2019年5月31日 星期五

不能以 iPhone Safari 在 Blogspot 留言的問題

好幾個月之前,魔術師就發現唔能夠在 iPhone 以內置的 Safari browser 在自己 blog 和人地 blog 內留言:明明係已經發入咗穀糠戶口,但留言框所顯示的依然係「匿名」;甚至乎以「匿名」輸入留言,按完發佈後網頁再 reload,卻發現留言根本無傳送出去,完全留唔到言。

2019年5月29日 星期三

《L風暴(L Storm)》:巷人巷審反送中

話說魔術師是在屯門市中心大眾書局買呢隻碟嘅。點知一拎上手,隔離忽然有把男聲問:「古天樂做戲得唔得架?」
魔術師轉頭望去,原來是一名貌似聞J黨主將高佬廷的男子!

呢位「高佬廷」精神似乎有點問題,不停地自言自語之餘,仲 keep 住問魔術師「古天樂做戲得唔得」。
魔術師不勝其擾,唯為拋下一句「OK喇」,便唔再理會「痴線版高佬廷」,逕自去收銀處付款去了。

2019年5月27日 星期一

CenturyLink 債劵回收


日前收到 Interactive Brokers(簡稱 IB)通知,CenturyLink(CTL)有意提前贖回魔術師持有的其中一隻債劵 Qwest Capital Funding Inc. Corporate Bond 7.75 Feb15'31(ISIN: US74913EAJ91),贖回價為每手帝幣900元另加早鳥價帝幣30元與及 accrued interest:

2019年5月25日 星期六

乜 sir 教你計風險

日前乜 sir 講到教學員用木間劏房,甚至上下格床都可以分租出去,合規(不涉及僭健)之餘又可以賺盡,但方法不能免費分享;甚至提議等錢使嘅讀者(學員?)借財仔應急...
(圖片來源:乜 sir > 如何令單位租值提升一倍? #1815, retrieved on 24 May 2019)
(圖片來源:乜 sir > 收息分別8%、18%及30%應做什麼? #1819, retrieved on 24 May 2019)
(圖片來源:乜 sir > 買泰國樓做按揭被拒,急需140萬現金Full Pay #1822, retrieved on 24 May 2019)

但講到爆,又點夠今日(2019年5月24日)呢篇咁爆呢?
(圖片來源:乜 sir > 直債與債基之分別 #1828, retrieved on 24 May 2019)

2019年5月23日 星期四

千五萬樓訓窗台

戶主去年件初買入單位,作價1,500萬,呎價$16,000有多,再搵百幾萬來裝潢,結果...竟然要訓窗台(35:54—45:08)?
樓盤傳真 2019/04/27 2019/04/27 23:08

發展商拖慢建樓,有利這刻推盤,星期六億京開售,在白石角的海日灣二期首輪貨 295 伙,收票約 5,000 張,超額約 16 倍。不過估計大批票源聚焦在 54 伙開放式單位,折實價低於 400 萬元,銀碼與呎數都是白石角區內最易入場! 
二手價位持續向上,但成交量則相反。統計全港 50 大屋苑,上周二手買賣跌至九個星期以來最少,相比二月尾反彈市縮減近乎一半。原因之一是上車盤陸續消化,業主開始心雄,以跳價幅度放盤,叫價變得略高。今集看的正正屬於高一級的換樓盤,來自北角的三房一套單位。 
細單位,廳細房細,如果身高六呎,擺一張床,躺下應該伸不直雙腳,這種情況對細單位而言不算稀奇。 
有窗台其實是好事還是壞事?自從用實用面積計價,窗台變成額外送給業主,似乎有、好過無。都怪發展商當年計建築面積,用窗台發水發得太盡,引致條例收緊。當中將軍澳都會駅是發水高峰期的樓盤之一,樓齡十二年,窗台接近兩呎闊,為符合一房一窗台的規例,睡房開則細細間,窗台就大大個,成為裝修的頭號問題。

2019年5月21日 星期二

新聞雜評(二百三十三)

中聯辦指特區修逃犯例乃應有之義 更新:2019/05/15 22:04

港澳辦及中聯辦就特區政府修訂《逃犯條例》發聲,港澳辦主任張曉明指,修例是「必要、適當、合理及合法」,處理爭議時,要尊重一國兩制下國家的「一制」。中聯辦就指修例是落實《基本法》的應有之義,相信市民會抵制別有用心的「蠱惑謠言」及「人為恐慌」。
港澳辦主任張曉明與訪京的民主思路召集人湯家驊會面,港澳辦出稿指,張曉明認為修訂《逃犯條例》是「必要、適當、合理及合法」,亦不必多慮,處理目前的爭議,關鍵是把握好三點,包括守護法治及公義、回歸理性及專業尊重事實及一國兩制下國家的「一制」。
中聯辦主任王志民星期二主持領導班子會議,外交部駐港特派員謝鋒、解放軍駐港部隊政委蔡永中及中資企業負責人都有參加。會議主題是傳達國家主席習近平月初在全國公安工作會議上講話的精神,包括提到「世界各國要協力應對犯罪」等,中聯辦引伸到香港。指在一國兩制下,香港與內地應互相尊重、互相信任,理性處理彼此的司法協作關係。
近期特區政府修訂《逃犯條例》既有法理依據,又有現實迫切需要,《基本法》第九十五條明確規定,香港可與內地、澳門、台灣司法機關協商建立司法協助機制,而回歸以來,內地公安已向香港移交了二百六十多人,包括「空姐藏屍」案、尖沙咀珠寶鐘錶店劫案和《明報》劉進圖遇襲案的疑犯,但香港向內地的移交,回歸至今,一宗都未有。
中聯辦認為修例是落實《基本法》的應有之義,是維護香港法治核心價值,堵塞法律漏洞,為受害者伸張正義,令涉及「人命關天」的疑犯得到懲治,避免香港成為「逃犯天堂」,中聯辦堅信社會能充分理解,特區政府的擔當和努力抵制別有用心的「蠱惑謠言」和「人為製造的恐慌」。

1. 「回歸以來,內地公安已向香港移交了二百六十多人,包括『空姐藏屍』案、尖沙咀珠寶鐘錶店劫案和《明報》劉進圖遇襲案的疑犯,但香港向內地的移交,回歸至今,一宗都未有」哈哈,連日月神報的公義守護者劉仔都拎埋出嚟講,真係擲地有聲。以我城方言講,即係話「你傷港咪當我地殺人政權係羅拔」。不過咁,販民要反駁都無話唔得,畢竟「有權利無義務」、「有着數要舐盡」不嬲都係我城的核心價值,一國兩制下,除了要尊重國家的「一制」,一樣要尊重我城的另一制...不過,我城的另一制應該係指「資本主義制度」,點樣拉到去講「反送終」,就要靠公文袋班大劣C喇!
中華人民共和國香港特別行政區 《基本法》
第五條
香港特別行政區不實行社會主義制度和政策,保持原有的資本主義制度和生活方式,五十年不變。

2019年5月19日 星期日

弊傢伙!電視壞鬼咗!

都係自己衰!
魔術師上個星期拎咗公司部 laptop 返屋企 work from home,諗住唔使返公司可以 hea 住做,點知就係因為貪得意,想用部65吋電視做芒,便貪方便無熄 Amp 同電視,一嘢就將 laptop 的 HDMI output 插落去部 Yamaha Amp 嘅 Aux input 度,諗住一轉 Amp 個 Input mode 就搞定...
無熄機插嘢好易燒機。果然,今次真係出事了!不過,死的不是部 Amp,而係部電視即時 short short 地,上半部畫面出黑色橫紋:

要解決,就要熄機拔插蘇等返十幾分鐘 hard reset 一次先可以暫時回復正常,而且唔擔保幾時會復發:

魔術師知道最近 Sony 有新機發佈會,諗住可以依既定策略以折扣價購買上年度的旗艦機款(電子消費產品年年有新嘢出,無需要追貼潮流尖端):


2019年5月17日 星期五

唔使覆的讀者來信:行山自娛

講起行山,魔術師未彈此調久矣,更不用說現時氣溫悶焗,實在受不了。想不到讀者一邊行山,一邊拍照,一邊還可以詩興大發,順便猜埋謎語,果然係才比曹子建,力勝鐵腳仙!
行山自娛
記2019春,大嶼山 — 3月16日,白芒至南山; 4月22日,石壁至昂坪
***
命懸一條𢇁,藝高扮樹枝,
若君是過客,眼看勿撩之。
(香港一種不知名生物,最叻扮樹枝,見過你就知。以一條絲吊在山路中間,一不小心會碰上它。)
***
金風玉露一相逢,
便勝卻人間無數
若然張口吞無數。
(雨後山中,或時近黃昏,常常出沒的一大群飛舞小蟲,路上相遇,謹記屏息閉口。)
***
如如不動,穩蹲如山,
人來人往,只作平常。
(偶遇一小蜥蝪,在小路正中心,三人行過,人人影相,佢都只是擰一下頭,並不逃跑。可能因為其為冷血動物,未曬够陽光,身體未有足夠熱量逃跑?)
***
穿越山林內,緣何墮迷途
天助自救蝶,破網飛空中
(路見一蝶,掛蛛絲上,弄斷絲,置其於葉,仍苦苦掙扎,唯有再幫掃走餘絲,始能高飛。)
***
雲霧山頭飄
清泉澗中流
前詩壁上賦
幽境相內留

雨後山泉
***
塘中島、山外山;
美景前、夫何求?
石壁水塘
***
初夏獨開路一隅
輕風中唱我是我
野玫瑰,薔薇科 -- 向林夕致敬
我 (國語版)
作詞: 林夕
作曲: 張國榮
「I am what I am,
我永遠都愛這樣的我
......
我就是我 是顏色不一樣的煙火
天空海闊 要做最堅強的泡沫
我喜歡我 讓薔薇開出一種結果
孤獨的沙漠裡 一樣盛放的赤裸裸 ......」
***
前路似有新徑
導向未知風景
聽從心內之聲
步往一探究竟
白芒至蓮花山,住天書壁之出入口

2019年5月15日 星期三

一千幾百,猶如垃圾

話說魔術師因為2017年尾腿傷的關係(見《魔術師的恐懼鬥室》),導致開工不足,全年薪金下滑,加上波叔又退稅又擴闊稅階(見《新聞雜評(一百四十四)》),變成2016—17年度的暫繳稅已夠交2017—18年的稅款及2018—19年度的暫繳稅,也就是說2017—18年魔術師係唔使交稅嘅!
至於今年份報稅表,就多咗項自願醫保扣除,適用於2019—20年度暫繳稅:

2019年5月13日 星期一

城市論壇論判刑(2019年4月28日)

睇完成個節目,只係覺得朱牧師係一個言偽而辯,只係識好似痴瘋仔咁用啲小聰明來鬥嘴的人。你對住狀棍搖同埋刮友章呢啲咁低層次嘅質詢,「一招殺敵」就可以了,使鬼玩鬥嘴,仲要玩到連自己都錯漏百出?
城市論壇:佔中九子四入獄 判刑輕重問世道(The city is paying the price for Occupy but how much? )

台上嘉賓:
朱耀明  佔中發起人
Chu Yiu-ming
Co-founder, Occupy Central movement
劉炳章  「保普選反佔中」大聯盟發起人
Kaizer Lau Ping-cheung
Co-founder, Alliance for Peace and Democracy   
黃之鋒  前學民思潮召集人
Joshua Wong Chi-fung
Former Scholarism convenor
何君堯 立法會議員
 Junius Ho Kwan-yiu
 Member, LegCo
主持:蘇敬恆
舉行地點:維多利亞公園
時間:中午12時至下午1時
(港台電視31及facebook live現場直播)

2019年5月11日 星期六

新聞雜評(二百三十二)

旺騷案容偉業袁智駒各判囚三年 更新:2019/05/09 20:24

二零一六年旺角騷亂,外號「美國隊長」的容偉業及袁智駒暴動及襲警等罪成,分別被判監三年。法官指明白兩人都有精神問題,但他們是知情參與行動,要平衡公眾利益,監禁是無可避免。
容偉業和袁智駒由囚車押送到高等法院,容偉業在三月被裁定兩項暴動和一項襲警罪成。律師引述感化官報告,指他有輕度智障、自閉症二級、語言能力等同七至九歲小童,監禁會影響他的精神健康。 
早前承認兩項暴動和一項縱火罪的袁智駒,感化官報告就指他自小患過度活躍症、自閉症等,當日是受精神問題影響犯案,還柙至今已得到狠狠教訓,希望法官判兩人感化令。 
法官黃崇厚表示,判刑要考慮四個原則,包括懲罰、阻嚇、預防和更生康復,了解到兩名被告需要治療,亦明白感化報告所指,監禁為他們帶來的不良影響不輕。但法官指他們在現場逗留近八小時,是知情參與、不是一時衝動,而且案情嚴重,要平衡公眾利益,監禁是無可避免。法官指他們的求情信動人,但精神有虧欠,不等於可以減輕道德責任。 
容偉業三項控罪量刑起點是監禁一至三年半,考慮到他初犯、判監三年。袁智駒的三項控罪量刑起點就由三年至四年半,法官同樣考慮到他初犯、熱心社會,扣減四分一刑期、判監三年。兩人聽取判刑時表現冷靜,容偉業就向支持者揮手。
至於容偉業面對的另一項非法集結罪,陪審團早前未能達成有效裁決,控方暫時不要求重審,法官批准將控罪交由法庭存檔。

1. 真心唔明點解一個二個出來走出來搞巷蜀的人都話精神有問題,加埋小膠樽、戲子陳、朱牧師、痴瘋仔等佔派,黃C頭臉人物個個都唔係老就係有病,成班「老弱殘兵」都可以逼到特衰正苦震過貓王,都唔知話佔派巷派「以死相搏,感動人心」定係恥笑正苦無能先啱。

2019年5月10日 星期五

限古

某日,魔術師一面寫 blog 一面讓 youtube shuffle 聽歌,點知竟然 loop 咗呢首歌出嚟:

乜話?又有新版《倚天屠龍記》?乜蝗國唔係有「限古令」嘅咩?唔係因為內銷唔到轉出口,轉下手就連古裝劇都變「逃犯」,要走嚟CCTVB播吓話!
魔術師上網查找「限古令」,只係見到類此以下的新聞報導:
限古令升級 禁播至6月 網絡影視平台古裝片銳減
明報 2019年3月24日
【明報專訊】內地廣電部門收緊古裝劇播出的限制。多名娛樂業人士前日表示,有關部門的新規,明確從即日起到6月,包括武俠、玄幻、歷史、神話、穿越、傳記、宮鬥等在內所有古裝題材網劇、電視劇、網絡大電影都不允許播出。已播出的撤掉所有版面,未播出的全部擇日再排。官方曾指要堅決反對歷史虛無主義、隨意戲說曲解歷史,古裝劇不能為增加娛樂性而胡編亂造。
【限古令或解除】網傳廣電總局容許古裝劇下月逐步上線
文章日期:2019年03月27日
日前內地網傳廣電總局頒布最新的「限古令」,在六月底前的古裝題材網劇﹑電視劇等,都不允許播出,據知受影響的古裝劇多達幾十部以上。有指這次「限古令」是因為第一季度的宮鬥調控各家執行力度不足,第二季度要嚴格執行。
「限古令」今日有最新發展,內地網指輿論反應強烈關係,廣電總局召集三家平台並簽署保證書,4月起各平台古裝劇可逐步上線,當中條件要每月15號前,各平台要通過地方局報廣電總局播出的計劃;控制古裝劇的比例,現實題材佔年度60%;未拿到上線許可的,不能提前排播和宣傳。
又「多名娛樂業人士前日表示」,又「網傅」,去廣電總局官網又見唔到官方發佈消息,唔通好似侵侵話齋係假新聞?如果係真,則幾乎所有金庸武俠小說都係「歷史虛無主義、隨意戲說曲解歷史」架喇!郭靖黃蓉邊有死守襄陽,亦唔係神雕俠用石頭掟死蒙哥,更唔會有韋小寶代表大清去同羅剎國交涉喇!咁講法,金庸小說戲劇根本不應再存在;大家一於都去讀《史記》,話說《刺客列傳》都幾好睇架!

2019年5月9日 星期四

單位面積可妥協,生活品味要做足

業主靠己幹上車,去年4月以340萬買入170幾呎一房單位,裝潢設計所有嘢都要度身訂造過,務求用哂所有空間,問題就係一旦有壞要置換就大鑊了,你估一定搵得返啱 size 的 replacement(37:24—47:25)?
樓盤傳真 2019/04/20 2019/04/20 23:21

何謂豪宅? 官、商都無界定,所謂自律推盤、豪宅免受限制,根本大有漏洞! 綜觀世界各地對豪宅各有標準,香港可以借鏡嗎?
在名校網兼豪宅區之間,尚存居屋、夾屋等入門置業希望,但放盤、成交都罕有,今集夾屋欣圖軒放盤亦選擇長線放租。
招標賣樓,最大問題是透明度不足。驗樓主角九肚山澐灃,近期突然加快銷情,查閱招標文件,樓盤增加了利息回贈,變相減價百分之八,但成交價並無反映。

2019年5月8日 星期三

填表問美帝取回股息陀地(2018)

術師早前已經計到,如果向美帝申請退稅,實際稅率可降至23%(見《魔術師可以問美帝取回幾多股息陀地(2018)?》)。取回的不及上次咁多,但亦足夠抵銷郵費、銀行存入美元支票的手續費之類,無理由唔做伸手黨問侵侵拎返嘅!
第一頁
1. 基本上同去年相同,第一頁只係需要填上 International Taxpayer Identification Number (ITIN)。如果讀者想抄功課但又未申請 ITIN,咁就要參考《填表問美帝取回股息陀地(2016)》及其一系列伸延閱讀喇!
2. 留意 Filing Status 的 Lines 1, 3, 4 都變了 Reserved,原因就係唔俾你班 NRA 扮大霧申請 personal exemption。侵侵就係咁以雷霆手段封殺了以呆灣綠角為首的大霧黨!
由於魔術師沒有其他收入,其他 fields 都填0就是了。

2019年5月7日 星期二

魔術師資產配置(2019年5月)

阿乜 sir 真係掂嗰樣衰嗰樣:上年佢唔知係邊到抄返嚟(魔術師唔敢話佢係抄本 blog)嘅 HSEA/HSEB,左遮右遮一輪拎出嚟當秘笈,之後無耐便被大貓贖回,跟佢的學員不知有否損失(見《由 HSEA/HSEB 贖回諗起乜 sir》);半年前佢推介 AGNC(見《險簽背後》),話係「2019年不可忽視的收息投資物」,點知最就話減派息,自2019年5月起,公佈由每月帝幣$0.18減至$0.16,即係減11.1%咁多,果然係「不可忽視」:
Funding costs remained elevated relative to LIBOR and premium amortization expense increased as a result of higher projected prepayments following the significant decline in interest rates over the last two quarters. Looking ahead, with the Federal Reserve expected to hold short term rates steady and an even more dovish stance communicated by the European Central Bank, the LIBOR-repo rate funding dynamic that AGNC enjoyed throughout 2018 is unlikely to return to the previously favorable levels in the near term. Further, we expect dollar roll specialness to remain relatively minimal and amortization expense to remain relatively constant. Against this backdrop, we anticipate reducing our monthly common stock dividend to $0.16 per share beginning with the dividend to be declared in May 2019.
- AGNC Investment Corp. Announces First Quarter 2019 Financial Results
乜 sir 班學員有無訓身就唔知,但魔術師就有長期持有 AGNC,不過持貨量唔多,「委派」其收息的目標只是每月稅後收我城貨幣1,000元(即約帝幣$130),計都計到魔術師有幾多貨咁大把。以魔術師現時持股量計,AGNC 5月公佈6月派帝幣$0.16,依然可以達標(稅後收息我城貨幣1,000元),毋需加倉;而市場反應亦唔見有大跌,只是輕微回落,可以暫時以不變應萬變,觀察住先,唔郁、加倉、定係換馬,下月再定行止:
(圖片來源:Barchart.com > AGNC, retrieved on 5 May 2019)

2019年5月6日 星期一

新聞雜評(二百三十一)

民主派批秘書長做法將發律師信 更新:2019/05/05 22:21

審議《逃犯條例》修訂的法案委員會明天開會,最少三十五名建制派議員、即是過半數支持採納內會指引,改由石禮謙主持會議。民主派指做法違反議事規則,質疑立法會秘書長陳維安行為失當,會向他發出律師信。
《逃犯條例》修訂法案委員會開了兩次會、未選到主席,內務委員會向法案委員會發指引,改由石禮謙主持會議。立法會秘書處指,如果過半數委員星期一中午前,書面通知指支持,就會視為採納指引。
民主派質疑秘書處的做法違反議事規則,二十三人聯署譴責秘書處行為越權,要求立法會秘書長陳維安收回文件,又打算向他發律師信,指他行為失當。民主派今次的行動不包括涂謹申,涂謹申指即使過半委員支持改由石禮謙做,他都會繼續主持會議。
法案委員會六十二名成員,三十六名是建制派有回覆查詢的都支持採納指引,包括五個政黨二十八人,以及姚思榮、謝偉俊、潘兆平、陳凱欣等,即是已經有過半數委員會書面覆秘書處採納指引。
有民主派議員會回覆秘書處,但就指不等於他們承認書面回覆的合法性,只是想在信中表達不滿。
立法會秘書長陳維安向全體議員發信,強調在協助議員審議立法建議時,秘書處恪守不偏不倚原則。他指法案委員會秘書在內會決定發指引後,須將決定通知委員,由於現時未選出主席,秘書未能按一貫做法,諮詢主席後才發文件,切實可行的做法是以書面通知所有委員,請他們根據議事規則作考慮。
由於法案委員會已訂於周一下午四時三十分開會,而有關指引關乎由哪位委員決定會議日期及主持主席選舉,秘書邀請委員同日中午十二時前回覆。
陳維安指,秘書處面對前所未有的情況,只能在沒違反議事規則和內務守則的前提下,參考一貫行事方式履行職責。

1. 其實呆灣殺人案個兇手佳仔仲坐緊監,特衰正苦已無逼切性立法;而且即使俾你立到法,呆灣蔡大媽嗰邊都未必肯簽任何有關引渡條例的文件,佳仔事件已經唔係立法原因。而且話哂咁多販民蟻員都係我城市民選出來,佢地所有嘅行為包括拉布、在議會內鬧事、玩嘢,都係有民意授權的依家同販民撐到咁衡實在不智;都係學似對付佔派咁,磨時間磨到班販民無哂心機仲好喇!

2019年5月5日 星期日

港燦理財(十五)之讀書無用

魔術師籍貫是廣東省寶安縣,老父是蝗民,當年深圳鄉間發展時政府收地,便以將來建成的某屋苑小單位交換了父親的「丁權」。老父仙遊後,魔術師對那個單位也是闊佬懶理,從來無將之當成是身家的一部分,只係佛系由蝗大堂家姐代為收下租咁,有無落格亦關人個關。
點知,上星期六晚蝗大堂家姐話屋苑樓齡都有返咁上下,跟最近SZ的發展已是格格不入,發展商有意重建;而又由於當時個單位係用老父名,於是蝗大堂家姐便問魔術師「幾時得閒去搞手續」;魔術師話五一只係放一日假,想留返來休息(兼寫 blog),點知蝗大堂家姐就話:「不如聽日喇!」D,玩咩?急成咁就唔係「幾時得閒去搞手續」喇!
魔術師再問要帶什麼文件,蝗大堂家姐即時被考起,求其 hea 答話:「身分證、回鄉卡喇!」
魔術師最唔鍾意就係呢類求其即興又唔 attentive to details 的人。
要證明老父已經過身,就要有死亡證;要證明魔術師老媽也不在人世,亦要老媽的死亡證;要證明魔術師係父母係合法結婚,就要兩人的結婚證書;要證明魔術師係父母的親生仔,就要有魔術師的出世紙...仲要蝗大家姐等人做證,才可以證明魔術師父母並無其他(私生)兒女,魔術師方可成為遺產的唯一合法繼承人(見《港燦理財(十二)之好仔不論爺田地》)。
不過,就算帶齊以上文件,加埋特衰正苦簽發的兩老遺產管理書,蝗國是否承認魔術師的繼承權也是未知之數;但現在乜都未搞清楚,都係上去一次再說。
魔術師心想也要些時間挖返呢啲文件出嚟,於是便話5月4日星期六上去喇!
又點知,星期五晚,蝗大堂家姐又傳來 WeChat:

頂,你班蝗民個個都財務自由,靠收租為生,唔使做梗係可以早睡早起。假期對魔術師來說,可謂補眠的大日子,唔係特別事真係好難一早起到身架!

2019年5月4日 星期六

窺淫

上個月當魔術師在屯門市中心牛角燒一個人晚餐時,鄰座來了一對有青男女。例牌男女對坐時,女的就會坐較裡面的梳化位,即係魔術師隔離喇!目光銳利兼非常之 attentive to details 的魔術師登時感覺到某些東西「不對勁」,乜斜着眼望去...

嘩!呢位妹妹仔條褲短成咁,坐低咗真係好似無着一樣!果然夠哂 eye-catching!

2019年5月3日 星期五

小熊維尼結良緣

今次案例都幾特別,業主係星球人,設計C想呃佢做水魚唔係咁易,傾唔埋欄結果就係DIY,由星球人自己搵C父搞掂佢,究竟佢同啲老粗C父又是否能夠溝通呢(35:29—46:51)?
樓盤傳真 2019/04/13 2019/04/13 23:39

政府多番催迫發展商要釋放空置新盤單位,更開腔關注拖慢銷情的招標大法。發展商發起自律推盤,特別是豪宅盤,都紛紛重新部署,有意趕在第二季開展銷售,包括渣甸山皇第和新九肚山富豪.山峯。
新盤豪宅排隊出貨,特別是新界地區的豪宅供應勢必大增。如果想樓價保值,入市時最好是揀選一些傳統豪宅區,今集的放盤單位,就位於何文田,坐擁傳統名校網的一線豪宅地段。
南豐筲箕灣香島入伙,樓盤豪宅定位,即使 500 多呎也複式開則,營造罕有感。大單位針對家庭客,但部份裝置易生小意外,小朋友尤其要小心。
醫生業主,親身上陣設計家居,要求北歐風格、添上摩登元素,選料一絲不苟,為求效果符合心意,花費了不少時間、心力,但過程充滿成就感。

2019年5月2日 星期四

《死亡無限 Loop(Happy Death Day)》:面對死不會驚怕

早前在討論《流浪地球》時,魔術師就提出過科幻故事,如果需要將某些科學的應用加入幻想情節,就一定要自圓其說,否則倒不如完全不作解釋。對此,本片正是絕佳例子:本片雖非科幻電影,但女主角生日當天一早起來,到晚上遇上兇手被殺,然後周而復始又 loop 返去去起床時的時刻。本片對時間循環無任何解釋(或留待續集解畫),但唔解釋並無問題,聽古唔好駁古;最怕就係愈解釋破綻愈多,反而會顯出編劇說故事功力不夠。

(註:此 trailer 剪得非常好,基本上有齊一切唔穿橋的 key frames 和對白,有睇就會明,也省下了魔術師唔少截圖功夫。)

2019年5月1日 星期三

魔術師資產配置(2019年4月結)

由於匯豐控股(00005.HK)及Vanguard 500 ETF (VOO.AMEX)大爆發的關係,本月沉船基金「重奪」投資組合表現榜首之位,每單位我城貨幣(下同)收報$160.14,較上月升5.40%。恆指回落,複式盈富緊守第二位,本月收報$155.40,較上月升2.01%。
多隻巷美房託基金有所回落,房託組合本月收報$148.89,較上月微跌0.51%,守第三位,拋離第四位的生活基金幾個馬位。生活基金本月收報137.41,較上月升1.62%,雖然上升但仍然未能追上房託組合,卻同時又拋離第五位的強積金組合幾個馬位。強積金組合本月收報$126.65,較上月升1.87%,又拋離作為合格線的現金及債券組合幾個馬位。
現金及債券組合排第六位,本月收報$115.49,較上月升1.60%。唯一不達標的是商品基金,依然包尾,本月收報$102.75,較上月跌1.29%。