何家戶口何家開

（幕開）

（偌大的辦公室中，一名髮線只有稍微後移、踏入初老階段的男子，正坐在辦公桌位子，百無聊賴地把玩着滑鼠。）

（辦公室的門鎖忽然猛被大力打開。）

（一名身穿貼身露腰黑色小背心配瑜伽褲，梳了一條大馬尾的少女閃了進來。）

（少女身手甚為靈活，甫一走進辦公室，後腳一蹬，房門便「砰」的一聲關上。）

（少女提着一個湯壺，眉花眼笑地嘣蹦跳去到辦公桌前。）

少女：（心心眼）爸爸，你睇！？我今日煲咗靚湯俾你飲呀！

爸爸：（老懷安慰）阿雪真係乖！

（爸爸在坐椅的手柄上按了幾下，「辦公椅」便自動從辦公桌退後，柺個彎來到阿雪旁邊。）

（原來爸爸是坐在輪椅上。）

少女：（大驚）爸爸，你做乜變咗無敵鐵探長？爸爸，你千祈唔好有事！校內班手足靠哂你！（唱）

「願我會揸火箭　帶你到天空去

 在太空中兩人住

 活到一千歲　都一般心醉

 有你在身邊多樂趣

 共你雙雙對　好得戚好得意

 地冧天崩當閒事

 就算翻風雨　只需睇到你

 似見陽光千萬里

 有了你開心啲　乜都稱心滿意

 鹹魚白菜也好好味

 我與你永共敍　分分鐘需要你

 你似是陽光空氣

 扮靚啲皆因你　癲癲地皆因你

 為你甘心作傻事

 扮吓猩猩叫　睇到乜都笑

 有你在身邊多樂趣

 若有朝失咗你　花開都不美

 願到荒島去長住

 做個假的你　天天都相對

 對木頭公仔做戲」

爸爸：（輕撫阿雪的頭髮）阿雪，我早排喺吉波波跌親，老人家骨頭脆，做咗手術，依家康復中㗎喇！

阿雪：（放下心頭大石）聽見爸爸你咁講我都安心啲。嚟喇，啲湯襯熱飲。呢個係我煲的豬骨湯，好多鈣質，剛剛好可以幫爸爸你補返！

（阿雪打開湯壺，把湯倒在壺蓋中，端起來輕輕吹涼。）

爸爸：（眼濕濕）阿雪你真係孝順。依家啲後生，無乜邊個好似你咁乖！我一定要好好咁報答你！

阿雪：（甜甜一笑）咩喎！爸爸你咁照顧我同班手足，孝順下老人家又算得係乜？（唱）

「這是愛 似驟來他朝怕驟然失去

 艷陽下 有若靈犀暗地倆相通

 心已通 但願為天邊一雙飛鳥

 空中往返 心變做連理樹 倚那春風

 這是愛 似驟來他朝怕驟然失去

 夕陽下 百丈情絲暗地倆低弄

 心已通 但願為天邊一雙飛鳥

 花間往返 花也在含笑 枕春意之中

 寒雨暴至 秋風竟吹散春夢

 霧雨輕煙添我迷濛

 問何日方可再復見

 雲霧散始終不再現 失去影蹤

 這是愛 似驟來今朝已驟然失去

 是場夢 淚若泉湧再沒法牽動

 空歎息 心仿似天邊一孤鳥

 影孤隻單 悲世事常變幻 轉眼一空」

爸爸：（呷了一口頭啖湯）阿雪，你有所不知。我依家請緊病假，工作就由副手代理；但我卸任在即，諗起筆退休金，就相當頭痕。

阿雪：（眼睛亮了起來）爸爸，你已經無乜頭髮，頭痕都唔好搲。我哋後輩無權過問你筆錢點使，但總不能花在吉波波的大X妹身上啊！

爸爸：（失笑）阿雪，爸爸今次去吉波波係為了公事，唔係因為出火而整親。而且，我校咁多天使，要出火又使乜去咁還？

「十個女仔 九個認細 明明係老 佢話唔係

 三張幾o野 紮起辮仔 青春美麗 就冇失禮

 十個女仔 九個浪費 時時換季 已係成例

 身光頸靚 襯起好睇 錢亂咁揈 為顧身世

 十個女仔 九個實際 人人恨嫁 富裕門第

 小妹選婿 要講家底 屈居妾侍 亦冇乜計

 望女仔續個睇眼厲厲 (眼厲厲)

 燕瘦環肥大細樣樣齊 (樣樣齊)

 男仕實在要感激上帝 (HALLELUJAH)

 皆因女仔使你意亂情迷

 十個女仔 九個話咪 明明係制 猛話唔係

 想討好佢 老鼠拉龜 一咪作狀 扮哂矜貴

 十個女仔 九個玉砌 情懷善變 確係文藝

 郁啲都會 發起啷嚟 一出眼淚 就要安慰」

阿雪：（大發嬌嗔）爸爸，我唔俾你講埋啲咁嘅嘢。你有我就得嘞。

爸爸：（心情大好）咁又係。阿雪，咁你認為我筆退休金用來點用好？依家黃色經濟圈仲有無得做？我俾100萬出嚟打本做茶餐廳得唔得？

阿雪：（唏噓地）爸爸，自從國安法同埋23條之後，就連我哋班手足的軟對抗都死死吓，黃色小店圈更是一早摺埋！爸爸就算你俾100萬出嚟，我怕連我校的 canteen 都做唔到！（唱）

「氣候 變壞 雨大浪大

 浸過了購物大道 像越鬧越大

 而何事救援還未到 正派往遠方打仗 不可上街

 管理層滿是實戰派 誰和誰慘被活埋 不可多嘴表態

 繁榮和安定正在瓦解

 可惜我已經退休 一早已養尊處優

 坦克再駐守 只可高叫快走快走

 不可以插手 青春些會救到亞洲

 歐洲與美洲 今天怎強出頭

 可惜我已經退休 將這裏轉交你手

 即使你錯手 摧毀一切炸出缺口

 不可以插手 只可打氣拍手

 恭賀人類 生出殺手

 就是這樣 家產給你接收（總要去的不要留）

 就是這樣 蒼生可以退休（歡送爆開的汽球）」

爸爸：（大驚）吓，咁點算？人哋特首退咗休有辦公室，唔通我作為一校之長，退咗休就連頹飯都無得食？

阿雪：（再倒了一碗湯）爸爸，你又唔使咁擔心。我有一啖飯食，你就有，我唔會俾你餓親。

爸爸：（大喜）阿雪，咁我信哂你！我啲錢一於俾你處理！（跟阿雪合唱）

「爸：信世間始終會美

 信戰爭有天枯死

 信四海許多正氣

 信這些不變的真理

 像我深深相信愛是美好

 像你真心真意相信我

 知否我也相信你 yeah

 永遠相信你yeah

 雪：信有天始終見到

 這世間手挽手起舞

 信四海懂得友愛

 我信它就會更加好

 如像深深相信愛沒法比

 如像聲音只有歡欣可跟你

 Wo wo

 合：如像我信自己

 深深的相信你

 如像我信自己

 深深的相信愛的真理

 愛的真理

 如身邊精彩起舞的你

 愛的真理」

阿雪：（大喜）爸爸，咁你快啲飲埋啲湯佢，我同你一齊去開聯名戶口。唔通有錢就唔係真愛咩？

（爸爸大樂，把湯一口飲完。）

（阿雪推着爸爸特輪椅，急步衝出辦公室。）

（幕下）

＊＊＊

伸延閱讀：

新聞雜評（四百三十三）

信報 2024年5月7日

段崇智大馬公幹跌傷須做手術

今年初突告請辭中文大學校長的段崇智【圖】，校方稱他上周於馬來西亞吉隆坡出席公務活動期間跌倒受傷，並在當地接受手術。中大表示，校長職務現暫由常務副校長陳金樑代理，而相關安排也已通知校董會主席查逸超。段崇智年初與中大續約，展開3年新任期，惟約一周後，他旋即請辭，並將於明年1月卸任；根據校方的公告顯示，招聘期將於下月30日屆滿。

逐步康復 陳金樑署任校長

中大昨天發聲明交代事件，透露段崇智已經在當地接受手術，並遵從醫生指示休息及正逐步康復。

對於署任安排期限、他因何公務及在什麼情況下跌傷，校方均無直接回覆傳媒提問，僅引述段崇智稱希望及早康復，感謝各界關心，並指基於尊重校長私隱，不會再作評論。

校方上周五（3日）曾發稿談及，段崇智於上周日（4月28日）曾接見到訪中大的上海市長龔正與其率領的上海市政府代表團，當時文中未有交代段崇智跌傷，也無提及他赴大馬的行程。

上周五在立法會教育事務委員會會議處理香港大學及中大校園發展工程計劃時，是由陳金樑代表校方出席，而非段崇智。

中大近年接連捲入政治風波，遭到建制派針對。立法會去年修訂《香港中文大學條例》，內容包括改組校董會及提高聘任校長的表決門檻；年底校董會再以「失去信心」為由，即時解僱被視為段崇智得力助手的時任副校長（行政）兼秘書長吳樹培。當時查逸超承認，解僱吳樹培的決定與對方曾經聯署反對修例，以及被指繞過校董會行事有關。

同年8月，廉政公署罕有公開表示正調查中大轄下一所醫學中心，懷疑有人涉貪及挪用公款等，據報該心血管基因組醫學中心的負責人是段崇智妻子羅聞亞。

信報 2024年5月16日

天瑜 視線所及

何家商機

已故股壇名人曹仁超講過：「有智慧不如趁勢。」果然，「何家風波」還有續集，大台乘勝追擊，港人邊鬧邊睇；甚至全球華人都在密切留意最新事態發展，現實真的比電視劇吸引得多。

自從與「新何太」譜出忘年戀曲後，「何伯」與兒女反目成仇；事件讓大家討論到長者晚年生活、子女關係、婚戀自由、財產保護、公屋富戶等多元議題，大有上世紀全城一同追看連續劇的熾熱氣氛。短短幾日，「東張何伯」、「何伯新娘」等關鍵字，已廣泛滲透內地平台B站和小紅書；兩位年紀不輕的主角一夜間紅到發紫，甚至海外華人討論區都在食花生、等睇戲。

所謂「肥水不流別人田」，大台捉緊流量密碼，閃電製作出扮嘢節目瘋狂抽水（好笑與否見仁見智），隨後亦有新訪問跟進後續發展。新時代「流量為王」，大台已連續6年錄得虧損，今次不應錯過翻身機會，趁勢再起風雲。首先，何伯飲湯飲出真感情，證明湯水在華人世界魅力沒法擋，宜在網購平台推出「何太靚湯」，讓叔叔伯伯飲出幸福感，讓嬸嬸姨姨找到第二春。

其次，大台編劇不妨以「何家風波」為藍本，用最短時間推出5至8集迷你劇，測試市場水溫，看看港產迷你劇能否反攻內地市場；第三，「新何太」出鏡時身光頸靚，夠資格出書教大家致富之道，配合其獨樹一幟的金句，例如「有錢就唔係真愛咩」、「我有一啖飯食，佢就有，我唔會畀佢餓親」等等，說不定能一紙風行，衝擊低迷的實體書市場。

最後，有網民自稱在街上見過「新何太」，樣貌不似46歲，相信不少愛美女士會對她使用的護膚或化妝品大感興趣，直播帶貨噱頭十足；若能找到當事人親身上陣，何止賺得咁濕碎？