承上文《佳士得香港2024春季拍賣會（上）》要參加拍賣，只需在網上先行登記，
然後下載佳士得 app，到時到侯 Join Auction，自然就有直播睇。我哋呢啲小市民當然毋需親自出場舉牌仔。對於魔術師呢類「Nobody」，系统會限制住只可 bid 60萬（我城貨幣，下同）：
如果底價無人 bid，拍賣官又唔想流標，就可以俾個新底價出嚟，等啲買家再 bid 上去：
有時都幾得意，明明底價無人出手，但當拍賣官降價，買家們就會 bid 返上去，甚至超越原先無人問津的底價。咁當初開價時點解又唔 bid，正一「瘦田無人耕，耕開有人爭」。究竟咩策略？唔明，只能說是長了見識。點都好，總會有 case 係個拍賣官連降價都賺永事，順便 pass，慳返啖氣：
當然全場最緊張的就係呢隻錶王，尤其是係到淨返兩個買家的時候，一口價100萬，人人都屏息靜氣...結果以5,400萬 hammer price 成交（未計買家酬金），實不知人間何世：
魔術師一面食花生，一面學習叫價的基本技巧，你叫出一口價，如果唔成的話（即係有人叫高你一口價），於是你第二個 bid 起碼就要叫兩口價之後，如此類推。所以最最基本，對於無乜人爭的貨，就可以由自己的 budget count backwards（當然要計及 buyer premium）。好似以下呢隻 Patek Philippe（下稱 PP），即係在上文《佳士得香港2024春季拍賣會（上）》魔術師提及「假 cool him 夫婦」在解畫及某洋賜「戴咗扮買咗」的 1994 年出產（現已停產）的 5050R-001，過咗20萬就一口價2萬，叫到超過魔術師 budget（連 buyer premium），魔術師當然就唔會再 bid 上去：
但係睇返 Chrono24，同一型號都係有 box and papers，1996 出產的就賣緊 66萬（雖然話每隻錶的個別狀況不同，但都無奶油差咁遠）：
|
| （圖片來源：Chrono24 > Patek Philippe 百達翡麗表 > Perpetual Calendar > Patek Philippe 百達翡麗 Perpetual Calendar, captured on 30 May 2024） |
至於魔術師心儀的就係呢隻都係已經停產，但比以上 5050 新一個型號的 5059，其中鉑金（Platinum, Pt）款式二手市場比較罕有，在展覽場上魔術師就見過一條唔知係皇軍定係泡菜佬走去試戴：
|
| （圖片來源：佳士得香港2024春季拍賣會 > 精緻名錶特別呈獻："世代珍傳"及"歷久常新"系列 > 百達翡麗，鉑金自動上弦萬年曆腕錶，配中心秒針、逆返日曆、月相及閏年顯示，型號5059P-001，機芯編號3’236’963，錶殼編號4’280’857，2005年製，附原廠證書、後補證書、盒子及外包裝, captured on 26 May 2024） |
以以下呢隻紅金版估價最高係22萬（即係連 Buyer Premium 約 27.7萬）：
|
| （圖片來源：佳士得香港2024春季拍賣會 > 精緻名錶特別呈獻："世代珍傳"及"歷久常新"系列 > 百達翡麗， 18K紅金自動上弦萬年曆腕錶，配中心秒針、逆返日曆、月相及閏年顯示，型號5059R-001，機芯編號1’957’416，錶殼編號4’047’965，約1999年製，附原廠證書、盒子及外包裝, captured on 26 May 2024） |
睇返 Chrono24，同一型號都係有 box and papers，2005 出產的紅金版就賣緊 32萬，應該會「便宜」過魔術師睇中的鉑金版：
|
| （圖片來源：Chrono24 > Patek Philippe 百達翡麗表 > Perpetual Calendar > 5059R > Patek Philippe 百達翡麗 Perpetual Calendar, captured on 30 May 2024） |
結果去到呢隻鉑金版，魔術師就落 bid 22萬（即係連 Buyer Premium 約 27.7萬），唔通真係執到「荀嘢」？
事後睇返，之前作參考的 5059R 連 Buyer Preimum 成交價為$239,400（即係 Hammer Price 19萬），Chrono 賣緊 32萬，豈非食水太深？
＊＊＊
伸延閱讀：
恭喜bid到心頭好！
回覆刪除//對於魔術師呢類「Nobody」
買多幾次就唔喺nobody啦，好快就會年年寄圖錄（古早嘅舊圖錄都可以拍賣..）
//系统會限制住只可 bid 60萬
只要俾按金，應該可以提高限額（中國古董類多數要，因為試過有人冇付款攪壞咗個市...）
//你叫出一口價，如果唔成的話（即係有人叫高你一口價），於是你第二個 bid 起碼就要叫兩口價之後
所以有人喺叫多一口食咗嗰位先
//明明底價無人出手，但當拍賣官降價，買家們就會 bid 返上去
有時喺有啲爭議嘅嘢，見有人bid就好似會放心啲咁，手錶還好，如果喺古董類真喺食水深真真假假
//買多幾次就唔喺nobody啦
刪除買多幾次好快變 no money 至真。
//所以有人喺叫多一口食咗嗰位先
用個 app 好似無得跳價 bid。
二三十萬買一隻錶，魔兄消費力級數在blog界超哂班
回覆刪除大把網友儲樓儲股，收息收租當食生菜，仲犀利。
刪除買樓買股，似投資多過消費了
刪除我的意思是，要消費大把人消費得起，只不過他們選擇了投資，而我我洗腳唔抹腳，理財不善呀。
刪除//明明底價無人出手，但當拍賣官降價，買家們就會 bid 返上去
回覆刪除BID 價唔冷靜，好容易就會有添油模式。只要引起競爭心的念頭咁就得米。
也有賣家見有人出價，搵人私下推波助瀾
以前幾十元嘅雅虎拍賣都有得睇呢D BID 大晒嘅交易
WILL
//也有賣家見有人出價，搵人私下推波助瀾
刪除講緊係6萬底價無人理，拍賣官降到3萬，啲人就 bid 返上水面，爭嗰幾萬蚊咁少錢都咁奇怪。
網店比拍賣貴是正常的, 正如拍賣的銀主盤, 通常結果也是低於市價
回覆刪除PC
銀主盤有 potential liability 低於市價唔出奇；網店賣鎄唔知有冇做手腳 都係風險之一。
刪除