剛好日前天氣突變惹上小傷風，去睇醫生時，該「基層醫生」忽然 sell 「年愈半百準廢老」的魔術師（心水清或好奇心強的網友應該都估到）做個由正苦資助的「大腸癌篩查計劃」。
|
| (網上圖片) |
|
| （圖片來源：大腸癌篩查計劃 > 參加計劃 > 合資格人士, captured on 16 Apr 2025） |
魔術師簽咗同意書之後，診所護士就幫魔術師登記，然後將「攪X棍套裝」發給魔術師。採樣需做兩次，第一次做完之後隔一至兩天做第二次，完成後將樣本交到指定地點，正苦自會進行化驗。有結果便會由診所護士通知魔術師。
|
| （圖片來源：大腸癌篩查計劃 > 參加計劃 > 篩查流程, captured on 16 Apr 2025） |
正苦成日話財赤要慳錢，但係惠及市民福祉的醫療開支卻唔會慳到盡，甚至為市民好預防於未病之時。如果移咗居去米帝，嬰該就無咁好服務了。
整個採樣程序是這樣的：
1. 用膠袋鋪在馬桶上，然後去便便（千祈唔好肚痾）。
2. 打開「撩撩棍樽仔」，樽蓋附有攪X棍，就如「新冠撩鼻」一樣將棍頭探入便便，沾上污物。
3. 跳過噁心部分，將攪X棍放回樽內扭實蓋，再在樽上寫上日期。
4. 將樽仔放入小密實袋內放好。四天內重覆一次。
5. 最後將兩個樽仔放入大袋封好，交到指定地點（都係睇街症的健康院）。
成個過程介紹漏咗一樣嘢：就係鋪係馬桶上的膠袋點處理呢？魔術師就用屋苑免費派的「垃圾徵費」膠袋完成此「壯舉」，完事後綁好放入廚房內的「垃圾徵費」膠袋再丟棄。話哂都係私人屋苑，無理由會有人拆垃圾袋摷嘢掛？
又，想當年趙薇因「媚日」被淋米田共，想起來也真難為了該位「步兵」也。
＊＊＊
呢段片有啲 shot 需要家長陪同觀看，免得過都唔好睇：
＊＊＊
伸延閱讀
大陰都有，不過就要54先有喇（兩年一次）。幾年前都喺傷巷自費做咗
回覆刪除我係舖喺地下做XD喺塑膠上面再墊次紙，對準屙喺次紙上（如果量多喺屙嘅過程中PP要稍為移動一吓平鋪成一條），撩完之後剩餘就掉番去馬桶
其實因為有家族史打算過多幾年去照腸算
//想當年趙薇因「媚日」被淋米田共
我仲以為唔喺人喺啲動物嘅XD我淨喺諗到N年前喺垃圾局癡瘋定喺朱的掟X水點樣去入樽
//如果量多喺屙嘅過程中PP要稍為移動一吓平鋪成一條
刪除便便都有得拉花！
//照腸
飲瀉藥好辛苦！
//屋苑免費派的「垃圾徵費」膠袋//
回覆刪除你屋苑 超前部署 完，無壽終正寢 咩？
亞力士
//無壽終正寢咩
刪除一次性派哂六個月存貨俾住客，我就一年都用唔哂！
回覆刪除我23年照左, 都係政府資助, 不過係另一計劃
小弟21年腸道入院做過緊急手術, 事後排期照大腸鏡檢查(25年10月.....)
所以政府有特別安排, 自己肯俾$1200, 政府就轉介你去私家診所做大腸鏡, 等你唔駛排咁耐
//所以政府有特別安排, 自己肯俾$1200, 政府就轉介你去私家診所做大腸鏡, 等你唔駛排咁耐
刪除咁都好，如果有醫保，應該可以 claim 得返。