新聞雜評（四百九十一）

安全帶｜新例實施首日　巴士乘客呻孭背囊難扣帶　七旬婦：罰款我冇錢 有線新聞 2026年01月25日

【有線新聞】強制佩戴安全帶新法例即日起生效，巴士和商用車等座位如有安全帶，乘客必須佩戴，否則可被罰款或監禁，有人依然沒有戴。

強制佩戴安全帶規定實施首日，本台記者登上巴士觀察，下層近十名乘客只得一兩個人有戴上安全帶，其餘都沒有戴。另一輛車，攝影機拍攝之下就幾乎每人都有戴。新法例下，巴士等公共交通工具及商用車座位如果有安全帶就要佩戴，違者最高可被罰款5,000元及監禁3個月，企位不受規限。車上不時有廣播提醒新要求，如座位已設有安全帶，乘客必須佩戴。

攜帶行李的就顯得較狼狽。乘客何女士：「安全帶要拉出來不太順利，要拉數次，我已經試過數天，要拉很長才可以。因為有個背囊一坐下便要扣安全帶，忘記這樣，又要放下這樣。」

乘客梁女士：「（你沒有扣上手。）不是的，我只是伸了手出來，這樣才是合格，但我不理會了，要這樣，我又要顧及這個袋。要罰款的500元還是5,000元？婆婆我沒有錢，我70多歲。」

乘客如發現座位安全帶故障應該改坐另一座位，並通知車長，亦不能與其他人共用一條安全帶。巴士公司加強宣傳，城巴在車頭擋風玻璃及前門旁邊張貼告示，又安排職員在站頭舉牌提醒乘客佩戴安全帶，車上廣播系統亦已更新。城巴車長陳先生：「都是勸喻，要顧及開車。（開車前會否檢查安全帶？）開車前會檢查一次，中途壞便沒有辦法。開車前總站上客，通知要戴好安全帶，我這個座位沒有安全帶，不緊要，最緊要坐好、捉緊扶手。」

九巴亦安排人手上車宣傳，呼籲乘客遵守法例。

1. 乘客如發現座位安全帶故障應該改坐另一座位，並通知車長，亦不能與其他人共用一條安全帶。

坊間妄民講到有啲似當年 777 禁午市堂食，搞到班基層踎街食飯盒咁（蟻員們唔係有司機就係自己揸車，見伸延閱讀）。魔術師今日返工放工都搭巴士實測咗佩戴安全帶。其實同的士一樣，條安全帶都係「好多人用過」，是否不衛生只能算是無法避免的風險。反而在執行層面，魔術師拎住個公事包仲哥以處理到，但如果兩隻手都拎住嘢就似乎難搞啲；

二來巴士安全帶似乎較緊，真係唔容易拉出來；

三來巴士座位遠較的士、私家車窄，拉安全帶時易觸碰到其他乘客 - 好似今日坐魔術師隔離位 OL 就摸咗魔術師膊頭幾吓先拉到條安全帶...（以下純粹例子）

第四點最緊要的，就係安全帶個扣安裝在「貼牆位」，嗰啲地方最容易被無公德嘅人攝啲垃圾、紙巾等更不衛生的物事埋去，今日魔術師就再遇到了：

瞬間睇廣告 (二十七)

 1. 身痕．鳩痕

近期最 hit 嘅廣告非被大貓私有化的行山錢莊的最新廣告。網上發酵了一陣，依家輪到廣告人嚟攞威。魔術師就咁睇，以我城錢莊界的保守和離地，要佢哋理解妄民界、基層的惡趣味幾近緣木求魚。所以呢，「有同事不滿高層賣盤，故意整蠱公司」的說法應該無乜可能；反而係廣告人玩嘢，行山孖屣停又真心膠唔覺意 approve 咗出街的可能性較大。乜嘢故意引 noise 達致宣傳效果呢啲，唔好話行山企業文化走傳統一派，唔會咁搏；就算換咗大貓管理都唔會咁做 - 以行山牌頭，又唔係初創公司，使乜標奇立異呃 like；想唱衰行山管理層，又達唔到效果，呢啲陰毛論都係收皮算。

新聞雜評（四百九十）

政府飲用水｜政府撤回陳嘉信銀紫荊星章　3名物流署人員表現不達標、當中2人展開紀律研訊 有線新聞 2026年01月20日

【有線新聞】政府公布採購樽裝飲用水紀律調查結果，三名物流署人員表現明顯不達標，錯過令政府識破詐騙的時機，向其中兩人正式展開紀律研訊。而時任物流署署長陳嘉信，政府認為他未能積極領導部門提高警覺性，決定撤回向他授勳的決定。

專責小組調查報告指，陳嘉信領導的物流署通報機制無問題，他亦開放接受下級匯報，未發現他有疏忽之處。公務員事務局局長楊何蓓茵：「他出任部門首長期間，在提升下屬工作能力及提升他們的觸覺及積極性應該更有作為。機制雖然存在，署長歡迎同事匯報，但同事識別不到事件需要匯報，因此無向上級報告。事件的核心我們覺得是同事缺乏他們職級、經驗應有的警覺、判斷力、分析能力，這才是關鍵。」

陳嘉信去年被列入特區政府授勳名單，原本獲頒銀紫荊星章，但授勳當日未有現身。政府指今次事件引起公眾高度關注，嚴重影響政府聲譽，宣布撤回授勳決定。楊何蓓茵：「撤回勳章本身不是罰則，勳章制度本身是一個嘉獎制度，所以今次撤回是撤回獎勵並非懲罰。」

調查報告發現有三名物流署在職人員表現明顯不達標，令政府錯過識破詐騙的時機，將會對其中兩人包括一名首長級人員展開正式紀律研訊。財經事務及庫務局局長許正宇：「我們發現同事在關鍵時點，針對一些關鍵事實沒有及時上報，所以這是一方面令到有這個結論。某程度上同事作為採購者、把關者角色當中，相關經驗和標準未能達到。」

至於餘下一人毋須接受研訊，公務員事務局向他發出書面告誡，亦會在他的考績報告中指出他在事件中警覺性不足。

1. 陳嘉信領導的物流署通報機制無問題，他亦開放接受下級匯報，未發現他有疏忽之處。公務員事務局局長楊何蓓茵：「他出任部門首長期間，在提升下屬工作能力及提升他們的觸覺及積極性應該更有作為。機制雖然存在，署長歡迎同事匯報，但同事識別不到事件需要匯報，因此無向上級報告。事件的核心我們覺得是同事缺乏他們職級、經驗應有的警覺、判斷力、分析能力，這才是關鍵。」

哦，原來前署長係無辜嘅。前署長既有廣開言路，但心腹手下卻無忠諫意識（無證據話佢哋係故意暪騙？），前署長都係不知者不罪啫，所以只係做得未夠好，唔算做錯。咁點先算做得好呢？即係要提升到心腹手下的「警覺性、判斷力、分析能力」？咁都要教，乜嗰啲心腹手下都好 junior 嘅咩？好似話呢三名心腹手下其中一人已屬首長級？咁高級都仲要上司教導幾時要匯報，會唔會肉酸咗啲？真係好難令人相信佢係好似正苦咁「善意」講到係「無意識上報」（容易呃？），而唔係故意隱瞞。

爽歪歪摩洛哥（十）之 Day 9-11 由瑪拉喀什（Marrakech）到卡薩布蘭卡（Casablanca）再到歸程：Sayonara o

12月30日，原來的行程是0600起床，0700執好行李(痴線，臨尾仲要咁早！)：

前往卡蕯布蘭卡(全日車程約6小時)

午餐於中途餐廳

卡蕯布蘭卡~加利福利購物城

晚餐於Rick's Cafe

入住酒店

卡蕯布蘭卡:13-18°C

至於靚姐姐同魔術師就留在瑪拉喀什這間「四星酒店」宿一宵，靚姐姐成晚囉囉攣疑心生暗鬼，一大早就起身執行李。魔術師就慢慢來，唔使同佢急。我們落到樓下退房，叫 reception 姐姐搵 bell boy 幫手拎行李落§嚟，但 reception 姐姐竟然叫我哋自己拎，似乎呢間嘢一星都無，認真氣壞。

魔術師打開銀包，見到乾塘，便叫靚姐姐繼續跟酒店搞定行李，魔術師就行返去前一晚的精緻餐廳，裡面有找換店，兌返啲錢打的。

（靚姐姐在餐廳中其中一隻戰利品。）

當地啲路唔難搵，都係行10分鐘左右便去到，少少哋以50元帝幣兌咗 DH，順手截埋的士，靠 iPhone 翻譯叫司機大哥先去「四星酒店」接過靚姐姐和行李，再去 Grand Plaza Hotel。

爽歪歪摩洛哥（九）之 Day 8 唔去索維拉（Essaouira），留在瑪拉喀什（Marrakech）：無心睡眠腦交戰

 2月29日，原來的行程是0700起床，0800執好行李，0830食完早餐集合時間出發，搭3.5小時車到索維拉（氣溫10-17°C ）：

- 午餐於市內

- 市內遊

- 入住 Atlas Essaouira Hotel

- 晚餐於酒店

由於唔想行來行去，同埋想再在 Radisson Blu Hotel 享受按摩，所以靚姐姐在前一晚早就 book 定下午場，這天就繼續脫隊，同魔術師一起施施然食完早餐才 check out。至於索維拉雖然以靚姐姐最喜歡的海鮮聞名，但大隊餐單普遍唔會啱靚姐姐口味，所以 miss 咗都應該無乜所謂。

總之食完早餐 hea 到 1200 check out，行李暫時寄存於洒店，然後便出去行吓高場，起碼靚姐姐在這個區域較光鮮的店舖多啲購物欲：

(就算靚姐姐膽大包天，都唔敢揸返轉。)

爽歪歪摩洛哥（八）之 Day 7 瑪拉喀什（Marrakech）：擦身情緣

12月28日，今次入住的 Radisson Blu Hotel 是行程中唯一可以住兩晚的，第二朝唔使匆匆忙忙執行李。不過由於前一日魔術師同靚姐姐都各自有不愉快「體驗」（見《爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔》），又見領隊前一晚預告今日行程，又係 0700 起床、0830 出發、只係「每次」搭二、三十分鐘車：

市區觀光遊

午餐於市內

乘馬車

下午茶

晚餐於酒店

唔使講即係鳩嗚日。靚姐姐馬上向魔術師提出不如脫隊，魔術師可以訓晏啲，當然贊成，於是前一晚一面後悔無買水晶（見《爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔》），一面已告知領隊魔術師和靚姐姐會在瑪拉喀什「自由行」。

由於唔使趕頭趕命食早餐，自有時間自行調較返杯無酒精 Bloody Mary：

爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔

12月27日，位於歐蕯蕯的酒店 3 - 13°C，0700 起床，0800 執好行李放在房門口，0830 食完早餐集合上車，第一站係亞特拉斯影城（Altas Studios），《帝國驕雄（Gladiator)》（唔係《神鬼戰士》）第一、二集、《天國驕雄（Kingdom of Heaven）》等古裝片都在這裡拍攝。導賞團導遊仲同我哋跟當地臨記拍咗一段微短片玩吓，想不到披上那些麻布「戲服」，都幾暖身的！

爽歪歪摩洛哥（六）之 Day 5 歐蕯蕯（Ouarzazate）：黃沙萬里沒有盡頭

12月26日，晨咁早起身去帳蓬酒店門外集合，騎駱駝看日出。靚姐姐仲好貼心咁從 PDD 買入兩人份的防沙鞋套（見下圖）同埋由頭包到腳蒙住面防沙（唔使學19才子要次紙包頭，但無圖）:

（網上截圖）

去到集合地點，一眾駱駝已早早跪低「等客上馬」，又馴又乖。其實眾駱駝係一隻縛住一隻咁串連起來，由嚮導拉住，非常安全：

爽歪歪摩洛哥（五）之 Day 4 艾佛德（Erfoud）：抬頭望星空一片靜

第四天(12月25日）0600 起床、0645 執好行李、0730 食完早餐出發，真慘情。這天是要開車到艾佛德（Erfoud），是撒哈拉沙漠「核心的外圍」，入住一晚「帳篷酒店」，然後第二天去睇日出。領隊要我們執定一個手提包內有一晚內外衣物及日常用品，其他東西放入大喼，跟旅遊車唔會再攞出嚟。

靚姐姐就醒目，一個 hand carry 小型行李箱就搞定；而魔術師就要清空背囊，着住厚重衣服，背囊上有電腦、叉電、水壺等物、手拎另一個袋內衣褲、梳洗用品等，有點狼狽。於是趁上文《爽歪歪摩洛哥（三）之 Day 2 舍夫沙萬（Chefchaouen）：一條濕滑的斜坡》曾提及魔術師孭住部無反 Nikon Z7 同 鏡頭上斜上樓級行到死死下，而且凍得濟手指唔聽話好難較光圈快門，便趁機餘下行程便放低幾 kg 嘢入大喼，淨係以 iPhone 影相輕裝上路。

這天雖是聖誕節，但摩洛哥是伊斯蘭教國家，沒有慶祝的習慣（我城習慣「大肆慶祝」一神教節日，唔通係一神地區？）

這天全日車程大約 7- 8小時，又係全日浪費在訓完醒、醒完落車去次所、上返車繼續行程的日常。不過，由平地去到山區，由「綠草如茵」的環境於幾小時內變成雪地戰，都算是一個頗新鮮的體驗：

中途經過依芙蘭（Ifrane，氣溫 0-4°C ），不過領隊卻沒有帶領我們遊覽這個有「小瑞士」之稱，位於海拔約 1,650米 高的滑雪勝地

（凡事問 AI）

爽歪歪摩洛哥（四）之 Day 3 菲斯古城（Fes）：黃昏的景色充滿明麗

第三天的景點是遊菲斯古城，朝早07:45 就要執好行李放在房間門外再去食早餐，08:30 出發，即係又係6點幾7點要醒到，凍冰冰咁早起身真係慘絕人寰。