瞬間睇廣告 (二十四)

1. 經濟支柱

保險廣告算是魔術師個 FB 經常被推送的廣告之一。

（FB 截圖）

睇呢個廣告，簡直就係道盡中剷男人之苦：仔細老婆嫰，仲有四大長老要養...嫰妻肯生仔已經好唔話得（增加生育率，比加超錫哂佢），男人仲要養埋嫰妻父母就更唔話得...

最怕就係「萬一自己有事」，嫰妻就搵佬改嫁，孫囝留返俾廢老！

瞬間睇廣告 (二十三)

1. 灣灣醫生

早前用電視睇電視廣告（奇怪的說法），聽到明明旁白係講「超過100位『呆灣』醫生認可」，當中「呆灣」似係夾硬經後製 edit 入去；再用 youtube 睇同一份廣告但係就係「網上版」，竟然就只有「100位醫生認可」：

瞬間睇廣告 (二十二)

1. 叫姐姐先

靚姐姐問過魔術師明明佢年紀細啲，點解叫佢做「靚姐姐」。魔術師「笑而不語」...其實個 parody 來自 Pizza Hut 隻熊仔...以前的廣告真係幾好睇，唔好話經典的「天長地久」，就連簡單的一間快餐店都係咁有諗頭：

瞬間睇廣告（二十一）

1. 平霸返嚟喇？

估唔到2025年仲見到呢個「平霸式」洗腦廣告，不斷「牙齦溝」、「急急救」，真係極度厭煩：

仲有就係個女人，植牙要成幾萬蚊，馬上「牙痛」咁聲，成條窮撚咁：

𣊬間睇廣告（二十）

1. 面盲挑戰

都話比卡超正苦終於開竅，正苦廣告開始識得用可愛囡囡來吸睛：

好似呢個「短訊發送人登記制」廣告，個女主角驟眼睇同之前企明禎BB隔離嗰個妹妹（見《𣊬間睇廣告（十九）》)好似兩姐妹咁

係魔術師面盲，抑或係依家啲霉妹仔妝扮都係一模一樣？

𣊬間睇廣告（十九）

 1. 買魚膠粉

用唔咸唔淡我城方言來帶起正版正貨，咁嘅橋都受，正苦官員的思維真係好難 follow...不過，總之有明禎BB說得喇！

同埋，企明禎BB 隔離的囡囡係邊個？

𣊬間睇廣告（十八）

 1. 全家出動

好多女人都會叫老公做「爹哋」（即係代入咗囝囝囡囡的角色），魔術師初頭睇見呢個廣告都係咁諗，見陳慧琳因為囝囝百厭，嗲聲嗲氣咁向「爹哋~~」投訴。睇咗幾次才知道原來真係同自己個「爹哋」講...又，呢個廣告係咪真係出動陳慧琳全家（真爸爸，真囝囝）出來拍？點解老公唔出埋場呢？

瞬間睇廣告（十七）

1. 明禎BB和你龍

【明禎 is calling you~📞】

仲有 1 日咋！！明禎約定你，聽日喺 Nikon 見~

✏️明禎 Fan Meeting 詳情：

日期： 9 月 13 日（星期五）

時間：下午三時正

地點：Nikon 顧客支援中心 (旺角太子道西 193 號新世紀廣場 2 座 20 樓 2007 室)

#NikonHongKong #Nikon #明禎 #係明禎 #都話份驚喜就係明禎自己 #明禎fanmeeting

參加方法❓

1️⃣由 9 月 1 日起喺 Nikon E-store 、顧客支援中心或指定授權經銷商入手以下任何一款相機：

➡️指定相機：Z f、Z6III、Z fc 或 Z 8

2️⃣再 WhatsApp 去 9018 8851，Upload 你嘅收據同有效保修卡正本

3️⃣Nikon 會有專人儘快同你聯絡確認名額

‼️名額有限，先到先得！

Nikon 真係識搵袋炎人！呢個絕對係魔術師近期見過最吸睛的廣告，唔知會有幾多咸濕佬/毒男/龍友會為咗見明禎BB一面而走去買部新相機，同E生爭一日之長短呢？

瞬間睇廣告（十六）

1. 無處不服務

古老板又幫正苦說好傷巷故事（見《瞬間睇廣告（十五）》），無處不服務！

Whether you’re the server or diner, let's go the extra miles!｜今時今日，侍應定食客，都可以做多一步，好客之道！💁‍♂️❤️

果然，俾着班刁民妄民，就一定係百彈齋主，話無理由「服侍」返個侍應轉頭：

瞬間睇廣告（十五）

1. 我好鍾意呢度喔

紅磡大酒店附近主打中小單位的新盤會好方便經常飛來飛去的內地高才通大忙人出出入入（乜唔係九龍站方便啲咩？），除會所設施外，嘆吓 Latte 食雞蛋仔就俾到高才通好 chill 的感覺？全蝗話的廣告究竟 sell 緊乜？點解同紅磡好似唔多協調咁嘅？

// THE HADDON // MIDTOWN SOUTH 南九龍百萬呎綜合都會地標

瞬間睇廣告（十四）

 1. 丹麥藍罐曲奇

丹麥藍罐曲奇 為你特別時刻加冕長版

話說過年前去靚姐姐屋企整電腦，事後就「被邀請」去屋苑會所同佢屋企人食團年飯（見《一、二、三、四、六、N人飯局（2024年1至2月）（2nd edition)》）。飯後魔術師同靚姐姐講話過幾日都要同世伯伯母拜過年，靚姐姐就話年初二佢同大哥夫婦會到媽媽屯門站瓏門屋企拜年：伯母份人好「實際」，只要有得食就得，仲提場話要封返封利是俾兩老。

靚姐姐話伯母最鍾意食曲奇餅，仲要係藍罐嗰隻...魔術師印象中以前真係好似有「非藍罐曲奇」廣告，不過依家見唔到了；至於「非藍罐」實貨...仲有得賣咩？

瞬間睇廣告（十三）

 1. 人口紅利

比卡超正苦諗住派兩萬（傳）、減吓稅（傳）就可以谷生育率？實況係點下一篇再講，今次攝時間就 recap 吓珊孱同林嘉欣舊年（仲有高通脹率之下突然又已一年）都識得講，養大一個B要由400萬升到600萬，你估人人都咁有錢？

有無搞錯？清費劵多者派10,000，少都派5,000，生個B又要學十八般雜耍又要搶名校，派兩萬托咩？我城生育率低，原因就係養育成本太高，呢個係解唔開的死結，知冇？

瞬間睇廣告（十二）

 1. 保險（廣告）囡囡

呢排真係無乜廣告妹係睇得上眼（例如伸延閱讀中的周家怡），雖然呢位巷女唔同角度的樣貌都相差得頗還，好似兩個人咁（上圖明顯靚好多，難道真係「只供參考」？），但已經相對上算係比較「養眼」的了：

平情而論，呢間網上保險公司食水的確係無傳純靠 agent sell 嘢的保險公司咁深；但單單論廣告本身，除咗囡囡之外，肥仔嘅作用完全係無厘頭唔知做乜，「屏幕內容只供參考」更加唔知點樣可以方便到客戶投保，整個廣告內容欠奉，魔術師就覺得幾失敗也。

瞬間睇廣告（十一）

1. 黨鐵愛回家

黨鐵不愧為有青又愛（無冷氣嘆、無黨鐵搭隨時可以令黑暴亡國）又恨（太子站的 CCTV 呢？）的對象。呢頭通關，嗰頭黨鐵已經搵藍營傳霉代表CCTVB皇牌 sitcom 《愛回家》的演員來拍 return home 廣告，真係唔知有心定係無意：

瞬間睇廣告（十）

1. 投委會

雖則話個廣告劈頭第一句就話「睇吓投委會網頁先」，但相信觀眾嘅焦點都會落咗係女主角個靚靚膊頭到，變咗「睇吓女主角個膊頭先」（雖則隻唔知邊個唱嘅廣告歌都幾洗腦吓）：

都唔使魔術師查找，油管已經 tag 咗呢位在廣告中帶住普羅大眾認識投資理財態度、風險、及詐騙技倆等，彷彿飾演「投委會天使」的女主角叫姜麗文（Lesley Chiang），1986年生，今年都36碎了。維基話係秦沛個女、姜大衛個姪女，原來出身演藝世家，亦係 CCTVB「小花」之一...壞消息係已嫁作人妻。

瞬間睇廣告（九）

嚴格嚟講魔術師之所以知道呢個廣告並唔係睇返嚟，而係聽返嚟 - 魔術師每晚都慣咗聽一陣傷台嘅《肛門頂》，聽吓陶偽才子有乜19噏風發，笑吓都好。而呢幾個月來，傷台在廣告好多時都播呢隻我城回歸祖國25周年主題曲，唔知會算落去正苦發牌規定的廣告 air time，定係傷台會另外收正苦的「不義之財」就不得而知了：

香港特別行政區成立二十五周年主題曲《前》

作詞／監製   陳少琪

作曲／編曲／監唱   張家誠

主唱：譚詠麟、張學友、劉德華、鍾鎮濤、陳慧嫻、草蜢、李克勤、容祖兒、楊千嬅、雷有輝、呂方、張杰、張靚穎、伍珂玥、梁漢文、林峯、衛蘭、李幸倪、江海迦、菊梓喬、吳若希、胡鴻鈞、林曉峰、蕭凱恩、炎明熹、曾比特

歌詞：

我和你曾同無負眾望

這城市才發光到遠岸

抬頭望 勇敢擔當

記着成功需苦幹

如無互助守望

如何渡過夜寒

過雲雨常妨礙着遠望

到晴朗時同迎候陽光

無用看得到才信

明白努力後才有望

同留在海港

同聚焦於前方

在這機遇面前 希望面前

好好的鍛鍊

歲月留身邊 開展不忘信念

用我心路代言 堅毅代言

建立每一天

而夢想的回音終可聽見

既然向前期待大發現

再無理由行動待明天

前路有阻隔難免

成就要用未來答辯

回頭望起點

從未擔心雨天

在這機遇面前 希望面前

好好的鍛鍊

歲月留身邊 開展不忘信念

用我心路代言 堅毅代言

建立每一天

尋夢者的長跑盡全力領先

在這機遇面前 希望面前

好好的鍛鍊

歲月留身邊 始終不忘信念

用我心路代言  堅毅代言

建立每一天

尋夢者啟程起跑線

在這獅子山下衝線

願這香港同心一起創建

主唱嘅老中青三代歌手亦都疑似係「愛國愛巷」（CCTVB 當然有派代表），首歌旋律都算係易入腦嘅；不過啲詞就膠咗少少（「在這機遇面前 希望面前」係咪即係返北上大灣區其他城市，咁咪創建唔到我城囉？）同搞笑咗少少（魔術師將「尋夢者的長跑盡全力領先」睇成「尋夢者的長腿盡全力領先」）。搵陳少琪填詞已經算係比較靠譜，題材所限老土咗啲都無辦法，唔通搵黄人「臨直」填咩？

瞬間睇廣告（八）

1. 口罩與M巾

FB 的演算法真是好神奇，究竟佢係憑咩嘢 user behaviour 來推斷 push 咩嘢廣告俾魔術師睇嘅呢？

瞬間睇廣告（七）

１. 藍色獵人

睇咗咁多篇黃色獵頭的笑話文章，不如又睇吓呢篇藍營獵頭（作者係吮痿會社福界別痿完）在 Linkedln 的帖文...魔術師睇完才知藍人獵頭是將 AM730 的專欄轉貼到 Linkedln，姑且也當成是「吸睛大法」廣告一則吧？

這位求職者家住將軍澳區，而招聘的公司亦在該區...但是這位求職者也不願意去見工...這位求職者說她從來都不乘坐巴士，如果要前往見工的地方附近沒有港鐵站，縱使有巴士站或專線小巴站在公司附近，這位求職者認為十分不便，推卻了面試的邀請！

明顯藍人獵頭的見識比黃人獵頭少，既然用得「她」就已經指出呢位求職者係巷女；而巷女有潔癖（見《逆工管思維（二十三）之 Too dirty, sometimes uncivilized》），唔鍾意搭巴士小巴同班麻甩佬逼、直接或間接用 pat pat 打招呼，真係士可忍孰不可忍！

咁點解搭巷鐵就可以接受呢？唔通巷鐵無麻甩佬？唔會直接或間接用 pat pat 打招呼咩？

瞬間睇廣告（六）

魔術師雖然不常睇電視，但有時都留意到某些廣告的「變化」，就係轉廣告代言人。可能因為合約關係？畢竟唔係曾江染髮廣告可以無限播出（見《身在曹營心在漢》）。

１. 網上搵樓平台

好似呢個網上搵樓平台，本來搵個三四線奀星（全靠人言報介紹，見伸延閱讀）做代言人都算係好主意，起碼奀星樣子肯定唔會太靚，但亦唔會太差，同埋有少少人氣，只要對白唔好以「我」為中心，開口閉口「我ＸＸＸ」自以為人人都識佢就得...不過以呢個廣告的無厘頭場景，都好難寫得出以「我」為中心的對白就真：

瞬間睇廣告（五）

受獅子山精神感召，天文台彈弓手咗Ｎ咁多次（明知預測唔準就唔好發咁多公告喇！），結果希望變絕望，星期六一整天８號波。魔術師出唔到街，整天都在家賴床，順便按着床頭的收音機，半睡半醒間節目主持人播出梅姐的《似水流年》。係喎，《梅艷芳》應該是不可不看的巷片，又係勾起集體回憶的時候喇（不禁又聯想起 HoCC、龍獅自治軍、和「黃色香港人」，十分煞風景）：