二至N人飯局（2025年7至8月）

1. 泰金鍋

話說日前靚姐姐牛一，便跟（靚姐姐的）朋友們一起去食返餐，識飲識食嘅靚姐姐就揀咗位於海之戀商場嘅呢間泰式火鍋放題：

（圖片來源：Openrice > 餐廳 > 香港 > 荃灣 > 泰金鍋, captured on 20 Aug 2025）

唔好以為豬牛雞肉、菜、肉丸、配料、飲品都係如同一眾火鍋放題，呢間嘢最有特色的就係有游水生蝦可以任撈，用來打邊邊認真美味（好味到唔記得影相）。食完仲有雪榚做甜品：

壓軸戲肉就係魔術師從旺角某烘焙店訂來的 Labubu 蛋榚（唔知有無授權）。只見一打開個盒就引來鄰座大小朋友的艷羨目光，足見 Labubu 的當紅程度，靚姐姐更是開心到飛起，女人真係最緊要有面有得威。儀式感過後靚姐姐唔捨得切開佢，改為拎返屋企供奉。

餐單：唔記得乜鬼嘢火鍋套餐，大貓信用卡有優惠，300幾一個人 only。Labubu 蛋糕 $1,100。

＊＊＊

2. 住家飯

靚姐姐老豆年事已高，出入醫院是常事。近日世伯入完醫院出返嚟，伯母就叫工人姐姐煮返餐好嘅，更用上過年時魔術師送上的花膠海味，自然亦少不了魔術師一份。

呢餐有魚有蝦有蟹有蜆有飽魚，估唔到印傭姐姐咁好手勢。工人姐姐講得一口流利我城方言，照顧兩老又細心，每月工資好似＄6,000，CP值真係高

＊＊＊

3. 綠茶（奧海城店）

我城餐飲食最近叫苦連天，大富豪開完就執；但過江龍就愈開愈多，倒如綠茶又係靚姐姐指定飯堂之一（見《一至二人飯局（2025年2月-3月）》）：

（圖片來源：Openrice > 餐廳 > 香港 > 大角咀 > 綠茶餐廳 (奧海城二期), captured on 22 Mar 2025）

只見呢間餐廳不時都會轉菜單，定期有驚喜，味道唔錯之餘，服務亦周到，價錢相宜，又係性價比之選：

(三色雞絲涼麵)

(翠舟蝦劃)

(蔥薑蓉砂鍋焗牛肉)

(紅寶石硫璃)

(龍井檸檬茶)

魔術師、靚姐姐餐單：見下圖，另加一，共＄378。兩個人三個餐兩杯飲品，食到飽肚走，認真抵。

＊＊＊

伸延閱讀：

一至二人飯局（2025年2月-3月）

信報 2025年8月20日的

時事脈搏 港聞

尖東大富豪重開兩個多月突停業 暫未有復業日期

結業13年的尖東龍頭夜總會大富豪，今年6月原址重開，轉型為Big Boss Generation多功能娛樂場所，中文名沿用「大富豪」。不過，大富豪僅重開兩個多月，今日突然傳出停業消息。

大富豪行政總裁暨股東李健民回應傳媒查詢時，證實大富豪今日開始暫時停業，並透露暫未有恢復營業日期。

李健民表示，由於與內地大股東的經營理念有落差，不排除對方有撤資打算，故大富豪今日會做內部盤點及對數，所以暫時停業。至於會否重開，以及何時重開則未有時間表。