睇咗
1. Netflix：《魷魚遊戲（Squid Game)》第二至三季
承接第一季，主角大部分時間的窩囊廢表現完全不能引起觀眾的同情和共鳴（結局都算威返次），主角重投遊戲的理由亦唔充份。坊間評論話第二季劇情悶，但魔術師覺得剛剛好，起碼做到建構人物性格同埋寫多啲遊戲組織的運作，另外帶出泡菜人的一個觀點：提出提議的人要人哋跟你，失敗係要「負責」的（100號經常叉能廚主角「遊戲輸咗係咪你負責」）
魔術師最睇唔明主角的想法和做法，成日話要終結遊戲但又無「策略」，一時又話要犧牲友方同伴都在所不惜；既然投票勝出就可出去，那就殺多幾個贊成派的人就得（反正佢哋都預咗搵命搏），為何要叛亂，死道友不死敵人？
第三季收尾 okay 的，但唔明最後 KOL 點解唔撳咗掣先，同主角相處咁耐唔通唔知佢為人？警察條線可有可無，結尾眾配角的 happy ending 有啲夾硬嚟。本片劇情少數可取之處就係彰顯了一人一票、「多數決」的「合理性」，同埋李炳憲真係好型好靚佬，勁有壓場感，相比之下我城最紅嗰班娘娘腔真係唔掂。
魔術師評分：第一至三季平均70分（100分滿分）
已經唔記得咗點解會入 list（唔通因為係吳宇森執導？）。不過，又唔好睇套片已經成40幾年前（1982年上映），竟然「超前部署」地講緊地產霸權；笑料雖然幼稚過時，但有某啲位仲係幾好笑，加上簫芳芳係老媽子偶像，點都要俾面睇吓：
政府飲用水｜江玉歡：物流署須交代當日審批標準 邵家輝：生產廠需有雙重認證 有線新聞 2025年08月18日
【有線新聞】政府辦公室採購樽裝飲用水事件，食環署指供應商鑫鼎鑫商貿本月初進口樽裝水到港時涉嫌違反食安條例，有立法會議員認為物流署須交代當日審批的標準。
涉嫌違例的鑫鼎鑫商貿位於北角辦公室仍然沒人應門，食環署在門外張貼告示，指公司在本月9日進口一批樽裝水到香港，涉嫌違反食物安全條例，即是未登記為食物進口商，而經營食物進口業務。
有議員認為政府須解釋為何供應商可以進入投標名單。江玉歡：「他們化學品又供應、水又供應，究竟是否一個合規格的供應商？政府選擇供應商時準則是甚麼？到底是否內地公司就有優先？到底他們是價錢很好或是水質很好？現在無人知道如何評分。」
立法會帳委會主席邵家輝：「其實政府是否需要向生產廠取多一個雙重認證，生產廠如果表明某間公司代表他，至少有雙重認證。採購時要嚴謹，要有個程序知道貨品來源是甚麼地方，及那些貨品質其實可否接受、是否經過第三方驗證等等。」
而鑫鼎鑫商貿合約暫停後，受影響辦公室即日起改由屈臣氏供應樽裝飲用水。蘇小姐：「不合規格就應該要換。（之前有報道公務員自己買水、有看到？）我們這邊暫時未看到，但有人會帶水。我想政府也是看預算，我們只是負責飲，無份做決策。」張先生：「我自己覺得奇怪，因為以前品牌供應的水飲用很多年，感覺為何突然要轉。」
審計署表示政府採購樽裝水招標過程屬於審核範圍，在審核帳目過程中必定會查找不足，如發現有不足或違規情況一定會如實報告。
1. 鑫鼎鑫商貿合約暫停後，受影響辦公室即日起改由屈臣氏供應樽裝飲用水。蘇小姐：「不合規格就應該要換。...」
真係逃離唔到李氏力場，連飲水都要靠佢。又，呢位公墓園蘇小姐，個樣竟然有啲似魔術師提過那位化個靚妝返工、練精學懶、經常請假（病假數量超過年假數目）的同事女C！
睇咗
1. Max:《新神探智擒職業殺手（The Day of the Jackal）》第一季
文青造形的職業殺手男主角遠遠討好過 DEI 黑婆「神探」，仲有《紙房子（Money Heist)》的「東京」Úrsula Corberó 做男主角老婆，一路睇一路想 DEI 快啲死。係末段刺殺「馬斯克」的橋段有啲 bug，稍稍未能達至100分。
魔術師評分：90（基本）+ 5（第一季結局反DEI）＝95分（100分滿分）
本片屬「真假鄉下合拍片」，2017 - 18 年上映，改編自鄉漫，看來 Grandpa 與鄉下關係當時未至於太差。撇除外交事宜，Grandpa 近年「擔心影視界竄改史實污染文化」，導致「製作方為免麻煩為爭取創作空間」（即係有好大「創作自由」？見伸延閱讀），出現了一大漂「偽歷史劇」。其實金庸系列大都「指名道姓」有歷史背景，點解金庸電影、電視劇又可以拍完又拍，唔怕話「郭靖是成吉思汗金刀駙馬」、「楊過飛石掟死蒙哥」、「朱元璋趕走張無忌」又唔係「竄改史實污染文化」呢？
「多年前」客席主持摩摩在魔術師舊 blog 不時都有 quote 《流氓醫生》的對白和場景，尤其是係醫學會聆訊嗰段，不過所為何事魔術師已經唔記得。點都好米老鼠＋都有唔少舊巷慘片睇返，《流氓醫生》亦係一例。睇返啲巷星後生時個樣，同依家比較，實在不知人間何世：
睇咗
1. Netflix：《狂賭之淵（Bet）》
《狂賭之淵》日本真人版第一、二季（濱邊美波主演，見下文推介）魔術師俾到95咁高分，動畫版在 Netflix 都有播，但今次無聲無息竟然有尾帝 DEI 版上畫，除咗主角係「鄉下妹」之外，全部角色變晒種族共融，魔改到啲角色由靚變醜，劇情爛到不堪仲想有第二季？
魔術師評分：20分（100分滿分）
海運戲院結業｜重映《唐山大兄》謝幕 午夜散場後隨即拆除招牌 有線新聞 2025年06月02日
【有線新聞】有逾半世紀歷史的尖沙咀海運戲院最後一日營業，幾乎場場爆滿，並以1971年在海運首映的《唐山大兄》謝幕，戲院隨即在午夜前拆除招牌。
海運戲院來到最後一日，大批市民紛紛前來捧最後一次場，一家人在電影海報前打卡留念，又在「海運戲院」四個大字前留倩影。全日六場電影幾乎爆滿，最後三場的「盲盒場」一早已經滿座。有觀眾對戲院結業感到無奈，希望更多人支持電影行業。
張先生：「好可惜，因為自小就在這裏看電影，大戲院越來越少，今天特意來看一場戲，（記者：有沒有在這裏特別回憶？）都有很多，以往這條院線很大的明星都在這裏出現，我們看他們的電影長大，所以是有些感想的。」
陳先生：「這家戲院其實很多年歷史，陪伴著很多街坊成長，裝修過一次，今天在這時代巨輪下可說是畢業了。大家有機會也可以到不同戲院，支持一下，不要等到最後一刻才來。」
戲院特意為「盲盒場」觀眾送上劇照紀念卡，包括1976年票房冠軍、由許氏三兄弟主演的《半斤八両》。
海運戲院經營了56年，為一代又一代觀眾播放無數經典電影，結業後，嘉禾院線旗下戲院只剩下5間。海運1969年開始營業，當時全院座位超過1,700個。1971年李小龍代表作《唐山大兄》在這裏舉行首映禮，1976年《半斤八両》更是當時的票房冠軍。2013年翻新之後，座位減至456個，光影之下見證香港電影業興衰。
1. 海運戲院來到最後一日，大批市民紛紛前來捧最後一次場，一家人在電影海報前打卡留念，又在「海運戲院」四個大字前留倩影。...張先生：「好可惜，因為自小就在這裏看電影，大戲院越來越少，今天特意來看一場戲...」
「誰會珍惜 當你還擁有 將要逝去 總想挽留
想挽留 想挽留 看似荒謬 求今天所得 永遠守」
見有店家結業便一窩蜂走去打卡「扮緬懷」，實質只係為了「趕潮流」刷存在感（手機相簿中的打卡照可會「永遠守」？），傷民呢種「惡習」，魔術師就相當不以為然。學似阿張先生話齋，佢「自小」便在海運睇戲，「今天特意來看一場戲」，潛台詞即係長大後都好耐無來過。老主顧都無定期幫襯支持，只係在店家臨結業前出來大嘆「可惜」，呢種廉價情懷又真係幾啱用來貼 FB 和 IG 的（Threads 太「後生」了，唔啱嘴型）。
睇咗
1. Disney+：《潔西卡瓊斯（Marvel's Jessica Jones)》第一季
唔知點解尾帝紐約市咁多超能人，之前復仇者第一集眾英雄同洛基的外星人大軍打餐死又唔見 Jessica Jones 同夜魔俠出場幫拖。言歸正傳，Jessica Jones 今次對付的壞人是有 mind control 能力的渣男，能力來自小時候被虐待。渣男的超能力就係只要講句話，就可以控制被害者聽聽話話唯命是從，拍攝相當容易，完全唔需要特技效果都拍得到。Jessica Jones 的起能力就係特別大力，能力起源有待揭曉。
魔術師評分：70分（100分滿分）
新鮮熱辣嘅金像獎最佳電影，好在魔術師「寫定先」啫！
金像獎2025｜《九龍城寨之圍城》奪9獎成今屆大贏家 鄭保瑞冧莊最佳導演 有線新聞 2025年04月27日
【有線新聞】第43屆香港電影金像獎，最佳電影由《九龍城寨之圍城》奪得。
《九龍城寨之圍城》成為今屆金像獎大贏家，囊括9個獎項，導演鄭保瑞憑電影連續兩年奪得最佳導演。而最佳男主角由《爸爸》劉青雲奪得，是他四度封帝，《爸爸》改編自本港倫常慘案，在戲中飾演他兒子的蘇文濤就奪得最佳新演員。而《破．地獄》衛詩雅首奪最佳女主角，電影亦獲得最佳編劇。導演徐克、製作人施南生就獲頒終身成就獎。
本片亦「揚威鄉下」，以「鄉下話」做旁白，與巷版預告比較，另有一番肉緊和熱血！
信報 2025年4月14日
中方不容利益被獻當投名狀
中美關稅戰開打後，雙方僵持不下，兩國遂各自拉攏其他國家加入自身陣營。美國政治新聞網站Politico引述白宮消息人士表示，美國總統特朗普優先與在對付中國上具有戰略意義的國家談判關稅協議，他正參與和越南、印度、南韓和日本的關稅談判。央視公眾號「玉淵譚天」昨天則發文指中方態度明確，決不允許他方拿中國利益去當美國談判的「投名狀」，並稱中方正和更多國家共同應對美濫施關稅，中歐雙方團隊亦已就電動車談判開始接觸。
央視公眾號發文表立場
Politico報道指出，特朗普迄今只與少數對象認真接觸，包括越南、印度、南韓和日本，因它們在對抗中國方面具戰略意義，意味大多數國家目前仍處於無助之中。一位了解談判情況的亞洲國家外交官說：「我們真的不知道特朗普政府想要什麼。」另一名亞洲國家官員亦稱：「我們什麼都沒被告知。」他們直言，由於華府沒明確表態，故整體談判過程「很被動、沒有明確方向」。
分析認為，美方先把談判重點放在與中國有聯繫的亞洲國家上，反映美國欲堵截透過越南、柬埔寨等第三國家來「洗白」中國貨物的做法。
另外，國家主席習近平今日起出訪東南亞三國。「玉淵譚天」透露，這幾天商務部部長王文濤正密集與各國溝通，未來仍會繼續；至於有輿論擔心，如果其他國家都和美國達成協議，那中國怎麼辦？該文章形容，中方的態度很明確，其他國家不管是反制還是與美國談判，都屬各國主權事務，中方沒任何意見，「但如果誰拿着中國的利益去給美國當投名狀，中國絕不答應。」
「玉淵譚天」又提到，王文濤日前與歐盟委員會貿易和經濟安全委員謝夫喬維奇舉行視頻會談，雙方將開展電動車價格承諾談判，中歐團隊已開始接觸。
1. 特朗普迄今只與少數對象認真接觸，包括越南、印度、南韓和日本，因它們在對抗中國方面具戰略意義...有輿論擔心，如果其他國家都和美國達成協議，那中國怎麼辦？該文章形容，中方的態度很明確，其他國家不管是反制還是與美國談判，都屬各國主權事務，中方沒任何意見，「但如果誰拿着中國的利益去給美國當投名狀，中國絕不答應。」
在侵侵的幻想當中，他應該是身穿龍袍，坐在龍椅居中，幾個美女在旁餵食提子，自稱「天子」，要求各國「番邦」年年進貢歲歲來朝。第一個來討好自己的國家就打得最少、第二個就打多拳、如此類推，愈遲表態討好自己就愈唔着數。侵侵「皇上」又以要求各朝貢國互相針對攻擊，交投名狀，大玩「瘋火戲豬猴」...
問題係，以侵侵之五時花六時變（佢稱之為 be flexible，見伸延閱讀），邊個交投名狀邊個就係儍仔。例如好似北漏洞奶咁，佢哋向侵侵示好，侵侵話你都加返中國100%關稅喇。如果北漏洞奶真係聽侵侵話加中國關稅，一來會招 Grandpa 報復，「認清你個為人」；另外侵侵忽然又發癲減中國關稅的話，咁北漏洞奶豈非企咗係度，兩面不是人？所以儍仔才會交投名狀，無啦啦多笪𤶸，自己俾個春袋條儍佬揸住，隨時出賣自己。正所謂「提子提子，提防騙子」，唔通北漏洞奶無聽過？
睇咗
1. 《混沌少年時（Adolescence）》
演員演技精湛，場景安排出色。尤其是男女警察、心理學家，甚至那些不起眼的角色例如第一集的律師（自嘲現實與及戲內時間過了25分鐘就能到來）、護士、搜身警員、以致第二集的老師和學生、第三集的拘留所看護等。一鏡直落鏡頭穿插走位技巧高超（第二集尾段鏡頭由地下上空中再降落）更添觀賞價值。
不過，睇完唔係好明成件案嘅邏輯。飛機場囡囡 send 裸照溝仔不遂反而照片被廣傳，條囡頂得住無去自殺；反而暗戀呢條女嘅囝囝主角係個聰明有機心仲有啲雙重性格的小孩，由於瘦弱唔靚仔、唔係 Alpha male，結果被欺壓霸凌到一個點就要爆了。睇怕「笑弱不笑娼」，做G（仲有其他廢柴）都可以惡過人去欺負別人。
至於坊間影評中提及的「厭女」，魔術師就唔係好 get 到，因為成件事似係暗示條女恥笑阿囝「癩蛤蟆想食天鵝肉」，「抵你一世做青頭仔」，阿囝溝囡不成反被挑釁而動殺機（故此魔術師都唔鍾意坊間評論話主角「被指控」殺死女同學，事實上證據確鑿，評論有幫主角洗白之嫌；而主角初頭唔知點解一直都話佢無做過，亦毫不後悔，劇情亦無探討過點解如此，令到魔術師十分厭惡）；但只要想深一層，條囡囡在校都係G一樣的作風，阿囝咁聰明就連心理專家都可以壓下去，點會諗埋一邊俾隻白臭G壞了自己一生？分明就係父母「管教不善」：阿爸阿媽無教阿囝，G一樣的囡囡溝來作甚，溝到都遲早俾綠帽你戴，只要自己有「一技之長」就唔怕俾人欺負。極端一點「搵到錢才是真理」。你睇好似馬雲叔叔或者黑腸仔網紅咁嘅樣，有錢就有囡囡埋身...不過睇間學校學生教師「打成一片」立立亂仲衰過巷慘Band 3，呢類「嬰式教育」就知無乜可能灌輸到「人生道理」俾阿囝（正如劇中阿爸阿媽都唔明田口家姐幾生性）。
術師評分：90分（基本）-5分（案件細節）＋10分（演員、拍攝技巧）＝95分（100分滿分）
睇咗：
1. Netflix：《太陽星辰（See Her Again）》
在 Netflix 見到騰訊出品的「合拍巷劇」，又點能夠唔睇呢？本片由唔太熟悉的陳偉霆（見《紮職》）與劉雅瑟（見《幸運是我》、《智齒》、《天龍八部之喬峰傳》）主演。見到劇本係有心思寫好，但某啲細節位的執行就略嫌粗疏：例如主角穿越時空後竟然走去搭的士（用舊銀紙俾錢？），跳電梯槽受傷後住院，竟然無其他同 team Popo 同事探望。最神奇的是男主角穿越了25年，仲係保持緊30多歲的容貌，卻叫長大了、差不多30歲的阿囡去拜死咗廿年的老婆，仲話擺出深情款款的樣子話呢個女人（老婆）對佢好重要，不知就裡的阿囡不覺奇怪？主角年齡跟那死去的女人都唔對喎！配角 popo 可以參加查案去追懷疑殺自己父親的兇手，唔使避嫌？壞人屈主角開槍殺人，但主角手上都無火藥痕跡，如何屈得入？援助大火災民的基金可以在25年後仲「援助」緊？女主角聽完阿媽講出真相後，隨即去捉拿奸角，並因此死去，邊有時間在警局寫封「我愛媽咪」的信？仲有好多好奇怪的劇情，要扣大分（豆瓣竟有大量妄友話劇本好...天呀，真係未見過伏線嚴謹的劇集和電影？）。
魔術師評分：80分（基本）-10分（太多 bugs）＝70分（100分滿分）
近日我城戲院結業潮持續（見伸延閱讀），應該關1間唔會開返16間，「罪魁禍首」之一應該係各大串流平台。就好似《九龍城寨之圍城》同埋本片咁，就喺戲院着輪落畫後數月內上架米老鼠＋（相信《破．地獄》加長版落畫後亦作如是觀），魔術師真係連買碟錢都慳返也（依家除非係經典電影、系列或要嘆影音效果的才買 Ultra Blu-ray）。
熱血勵志本來似是「鄉下仔」的專利，由《足球小將》到《星矢》甚至到《龍珠》，主角都係要排除萬難超越自己遇強愈強。難得本片去年國產電影票房是喜劇類的厲志片（可能太嚴肅路線如《Rocky》不易入口），查返有時不太準確的維基，本片都係改編自「熱血勵志老祖宗」的鄉下片《百元之戀》，傷巷人自然有藉口不賣賬：
|
| （網上截圖） |
不過，又睇返介紹，跟鄉下片「相似」的只是開頭的主角人設和背景，故事發展下去已是「順應中國國情」，跟鄉下片沒有關係了：
睇咗
1. Netflix：《格林童話變奏曲（The Grimm Variations）》
CLAMP 合作企劃動畫單元劇，畫功亮麗（睇字幕竟然有國內工作室參與！），可惜只有6集。雖然是黑暗風格，但與「格林童話原裝黑暗版」無任何關係，最多只屬於 inspired by 系列。有啲故事的「原作」魔術師真係唔熟，唔太知道個「致敬位」係邊樹：
魔術師評分：75分（100分滿分）
傷民真係多愁善感，在電影討論區睇《破．地獄（The Last Dance）》（見伸延閱讀）要帶幾包紙巾，在家睇《再見螢火蟲（Grave of the Fireflies）》又話要喊到死去活來...其實傷民係咪壓力太大，情感無法釋放呢？
魔術師發現眾串流平台中，米老鼠＋就多巷慘片，新舊都有；但 Netflix 就多國產呆產電影電視劇（當然以劇集來講，泡菜劇在兩平台上都係主導）。Netflix 最近就上咗《熱辣滾燙（YOLO）》同埋《孤注一擲（No More Bets）》。今次就先寫《孤》片，《熱》片遲啲再寫：
