2007年7月30日 星期一

機會成本

打從讀大學時副修電腦開始,朋友們便會當魔術師是「電腦專家」,到後來當了工程師,和做IT人到現在,情形都沒改變過,哪怕魔術師只是會砌下線路版,寫下4-bit ASIC CPU既 Assembler 程式,到後來寫電腦程式,再到現在不用再寫電腦程式,「專家」這個虛像從來未曾在一些「電腦白痴」的親戚朋友的腦海中消失過;但「電腦專家」的投射,大多只是陪人去腦場買料砌機.

2007年7月29日 星期日

魔術點唱(五)

嘩,今集既內容,直程係俾人包起左呀!

第一封來信,係張太點俾大女聽既,佢話佢淨係識d舊歌,娘到爆,希望阿女唔好介意喎.
???

2007年7月27日 星期五

魔術點唱(四)

各位聽眾好,又係點唱既節目時間喇.今日小珠當旺呀,有兩封點唱係俾佢架!
第一封係由「美心股東」點俾小珠既,話多謝佢多年支持喎.其實魔術師都好鍾意麥包搽牛油花生醬,不過我覺得東海堂好味喎.


2007年7月26日 星期四

巴士女孩

魔術師每天在總站坐巴士上班,都會見同一班熟口熟面的乘客,魔術師雖然不認識他們,但都會暗自在心中替他們逐個改上名字,有肥肥啦,大舊啦,頭髮蓬鬆啦,靚女啦,靚妹妹啦,傻妹啦,LV女,化妝妹啦等等.有時有「新人」出現,魔術師自會留意上了,看看下次會否再見;而一旦有「舊人」,魔術師也會暗自納罕,想像一下他/她是放了假?是轉了工?還是搬走了呢?

2007年7月24日 星期二

選擇禮物

那天魔術師打電話給兩位舅父話請食飯,其中舅母乙回電問魔術師用開邊隻香水.嘩,點答呀,香水古龍水等等魔術師一向無用開,就算有,唔通叫舅母去Zenga, Boss,Tiffany,或者Lacoste之類既鋪頭睇,只好話唔使啦!

2007年7月22日 星期日

魔術點唱(三)

天時暑熱,最好係去游水,各位聽眾,係時候試下你地既泳衣泳褲喇,不過我呢,就仲要係直播室同大家做節目.

2007年7月20日 星期五

魔術師散文系列之國金同人誌 第十二話 (Bonus Track) 哈七

「捨得回來了嗎,卓?」菲力偉甫坐下,邊看Blackberry邊說,眼尾都未有望過來。
「回來已久,只不過沒有向你報到。」看著菲力偉這刻手忙腳亂的模樣,心中不禁一樂.
「你份新工如何,仲有冇位,預我一份。」菲力偉終於放低那部黑草莓,拿起酒牌研究。

兩個表弟

今晚和兩位舅父一家吃飯,便又見到舅父甲既兩個仔,表弟A和B.

舅父甲在某銀行工作超過三十年,呢類接近退休年齡而又無乜學歷既人,正是開刀對象.果然,舅父甲在六月尾便「提早退休」.

舅父甲一家住在某某豪園,舅母甲亦在銀行工作,有賓賓乙名,和兩位子女.佢地兩公婆自小便為兩名子女「打好基礎」,廿幾年前便去聖乜乜幼稚園排隊叩門,之後小學直升.之但係讀名校,又真係唔覺佢兩個仔有幾醒.

2007年7月19日 星期四

魔術點唱(二)

午安大家好,又係魔術點唱同大家見面既時間.上次反應熱烈,響節目完結前仲有聽眾打入黎,真係好多謝大家既支持.
好喇,又係讀出聽眾來信既時間.呢度有兩封係多謝信,署名分別係「餐廳女工」同「戲院觀眾」,佢地都係多謝見義勇為既街坊,喝止果d墥到人唔識道歉同響戲院大大聲講電話既低劣人種既.見呢兩位街坊心裡面既火燒得咁火熱,呢隻歌就岩哂:


2007年7月18日 星期三

二手市場

魔術師一向都不喜歡那些如「咪爛站」之類既二手店,認為佢地既顧客都係一d無錢又要追名牌追款式既「潮童」,就係呢d毫無品味既人搞cheap哂d名牌.好彩呢班人搞極都係LV, Gucci, Prada之類,好彩大部份魔術師用開既牌子都無份,咁先無咁驚.

2007年7月17日 星期二

魔術師基金中基金 二零零七年七月十六日

魔術師呢排有d閒錢便身痕,竟然無無聊聊走去幫襯獅子銀行買左隻A牌既保本對沖基金.
本來魔術師不嬲都唔買保本基金既,但係又想試下玩下呢隻A牌對沖基金.呢隻名牌對沖基金唔保本既version,要三萬美金入場,但由於近年對沖基金既表現都係麻麻地,魔術師亦唔想一次過投入咁多,於是便細注玩下呢隻保本版,5.25年,無up-front,但有贖回費,按年遞減.

2007年7月16日 星期一

早餐烚蛋

這天魔術師興之所致,學住在木屋時媽媽弄早餐的手法,烚了一只雞蛋來吃.
從碗櫃裡找來有超過三十年歷史的小鋼杯,把烚好的雞蛋放在其中,用匙羹敲破蛋殼撕開,然後再一匙一匙的吃,原來蛋黃還是糖心的呢!

2007年7月12日 星期四

七十惡魔

七十打尖」:
太陽荼毒大地,往官塘的小巴站牌有點搖搖欲墜,前面一對小情人若無旁人地擁抱,讓彼此汗水肆意交融。乖巧的藍田玉及一身黑衣的奶油先生立在後面,如此風景,不敢直視,便東張西望起來。只見旁邊一米遠處有一名紫棠臉歐巴桑正站在216M巴士站簷下一邊搖扇納涼,一邊也在引頸張望呢。說時遲那時快,小巴迅雷不及掩耳地漂移而至,小情人後腳上車後,藍田玉踏出前腳準備登車之際,歐巴桑竟從左邊45度角切入,藍田玉一句「打尖呀?!」便左手格開歐巴桑,右手把奶油先生也拖上車廂。歐巴桑非常不忿氣,她心想難道我的玉體在巴士站簷下納涼,心靈就不可以等待小巴嗎?同床都可以異夢,上廁所都可以一邊蹲一邊幻想自己是林志玲啦!於是,歐巴桑便在上車後對藍田玉大喝:「我一早就企係到等,早過你十世!你先打尖」藍田玉瞄歐巴桑的紫棠臉一眼,幽幽地回說:「你沒有排隊,你打尖。」歐巴桑在車尾座下,猶自憤憤不平,仍在呢呢喃喃,奶油先生終於按捺不住,同坐在後面的小情人搭訕:「唉,d人都無奶油,其實我最早到,我昨晚便開始等待今天這個約會。這輛小巴,我昨晚已經開始等待。」
女「借火」:
「哦。」小男生本來一手爬到女伴的腰枝,冷不防大好溫存被打斷,胡亂和應著,依在男生胸前的女孩,拉了拉校服裙,不解地看著眼前的景象。
歐巴桑心生不憤,「痴線!」口水花彈到奶油先生熨貼的黑長褲上。歐巴桑沒有放棄繼續自言自語,一個又一個乘客上車,歐巴桑把扇子放到鄰座的空位霸位,別過臉去看窗外的風景,一雙粗膀子擱在大腿上,貼著花布短褲,一把將膠拖鞋甩掉,露出塗了紫紅蔻丹的趾甲和腳繭,再在手挽袋裡一把抓出毛巾,使勁的擦面、擦頸、擦胳肋底...

「喂!你無嘢嘛,有無搞錯呀。」一陣惡臭飄到原本已平靜下來的藍田玉面前,奶油先生還來不及制止,藍田玉已霍地拉下安全帶站了起來,一手指著歐巴桑,「你好唔衛生呀你!」
歐巴桑冷冷地說,「係呀,係又點吖小妹妹!」
藍田玉抬起頭,與看著她的司機大佬四目交投,怨毒的陽光映照出一臉歲月磨練而來的不耐煩。
「坐低啦,妹妹,唔好搞事啦!阻住開車呀。」

2007年7月11日 星期三

魔剎 第五十七集 「某夜」

呢一段「里布斯基給麗娜的木偶戲」,嗯,唔知啱唔啱d唔係好掂既人睇呢?

2007/07/11 01:13:24

熒火點點

小珠妹妹又再發功,「」反應熱烈,shek、風信子inner space等各顥本領,魔術師也湊湊趣,作了幾篇遊戲文章:
【胡亂堆砌篇】

撤一手息壤截流
掩心扉,靜止如水
取一瓢弱水違禁
淺嘗之,無悔今生

縱有金屋藏阿嬌
難料候府遇子夫
徒遇新歡舊便棄
影孤單,單相思

寧願情愛點點
心田滴滴
望一生深情
能使君
動容


飯.聞.讀.想

某日,魔術師和眾同事飯局中,有人談起替子女選中學:
甲:我實同個女選女校架!xx羅士啦!女校好丫,唔使搞埋d情情塔塔野!
魔:(嘩,佢仲停留係「中學生不應談戀愛」既時代)呢d野,佢地大個左就會知架啦!

同時,魔術師亦想起做義工時,班囡囡搞小圈子唔合群既經驗.

2007年7月9日 星期一

發起狠來

雖然唔係話要幫浪子Jackie影乜野相,但係個鏡頭光圈唔夠大只可以出外景,室內就影到黑麻麻就認真唔爽!
結果係,有錢就身痕,本月計劃:

2007年7月7日 星期六

魔術點唱(一) (2nd Edition)

各位聽眾好,今日係「魔術點唱」第一次同大家見面,竟然都收到兩封來信喎.
第一封係來自「渣老闆粉絲」既,點以下呢隻歌俾C.M.聽,叫佢留意旋律喎:
???
第二封係署名既「有心人」既聽眾寫俾「七姑娘」既,佢話:How are you, my friend?



2007年7月6日 星期五

陳陳聯婚

嗯,自二零零七年七月七日,港男中既鑽石王老五軍團,便又少了一名貌似木村既的猛將.



魔術師債券基金 二零零七年七月五日 暨 港燦理財(二)

國家開發銀行在港發行人民幣債券,兩年期,票面息三厘,每半年派息一次(14 Jan 2008, 14 Jul 2008, 12 Jan 2009, 13 Jul 2009),平水發行.魔術師見在大陸的人民幣活期存款利息低,又要繳稅,不存白不存,於是便在上星期六(30 Jun 2007)返深圳提款回港認購.

2007年7月4日 星期三

賀渣老闆

魔術師以「極少數好友」身份,熱烈慶賀渣老闆無痛分娩,弄X之喜!!!
2007/07/04 14:36:17

2007年7月3日 星期二

殭屍約會

那天想起舊片「奇幻人間世」係魔術師當年少有會追既電視劇,而亞記既「我和殭屍有個約會」系列就係魔術師近十年來少有既追哂全套仲要買齊原聲大碟既港劇.

大貓日記 2006 第二集

雖然豹仔真係好得意,但係魔術師都係鍾意獅子仔多d.