2024年5月21日 星期二

X檔案(二)

1. 嬲咗個氛圍

唔通小店食店就係註定「天然黄」?

(網上圖片)

就好似呢間本來在都幾多黄人的龍門居搞得有聲有色、口碑唔錯(但魔術師無食過)的牛主題食店,唔知係咪俾地慘霸孽主瘋狂加租,年前搬了去龍門居附近的單枝納米盤泓海繼續營業。點知最近又有消息話唔做老本行「食牛」,轉為經營泰菜,小編(老細?)仲出咗篇長文講自己的心路歷程:

(網上圖片)

最頂癮寫到尾段,小編(老細?)就係問大家「嬲」完未:講緊嘅係嬲傷巷依家個「氛圍」。「氛圍」係指咩嘢呢?魔術師總係聞到潛台詞係國安法、23條、清一色的「氛圍」,多過一早關門的店舖(你開係單枝樓商場就一定無夜市,註定早收工)、執笠「潮」,同埋搞極唔多起的「夜繽紛」。

***

2. 關注執笠

其實呢啲 FB 群組有幾多帖係認真諗過先寫出嚟嘅呢?

(網上圖片)

首先,連鎖店採用中央廚房已不是新鮮事,要擴張版圖,根本就係市區同領匯並行,邊到有鋪位有人流有生意連鎖集團自然就會去開店,而唔係「靠領匯入屋邨掃走舊鋪,壯大後才出市區把小店吃掉」,目測就可以感受到嘅事實,都可以用來歪曲將領展(00823.HK)同埋飲食集團妖魔化嘅。

再睇埋呢個帖,真係啞然失笑,「大陸電腦會爆炸」,咁似咸蟲大哥的對白嘅?

(網上圖片)

話說回來,魔術師說甚少掏佬,就算掏都只係掏啲平價嘢,爛咗無所謂嗰啲。電器上網買都係經友和(02347.HK)之類,保證行貨,質素有保證。魔術師唔係窮撚,唔需要事事都掏返嚟也(當然也有師兄是從癲貓或北上買相機、鏡頭的,見《嚴選影音產品(十六)之的起心肝換鏡頭》)。

至於北上退貨好方便,都係睇係住邊區。魔術師住屯門,雖然北上都算方便,但交通都係時間,就算「北上吃喝玩樂」對魔術師來說都唔係太吸引,更遑論退貨維修了。

***

3. 滅蝗

在行走屯門區內的黨鐵接駁巴士座位上,赫然見到以下塗鴉:

老實說,屯門區內「新傷巷人」為數不少,但行為惡形惡相的人(即當年被稱為「蝗蟲」)人數已較當年大為減少,起碼魔術師目測都沒有什麼特別的厭惡性行為,被行李喼碌腳的情況也大為減少。

要說的話,就係「蝗民」喜歡高談闊論,普通話聲調經常無故提高,甚為吵耳;但其實論吵耳傷民亦不遑多讓,仲有唔少廢老在車上開大手機 speaker 睇片,有青在食店食完賴死唔走霸住座位聯群打機添!要講「惡行」,傷民也不是很清高,此時此刻還滅甚麼蝗呢?

***

伸延閱讀:

嚴選影音產品(十六)之的起心肝換鏡頭

信報 2024年5月3日

高天佑 新聞點評

大家樂「抗執笠」絕招

「執笠潮」來勢洶洶,大家樂(00341)昨日卻「發盈喜」,預告截至3月底年度純利達3.3億元,按年猛增兩倍,堪稱逆市奇葩。但實際上,該集團在上半財年已錄得2億元純利,意味下半財年其實「賺少咗」,反映大型連鎖集團也難免受到「北上消費潮」影響。不過,大家樂仍然「有錢賺」確實已勝過很多同業,該集團有一「絕招抗逆」,對於市民了解本港餐飲業或可帶來啟示。

大家樂昨日公布,根據初步評估,預計截至3月底的2023/24財政年度錄得3.3億元純利,較上財年(1.1億元)增加兩倍;若剔除上財年獲得政府疫情資助那筆款項,2023/24財年純利增幅更達470%。該集團解釋,期內業績亮麗主要受惠於營業額增長、有效控制成本、生產力提升、數碼化及自動化等因素。

設立中央廚房 助削勞工成本

值得留意的是,大家樂截至去年9月底的上半財年,已經錄得2億元純利,簡單計算,下半財年純利約1.3億元,實際上「賺少咗」。不過,無論如何,在現今市況下,該集團依然「有錢賺」,已勝過很多同業。

大家樂為何能逆市跑出?首先要從目前餐飲業整體狀況講起。不少人認為,近期這麼多食肆拉閘結業,兩大元兇為「租金貴」和「北上潮」。儘管這兩個因素確實存在,並構成重要影響,惟對於大多數食肆經營者,最頭痛的是另一種煩惱──勞工短缺及工資成本高昂。

以大家樂為例,該集團上半財年的僱員開支達14億元,屬最大支出項目,佔總成本35%。其次為原材料和包裝成本(包括食材、餐具等),支出12億元,佔總成本30%。第三才是租金及物業折舊,支出4.6億元,佔總成本10%。勞工成本不但佔比最大,其增長亦最快,按年上升逾10%。若用營業額衡量,大家樂上半財年的勞工成本相當於總收入約33%。

事實上,大家樂能把勞工成本控制於營業額的33%,已稱得上行業翹楚。目前本港食肆的勞工成本佔收入水平普遍四成以上,尤其是小型、非連鎖餐廳的勞工成本佔比往往更高。這個比率若超過五成,再扣除食材和租金支出,相關食肆便極難「維皮」。萬一勞工成本高達55%至60%,幾可肯定該食肆離「執笠」不遠。

人們最近若有關注各式食肆的「執笠啟示」,便可發現沒什麼經營者把「死因」歸咎於租金貴和生意差(儘管香港租金確實不便宜,近期生意亦確實不太好),相反大部分人都把「勞工短缺」、「請不夠人」列為最主要原因。當然,所謂「請唔到人」,意思是在可負擔的工資範圍內難以請到合條件員工,畢竟開出10萬元月薪請一個樓面總有人應聘,卻不現實。

擁兩萬員工 管理具規模效益

言歸正傳,既然勞工短缺及成本高昂屬全行業共同難題,大家樂何以能把勞工成本控制到不高於營業額33%?據了解,主要因為該集團早於多年前已豪擲數億元設立大型中央廚房,並引入大批自動化設備,現已能為集團旗下各品牌食肆提供大部分食材,從而有助大幅減省各分店的廚房人手。

此外,作為聘有近兩萬名員工的集團,大家樂在管理上具有規模效益,擁有相對完善的招聘、培訓、升遷及福利體系,有利於吸引及挽留人才,必要時還可在各分店之間調動人手「頂檔」。相比之下,中小型及非連鎖食肆缺乏規模化優勢,無基礎設立中央廚房,在管理、招聘、培訓等方面也面臨更大挑戰,其按效益計算的平均勞工成本難免偏高。

除了大家樂,包括大快活(00052)、太興(06811)、麥當勞、美心等其他大型食肆集團也採取類似玩法,憑着「中央廚房」加上「規模化管理」,成功把勞工成本這個最頭痛難題控制在合理水平,既能避免「執笠」,更有條件推動旗下各品牌及副線食肆逆市擴張(分店愈多,規模效益理論上愈大),進一步提高市佔率。

小店兩招求存 頂硬上靠質素

「小店」無法仿效大集團的規模優勢,在此形勢下如何求存?暫時看來主要有兩招,第一招是食肆東主及家人親力親為,以夫妻檔、兄弟檔、父子檔經營,大家辛苦一點,請不到人就自己頂多幾粒鐘,務求撐下去。

第二招就是「還原基本步」,要靠食品質素及特色,確保生意額夠高,即使花多點錢請人也能「維皮」。這一招看來簡單,像美斯踢波的竅門無非「扭波過人」和「射波入網」。然而知易行難,大部分食肆不容易做到,面對長期勞工短缺及成本高漲,再加上租金不減、經濟不興旺等負面因素影響,「執笠潮」短期內恐怕仍將持續。

24 則留言:

  1. //「蝗民」喜歡高談闊論,普通話聲調經常無故提高,甚為吵耳;
    在深圳,地铁、商场入面最嘈嗰啲通常係香港人。可能旅游人仕心情好,容易不自覺大聲談笑?

    //就算掏都只係掏啲平價嘢,爛咗無所謂嗰啲。電器上網買都係經友和
    我幚襯淘寶買手機、路由器、手提電腦,未出過問題。不過我同意係會有少少擔心嘅。

    回覆刪除
    回覆
    1. 電器嘢大概有個「公價」,掏返嚟特別平的話,真係小心可能係次貨,最驚係漏電失火。

      刪除
    2. 係淘寶(包括天猫)買過两次手机,一次迷你电脑,大陸品牌。另外喺华为商城买過一部筆记本电脑,两个路由器。全部真货冇問题。價錢可以话係大陆“公價”,但因為本身係大陆品牌,比喺香港買係平一截。

      刪除
    3. 癲貓係賣正式官方網站物品,都有信心嘅。不過係驚電器唔啱我城機電署標準,有乜事難索償。

      刪除
  2. //小店食店就係註定「天然黄」
    會上面書講呢講路借題發揮嘅多黄店,所以造就咗好像小店皆「黄」呢個印象?

    //單枝樓商場
    每次行過話下次去睇下有什麼可以試試,結果每次都忘記了呢座嘢。或者待到兩個屋苑入伙才會多人願意去吧。

    //呢啲 FB 群組有幾多帖係認真諗過先寫出嚟嘅呢?
    唔需要用呀,圍爐夠暖就可以。好像于北辰嘅70%攔截率 x (射) 3 (枝) =210% 又或者為什麼南北宋不統一,都係講比粉絲聽而已。

    //「大陸電腦會爆炸」
    香港買嘅咪又係大陸產品。佢覺得唔安全可以採購有民主大國加持嘅阿三IPHONE喎。
    我唔抗拒買國貨,但自己處理電器能力不高,「保證行貨,質素有保證」係我首要考慮。傢具也是,怕木製件有虫卵就麻煩了。

    WILL

    回覆刪除
    回覆
    1. //好像于北辰嘅70%攔截率 x (射) 3 (枝) =210% 又或者為什麼南北宋不統一,都係講比粉絲聽而已。//
      呢兩段真係離晒大譜,
      講大陸如何如何落後無飯開都有得賴訊息差
      一個初中數學, 一個初中中國歷史, 唔算難既知識, 虧佢講得出口
      ....特別灣灣咁鬼似宋末

      //我唔抗拒買國貨,但自己處理電器能力不高//
      我都係, 香港舖頭買有乜打電話問點都方便D
      不過淘佬都可以用類似WECHAT 問客服, 又可以映相, 都搞到D小問題

      刪除
    2. //會上面書講呢講路借題發揮嘅多黄店,所以造就咗好像小店皆「黄」呢個印象?

      咁藍店又唔說好傷巷故事,未免令人心淡。·

      //于北辰嘅70%攔截率 x (射) 3 (枝) =210% 又或者為什麼南北宋不統一
      //一個初中數學, 一個初中中國歷史, 唔算難既知識, 虧佢講得出口
      //圍爐夠暖

      我承認我係難以明白「明知係錯的說法,只要啱聰,我都會撐落去」的想法。傷民「終於知道」太子站無打死人,都算係勝過灣灣矣。

      //WECHAT 問客服

      隨時遇着 chatbot,答非所問。

      刪除
  3. //的起心肝換鏡頭
    哈哈,早前都買入咗一支新玩具,以為個牌子會是德國貨,原來日本造,少少失望。XD

    //于北辰嘅70%攔截率 x (射) 3 (枝) =210%
    //真係離晒大譜
    最過份是于北辰是退役陸軍少將,可想而知灣灣的軍隊素質。

    //單枝納米盤泓海
    //待到兩個屋苑入伙
    對面業旺邨下個月中應該有得拎鎖匙,年底前應該會入伙。

    //連鎖店
    早前行過屯門市廣場個foodcourt,見到開咗間厚興瑜記手撕雞。XD

    回覆刪除
    回覆
    1. //早前都買入咗一支新玩具,以為個牌子會是德國貨,原來日本造

      借問係乜品牌?

      //灣灣的軍隊素質

      激惡網友 William Lam.

      //對面業旺邨

      龍門居附近嗰少少地都見縫插針,絕對係當件 689 的「功績」。

      //見到開咗間厚興瑜記手撕雞

      多謝告知,今日放工即刻去試。日後寫包膠!

      刪除
    2. //乜品牌
      毒菜 (ZEISS) Batis 2.8/28,其實之前的Contax已經是日本造,不過估唔到用返自己牌子的都是日本造而已。

      //見縫插針
      業旺邨唔算啦,無記錯的話應該是4座公屋合共超過3,000個單位,是一個接近1萬人的小社區,但因為鄰近工廠區(隔離就是南豐工業城),要搵食一係去龍門居,一係過河去友愛。

      印象中龍門居附近會有的大工程,一個是河對面興建港鐵南延線16區站(已經動工),一個就是山邊的高爾夫球中心會拆卸興建泳池。

      //激惡網友
      威廉大確實好好火氣。XD

      刪除
    3. //毒菜

      葉司鏡頭我都未玩過添!

      //一個是河對面興建港鐵南延線16區站(已經動工)

      當年買入瓏門的業主,應該都係貪屯門站係西鐵總站;依家加條南延線,真係唔知會唔會將屯門站變中途站。係嘅話班業主肯定鬧鬼。

      //威廉大

      下次X檔案講吓佢先得。

      刪除
  4. 所以話香港人的思維跟本不會改變,仲停留係20年前的思維,認為中國制的就是不好會爆。

    這是我多的觀察,我身邊的同事,即使淘寶比我多十倍,搵好野比我精明多十倍,都依然會先天性認為中國制造是差,但同時間自己又會覺得自己淘到平價而且高質量物品的矛盾思維。

    以前我也會反駁它們一下,現在已經想通了。就像入關學所說,入關後自有大儒為我們辯經,沒有實力時我講什麼也沒用,但當好像手機一樣,只淨下蘋果三星和中國手機時,甚至像大疆一般巿場遙遙領先,即使噴子也沒法罵,就像黃人依然會返深圳食玩一樣

    Yau

    回覆刪除
    回覆
    1. 北上消費都要有唔少嘢要注意。我在攝影群組見到有師兄話返大陸買相機、鏡頭,一樣有中港澳三地聯保,人哋服務亦好過香港,同一件貨(貴價made in Japan, 次一級made in Thailand)最緊要QC一樣就得。但其實大陸買嘢要俾 golden tax,啲鋪無做足手續,文件唔齊就上唔到中國代理保養。

      國貨方面我都係比較鍾意小米家電。其實唔少小電器都係 made in China,都係嗰句,QC做得好就得,唔使理是否貼牌 OEM。

      淘寶方面,以前的確很多劣貨假貨,依家我就唔知。

      刪除
    2. 早幾日探訪朋友家(黃既),佢地買左個Toshiba既新雪櫃,話9000蚊等如其他牌子2皮野既功能。我正想講東芝家電其實老早就俾美的收購左,但接住佢地講都知係MIC但真係太平所以都揀佢。



      刪除
    3. 一輪少留言,先插句嘴

      //接住佢地講都知係MIC

      00年代起已經聽過歐美日品牌最強的生產綫其實都在中國,而相信就算當年未係現在都一定係

      你諗下日本製造最強係幾時?就係80-90's;當年的少艾拉女,就算00年未變,而家都肯定變晒大媽。在製造業荒廢多年無新本地人才下,你信唔信得過當年舊人現在的工作能力?

      其實這已反映在Tesla上。

      刪除
    4. //買左個Toshiba既新雪櫃

      雪櫃我都係傳統啲用日立,夠凍又慳電。

      //Tesla

      所以尾帝馬老大猛咁同中國做 friend,口徑完全同尾帝正苦相反。

      刪除
    5. Hitachi雪櫃+1
      用左十幾年了
      屋都搬過三次
      一次都無壞過
      仍然夠凍夠靜唔發熱
      堪稱貴買平用之選
      Remark: 當年最high end日本製model
      利申: 唔係sales

      DM

      刪除
    6. //用左十幾年了//
      今日買到既日本牌家電, 同20年前都唔知仲有幾多關係
      近二三十年, 玩成本效益, 追求做靚盤數, 將貨就價
      邊鬼度仲有人做好產品....

      刪除
    7. 廿年前部雪櫃賣咁多錢, 今日部雪櫃又係賣返咁多錢,
      你話會唔會係同一級既貨?

      刪除
    8. //日本牌家電, 同20年前都唔知仲有幾多關係

      大陸早就唔做汗血工廠,將個波交俾東南亞。日本牌子都係靠QC。

      //廿年前部雪櫃賣咁多錢, 今日部雪櫃又係賣返咁多錢,

      傷巷大學畢業生人工都係一樣情況。

      刪除
  5. //退役陸軍少將
    為了550萬市場,亂UP算什麼呢

    //威廉大確實好好火氣
    造謠一張咀,辟謠跑斷腿。真係辛苦威大

    //要搵食一係去龍門居,一係過河去友愛。
    還以為該地區有商場一同興建,自成一角

    //屯門站變中途站。係嘅話班業主肯定鬧鬼。
    友愛南都係中途站,尾站係規劃中設於屯門碼頭。都開心咗10年有咩好嘈呢,投資可升可跌嘛!

    WILL

    回覆刪除
    回覆
    1. //都開心咗10年有咩好嘈呢,投資可升可跌嘛!

      飛揚一期班買家表示不同意 XD

      刪除
    2. 唔好漏左 Silicon hill (笑)

      刪除
    3. 輸打贏要是傷民核心價值之一。

      刪除