積壓如山煲劇單（2024年4月）

 睇咗

1. Netflix：《三體（3 Body Problem）》第一季

估唔到成套劇（在傷巷）嘅賣點說係暈鴿同埋葉文潔引入外星勢力求攬炒嗰幾場戲（見《Netflix 《3體（3 Body Problem）》第一季第一、二集：黃人究竟J什麼？》）！

魔術師評分： 70分（100分滿分）

2. Disney+ :《Moving 超異能族》

網友 WILL 話韓孝周救出套戲，果不然魔術師深有同感。金憓秀(《解碼追兇（Signal）》、《少年法庭（Juvenile Justice）》)屬於知性型熟女，估唔到韓孝周在本片都有幾分知性型後生至中女形象（副眼鏡幫咗大忙，做了眼鏡娘直程唔同咗樣），實在太正！

魔術師評分： 90分（100分滿分）

3. Netflix：《Happiness》

睇完《Moving 超異能族》，迷上了韓孝周，於是即時插播 2021 都係由韓孝周主演的都市喪屍劇《Happiness》。雖然話係喪屍劇，但係沒有一般喪屍片的壓迫感，人類即使中了招也只會一時「病發」一時正常，跟典型喪屍片的設定大相逕庭，似乎係影射新冠時泡菜政府對疫情的處理多啲（故事設定在新冠復常之後）。

喪屍片主打的人性醜惡就寫得幾「透徹」，不過啲反派角色白鴿眼又要貪又要害人又要搵藉口給自己開脫，次次耍奸次次事敗，每次被主角踢爆都係一副膿包相，真係又奸又蠢，令魔術師睇得相當厭煩。

劇情讀有 bug，例如又話斷哂網無電視，角色卻又可以憑對白「從新聞得知」這樣那樣，又話「喪屍」不會追咬中咗招嘅人，但呢個設定卻只是「按劇情需要」執行。

最後，魔術師都係鍾意韓孝周在《Moving 超異能族》的成熟造型多啲（雖然佢34歲扮中學生竟然唔錯）。

魔術師評分： 80分（100分滿分）

＊＊＊

將睇未睇

1. Netflix：《暗夜情報員（The Night Agent）》

Netflix 2023 最高收視劇集，仲要唔係泡菜劇，較為正經的特務片，男主角幾靚仔。

2. Prime Video：《死期將至（Death's Game）》

又係泡菜劇，就連比較「親西方」的串流平台都不能幸免。又係要睇吓有乜咁好睇。

3. Netflix：《格林童話變奏曲》

故名意義，CLAMP 合作企劃。內容唔知同「格林童話原裝黑暗版」有無任何關係呢？

4. Netflix：《骷髏島（Skull Island）》

怪獸宇宙動畫，屬於「補完」工作。

5. Netflix：《大怪獸卡美拉：重生（GAMERA -Rebirth-）》

怪獸宇宙動畫，屬於「補完」工作。

6. Apple TV+：《君主組織與神秘巨獸（Monarch: Legacy of Monsters）》

又係呢類見《XX宇宙》收得便無限伸延加油添醋的衍生劇。其實橋唔怕舊最緊要受，只要識見好就收，唔好愈寫愈過火同主線故事有犯駁就得。

7. Netflix:《星期三（Wednesday）》

魔術師第一季都未入坑，卻連第二季預告都出理，但可能要 2024 才有得睇，要諗吓等唔等埋一次過睇：

8. Netflix:《Fubar》

久違了的大隻佬再現《幼稚園特警》式的動作喜劇，可以用來攝時間。

9. Netflix:《阿諾舒華辛力加：人生三部曲（Arnold）》 

好多人鍾意史泰龍，貪其對 Rocky 和 Rambo 不離不棄，但魔術師就鍾意大隻佬多啲，雖然佢無乜演技但木口木面就係演技，而且無 set 死角色（Terminator 除外）戲路亦較史泰龍多變（起碼以史講嘢一舊舊咁，就好難做到喜劇效果）：

10. Netflix：《Sweet Home》第二季

第一季已經係麻麻哋，第二季上架後風評更是差劣，未定是否入坑。

11. Disney＋：《天龍八部》

CCTVB 搞咗兩對「中年好聲音」出嚟唱主題曲，又可以湊吓熱鬧睇吓完全無刪剪版係點嘅一回事。

仲有大量動畫、舊劇、紀錄片，包括 Marvel 劇、《陰屍路（The Walking Dead）》、《迷（Lost）》、《GANTZ 殺戮都市》、《二戰大事記彩色版（Greatest Events of WWII in Color）》 等...未能盡錄。

＊＊＊

期待中

暫時無。

＊＊＊

無乜期待中

1. Netflix：《魷魚遊戲（Squid Game）》第二季

第一季已經係過譽，如果兩季完魔術師都可以俾個機會佢完埋佢好頭好尾。

2. Netflix：《殭屍校園（All of Us are Dead）》第一、二季

未入坑。如果兩季完魔術師都可以有時間就睇：

＊＊＊

最後貼上魔術師的 all time favoruites 影集/動畫/單元劇/紀錄片頭十名（僅限現時在 Netflix、Disney+、及 Amazon Prime 的非電影類片種)，排名分先後：

1. Netflix:《闇（Dark）》

三季完燒腦穿越神劇，無 bug。

魔術師評分：100分（100分滿分）

1. Netflix:《魔剎（Monster）》

漫畫改編之暗黑系動畫，分鏡出色。魔術師由錄影CCTVB直至買碟二刷，同先父一齊欣賞之動畫之二（另一套就係《銀河英雄傳說》）。

魔術師評分：100分（100分滿分）

1. Netflix:《今際之國的有栖（Alice in Borderland）》

兩季完求生劇，漫畫改編。淨係睇囡囡已能完勝。

魔術師評分：100分（100分滿分）

4. 《紙房子（Money Heist）》

知名西班牙「神劇」，五季完。雖然講到教授幾咁算無遺策，但其中靠不可預測的巧合及符碌的情況亦唔少，真係「好運好過好波」；要睇不如睇女督察（後稱里斯本(Lisbon)）的英姿、奈洛比（Nairobi）的「人事管理技巧」；及東京（Toyko）的西口西面。

魔術師評分：90分（100分滿分）

4. 《新世紀福爾摩斯（Sherlock）》

魔術師最鍾意 attention to details！

（圖片來源：BBC iPlayer: Sherlock, captured on 26 Aug 2023）

魔術師評分：90分（100分滿分）

4. Amazon Prime Video：《刺客旅館：捍衛任務世界（The Continental: From the World of John Wick）》

《殺神（John Wick）》衍生前傳劇集，講大陸飯店經理 Winston（Colin Woodell 飾）的前半生。酒店接待沙隆（Charon）讚以青年身份出現。有 John Wick 式打鬥，係幾爽幾好睇。本片仲有 Mel Gibson 參加演出。

魔術師評分：90分（100分滿分）

4. Disney+ :《Moving 超異能族》

韓孝周在本片的知性型後生至中女形象（副眼鏡幫咗大忙，做了眼鏡娘直程唔同咗樣），實在太正！

魔術師評分： 90分（100分滿分）

8. Disney+:《美國恐佈故事（American Horry Story）》第一至十二季

季度單元故事，共用相同或類似的世界觀，追看無難度。本來係幾好睇的劇集（魔術師個人喜歡 Season 2《Asylum》、Season 1《Murder House》＋Season 3《Coven》＝Season 8《Apocalypse》），但愈拍愈頹，由第10季開始覺得有啲無厘頭，故事亦開始唔吸引，無乜新意和追看性，加上元祖演員全數退場，無哂癮，追看下去也只是情意結而已。

魔術師評分：（第1至12季平均)85分（100分滿分）

8. Netflix：《冥王（Pluto）》

浦澤直樹又一力作，喜歡《魔剎（Monster）》的觀眾不容錯過。劇情改編自手塚治虫的《小飛俠》篇章《地上最強的機械人》，所以有不少手塚治虫的「童真」feel，跟浦澤直樹的暗黑風有少許錯配，而且結局解畫有啲牽強，個人覺的得稍不及《魔剎》和《二十世紀少年》。故事起源於一個似曾相識的背景：中亞國家波斯王國被某自稱世界警察的國家指控藏有大殺傷力機械人，聯合國調查團發現本無此事，但戰爭經已開打，引伸出不少愛恨復仇，人類和機械人（人工智能）的包客與矛盾的故事。

魔術師評分：85分（100分滿分）

10. Netflix: 《少年法庭（Juvenile Justice）》

呢套係少有可以叫魔術師有心機追落去的韓片，有時仲深宵播放一晚追睇兩集：是關女主角的價值觀啱哂魔術師：年輕唔係大晒，對於窮兇極惡的少年犯，一定要嚴懲，否則佢地只會嘲笑法律的無能。不過，本片結局有啲不太合理，太過正能量：以結局案件的有青之殘忍性格，無可能只在女主手臂上刺一刀，而唔係割喉棄屍；肥婆部長亦不可能在庭上為其慣性草率結案而影響的受害人公開道歉吧！

魔術師評分：80分（100分滿分）

10. Disney+: 《解碼追兇（Signal）》

金憓秀實在太迷人，估唔到當時48歲的女主在過去時間線做20歲出頭的新紮師妹毫無違和感。本劇在逆轉時間線的劇本尚算講得通，但本來應該是正義化身的「電波刑警」卻有不少徇私、鶳之舉，加上個結局為了鋪下一季（結果唔成事）而寫爛咗個尾，美中不足。

魔術師評分：80分（100分滿分）

10. Netflix：《Happines》

雖然話係喪屍劇，但係沒有一般喪屍片的壓迫感，似乎係影射新冠時泡菜政府對疫情的處理多啲。描寫人性醜惡就寫得幾「透徹」，反派角色又奸又蠢。劇情有些許 bugs，美中不足。好在有韓孝周支撐場面。

魔術師評分： 80分（100分滿分）

其他：《黑鏡（Black Mirror）》：因單元故事，表現飄忽，魔術師暫不評分。

＊＊＊

伸延閱讀：

積壓如山煲劇單（2024年3月）

Netflix 《3體（3 Body Problem）》第一季第一、二集：黃人究竟J什麼？