爽歪歪富國島（二）之到埗（Day 1）

話說魔術師、靚姐姐、與及伯母各自從家中出發到機場集合，剛好趕得上一齊 check in 擺低寄艙行李，使逕自出發去 lounge 食嘢：

（菠蘿包、春卷、雜菜湯）

（魚蛋河）

記住各大錢莊的旅遊信用卡雖然名義上可以「免費享用」機場貴賓室，但事實上事後係要用張卡在指定時限內碌返夠本，至於時限和碌幾多錢、點先至算係「合資格簽賬」則每間錢莊每張卡都唔同，用之前要俾多少少 attention to details 計好數；好似大貓呢張 EveryMile Visa Signature 卡就要在使用 lounge 後60個曆日碌滿4,000等值我城貨幣，才可以「豁免」＄250 去 lounge 的費用：

去到富國島，人頭湧湧，就算有伯母呢位長者同行也是無用，關愛櫃位形同虛設，排隊過關都排咗大半粒鐘，效率之低在我城發生早已被投訴成癮的傷民DLM：

過咗關之後，靚姐姐本來經 Agoda 預計嘅專車竟然去錯地方，我們等了好一會都不得要領，唯有幫襯在機場兜搭乘客的光頭仔的士司機，呢位光頭哥哥禮貌不錯，而且也能以簡單英語溝通。平安去到酒店，Agoda 相關的專車公司早已派人到場付費，畢竟係佢哋嘅有錯在先，賠返車費應有之義。

雖然越南比我城早一粒鐘，但去到酒店 check in 都已經成夜晚8點幾，飲過杯 welcome 椰汁冰之後，上房擺低嘢便出外食晚飯：

靚姐姐訂房果然有心得，呢間酒店叫希爾頓格芮精選酒店（La Festa Phu Quoc, Curio Collection by Hilton），周邊環境「打造」到好似歐洲小鎮咁：

我們就在上圖 Rauam 吃個輕輕的晚餐：

整返杯越南滴漏凍咖啡，一樂也：

（白滑小手由侍應妹妹提供）

食食吓仲有每晚都放嘅煙花夜繽紛，相比起來我城一個月先搞一次真係相形見絀：

呢餐飯食完埋單 1,559,250 VND，碌卡計埋1.95%手續費係＄486.55我城貨幣，一啲都唔貴，果然拎住我城貨幣去到東南亞諸國真係可以做皇帝也。

＊＊＊

伸延閱讀：

爽歪歪富國島（一）之旅遊平台中伏記