1. 五步成梯
魔術師早就發覺書房愈來愈暗，早就料到天花粒逐盞燒掉，但由訴人懶關係，直至日前全部熄燈才捨得整。打開雜物櫃，見只有裝修時師傅們留下的A字木梯，魔術師實在唔敢用：
都係先去 PDD 買隻五步梯好似安全啲，所花不造70.7人仔：
花了數天，送貨到巷，開箱是這樣的：
打開結實穩固，爬上去扭開燈罩，見有三顆大螺絲頭（E27)燈泡，使廢事花時間等網購送貨，直接落街買了（算唔算留巷消貴？）。迅速換完燈膽，抹乾淨燈罩然後扭返埋，收返張梯完工：
問題係完事後，舊燈膽有專用回收箱；但張A字木梯呢？拎去屋苑樓下裝修廢物處理？如果係垃圾徵費時代，係咪貼張 label 就可以掉去垃圾站？
＊＊＊
2. 獅子打麻雀
話說月前大貓銀行推出限量版紀念麻雀套裝，呃（？）客戶啲積分去換。魔術師也就「不甘後人」，即使唔識打麻雀，都走去「燃燒積分」換返副：
估唔到今時今日，大貓伸係要寄換領信來叫客戶去禮品中心去換領，而唔係搵速遞送上門。拖拖拉拉魔術師就等到日前返半日工下午休假去領取：
個 spec 話有 12kg 重，都唔係輕，仲要搵條繩綁住，拎起來勒住隻手超痛，愈發唔明點解唔送貨。返到屋企，開箱梗係要影返輯相，有個袋仔，麻雀牌排列整齊，仲有六角形 logo 骰仔，真心堅靚。魔術師套牌 number 係 679，差10個才是 689：
＊＊＊
3. 欲語還休
早前魔術師引述過人言報「國家政策擔心影視界竄改史實污染文化，精密審查，製作方為免麻煩為爭取創作空間，索性架空，無根無據便好。」（見《妖貓傳》），但金庸武俠小說就是在真實歷史中虛構小說人物，半架空的色彩更添趣味（小說啫，使乜講到「竄改史實污染文化」咁嚴重？），而且「吹水都有個譜」，唔會將歷史人物創造出N個平行時空的存在（綜合網友意見），所以內地拍金庸劇實在是「樂此不疲」。
可能就係咁樣，又衍生出網上KOL/博主將影視作品當原著一樣分析（2nd: 例如「比較金庸角色武功強弱」，然後又剪一大段影視作品堆砌），而最令魔術師討厭的一概就係標題黨。好似以下一段咁，明明係截取CCTVB劉德華版《神膶俠侶》大勝關之戰一段，標題卻是「師父乜徒弟物」，兜兜轉轉龜兒子在騙誰（2nd Edition：謝摩摩糾正，與上文「衍生博主」無關，但魔術師對不着標題黨嫌惡依舊）？
＊＊＊
伸延閱讀：
//好似以下一段咁，明明係截取CCTVB劉德華版《神膶俠侶》大勝關之戰一段，標題卻是「師父乜徒弟物」
回覆刪除咳咳... 「歡樂APM」係TVB旗下其中一個官方YouTube頻道，唔係某某十九KOL截TVB啲片自己自由發揮...
謝糾正。我真係完全唔知，亦無去查證一個「古怪名字」的 channel；其實主要係講內地班「衍生博主/KOL」9吹風氣（正如比較金庸角色武功強弱，就連黃裳甚至達摩商些「正傳」只是沾點邊的角色也寫進去），亦證明我見到棕題黨就憎，也沒有空閒去 check 樓主是誰了...又，自己片都要用呢種標題寫法，豈非走火入魔？
刪除麻雀嘅花牌喺唔喺大貓嘅舊建築，幾有特色，唔喺就咁塞一副普通嘅麻將
回覆刪除//number 係 679，差10個才是 689
限量400，即喺有啲喺留起左？
木梯拎去屋苑樓下裝修廢物應該OK會有人攞去循環再用
//又衍生出網上KOL/博主將影視作品當原著一樣分析
用AI亂作一大堆出嚟，0成本
//花牌喺唔喺大貓嘅舊建築
刪除係舊大貓總行，同埋獅子。我應該將左後嗰盤牌擺前至啱。
//限量400，即喺有啲喺留起左？
啱出奇。同埋可能係 reward+ 先係限量 500，另外仲有其他活動有得送。
//用AI亂作一大堆出嚟，0成本
Clickbait 味太重，所以我都無心研究廢事俾錢個樓主賺，無去查「歡樂APM」的來歷亦唔怪得我（自辯中）。
／五步成梯／
回覆刪除魔兄早前不是買了可變梯的晾衫架嗎？
亞力士
嗰個係飛機式可摺埋單/雙翼的晾衫架，唔係梯來的。
刪除//擔心影視界竄改史實污染文化
回覆刪除但在主旋律納土歸降下，「納土歸宋」的吳越國主錢弘俶可以成為爽劇男主角，還能夠與五代最出色的雄主郭威和欺負孤兒寡母的趙匡胤稱兄道弟。也為「燭影斧聲」拍出了一個温馨版本。
WILL