爽歪歪芽莊遊（四）之貴人出門（Day 3)

跟住嗰日可以唔使咁趕，訓到九點先去食早餐，然後換衫陽光與海灘：

靚姐姐當然又係三點式水着出場，魔術師自然留返俾私相簿用：

沙灘貼近泳池區，淺淺地只有1.3米深，水性麻麻的魔術師都啱游（一望無際的海灘就唔敢了）。池中有唔少洋腸洋妞、鬼仔一齊嬉水，當然無乜睇頭，靚姐姐一去就殺哂。

玩到中午，食個酒店送嘅 high tea 甜點（味道一般），便到下午節目：

本來有諗住去呢個「浪浸遊輪」嘅：

（圖片來源：Get Your Guide：芽莊：浪漫的日落雞尾酒和晚餐巡遊, captured on 22 Jul 2025）

但前一日去玩「沙丘魔堡」個領隊介紹呢個動力滑翔傘，仲包來回接送，好似幾好玩咁

主辦方派車到酒店接我們到場地，一路睇人哋玩一路簽聽講解生死狀（有起事來搭觀光船都會沉，見仲延閱讀），點知等咗一陣，就話落雨無得玩，只能「見到最後幾班機升降」：

主辦方本來有車送我哋返酒店，但魔術師見雨勢不大，便在市中心下車，同靚姐姐行一陣之後鋸扒：

魔術師仲喺「女人街」買咗個小玩意同A貨 Labubu 袋仔俾靚姐姐，以博紅顏一笑。

＊＊＊

伸延閱讀：

爽歪歪芽莊遊（三）之黃沙萬里（Day 2)

越南下龍灣觀光船翻沉　死亡人數更正為35人 有線新聞 2025年07月20日

【有線新聞】越南觀光景點下龍灣觀光船翻沉，傳媒引述政府的報告指，死亡人數更正為35人，10人獲救。救援人員繼續搜索多名失蹤者，副總理陳紅河到場指揮，總理范明政向遇難者親屬致哀。

救援人員通宵在下龍灣搜索失蹤者，畫面可見觀光船幾乎完全反轉，只露出小部分底部。救援人員用起重機拉起船隻，大部分船身打撈出水面，拖回岸邊，有蛙人入船艙搜索。國防部和公安部等部門派人參與救援，出動27艘船和兩艘救援艇，副總理陳紅河到場指揮救援工作。救援人員陸續將遺體搬到岸邊，死者包括船長。

這艘觀光船藍灣58號，24米長、12噸重，周六下午1時許，在下龍灣木頭洞附近海域遊覽時，遇上強風雷暴後翻沉並失去定位訊號。傳媒早前報道，船上載有53名乘客及船員，其中逾20人是兒童，大部分來自河內，傳媒之後引述廣寧省人民委員會的正式報告，指船上人數為49人，包括46名乘客和3名船員。

14歲男童被困船艙約4小時後獲救，報道指翻側的船艙內有50至60厘米空隙，有足夠氧氣給男童呼吸，救援人員發現他後，打破窗戶把他救出。另外逾十名生還者送院治理，部分傷者身體和四肢多處受傷，情況穩定。總理范明政向遇難者家屬致哀，下令徹查事故並會嚴懲違例者。