯。飛機場囡囡 send 裸照溝仔不遂反而照片被廣傳，條囡頂得住無去自殺；反而暗戀呢條女嘅囝囝主角係個聰明有機心仲有啲雙重性格的小孩，由於瘦弱唔靚仔、唔係 Alpha male，結果被欺壓霸凌到一個點就要爆了。睇怕「笑弱不笑娼」，做G（仲有其他廢柴）都可以惡過人去欺負別人。
至於坊間影評中提及的「厭女」，魔術師就唔係好 get 到，因為成件事似係暗示條女恥笑阿囝「癩蛤蟆想食天鵝肉」，「抵你一世做青頭仔」，阿囝溝囡不成反被挑釁而動殺機（故此魔術師都唔鍾意坊間評論話主角「被指控」殺死女同學，事實上證據確鑿，評論有幫主角洗白之嫌；而主角初頭唔知點解一直都話佢無做過，亦毫不後悔，劇情亦無探討過點解如此，令到魔術師十分厭惡）；但只要想深一層，條囡囡在校都係G一樣的作風，阿囝咁聰明就連心理專家都可以壓下去，點會諗埋一邊俾隻白臭G壞了自己一生？分明就係父母「管教不善」：阿爸阿媽無教阿囝，G一樣的囡囡溝來作甚，溝到都遲早俾綠帽你戴，只要自己有「一技之長」就唔怕俾人欺負。極端一點「搵到錢才是真理」。你睇好似馬雲叔叔或者黑腸仔網紅咁嘅樣，有錢就有囡囡埋身...不過睇間學校學生教師「打成一片」立立亂仲衰過巷慘Band 3，呢類「嬰式教育」就知無乜可能灌輸到「人生道理」俾阿囝（正如劇中阿爸阿媽都唔明田口家姐幾生性）。
術師評分：90分（基本）-5分（案件細節）＋10分（演員、拍攝技巧）＝95分（100分滿分）
2. Disney+：《夜魔俠（Marvel's Daredevil）》第一至三季本來係 Netflix 版，但因版權問題搬到去 Disney+。魔術師因為「強迫症」關係，睇續集《夜魔俠：重生（Daredevil: Born Again）》前必先睇埋之前嘅故事。第一及第二季幾好睇，尤其是 Venessa （Ayelet Zurer 飾）同埋 Elektra（Élodie Yung 飾）勁靚，蓋過了夜魔俠婆媽：第三季劇情稍微跌 watt，在毫無鋪排下金霸王可以在獄中重奪身家（第二季又話俾尾帝正苦抄家咁濟？）仲可以控制埋 FBI，反正第一季俾金霸王控制咗嘅黑警就全部變哂白警要同佢死過。仲有就係夜魔俠因為《捍衛者聯盟（Marvel's The Defenders）》事件而戰力大減，即係又要睇返哂之前幾套 Marvel 劇才能夠「連戲」。
魔術師評分：85分（100分滿分）
3. Prime Video：《哈蘭科本之庇護所（Harlan Coben's Shelter）》
來來以為本片能一改 Netflix Harlan Coben 系列的故弄玄虛、無事生非、小事化大的慢速拖戲鋪排（《The Innocent》除外），在 Amazon Prime 卻是迅速進入狀況（雖然好些角色的出場甚為突兀），但起碼第一集就鋪到令人追看的衝動；不過去到後段又發覺前段那些誤導觀眾推理的場景跟往後解畫前後矛盾，此乃懸疑劇一大死穴。比較爆的是除了主角的黑腸仔之外，阿媽係 Les，查案女組員又係 Les，真係DEI到爆。唯一亮點係最緊要係主線的失蹤少女 Ashley（Samantha Bugliaro 飾）幾靚。
魔術師評分：70分（100分滿分）
＊＊＊
睇緊：
1.《潔西卡瓊斯（Marvel's Jessica Jones)》第一至三季
從網上得知，要睇 Marvel 版《夜魔俠》第三季要先做以下功課：
|
| （圖片來源：Daredevil & The Defenders Complete Timeline: What Order To Watch, captured on 1 Apr 2025） |
但魔術師唔睇都睇咗夜魔俠三季（果然第三季太跳躍，有啲唔連戲睇唔明），於是點都要補返功課：
＊＊＊
將睇未睇：
1. 《盧克·凱奇（Marvel's Luke Cage）》第一至二季
同《潔西卡瓊斯》 一樣，睇《夜魔俠：重生》前要睇 Marvel 版《夜魔俠》第三季；睇 Marvel 版《夜魔俠》第三季前就要先做以下功課：
2. 《鐵拳俠（Marvel's Iron Fist）》第一至二季
同《盧克·凱奇》一樣，睇《夜魔俠：重生》前要睇 Marvel 版《夜魔俠》第三季；睇 Marvel 版《夜魔俠》第三季前就要先做以下功課：
3. 《捍衛者聯盟（Marvel's The Defenders）》
同《鐵拳俠》一樣，睇《夜魔俠：重生》前要睇 Marvel 版《夜魔俠》第三季；睇 Marvel 版《夜魔俠》第三季前就要先做以下功課：
4. 《制裁者（Marvel's The Defenders）》第一至二季
同《捍衛者聯盟》一樣，睇《夜魔俠：重生》前要睇 Marvel 版《夜魔俠》第三季；睇 Marvel 版《夜魔俠》第三季前就要先做以下功課：
5. Disney+：《夜魔俠：重生（Daredevil: Born Again）》
終於令魔術師於 Disney+ 睇返 Netflix 版 Marvel「社區英雄」系列的催化劑。金霸王（唔係電池）等人出返嚟，奸都奸得特別有魅力。
6. Max:《神探智擒職業殺手（The Day of the Jackal）》
跟多年前的經典電影同名，不過神探就 DEI 化變成黑人女 Popo。咁鬼煩膠魔術師就好想睇吓「神探」會否被殺手處決。
7. Netflix：《暗夜情報員（The Night Agent)》第二季
第一季幾好睇，希望第二季唔好爛。
8. Apple TV+：《君主組織與神秘巨獸（Monarch: Legacy of Monsters）》
又係呢類見《XX宇宙》收得便無限伸延加油添醋的衍生劇。其實橋唔怕舊最緊要受，只要識見好就收，唔好愈寫愈過火同主線故事有犯駁就得。
9. Netflix：《W - 兩個世界（W）》
唔使講，都係睇妄民稱「顏值最顛峰時期」的韓孝周(同《Moving 超異能族》個樣都幾唔同，魔術師睇預告就覺得 Moving 時的韓孝周仲靚啲)。
10. Netflix：《諸神末日（Twilight of the Gods）》
估唔到 Zack Snyder 連動畫都玩埋，將玩到爛的題材「開新篇」，即管又睇吓好唔好睇。
11. Netflix:《阿諾舒華辛力加：人生三部曲（Arnold）》
好多人鍾意史泰龍，貪其對 Rocky 和 Rambo 不離不棄，但魔術師就鍾意大隻佬多啲，雖然佢無乜演技但木口木面就係演技，而且無 set 死角色（Terminator 除外）戲路亦較史泰龍多變（起碼以史講嘢一舊舊咁，就好難做到喜劇效果）：
12. Disney＋：《天龍八部》
CCTVB 搞咗兩對「中年好聲音」出嚟唱主題曲，又可以湊吓熱鬧睇吓完全無刪剪版係點嘅一回事。
其他：《黑鏡（Black Mirror）》：因單元故事，表現飄忽，魔術師暫不評分。
仲有大量動畫、舊劇、紀錄片，包括《陰屍路（The Walking Dead）》、《迷（Lost）》、《GANTZ 殺戮都市》、《二戰大事記彩色版（Greatest Events of WWII in Color）》 等...未能盡錄。
＊＊＊
期待中
1. Disney+：《異形：地球（Alien: Earth）
魔術師不嬲都係人類敵人的鐵粉，當中荷里活三大殺手（異形、Predator、Terminator）殺人不眨眼，每次都睇得魔術師眉飛色舞。今次《異形》有影集推出，魔術師無理由錯過：
1. Netflix:《星期三（Wednesday）》
魔術師第一季都未入坑，卻連第二季預告都出理，唔知幾時至有得睇，要諗吓等唔等埋一次過睇：
＊＊＊
無乜期待中
1. Netflix：《魷魚遊戲（Squid Game)》第三季
魔術師不嬲都唔覺第一季水準高，尤其是個主角簡直是不知所謂；第二季訪間負評「滿點」，故事講到一半，都係等墥第三季再睇。
2. Netflix：《殭屍校園（All of Us are Dead）》第一、二季
未入坑。如果兩季完魔術師都可以有時間就睇：
3. Netflix:《Fubar》
久違了的大隻佬再現《幼稚園特警》式的動作喜劇，本來諗住用來攝時間，但竟然有第二季，咁就等吓先。
＊＊＊
最後貼上魔術師的 all time favoruites 影集/動畫/單元劇/紀錄片頭十名（僅限現時在 Netflix、Disney+、及 Amazon Prime 的非電影類片種)，排名分先後：
1. Netflix:《闇（Dark）》
三季完燒腦穿越神劇，無 bug。
魔術師評分：100分（100分滿分）
1. Netflix:《魔剎（Monster）》
漫畫改編之暗黑系動畫，分鏡出色。魔術師由錄影CCTVB直至買碟二刷，同先父一齊欣賞之動畫之二（另一套就係《銀河英雄傳說》）。
魔術師評分：100分（100分滿分）
1. Netflix:《今際之國的有栖（Alice in Borderland）》
兩季完求生劇，漫畫改編。淨係睇囡囡已能完勝。
魔術師評分：100分（100分滿分）
4. Netflix：《狂賭之淵（賭ケグルイ，Kakegurui – Compulsive Gambler）》真人版 第一、二季
睇多啲濱邊美波就要睇呢套劇！顧名思義本片為漫畫真人化劇集，一眾動漫造型的「鄉下妹」上半身給你一式一樣的校服誘惑、下半身就有各式短裙仔裸足或黑絲化身賭神賭聖賭俠任君選擇，當然還少不了每次美波賭身家時的高潮樣（仲要係從不出千），與及一眾「旁白」配角的誇張對白和表情、賭局中主人翁內心戲的場景切換只會令魔術師愈看愈興奮（！），看完只能說句「鄉下妹」顏值真係無得輸，怪唔之得泡菜妹要以整型才可挽回一局。
魔術師評分：95分（100分滿分）
4. 《混沌少年時（Adolescence）》
演員演技精湛，場景安排出色。尤其是男女警察、心理學家，甚至那些不起眼的角色例如第一集的律師（自嘲現實與及戲內時間過了25分鐘就能到來）、護士、搜身警員、以致第二集的老師和學生、第三集的拘留所看護等。一鏡直落鏡頭穿插走位技巧高超（第二集尾段鏡頭由地下上空中再降落）更添觀賞價值；但成件案嘅邏輯似乎有啲講唔通，要扣分。
術師評分：90分（基本）-5分（案件細節）＋10分（演員、拍攝技巧）＝95分（100分滿分）
6. 《紙房子（Money Heist）》
知名西班牙「神劇」，五季完。雖然講到教授幾咁算無遺策，但其中靠不可預測的巧合及符碌的情況亦唔少，真係「好運好過好波」；要睇不如睇女督察（後稱里斯本(Lisbon)）的英姿、奈洛比（Nairobi）的「人事管理技巧」；及東京（Toyko）的西口西面。
魔術師評分：90分（100分滿分）
6. 《新世紀福爾摩斯（Sherlock）》
魔術師最鍾意 attention to details！
|
| （圖片來源：BBC iPlayer: Sherlock, captured on 26 Aug 2023） |
魔術師評分：90分（100分滿分）
6. Amazon Prime Video：《刺客旅館：捍衛任務世界（The Continental: From the World of John Wick）》
《殺神（John Wick）》衍生前傳劇集，講大陸飯店經理 Winston（Colin Woodell 飾）的前半生。酒店接待沙隆（Charon）讚以青年身份出現。有 John Wick 式打鬥，係幾爽幾好睇。本片仲有 Mel Gibson 參加演出。
魔術師評分：90分（100分滿分）
6. Disney+ :《Moving 超異能族》
韓孝周在本片的知性型後生至中女形象（副眼鏡幫咗大忙，做了眼鏡娘直程唔同咗樣），實在太正！
魔術師評分： 90分（100分滿分）
10. Netflix：《The 8 Show》
大橋類似《饑餓鬥室(El hoyo/ The Platform）》的貧富懸殊、社會階層欺壓、為金錢出賣人性、直至最底層的人發出絕望的怒吼（同時也暗示了網紅靠出位嘩眾取寵表演（飲酒飲到死？）賺打賞的畸形制度）。本片好睇過《魷魚（The Squid Game）》。 看來泡菜人民真係好壓抑，才經常有呢類的劇集、網漫流行起來。
另外，本片配樂用心（包括曾在《銀英傳》中採用過的配樂、華格納 Wagner《Ride of the Valkyries（女武神的飛行）》），值得加分。
魔術師評分：85分（基本）＋5分（配樂）＝90分（100分滿分）
10. Netflix：《冥王（Pluto）》
浦澤直樹又一力作，喜歡《魔剎（Monster）》的觀眾不容錯過。劇情改編自手塚治虫的《小飛俠》篇章《地上最強的機械人》，所以有不少手塚治虫的「童真」feel，跟浦澤直樹的暗黑風有少許錯配，而且結局解畫有啲牽強，個人覺的得稍不及《魔剎》和《二十世紀少年》。故事起源於一個似曾相識的背景：中亞國家波斯王國被某自稱世界警察的國家指控藏有大殺傷力機械人，聯合國調查團發現本無此事，但戰爭經已開打，引伸出不少愛恨復仇，人類和機械人（人工智能）的包容與矛盾的故事。
魔術師評分：85分（100分滿分）
10. Disney+：《夜魔俠（Marvel's Daredevil）》第一至三季
本來係 Netflix 版，但因版權問題搬到去 Disney+。魔術師因為「強迫症」關係，睇續集《夜魔俠：重生（Daredevil: Born Again）》前必先睇埋之前嘅故事。第一及第二季幾好睇，尤其是 Venessa （Ayelet Zurer 飾）同埋 Elektra（Élodie Yung 飾）勁靚，蓋過了夜魔俠婆媽：第三季劇情稍微跌 watt。因為隔咗《捍衛者聯盟》，即係又要睇返哂之前幾套 Marvel 劇才能夠「連戲」。
魔術師評分：85分（100分滿分）
13. Disney+:《美國恐佈故事（American Horry Story）》第一至十三季
季度單元故事，共用相同或類似的世界觀，追看無難度。本來係幾好睇的劇集（魔術師個人喜歡 Season 2《Asylum》、Season 1《Murder House》＋Season 3《Coven》＝Season 8《Apocalypse》），但愈拍愈頹，由第10季開始覺得有啲無厘頭，故事亦開始唔吸引，無乜新意和追看性，加上元祖演員全數退場，無哂癮，追看下去也只是情意結而已。
魔術師評分：（第1至13季平均)80分（100分滿分）
13. Netflix: 《少年法庭（Juvenile Justice）》
呢套係少有可以叫魔術師有心機追落去的韓片，有時仲深宵播放一晚追睇兩集：是關女主角的價值觀啱哂魔術師：年輕唔係大晒，對於窮兇極惡的少年犯，一定要嚴懲，否則佢地只會嘲笑法律的無能。不過，本片結局有啲不太合理，太過正能量：以結局案件的有青之殘忍性格，無可能只在女主手臂上刺一刀，而唔係割喉棄屍；肥婆部長亦不可能在庭上為其慣性草率結案而影響的受害人公開道歉吧！
魔術師評分：80分（100分滿分）
13. Disney+: 《解碼追兇（Signal）》
金憓秀實在太迷人，估唔到當時48歲的女主在過去時間線做20歲出頭的新紮師妹毫無違和感。本劇在逆轉時間線的劇本尚算講得通，但本來應該是正義化身的「電波刑警」卻有不少徇私、鶳之舉，加上個結局為了鋪下一季（結果唔成事）而寫爛咗個尾，美中不足。
魔術師評分：80分（100分滿分）
13. Netflix：《Happiness》
雖然話係喪屍劇，但係沒有一般喪屍片的壓迫感，似乎係影射新冠時泡菜政府對疫情的處理多啲。描寫人性醜惡就寫得幾「透徹」，反派角色又奸又蠢。劇情有些許 bugs，美中不足。好在有韓孝周支撐場面。
魔術師評分： 80分（100分滿分）
13. Amazon Prime Video：《死期將至（Death's Game）》
泡菜仔大學畢業後 7 年都搵唔到嘢做，投資被人呃錢，無錢交租被逼走，又自卑感作祟受靚靚女朋友（又係《超異能族 Moving》的金允貞飾演）接濟食軟飯，要自殺不特止（泡菜國的自殺率滿高的），還要將死亡看成是「低等手段」，結果便要被死神罰死完又死...當中當然又穿插了主角「間接被逼自殺」的前因後果、愛情線和親情線等。最弊就係復仇線有 bug，即使主角具有多個人世的記憶都不等於有能力去做哂呢啲人做到的事也。
魔術師評分： 80分（100分滿分）
13. Netflix：《黑鴿（Black Doves）》
呢個間諜劇劇情緊湊，文武戲處理出色，但牽涉的案件寶在太無厘頭，而且牽涉中英兩國關係，中方無可能咁好相與。女主角 Keira Christina Knightley 勁靚，衰在又要整到個男主角係 gay（夾硬搞到男女主角無感情線？），仲有女殺手二人組似係 Les，呢 part 魔術師最唔鍾意。
魔術師評分： 80分（100分滿分）
13. Disney+:《照明商店（Light Shop）》
《Moving 超異能族》作者又一力作，幾好睇；不過有啲角色唔夠突出，存在感可有可無，但又好似講到好重要咁，人物同故事有點不平衡，較《Moving 超異能族》差。
魔術師評分：80分（100分滿分）
＊＊＊
伸延閱讀：
信報 2025年4月2日
占飛 忽然文化
英神劇《混沌少年時》導演：網絡歪風影響每個家庭
Netflix串流劇《混沌少年時》（Adolescence），被譽為2025年首部神劇，短短4集，熱爆全球。總時數不足4小時，集集一鏡到底、超新星誕生、教材級演技、深邃社會議題，掀起討論不絕的話題。
「英國的文化軟實力，厚積薄發，四両撥千斤，仍然是全球最強。」有評論對此劇讚不絕口。「這是近十幾年來最接近完美的電視作品。」英國《衞報》（The Guardian）同樣給予高度評價。
《混沌少年時》甫上架，便一「劇」激起千層浪，頭4日累積2430萬觀看次數，由3月17至23日愈播愈強，觀看次數閃電飆升至6630萬次，刷新Netflix限定劇的兩星期觀看紀錄。這部神劇自3月13日首播以來，口碑載道，影評網站「爛番茄」（Rotten Tomatoes）新鮮度達99%，幾乎無可挑剔。
內含劇透，敬請留意。《混沌少年時》講述一名13歲男生Jamie Miller，被控謀殺女同學，一開場他便遭警方拘捕。雖然劇集被冠以犯罪劇（Crime drama），卻不賣懸念，交代了案件脈絡後，便一步步走入錯綜複雜的核心內圍，赤裸裸地正視青少年犯罪、網絡欺凌、家庭教育、學校體制等嚴峻議題。
一鏡到底
來自利物浦的導演巴倫提尼（Philip Barantini）個人風格強烈，2021年作品《餐廳失控夜》（Boiling Point）沒有大賣，惟深得影評人喜愛，今次轉戰串流平台，功架十足；占飛敢打賭，十個讀者中九個只要按開第一集，就會情不自禁追看下去，甚至通宵達旦務求一氣呵成，看完為止。
「一開始，我們想讓觀眾覺得，不可能是Jamie殺人的，因此安排了他『尿褲子』的橋段，但最後10分鐘藉監視器揭開答案。」巴倫提尼一再強調，此劇無意故弄玄虛，「犯罪小說更引人入勝的地方是犯案動機，我們嘗試引導觀眾思考多個問題，所以開局便揭曉真兇。」
全劇僅4集，籌備時間長達13個月，單是綵排就花了4個月，全因每集也是「一鏡到底」拍攝。《混沌少年時》每集約50分鐘，悉數採用「真實時間」（Real Time），即角色經歷的時間與觀眾同步，事後更沒利用CGI加工，絕非「掛羊頭賣狗肉」，足見製作技巧高超。
一鏡到底，無法NG，以第4集為例，Jamie的父親駕車前往不同地點「爆喊」，重拍了16次之多，意味着只要一小段出錯，便要從頭開始，為的就是營造逼真感、壓迫感，讓觀眾看得喘不過氣。一鏡到底，如同不容差錯的舞台劇，需要密不透風的綵排，而且電視劇的場景範圍遠遠超過無法移動的舞台，加上涉及的人物角色更多，難度可想而知。
除了飾演父親的史提芬格拉咸（Stephen Graham）是好戲之人，首次拍戲的奧雲谷巴（Owen Cooper）扮演少年犯Jamie，更是驚為天人。來自港人熱門聚居地沃靈頓（Warrington）的谷巴，拍攝時只有14歲，滿嘴英國「標準口音」（received pronunciation），旨在滲透那種平凡男生的氣息，告訴我們「梗有一個喺附近」。
其中一幕，谷巴與戲中心理學家對談到一半，忽然打了個呵欠，這原本不在劇本，後者反應夠快，馬上問他：「我讓你覺得沉悶嗎？」入了戲的谷巴沒尷尬之餘，反而展露出那「神秘之笑」；谷巴後來在訪問中自爆，其實當時只是「太攰」，卻製造出意料之外的戲劇效果。
角色細膩
《混沌少年時》4集環環相扣，角色描寫細膩，節奏緊湊，觀眾既是跟隨人物視角感受情緒和四周環境，亦想知道接下來會發生什麼，肯定不會按下「快進」（當下流行的睇劇方式）。家庭和學校對新一代影響有幾深，網絡世界充斥無法監管的內容，同時父母又不知道子女每日看什麼、聽什麼，到底家長還有什麼可以做？
全劇沒說教和批判，把社會真實一面呈現觀眾眼前，巴倫提尼直言：「每一個正常家庭也可能受到現在的網絡文化影響，誕生像劇中走歪路的Jamie。」英國首相施紀賢（Keir Starmer）亦公開支持，希望全國學校播放《混沌少年時》，讓每個持份者無法迴避。
占飛看完，倒抽了一口涼氣，心情久久不能平復，內心有種感慨──父母有自己的原生家庭，他們並非不愛你，而是給不到自己都沒有的東西。混沌的不是少年，而是整個社會。
信報 2025年4月2日
占飛 忽然文化
演技教科書
《混沌少年時》剛上架時，劇中飾演主角父親的史提芬格拉咸在觀眾眼中可能名氣不大，怎至相信他今次一劇成名；其實這名英國資深男演員來頭不小，曾與多位影帝合作，亦拿過多個最佳男主角獎，難怪演技達到教科書級數。
現年51歲的格拉咸來自英國西部蘭開夏郡，年僅8歲已在學校演出舞台劇《金銀島》，獲發掘成為童星，14歲在利物浦著名劇團踏上台板，天賦表露無遺。不過，他自小就有讀寫障礙，年輕時因「過度」醉心鑽研演技，患上抑鬱症，曾嘗試上吊輕生，若非繩索斷掉，恐怕已去了見閻羅王。
死過翻生之後，格拉咸在大學遇上一生最愛──同樣熱愛演戲的漢娜（Hannah Walters），二人一拍即合，婚後育有兩名子女，幸福美滿。兩公婆在事業上互相扶持、提點，漢娜會為格拉咸朗讀劇本，助丈夫了解劇情，甚至在幕後「出謀獻策」，與製作單位齊齊討論拍攝方案。
作為英國實力派演員代表，格拉咸早在2000年的《邊個夠我薑》（Snatch），便與一代型男畢彼特（Brad Pitt）合作，之後共事過的影帝人馬包括：《紐約風雲》（Gangs of New York）中與里安納度狄卡比奧（Leonardo DiCaprio）做對手戲，還有《愛爾蘭人》（The Irishman）中與阿爾柏仙奴（Al Pacino）及羅拔迪尼路（Robert De Niro）結片緣。
戲劇就是人生的歷練，格拉咸曾經是那些「記得佢，但叫唔出名」的演員，至2018年憑劇集Little Boy Blue，首次斬獲RTS Awards視帝，兩年後憑大熱劇集The Virtues再奪殊榮；迄今已拿過5個最佳男主角獎項，實力有目共睹。
沒有留言:
張貼留言