2016年12月17日 星期六

裸考JRE

舊年年底魔術師待業期間,前上司葵鼠曾介紹了個獵頭小妹給魔術師。嗰時獵頭小妹曾經介紹過一份工給魔術師,但由於大家要求其實都幾唔同,見完工都知唔啱;最近日前又收到小妹來電,話有份類似老本行的工問魔術師有無興趣。魔術師無可無不可的便去了面試,那面試的主管倒也識貨,對魔術師CFA3個 Levels 都考完大感驚訝,謂「好多人想考都考唔到架喎!」,魔術師見之,印象早比那反問「什麼是CFA」的黃C上司好得多。
不過,在見呢份工之前的周末,魔術師卻走了去考特衰正苦的JRE。
JRE全名是Joint Administrative Officer / Executive Officer / Labour Officer / Trade Officer / Transport Officer Recruitment Examination。顧名思義,要做AO就考呢份卷。雖然魔術師早已不是「覺得AO薪金好吸引」的年齡組別,不過人工雖然不感冒,但見到兩個表弟都係公墓員,仲可以牙斬斬話年年有人工加,呢種對沖自己薪俸稅兼屈廣大港豬機的生活卻也頗寫意,真係財務自由靠哂佢;於是魔術師在考完CRE之後,見AO招工,便又搏下大霧申請。在網上填好申請表後,不久便收到電郵通知叫魔術師去考JRE了。
考試之前,魔術師都上網查下,JRE係考乜東東。原來係考作文。以魔術師文采來說,空槍裸考都可以,咁即係唔使溫習喇。之但係在查找資料期間,竟然見到一條咁搞笑的thread:
老公手快DELETED左聽日公務員JRE EXAM個EMAIL...
緊急..我老公前幾日手快快DELATED左佢封公務員EMAIL...之前只係記得話有個SEAT NUMBER...但唔記得係幾多號...係唔係一定要知個NUMBER先可以考試架???有無JM知道???封EMAIL仲有無咩要注意嘅地方, 因為只係睇左一次, 諗住今日再睇點知無左....仲有, 今日都收到封信係公務員嘅申請書覆函, 裹面有個申請人編號, 呢個NUMBER同唔同SEAT NUMBER呢?希望有經驗嘅JM或聽日會去考試嘅JM可解答, 唔該哂
魔術師實在難以想像終日在C9王國中流連的港豬,做嘢咁鬼唔小心,IQ究竟有幾高!
***
由於AO/EO等報考人數眾多,JRE試埸分佈我城各地,方便考生。魔術師也就給分派到屯門某中學應考。去到學校,只見較成熟者有之,較年輕者亦有之,MK港女狀者亦有之,紛紛盤踞在學校操場各方,或執「手機」、或執「碌屎」,均口中唸唸有詞。魔術師大感詫異,乜寫作能力唔係日子有功,浸淫返嚟嘅咩?抑或班有青又係好似公司班小妹咁又要對正字有興趣但又葉公好龍乜都唔去主動暸解,所姒臨場要惡補時事?
以上呢啲問題,對掹住車邊都叫「周身刀」的魔術師當然不值一晒。
入到試場,魔術師都打咗個突:環顧四周,竟然有一半考生 no show,乜唔係話公墓園職位係爭崩頭嘅咩?
***
打開試卷,有一中一英兩條問題,限時三小時作答:
英文題係講某城有青為患,向上流機會低,樓價飛升,青年人創業路亦難行。現在有一計劃,打算由政府撥出10億,另找商界又搞助10億,成立一配對基金,以助有青置業或創業。答題者身為青年事務部的官員,就要為成立該基金撰寫一份建議書,明確建議一個方向,並提出分析及至少兩個論點以支持該建議;另外就係要列出選取該方案後對經濟、社會、和政治的影響(每項最少要講一個論點),與及提出兩項可行措施以落實方案,並令到該基金可以「持續發展」。題目、背景資料、及少量數據其佔7頁紙。
中文題就係講疑似假難民申請酷刑公約聲請政治庇護的審議。由於該些疑似假難民在審理期間可以在港自由活動,容易變成黑市勞工、或參與不法活動,而且也花費正苦不少資源。有議員致函保安局局長提出將該些呈請庇護之人士在審理期間均需被關進禁閉營。答題人需要為局長草擬一封回信,信中需提及禁閉營的優點及缺點各兩個,局長是否贊成此建議,並提出兩個落實措施。題目連資料佔兩頁紙。
***
英文題比較簡單,答題都是一般建議書格式,有返咁上下工作經驗應該毫無難度(對考EO的有青考生可能會難咗少少),係要寫四五頁紙會有啲攰:
  • Purpose
  • Background
  • Analysis and suggestion
  • Implications
  • Implementation
  • Conclusion
至於中文題,都無一般書信格式。中文答題簿係原稿紙格式,一頁300字,魔術師答了大約一千字便完成。
題目簿封面有寫名虛擬姓名中文要用陳一心,英文要用 Chris Wong,呢一點要注意。
時間方面,審題連思考大概花15分鍾,英文題答90分鐘,中文題答75分鐘。又唔係等佢開飯,話知有無下文,求求其其,咁就考完。
***
最後,有個有返咁上下年紀的監考官見魔術師用萬寶龍限量版靚筆應考(枝 rollerball 真係好鬼好寫,答題無理由用鋼筆或鉛筆吧!),趁收哂卷手多多拎起支筆嚟睇,似乎都係識貨之人!

***
伸延閱讀:
傷港特衰正苦公墓園事無局 政務主任╱行政主任╱勞工事務主任╱貿易主任╱運輸主任聯合招聘考試
今年狀元特別少
「學霸」都有落泊時
言出必行買鋼筆

109 則留言:

  1. 呢d老公要靠老婆上網問jm都幾無用,定係可能係個老婆逼個老公去考,老公搵藉口唔去

    回覆刪除
    回覆
    1. //定係可能係個老婆逼個老公去考,老公搵藉口唔去

      我又無諗過呢一點. 呢啲試, 認真考都未必得架喇. 你走到去試場影埋相以示「到此一遊」又如何, 唔想do的大可以齋坐交白卷,又無人知嘅, 使乜推話唔見呢樣唔見嗰樣咁低手?

      刪除
    2. 揀個咁嘅老婆會幾高手呢?

      刪除
    3. 真係人以群分,物以類聚。

      刪除
    4. c嬸://揀個咁嘅老婆會幾高手呢?

      呢句真係好應!!

      刪除
    5. 有啲人鍾意自己老淒愈蠢愈好的.

      刪除
  2. 嘩!呢啲咁嘅題目,真喺唔知點答。講處理流鶯問題好過喇!嘻嘻!

    回覆刪除
    回覆
    1. //講處理流鶯問題好過喇!

      你咪話, 梁雞娼的「倡議設立紅燈區」可能就係「禁閉營」題目的原型!

      梁繼昌倡設紅燈區惹批評

      2016-04-13

      本港過去五年涉及逾期居留及非法入境者從事賣淫活動而被捕的個案,有上升趨勢。立法會議員梁繼昌提出,可效法外國設立紅燈區,以有效規管及減少色情場所對居民的滋擾。明光社反駁指,賣淫嫖妓不值得鼓勵,不應合法化和正常化。

      立法會保安事務委員會昨討論打擊非法賣淫活動,議員梁繼昌指,自己曾在西方生活長時間,價值觀與本地居民有少許不同,認為要有效規管或打擊組織賣淫活動,減少色情場所對市民的滋擾,應效法外國研究設立紅燈區。

        保安局副局長李家超認為,設立紅燈區涉及重大政策改變,須經社會廣泛討論,「外國經驗亦都唔係梁議員所講咁簡單,一樣有操控、一樣有黑社會活動,亦有勒索行為,對於從事性工作人士亦一樣有剝削。」

        本報詢問梁繼昌心目中哪區比較適合成立紅燈區,他指心目中未有打算。對於治安問題,他留意到性工作者及居民混住一幢住宅,治安更差,如撥出一區成立紅燈區,警方就易於集中管理,相信黑幫要操控不是易事,治安應不成問題。

        明光社總幹事蔡志森指,賣淫嫖妓本身是不值得鼓勵的行為,因此不應因非法入境者賣淫數字有所上升,而「斬腳趾避沙蟲」,將這些行為變成合法化和正常化。

      刪除
    2. //將這些行為變成合法化和正常化。

      傷港沒有「賣淫罪」,只有「誘使他人作不道德行為」、「經營不道德場所」和「依靠妓女維生」(可能改左名)三罪。「一樓一」是一個單位只有一個性工作者,不構成「經營不道德場所」;沒有宣傳招牌、開門後唔會主動報價,故不構成「誘使他人作不道德行為」(呢條罪有d似非禮,只會首先主動者有可能入罪,被動接受者有正面反應,罪行自然不存在了)。

      傷港掃黃只會拉無身分證的性工作者(包括合法入境傷港而無逾期居留者),是因為其在港工作「違反逗留條件」,而賣淫在傷港屬於「合法工作」一種--所以被捕的傷民,都是犯了「經營不道德場所」和「依靠妓女維生」之類,例如馬伕、keeper等。

      蔡總幹事光明還光明,搞清楚法律你先講。

      //要有效規管或打擊組織賣淫活動,減少色情場所對市民的滋擾,應效法外國研究設立紅燈區。

      雞昌都無X腦,現在的問題是「無者賣淫」和「一樓一混於民居之中」,設立紅燈區,如何成為誘因令本身完全合法的一樓一前往正苦指定的區域?(容許在區內公開推銷應該是誘因之一。)紅燈區又唔通「容許無身分證者於區內賣淫」?紅燈區又如何「打擊組織賣淫活動」?唔通紅燈區內賣淫就完全唔使「背後組織」?

      最緊要的是,而家d麻甩佬可以神不知鬼不覺在某旺區閃入某大廈,設立紅燈區,佢地好多會唔會敢在附近出沒都成一大問題...

      刪除
    3. typo:「無身分證者賣淫」

      刪除
    4. //一樓一」是一個單位只有一個性工作者,不構成「經營不道德場所」;沒有宣傳招牌、開門後唔會主動報價,故不構成「誘使他人作不道德行為」

      但一樓一內的保鑣就可能係「依靠妓女維生」嘞!

      //無身分證者賣淫

      政正作,呀唔係,係性工作也是工作,不容許黑工存在.

      //d麻甩佬可以神不知鬼不覺在某旺區閃入某大廈,設立紅燈區,佢地好多會唔會敢在附近出沒都成一大問題...

      典解啲麻甩佬以前又會堂堂正正的走入去啲四仔鋪嘅?

      //蔡總幹事光明還光明,搞清楚法律你先講。

      神說了是,就是.

      刪除
  3. 又JR, 以為你去覆核左啲乜添

    回覆刪除
    回覆
    1. 以我資產,又申請唔到法援,打官司好易輸身家!

      刪除
    2. 響長州住別墅嘅都有法援啦!

      刪除
    3. 嘩, 點計都唔得喇下話!

      http://www.lad.gov.hk/chi/las/civil/olas.html

      經 濟 審 查 - 你 的 財 務 資 源 不 得 超 過 法 定 限 額 , 目 前 的 限 額 為 港 幣 290,380 元 。 不 過 , 如 案 件 有 理 據 提 供 法 援 而 違 反 《 香 港 人 權 法 案 條 例 》 或 《 公 民 權 利 和 政 治 權 利 國 際 公 約 》 適 用 於 香 港 的 範 圍 是 其 中 的 爭 論 點 ,則 本 署 可 以 免 除 上 述 財 務 資 源 限 制 的 規 定 。

      刪除
  4. 希望你能當官。好打得之人真係小。

    回覆刪除
    回覆
    1. 乜你咁抬舉我呀! 不過點都好, 多謝你嘅祝福先!

      刪除
    2. 喂!做左官就可能無得寫blog囉!

      不過而家後生咁渣,你考到真係唔出奇的。過幾年就可以做問責官員下面個秘書長都唔定.

      刪除
    3. //做左官就可能無得寫blog囉!
      //你考到真係唔出奇的。

      仲有投資...

      呢啲亦都係我嘅consideration...

      所以真係考到先至算喇!

      刪除
    4. // 喂!做左官就可能無得寫blog囉!
      可以寫惘誌

      // 不過而家後生咁渣
      「呢個NUMBER同唔同SEAT NUMBER呢?」

      // 你考到真係唔出奇的
      雖然講到好.具.挑戰.性, 不過做 ao 可能好悶

      // 嘩, 點計都唔得喇下話!
      做乜打壓人權?

      // 令到該基金可以「持續發展」
      地產霸大檸樂啦, 幾多個十億都唔夠燒, 轉做社企都得嘞

      // 局長是否贊成此建議
      局長沒有意見, 也沒有立場, 所以沒有預設立場, 而政府一貫也不會答假設性問題

      // 提出兩個落實措施
      先成立一個委員會, 主席是胡國興和王國興

      // 似乎都係識貨之人!
      呈卷, 即面署第一?

      刪除
    5. //可以寫惘誌

      689同鬍鬚佬都寫.

      //雖然講到好.具.挑戰.性, 不過做 ao 可能好悶

      hea 做 XD

      //地產霸大檸樂啦, 幾多個十億都唔夠燒, 轉做社企都得嘞

      我都覺呢一忽好鬼無厘頭,唔通真係年年搵阿乜總理同啲奀星仔唱「從不喜歡孤單一個」咩!

      //先成立一個委員會

      指定動作喇!

      刪除
    6. // 689同鬍鬚佬都寫.
      華仔劈左炮冇得寫啦, 行錯路走錯步
      明明最近又唔見左

      // hea 做 XD
      retirement planning?

      // 我都覺呢一忽好鬼無厘頭
      扶青計劃要 sustainable 首先要有源源不絕的有青, 那裏搞來這麼多的有青, 然後才是配對錢從那裏來

      // 痴瘋仔要小心了。
      佢係 full time stupid, 唔同人地半工讀咁辛苦喎

      刪除
    7. 如果「易入難出」係apply落full time同遙距的一般校策(OU咁進取,我相信會是),痴瘋仔讀full time都唔係易啃的。

      刪除
    8. //華仔劈左炮冇得寫啦, 行錯路走錯步

      鬍鬚仔真係唔多似有冠軍相.

      //retirement planning?

      都可以架 XD

      //那裏搞來這麼多的有青

      吸納寶島移民 XD

      //佢係 full time stupid

      full time absent 添喇佢.

      //痴瘋仔讀full time都唔係易啃的

      佢又唔係讀hard core knowledge科目, 應該可以碌得過的.

      黃之鋒 wiki

      黃之鋒完成香港中學文憑考試後,獲香港公開大學錄取,就讀社會科學榮譽學士學位,主修政治及公共行政。

      刪除
    9. //喂!做左官就可能無得寫blog囉!
      令我諗起當年的通寶日記(TUNGPO)
      佢個blog仲係private中...

      刪除
    10. EX 財爺搬出個官邸未?

      刪除
    11. //原來佢又係做咗官?
      要講返2009年,通寶疑似公墓園,寫野得罪咗啲有青,俾人話要起底,之後佢將個blog轉做private
      網上仲有啲當時的痕跡:
      http://www.inmediahk.net/node/1004254

      刪除
    12. //EX 財爺搬出個官邸未?
      EX乜鬼啫!都話佢請辭未獲批咯!

      //寫野得罪咗啲有青,俾人話要起底

      原來你係講緊黃細柒呢條非中國人嘢, 有返咁上下blog齡都會記得, 當年仲搞到要網上聯署添!

      http://inhumanresources.blogspot.hk/2009/08/blog-post_12.html
      http://xiaozhu1979.blogspot.hk/2009/08/blog-post.html
      http://dessertfox.blogspot.hk/2009/08/blog-post_11.html
      https://chhung3.blogspot.hk/2009/08/blog-post.html

      刪除
  5. //考特衰正苦的JRE
    哈哈,考試似乎係魔術師興趣之一。

    //呢啲咁嘅題目,真喺唔知點答
    魔術師寫開blog講時事,答呢類題目應該唔難啦

    //做左官
    我就認為以魔兄性情唔係好o岩做官,都係做專業人士同文藝復興人比較合適...

    //趁收哂卷手多多拎起支筆嚟睇
    支筆又真係幾靚。佢唔問你就拎嚟睇?

    //..如網友現本人有甚錯誤
    o岩o岩睇到,係咪漏緊D字

    回覆刪除
    回覆
    1. //哈哈,考試似乎係魔術師興趣之一。

      「考試唔使成本, 又有得搵工, 何樂而不為?」

      //魔術師寫開blog講時事,答呢類題目應該唔難啦

      咁我係學霸來的嘛!

      其實考呢啲試最緊要係同時間競爭. 諗返起我都有啲points 寫漏咗,不過時間所限, 再寫就超時.

      聽前同事A講, 佢阿仔考公開試時啲手寫fonts 係要好刻意地整齊的(以免考官睇唔清), 如果係咁,新一袋人的答題速度就會慢好多, 基本上handwriting 唔整潔的話會好唔着數. 所以, 隨手寫得出一手靚字真係好重要!

      //我就認為以魔兄性情唔係好o岩做官,都係做專業人士同文藝復興人比較合適...

      某程度上喇! 我命宮天梁在午,察察為明, 適合在正苦或大機構做事, 管governance 同 audit就最好.

      //佢唔問你就拎嚟睇?

      係呀! 呢位監考真係怪叔叔...

      //o岩o岩睇到,係咪漏緊D字

      無漏字呀, 金庸式寫法.

      刪除
    2. 唔係應該「發現」咩?得個「現」字咋喎!

      刪除
  6. 我好羨慕魔術師兄的才能。

    小弟小時唔讀書,中4先發力,會考先個11分。

    讀完工程既高級文憑,係建造業、物管行業的工程 打滾。

    27歲人仲讀緊part time degree。

    回覆刪除
    回覆
    1. 都唔係既,小弟以前為讀書而讀書,到大學反而有d迷失,雖然總算2nd lower畢業,但比A level就差好遠。

      反而出來做野十年八年,覺得自己唔夠料報返OU讀左幾個degree科目惡補,原來做過野先知自己讀緊乜野,學習效果亦好好多。

      所以呢位朋友無須氣餒,學無前後達者為先啊

      另外OU遙距科的考試比其他大學的考試認真得多,起碼我讀過幾科都唔會放貼士,亦唔會返炒。可能係想做到「易入難出」的關係...痴瘋仔要小心了。

      刪除
    2. 會考前一、二年

      學始思考將來,人生去向。

      高級文憑既第一年惡補英文(會考英文唔惦,retake 補考)。

      有幸家境貧窮,拎full grant 讀4年

      做左幾年野進修。

      刪除
    3. 各有際遇。有啲看似冤枉路,其實係修行嘅一部份。阿彌陀佛~ XD XD

      刪除
    4. 是啊,學無前後,達者為先.

      每個人都有不同的人生, 如果人人都一般面目, share the same value, 行同樣的道路才叫「成功」,一有deviation 就叫「有問題」, 那就只有機械人世界才會發生.

      //痴瘋仔要小心了。

      都係黃台瓜醒.

      刪除
  7. 回覆
    1. 各有前因莫羨人,學李天命話齋:「我考不到你的第一,但你也考不到我的第九.」

      刪除
  8. //27歲人仲讀緊part time degree。
    好平常啫.小弟同你一樣,27歲仲讀緊part time degree(25 歲先開始讀).每個人求學經歷都唔同, 有一定人生經驗再讀效果可能更好.摩兄講得啱,學無前後達者為先.

    //反而出來做野十年八年,覺得自己唔夠料報返OU讀左幾個degree科目惡補
    原來摩兄同魔兄一樣,都有好多張刀.

    另,就我所知,近幾年OU好似好努力咁提升自己嘅地位,請左唔少新人,亦好強調研究工作.

    回覆刪除
    回覆
    1. //每個人求學經歷都唔同, 有一定人生經驗再讀效果可能更好.

      老老實實講,每個人「開竅」的時間點都唔同. 我的「開竅」點是在畢業後第一份工做electronics engineer的時候, 在返工的巴士上忽然叮一聲地想到了一招「怪招」,成功解決一個連幾位經驗老到的老細一齊搲爆頭都解唔到嘅難題; 然之後便腦活神通,好似打通了任督二脈一樣, 武功大進.

      刪除
    2. //原來摩兄同魔兄一樣,都有好多張刀.

      唔好睇得小弟咁高,我只係考過OU三科試,仲要兩科係小弟bachelor year 1已經讀過...絕對是純粹惡補,不過做幾年嘢先讀效果真係幾好,唔敢講讀完後有即時作用,但之後做嘢面對技術問題睇嘢真係宏觀好多.

      小弟第二個degree係食屎大的course work石士,不過真係為應酬份CV,除咗一科無關技術講innovation既我好多都記得外,其他科我都俾返晒食屎大了。

      另外呢類"粉飾CV"的石士degree,真係學士degree後頭十年(最好五年)d老細先會睇,學士後再做十零年嘢都未讀的話,讀咗d老細都會Don't care, 唔讀慳返好過.

      //另,就我所知,近幾年OU好似好努力咁提升自己嘅地位

      如果係三粒星傷民,OU的遙距學士degree入學要求只有一個:年滿16歲。所以佢唔後續嚴密把關的話,就真係和野雞大學無異,無人會信了。

      佢裡面係有晒equivalent to DSE/A level的基本課程,理論上你完全無中學學歷憑證都可以一級級讀到學士畢業。以前仲有A level時我聽過有d好功利既中學生,認為A level浪費時間,乾脆會考後直接讀OU由最基本讀起攞到degree的...當然這樣就失去了好多有青珍而重之的"大學群體生活".

      //畢業後第一份工做electronics engineer的時候

      魔兄如果留在呢行,可能做埋我老細俾你D7都唔定 XD

      刪除
    3. 我想跟 魔/摩 兄 做野。

      做工作拎牌,考 ImechE, HKIE. 基本上master 走唔甩。

      唔考牌 唔讀master

      刪除
    4. Vincent兄我估是building service的冷氣佬吧? XD

      你跟唔到我做嘢架啦,當年我在東區某大BS乾收銀做咗一年intern,但發覺唔中意,畢業後就無做了,連一年scheme A都唔要--人生唯一同BS的交集就此斷了。

      我唯一俾到你的advice係: 有機會先做sub仔(sub-contractors),雖然辛苦d但可以見多d嘢; 過咗scheme後轉main cont(大判)再累積經驗,到你chartered咗就轉返乾收銀,到時地盤d蠱惑嘢就完全呃你唔到,你亦可以屌人唔使俾人屌。

      千祈唔好未夠經驗就長做乾收銀,好多嘢坐冷氣房係見唔到的,一定要落地盤見多d惡人。

      雖然我只做過一年兼離開咁耐,但好多嘢萬變不離其宗的。

      呢行唔拎牌基本上好難提升收入,所以master你就讀硬了。

      刪除
    5. //做幾年嘢先讀效果真係幾好,唔敢講讀完後有即時作用,但之後做嘢面對技術問題睇嘢真係宏觀好多.

      講「作用」來說,的確如此.

      //呢類"粉飾CV"的石士degree,真係學士degree後頭十年(最好五年)d老細先會睇,學士後再做十零年嘢都未讀的話,讀咗d老細都會Don't care, 唔讀慳返好過.

      又曾經in過某大機構, 竟然話要我交出咁多年來在舊公司升職/轉job role的證據, 否則年中轉title,但年尾的appraisal 反映唔到就唔計數. 所以好多時「老細睇幾多嘢」係好睇公司制度的.

      //佢唔後續嚴密把關的話,就真係和野雞大學無異

      咁都好吖,起碼叫有心做好個名,唔係好似藍大鄉大咁食老本, 一啲都唔顧校譽.

      //魔兄如果留在呢行,可能做埋我老細俾你D7都唔定 XD
      //我想跟 魔/摩 兄 做野。

      哈哈,妹頭同美顏都話我unapproachable... XD

      //我唯一俾到你的advice係
      //呢行唔拎牌基本上好難提升收入,所以master你就讀硬了。

      客席主持連職業輔導都撈埋! XD

      刪除
    6. //Vincent兄我估是building service的冷氣佬吧? XD

      我第一份工係乾收跟做畫圖仔

      第二份工做判頭(消防)

      第三份工做物管(工程)兼讀part time degree

      刪除
    7. //呢行唔拎牌基本上好難提升收入,所以master你就讀硬了。

      唔拎牌去到3xK 就差不多 止步

      刪除
    8. //唔拎牌去到3xK 就差不多 止步

      無牌都可以去到30k+ 咁正?

      刪除
    9. 就算冇工程師牌,但係有電力B 牌 或者C 牌 都好值錢。

      刪除
    10. 我地做IT都一樣, 其實都好睇cert, 例如PMP, Agile Scrum 等.... banking/finance/investment 就仲多Exam要考, 總之各行各業都一樣喇.

      刪除
    11. 話時話HKIE 有 Chartered IT Engineer

      http://it.hkie.org.hk

      唔知算唔算好重要

      刪除
    12. 我唔係行內人,好難comment, 不過通常重唔重要都係睇行內是否有認受性.

      唔知摩摩有無職業輔導呢又?

      刪除
    13. HAHA, 純粹問下。

      我唔係呢個field

      刪除
    14. 我覺得除左牽涉建築的行業外,工程界除非係想打正苦工或在專業協會多個朵,否則完全沒chartered的必要。例如IT、electronic同產品設計方面的mechanical,大部份工都唔會睇你chartered左未的。

      //係有電力B 牌 或者C 牌 都好值錢

      而家有青們越來越唔肯做藍領,搞到越來越缺水電師傅,有個B牌或C牌的確好吃香,我有時都諗係咪要走去考返個傍身。

      //第二份工做判頭(消防)

      如果個人無特別preference,走消防條路都唔錯,起碼消防牌非常niche,比電氣牌仲吃香;不過可能技術上趣味性就不及冷氣(我係讀EEE的,呢樣只係斷估)。

      畢竟唔係真係好似煉腫咁網上search下資料就可以9吹篇文教人救火的。

      刪除
    15. //而家有青們越來越唔肯做藍領,搞到越來越缺水電師傅,有個B牌或C牌的確好吃香,我有時都諗係咪要走去考返個傍身。

      C 牌 要求degree 係 Building Services or Electrical Engineering 先拎到。

      我讀Mechanical 係拎唔到。

      刪除
    16. //我覺得除左牽涉建築的行業外,工程界除非係想打正苦工或在專業協會多個朵,否則完全沒chartered的必要。例如IT、electronic同產品設計方面的mechanical,大部份工都唔會睇你chartered左未的。

      我個行有需要既。

      刪除
    17. //而家有青們越來越唔肯做藍領,搞到越來越缺水電師傅,有個B牌或C牌的確好吃香,我有時都諗係咪要走去考返個傍身。

      以前移民潮, 啲中剷為咗移民分數咪又走去學呢樣學嗰樣!

      //畢竟唔係真係好似煉腫咁網上search下資料就可以9吹篇文教人救火的。

      呢條友真係睇見佢個樣就火滾(又諗起《自焚者》嗰條白頭佬添)!

      其他我搭唔到嘴,只能多謝各位意見喇 (就咁睇Engineering都唔係我杯茶).

      刪除
    18. Engineering industry 入面有Washington asscord, Sydney accord 等等的國際協議,列明唔同國家既工程學位係認可,去到協議國都可以承認。

      Chartered 資格如是。移民黎講Chartered 係好有用。

      B, C 牌 係機電工程署承認和發牌,冇國際協議承認。

      刪除
    19. 所以各位不能忽視國際認可的專業資格.

      一眾有青文青都唔係向呢條路發展,所以主觀選擇已造就了只能「緊抱笨土」的客觀條件.

      刪除
    20. 今時今日重成日諗著要讀完大學先出嚟做嘢就真戇居!
      考個會考就知自己鐘意咩㗎啦咩?而且大學畢業呢個層次嘅工見少賣少!
      無論咩都做!有機會就把握!讀書,有錢就有得讀啦!
      Mature student 入大學門檻低過 DSE 入大學。上堂會更容易理解概念,知道 looking for 啲乜。
      有咗社會經驗不但會更懂得珍惜,瞭解自己想要啲乜,更加瞭解社會狀況,對修練心智好有幫助。
      接觸學校以外嘅不同社會人士,等人哋知道你嘅存在,擴大 network,早啲建立 rapport,機會就自然會多啲!
      勝過白紙一張嘅畢業生。從未接觸社會嘅畢業生重分分鐘同老闆玩作對,老闆俾錢買難受。

      刪除
    21. //今時今日重成日諗著要讀完大學先出嚟做嘢就真戇居!
      考個會考就知自己鐘意咩㗎啦咩?而且大學畢業呢個層次嘅工見少賣少

      專業工種實係要大學/大專畢業。

      刪除
    22. //專業工種實係要大學/大專畢業

      對,呢個係hardcore knowledge行業必要條件的入場券。

      但的確係可以由high cert high dip等讀起, 唔使強求一定要先讀大學。

      正苦令呢d課程淡出並引入副學士是老董時期最錯的決定,亦令有青個個以為自己可以係齋吹唔做的"學者".

      刪除
    23. 一做就要係專業咪死估估囉!
      當然有啲行業例如做醫生係唔會等你。
      不過係咪個個都做醫生?都做到醫生?
      個個塞係樽頸位到為乜?

      刪除
    24. //而且大學畢業呢個層次嘅工見少賣少!

      唔見得。你打開份報紙,jobsDB, SCMP, LinkedIn,大學畢業已是基本條件。

      //專業工種實係要大學/大專畢業。
      //一做就要係專業咪死估估囉!
      //讀書,有錢就有得讀啦!

      唔係「要做專業」,亦唔明咩叫「死估估」。
      我諗唔係「我一定要做專業人士」所以「搞到自己無彎轉」;而係「專業」的確需要大學畢業為基本條年;你唔係咁嘅料子就唯有死咗條心;如果有能力(錢係必要條件但唔係充分條件)點解唔讀?

      //但的確係可以由high cert high dip等讀起, 唔使強求一定要先讀大學。
      //Mature student 入大學門檻低過 DSE 入大學。上堂會更容易理解概念,知道 looking for 啲乜。
      //正苦令呢d課程淡出並引入副學士是老董時期最錯的決定,亦令有青個個以為自己可以係齋吹唔做的"學者".

      有啲人真係遲熟些少,龍獅年代的high cert high dip的確可以提供呢樣出路俾「讀唔成書」的同學,一技傍身點都多一條出路,人工隨時仲哈哈哈。問題係食X大同保你大呢兩間主要high cert high dip提供者姣婆守唔到寡係都要升格做大學,連同負學士搞出個大頭佛。

      //無論咩都做!有機會就把握!

      除非自己真係完全無競爭力,又不能太過唔揀擇,否則入錯行好難再返轉頭。

      //勝過白紙一張嘅畢業生。

      呢個咪係我個博士表弟囉!26歲先畢業出嚟做嘢。30歲都過咗,仲好似過大細路咁。

      刪除
  9. 回覆
    1. 豁達一點,個人開心啲,運氣都會好啲.

      刪除
    2. 我認為所謂EQ不是說要喜怒不形於色, 人有情緒很自然, 但不應因為情緒而影響到自己的工作和生活.

      刪除
  10. 係呢個blog 睇到各位前輩既分享,對我有好大幫助。

    回覆刪除
    回覆
    1. 謝謝, 我下一篇就覆讀者來信,唔知對你又有無幫助 XD

      刪除
  11. 我反而想睇大家成長的過程

    回覆刪除
    回覆
    1. 舊blog的個體回憶系列就已經分享了我的「成長過程」喇 (部份已搬至新blog).

      刪除
  12. 回覆
    1. 謝謝. 我都係平常心,考下試下囉. 其他工我一樣有見 (睇見班小妹同黃C上司就唔多開胃)...

      刪除
    2. 邪惡政權供我讀書,儘管 政權有不足之處,我都係受佢恩惠。

      希望魔兄能盡力做AO

      刪除
    3. 哈哈, 考之馬, 大把人有得去考喇(仲有大把人no show添), 十劃最多去咗一撇, 無謂諗得太多. XD

      刪除
    4. 咁係 contract 定鐵飯碗㗎?
      不過,過一過塘,身價都應該升升升啊!
      術數話你行運未呀魔術師?有機!有機呀!

      刪除
    5. //(睇見班小妹同黃C上司就唔多開胃)...

      魔兄上一份工咁多年,諗轉工都應該無而家咁頻繁吧?

      阿Steve話"follow yr heart", 其實當一開始有俾自己open to新機會的念頭,即係份工已經有嘢令自己唔自在了...

      刪除
    6. //份工已經有嘢令自己唔自在了...

      都係架, 始終做慣大機構, 總係比較挑剔.

      刪除
  13. AO 係正式公務員,通過三年試用期就係永久員工啦。

    回覆刪除
  14. 請問摩術師有冇寫posting 關於CFA內容介紹?

    回覆刪除
    回覆
    1. 基本上CFA的內容官網已有足夠介紹.

      考試見聞就有寫, 請到舊blog查找.

      刪除
  15. 而家D JRE試題都幾貼市喎, 中英兩條題目都係時常係main stream media聽到的.
    除左出黎做野第一二年有考過JRE就無再去免費考試了,要正輕地作文同平時吹水分別好大。

    魔術師CFA竟然3個level都考晒,呢個真係學霸的霸氣呢!

    回覆刪除
    回覆
    1. //JRE試題都幾貼市喎

      原來有model answer,改做書信體就可以了!

      http://www.info.gov.hk/gia/general/201611/30/P2016113000904.htm

      //正輕地作文同平時吹水分別好大

      咁我寫開呢類議論文,又唔覺得太難(當然答案啱唔啱聽就另計).

      //CFA竟然3個level都考晒,呢個真係學霸的霸氣呢!

      哈哈,又係咁, 睇住班新一袋人計數計到手忙腳亂,我自己就氣定神閒, 個感覺好正的.

      刪除
    2. Thanks for share for the model answer!
      出左社會咁耐,又唔係做文書工作多,真係脫晒節。
      有時都要睇下D八股文增加下自己的語言藝術Level~

      刪除
    3. 依家公司做僱傭兵,對住班電車車,寫文回覆客戶最叻嘅就係我。

      刪除
  16. //入到試場,魔術師都打咗個突:環顧四周,竟然有一半考生 no show,

    因為嗰嗰都"手快DELETED左聽日公務員JRE EXAM個EMAIL"...


    會有咩難民去傷港?如果喺敘利亞嗰啲都去咗歐洲啦。哦,唔通話喺支那政權咁大膽?

    回覆刪除
    回覆
    1. //因為嗰嗰都"手快DELETED左聽日公務員JRE EXAM個EMAIL"...

      應該話自動被mail server filter 去了 junk box 仲好喇!

      //會有咩難民去傷港?

      防印度假難民入境 預辦登記平台今開放

      刪除
    2. 內地每逢春節都(中國)人類大遷徙。睇落好混亂,但佢又掂喎!而家資源分配極不均,輪到歐洲出現大遷徙(難民潮),但係對當地基建造成破壞/崩溃。
      貧富懸殊並唔係香港獨有。而家好多先進國家都研究緊 universal basic income 嘅運作。我未有太深入瞭解,但偏向認為不可行。最主要係以為人唔需要再為生活奔波後係咪一定會為自己興趣做更多而創造更多貢獻,呢下比較一廂情願嘅諗法。必須要確定 contribute 嘅人相對 not contribute 嘅人夠多,如果唔係個 pool 會承受唔到,一樣會崩溃。不過人口控制,甚至人口素質控制,不單止難,亦會牽涉到道德。好煩!

      刪除
    3. //universal basic income

      當啲商家知道你有universal basic income, 咁自然就會抬高價格, 等你用哂啲basic income; 所以只不過是將個equilibrium point 搬上啲而已.

      //必須要確定 contribute 嘅人相對 not contribute 嘅人夠多

      「各盡其能,各取所需」, 社會主義的終極形態呀!

      刪除
    4. 「各盡其能,各取所需」同「天生我才必有用」一舊樣咁一廂情願阿!
      「天生我必有作用」就差唔多!(作用可以係墊主人哋。慘慘豬~)

      刪除
    5. //「天生我必有作用」就差唔多!(作用可以係墊主人哋。慘慘豬~)

      「存在必然有其合理性」

      刪除
    6. 「就算係一張廁紙同一條底褲都有佢既用處」

      https://youtu.be/Hu3AX-D1-Hk#t=13m54s

      刪除
    7. 一舊 ke 都有佢作用!係咪莊子嘅無用之用? XD XD

      摩摩,請問點樣可以整條 link 一去到就係嗰個位嘅?

      刪除
    8. 要靠偉大的time tag:

      https://briian.com/7533/

      刪除
    9. //當啲商家知道你有universal basic income, 咁自然就會抬高價格, 等你用哂啲basic income; 所以只不過是將個equilibrium point 搬上啲而已.

      好似以前考試拉Cruve 甘

      刪除
    10. 所以公開試的syllabus 愈來愈淺都唔知為乜.

      刪除
  17. 魔術師有冇諗過讀個PhD玩吓?

    回覆刪除
    回覆
    1. 點得閒寫Journal呢? 學689同鬍鬚佬寫網誌好過喇!

      刪除
  18. 你好,我想請問最後有沒去做AO?

    回覆刪除
  19. 師兄 當 年有interview 嗎?

    回覆刪除
    回覆
    1. 過咗咁多年仲有人問?請多爬文。

      無,亦幸好無。

      刪除