1. 沙塵滾滾 殺錯良民？
客席主持摩摩日前又「供稿」，俾個題目魔術師寫《X檔案》，魔術師自然奉命行事。咁啱魔術師都儲咗兩個題目，當然就可以匯集一次性「送出」...
一對相信為港人的男女，疑因男方在站內喝東西拒認錯，女方發惡大罵，甚至對車站人員爆出港式粗言穢語及舉中指，引發網上聲討。此女的做法，不只讓自己醜出香港，更讓台灣地區以至本港的有心人上綱上線，被炮製成為攻擊香港及大陸的「優質」武器，可謂一個累全家。
呢件小事同下文另一個題目都有比對作用，就係當年如果講「論述能力」，黃人有其優勝之處，正所謂「唔打得都 talk 得」；但數年過去，唔知道係「純傷巷人」定「新傷巷人」的男女有青，明顯就係道理講不通而只識發爛渣（李天命話齋，如果你只你識鬧，即係你已經無道理可講了），唯一俾人睇到嘅就係傷巷年青人的「煲冬瓜」算唔錯，應該係教育制度的成功之處（就算係魔術師時不時提及的巷女同事C，練精學懶得嚟一樣煲冬瓜同內地專門寫 code 電車仔「溝通得好好」）。
1. Nonna（屯門）
這天相約靚姐姐交收兔仔手錶同埋電子畫框（見《開箱驗貨與（暫時）不能拆的禮物》），然後食衰飯。本來諗住去黃金海岸食「法國餐廳」，點知消費降級，菜牌已茶餐廳化，仲要叫乜無乜，茶餐廳化的餐牌都唔係坐部有得提供；唯有轉場到不遠處呢間叫 Nonna 的餐廳：
|
| (圖片來源：Openrice > 餐廳 > 香港 > 屯門 > Nonna, captured on 19 Sep 2026) |
今次呢間就無伏，無論間內定室外環境都好，服務亦周到（對服務員要講英文）：
餐單已忘記，總之有湯有主菜有飲品連加一，兩個人埋單＄870，算係唔錯嘅選擇。
今年比卡超的施政報告，多咗個五年規劃，跟足 Grandpa 作風，一為神功二為弟子，為我城自己也貢獻 Grandpa「國家發展大局」（昔年龍獅政府搵到錢就得，唔使對巨嬰帝國的國力有甚麼「發展」了）。以 planning 嚟講算係好事：市長任期五年，五年規劃最啱就係一上任做，做到任期完結就做個總結（魔術師不用「收官」字眼）。但董伯伯當年腳痛就「中道崩殂」，搞到個任期「卡啦」咗，然之後又有幾次大事例如沙士、金融海嘯、由反國教開始的佔窿黃黑暴潮、再到新冠疫疫情，唔知係咪因為我城咁多年來一開始恢復元氣就爆鑊，Grandpa 無「逼」我城政府搞返個「五年規劃」系列，直至比卡超呢位「乖仔」出現，先至「導入正軌」。但現在五年規劃在比卡超任期最後一年開始，就算佢能連任，再下一屆市長都要硬食上一屆、只運作了一年的「五年規劃」，未免有點兒怪。
施政報告｜推生育11招包括第二胎獎三萬、提高免稅額 李家超：錢具刺激作用、累進式鼓勵家庭有線新聞 2026年09月16日
【有線新聞】施政報告提出生育十一招，不單延續二萬元新生嬰兒獎勵金，再生育多一個，獎金加到三萬元，免稅額都提高，置業還可減免最多二萬元印花稅。
為鼓勵生育而設的新生嬰兒獎勵金，十月屆滿後會延續多三年，父或母是永久居民就可以領取。而且會再加碼，再生育多一個，獎勵金提高至三萬元，即日起家庭的第二個或以後的新生嬰兒，都可以領取獎金。行政長官李家超說：「錢會有一個刺激作用，但很多時只是較短期。我們希望製造家庭生育友善環境，是要逐步做，我們務實地按香港實際情況推出11項措施。」
即日起出生的第二個或以後的子女，免稅額由十四萬提高到十六萬，出生後首兩年的額外免稅額，亦由十四萬加至十六萬，消息預計兩項措施實施首年有四千名納稅人受惠。願意生育連買樓都有優惠，生育前一年或後兩年購置住宅物業，最多可減免印花稅二萬元。下期居屋銷售計劃開始，育有三歲或以下小孩的白表家庭，最高按揭成數，由九成提高到九成半。「已經生育第一個，我覺得即是她想要孩子，就多些措施鼓勵她多生育一個，我覺得這是有點作用。第一、她不抗拒生育，這是希望少一些顧慮。所以第二個孩子之後，累進式希望有些措施鼓勵她。」
為減輕父母育兒壓力，政府多建三間資助獨立幼兒中心，預計二零三○年底前額外提供約一八○○個名額。在校課後託管服務計劃下個學年起亦恆常化，繼續不設限額，學前託管支援亦加強，並提供接送服務。遇到受孕困難，政府都一併考慮，未來三年體外受精服務名額，會逐步增至每年一九○○個，全港各區康健中心，亦會提供免費孕前，產前及產後等服務。
本港出生率持續下跌，即使2023年推出新生嬰兒獎勵金都似乎沒有止跌，去年中至今年中，初生嬰兒首次少過3萬個。
1. 施政報告提出生育十一招，不單延續二萬元新生嬰兒獎勵金，再生育多一個，獎金加到三萬元，免稅額都提高，置業還可減免最多二萬元印花稅。
其實免稅額多幾萬，實際上只係慳幾次蚊稅，各項「生仔獎金」加加埋埋都只係小恩小惠。尤其是啲「政府措施」，我城中剷家庭一向唔吼，幫埋啲「墓層」又係唔係政府所想呢？如果真係要以錢打動中剷，不如生一個一萬、生兩個兩萬、二次方咁遞增，你夠膽生到第10個就有1,024萬，加埋都幾和味，問題係港女肯唔肯變豬乸啫。
iPhone 18預購｜有苦主信用卡遭盜逾萬元感徬徨 銀行需查90天 Apple：正識別、取消欺詐交易 有線新聞 2026年09月14日
【有線新聞】有市民信用卡懷疑遭盜用訂購蘋果新iPhone，警方至今接獲超過700人報案，有事主對於銀行稱需時60至90個工作天處理感到徬徨。蘋果公司表示，正盡快識別及取消任何可能已被提交的欺詐交易。
陳先生與很多事主一樣，信用卡突然被刷走過萬元，交易方都是「蘋果公司」。陳先生：「我是翌日早上才發現，因為看到網上好多人說然後我才自己查看，打開銀行程式看到『為何會有一宗這樣的交易？』」
陳先生信用卡的發卡銀行是渣打，他致電銀行取消信用卡亦有報警，再致電蘋果，職員表示會處理，但仍然感到徬徨。陳先生：「他很肯定的跟我說，可以取消以及暫停訂單不出貨，但我都半信半疑，因為他說『始終都要跟銀行核對』。銀行方面說可能要60至90個工作天先至可以回答，都有些擔心，因為始終無緣無故被人刷走款項，但是我又沒有一個肯定的答覆，我要經常想住這件事。」
市民會否有損失，有立法會議員則表示未必，因為銀行未結算，但問題在於黑客早已盜取市民信用卡資料，仍要提高警覺。立法會議員選委會界別吳傑莊：「信用卡、金融數據的公司要好好保護自己的數據庫，不要那麼容易讓黑客偷取資料，因為不會即時讓人偷取資料，就會衍生一些問題，而是會例如突然某次不記得或者去了旅行，可能都不知道原來自己是其中一個受害者。」
至於有部分市民出現「重複扣款」，吳傑莊認為較大機會是銷售平台故障，當顧客多次點擊落訂，導致系統同時生成多張訂單。
1. 陳先生與很多事主一樣，信用卡突然被刷走過萬元，交易方都是「蘋果公司」。
魔術師就唔明，黑客盜用信用卡，理論上買咗貨之後仲要貨到咗手先可以變賣套現，你晨咁早訂購 iPhone，未出貨之餘，卡主亦會驚覺（銀行會用短訊通知卡主有大額交易，這應該是常識吧？）；而且就算卡主唔發覺，去 Apple Shop 「親身取貨」（就算係收買啲有青出面），事敗風險一樣好大。呢啲案件點樣先至可以「成功」？又可以賺幾多？黑客咁聰明點解會諗唔到？抑或係黑客只係將信用卡資料放上暗網出售，賣俾班連犯案細節都未諗清楚的柒頭賊仔呀？
又，魔術師在呢次事件中並無損失，唔係苦主。
（幕開）
（月黑風高。）
（一名身形厚實的老者正在曠野上，沿着長路，步履蹣跚，緩緩而行。）
（老者微一抬頭，竟然見到一道巨大的城門，就出現在眼前。）
（城門內走出另一名瘦長的老者，笑容可掬。）
胖老者：（向來人打個招呼）早晨！
（瘦老者快步走上，參扶胖老人。）
瘦老者：（大笑）哈哈，老懵，多年不見，你都係咁有禮貌。呢度無陽光㗎，唔使咁好禮。
阿懵：（一呆）先生，乜我識你嘅咩？你貴姓，司徒生？（唱）
「Midnight
Not a sound from the pavement
Has the moon lost her memory
She is smiling alone
In the lamplight
The withered leaves collect at my feet
And the wind begins to moan
Memory
All alone in the moonlight
I can smile at the old days
Life was beautiful then
I remember
The time I knew what happiness was
Let the memory live again
Every street lamp
Seems to beat
A fatalistic warning
Someone mutters
And a street lamp gutters
And soon it will be morning
Daylight
I must wait for the sunrise
I must think of a new life
And I mustn't give in
When the dawn comes
Tonight will be a memory too
And a new day will begin
我像一片落葉飄零
只有回不去的曾經
彷彿早晨田間一朵野花
這記憶也在凋零
請你
一點點向我靠近
哪怕一步的距離
留我在孤單裡
只要 你願意
你也會感到我的真心
看 那晨光
已來臨」
8月結算，巷尾亞太區服債都唔好精神，益咗部份資金流金黃金及虛幣。上月結算，股票：商品：房託：債券及現金為 34.1:5.4:22.3:38.3，要變成目標比例 33.5:5.0:23.0:38.5，即係沽股票及虛弊 ETF，買返些少房託，餘下資金投入債券及現金：
股票方面：沉船基金減持少許手動季供買嚟賣（即係短線炒賣）的 ETF，4天 RSI 為 72，接近沽出線 75，都係沽出部份獲利先，反正股息率唔高，而且賺咗價 夠贏股息有突，遲啲回落又再買過。另外生活基金的內銀升幅都大，14天RSI 市值超出原定比例較多，要沽貨獲利。另外就係行禮如儀季供我城高股息 ETF 同埋尾帝上市非全球（尾股除外）ETF。
商品方面：見比特弊反彈勢頭不俗，開始有少少超買。雖然比特弊 ETF 14天 RSI 超過 75，但都先行將早前累積的部份倉位套現再說。。
房託方面：除加倉14天 RSI 較弱勢笨土房託股外，亦酌量買入剝削笨土及新笨土帶磚生宿舍租金的蝗資房託，物傷其類。另外亦在較低位翻炒尾帝數碼化，再入啲雖然息率較低但就加不減每月派息尾帝藍籌商住房託。餘額加倉尾帝 REIT ETF。
債券及現金方面：每兩個月到期取出現金清繳，餘額又再續多兩個月。頁岩油企業債劵被提早贖回，回籠資金順勢又買入明年2月到期的尾帝國債當係笨土儲稅劵，用來交稅俾波叔。最後行禮如儀月供尾帝地方債 ETF，貪其每月派息，而且股息免稅。
以每１００萬股票組合計，資金調配如下：
宏福苑業主大會｜最後一會心態出席 不抱期望、珍惜相聚、堅持追責 居民：期望「炳強」釘死失職公務員
「我哋好憂鬱呀」、「我連宏福苑家鄉都冇埋，你話我心情係點？」、「冇期望，只有失望」、「冇得追究啦，𠵱家佢揸晒旗」、「我都期望，阿炳強呢，用釘死佢嘅態度，去釘死嗰啲失職嘅公務員。」⋯⋯進入業主大會會場前，宏福苑的業主們拋下一句句的心聲。
政府委任管理宏福苑的合安公司，今晚（2日）舉行第二次特別業主大會。同一個屋苑，居民要散落大埔、啟德、香港仔、天水圍開會。99.1% 居民已簽紙賣樓，但在業主大會上，他們得悉仍要為屋苑買責任保險，有居民質疑：「大家都返唔到去，個保險買嚟做乜呢？」
散會後，不少居民對合安的安排，對政府重置方案都大吐苦水。有長者業主斥，政府會就他們的交易收印花稅，有如「乞衣兜度揦飯食」，直指居民怨氣爆棚。有業主說，「佢（合安）都達成咗我冇期望呢 part 嘅」。有業主仍然出席，只為把握每次機會，跟街坊好好相聚。
街坊共識：冇期望
開會前、散會後，不少居民都異口同聲說，對今次的業主大會沒有期望。宏建閣范小姐表示，業主大會沒解答到什麼問題，「本身冇期望，佢都達成咗我冇期望呢 part 嘅」。
宏志閣黃小姐也說：「冇期望㗎啦，對呢個會」，指報告資料仍出錯，感覺連開會最重要的目的也未達到。但她仍出席，主要是很想和街坊一起參與最後一次會議，「話畀自己聽，我係一個宏福苑居民」，亦很想告訴其他街坊、包括已離世的街坊，「我哋係好努力想堅持、想保護我哋嘅家園」。
我好心痛我哋好努力，但我哋做唔到
黃小姐哽咽：「我好心痛、我好心痛我哋好努力，但我哋做唔到，但我哋都好努力去堅持」。她續說：「我哋好鍾意呢個地方，亦都好鍾意香港。我唔係好明，點解我哋咁努力喺度生活，好努力工作，為咗呢間屋、我哋人生去籌謀嘅時候，點解呢啲事會發生喺我哋身上，而我哋今日要離開呢個屋企，呢個係我大半年好心痛嘅地方。我諗呢個會係跟住我一世好心痛嘅地方，不過呢個都係我永遠嘅屋企嚟。」她說時眼泛淚光。
8.31 死線過後，仍有 17 戶未向政府交回接受收購建議書，黃小姐認為，他們對公義或爭取合適居所，有自己想法，「我希望佢哋喺呢個路上，都知道我哋永遠都係宏福苑街坊，我哋點樣都會喺心中會有我哋大家係度」，「宏福苑個連結永遠都會喺度，我哋個愛、嗰個精神，我唔相信會因為有咩事而分割到我哋。」
未簽收購信歐太：滿足於 99.1% 這個數字是膚淺
拒在限期前交「收購信」的宏泰閣歐太向政府喊話：「政府聽到我哋嘅聲音，唔該你去幫下我哋，我哋嘅要求好簡單、好直接，你畀返基本尊重我哋，我哋嘅要求你去聽、你去同我哋溝通。」
她指政府收到 99.1% 的業主遞交收購業權意向書，「你係咪真係咁樣覺得開心呢？你如果問下大家係將多係出於自願，真係好想出售宏福苑嘅，個 percentage 係咪真係咁大？」她形容，絕對沒那麼多街坊是甘心，只是大家明白要面對現實，必須被迫作出這個選擇。
她指若政府滿足於這個數字是膚淺，因無論選擇那一個計劃，實質上都只有出售業權這一個選擇，若政府想事情圓滿解決、大家安居樂業，應不止這一個選擇，「我出售唔出售，大家有各自為自己屋企嘅考慮，每個家庭有唔同嘅故事。」
批只有賣樓一個選擇
「如果你覺得原址重建好耐嘅，咁你有冇畀另一個 counter offer 我哋？畀另一個選擇我哋？」歐太批評政府未有聽取居民聲音，只有賣樓一個選擇，「容唔下」等待獨立調查報告，也沒有七座的損壞報告。她相信如果所有資料公平公開，大家看畢資料之後，會令大家甘心去賣，相信宏福苑居民會多謝政府，「我出售得唔甘心嘅話，就唔係你所講嘅情、理、法令到我哋安居樂業，我哋就算出售咗業權，其實我哋心底裏永遠都唔會放得下呢樣野，永遠都會有呢條刺囉！」她希望政府多聆聽居民聲音，站在居民角度想。
「街坊都好珍惜嚟呢度嘅機會」
歐太又提到，最初街坊接受訪問，希望原址重建，有指收購業權需要數年時間，並不容易，勸大家放棄，「但原來政府只要佢有決心，我哋真係睇到呢個政府係有行動力」，5 月才寄出要居民簽署收購意向書的信，8 月 31 日已有 99.1% 業主簽署。她強調不止 168 名離世居民的遺屬傷心，其他宏福苑家庭也為這些街坊傷心，而本身也有不同的家庭問題要處理，「喺呢個時候，你嘅行動力可唔可以放慢少少，畀少少彈性我哋呢？」她指大家明白面對這件事必須前行，但同時可否不要被「死線」推他們走，有不同的部門、新聞，「令到我哋發現我哋已經無路可行之餘，原來我哋依家企緊嘅空間只係夠兩隻腳企，前後左右我都會遇到危險呢？」
可能是最後一次作為業主參加宏福苑的業主，歐太感嘆：「真係唔知可以開多幾次業主大會，所以其實我哋大家街坊都好珍惜嚟呢度嘅機會。」她舉例即使一開始未夠法定人數，大家都願意等正趕來的街坊，感謝街坊搬到其他區、以至放工時間也趕過來開會，令會議有足夠法定人數，形容不論是否賣了樓的街坊，也是著緊宏福苑。她批評合安再次在會上多次「遊花園」，「兩次嘅會可以有幾大成果呢？我真係覺得兩次嘅會都係晒時間囉，兩次都係遊花園」，後來更直言：「咁其實我嚟唔嚟都冇分別㗎喎！」
歐太表示很驚訝合安向業主指，業主未來要繼續為大廈買保險，「大家都返唔到去，你個保險係買嚟做乜呢？」她質疑政府已經收購業權，為何仍要他們買保險，指是首次聽到法例要求業主要繼續為大廈公共部分買保險。她亦指，宏志閣居民都說過去三個月未曾回家，但業主 6 月起一直付錢以維持宏志閣的升降機運作，合安亦未能回答居民（葉家駒）提問為何要維持升降機運作。
歐太指居民最關心何時安排大家再上樓，陳偉光僅重覆可找解說隊、一戶一社工，然而各座居民都未有再回家，「大家就會諗，點解之前有啲人可以申請到呢？你係基於乜嘢原因——又冇公布過——去選擇嗰堆幸運兒上樓呢？」她指居民都有向社工反映因不同原因要再上樓，但今日合安又重覆早前關於搬新居後的再上樓安排，「大家都有唔同方案揀，如果我揀一個幾年後嘅方案，係咪我幾年後先可以上樓? 」
「無論我哋講幾多次，你（政府）話你哋聽到安排緊，但係其實永遠都冇一個定案，淨係喺度拖，」歐太指八座街坊都向政府反映再上樓的要求，雖政府早前說過，而合安主持（梁穎詩）在會上也說一定會讓居民上樓，但居民向合安問到何時和如何安排，「佢全部都將個波射返畀政府，但承諾嗰個係佢喎？」她指未知政府會何時再安排居民上樓，質疑是否必須等到居民新屋入伙。
宏道閣翟生關注保險受保人問題
宏道閣第一手業主翟先生提早離開大會，他關注仍有一份保險繼續，但現時法團「散晒」，如被「逐個擊破、一盤散沙」，加上逾 90% 業權落入政府，「咁受保人係邊個呢？係政府定係我哋業主呢？」，惟他未有機會發問。他又指，一般火災政府不需參與，這次是特例，「我哋最近聽到啲人話，我哋咩都要、想要、仲想要，咁就唔係咁好，要適可而止」，又指「我個人仲喺度，我已經覺得好幸運。」
翟生指，不知將來是否仍會有業主大會，「有我一定會盡量參加」。若今次是最後一次，他會平常心對待，「你可以點啫？你放過自己、放低自己，日子好過啲咁解。」
宏新閣 Dorz斥合安無視居民倉促完場
現身啟德的宏新閣居民 Dorz 會後表示，「吓！我今次嬲到個頭好麻。」他解釋指，合安不僅略過居民發問，甚至連交代業主退款的財務報表時，亦計少 3 萬元，待答問環節被街坊揭發，始解話指希望整數退款，餘下金額會在下期退款退還，Dorz斥「點會可能支票開唔到零頭數？唔好玩啦！」
「侮辱緊我哋智慧，曬緊我哋時間。」
會上，有居民關注宏福苑法團備用資金去向，以及石油氣公司 950 萬保證履約金處理。合安陳偉光亦只交代會繼續跟進合約。Dor z批評，不少年長街坊希望取回應得賠償，但合安選擇無視、蹂躪眾人，「侮辱緊我哋智慧，曬緊我哋時間。」
為何已簽署「接受收購建議信件」仍然現身？Dorz指，有街坊可能認為簽署買賣合約後就不用再開大會，但他認為一日未簽買賣合約仍是業主，「我唔想畀人覺得我哋係，大會唔夠人數、開唔成，同埋做每個決定時，唔係應該要投票？今日係無任何投票環節。」偏偏今日完得倉促，踏正晚上九點，主持人不忘提示場地時間已夠，只接受多一戶提問，亦無再議決是否召開下一次業主大會。
中小學生嘅 meeting 咁樣
「返公司開會你都有個 step，未開完、未傾完起碼都仲有下一個 agenda 幾時再開。無吖？咁即係點？我哋之後點？𠵱家成件事好似學校 meeting，中小學生嘅 meeting 咁樣⋯⋯你臨尾仲要講你代表宏福苑嘅業主立案法團，會履行咩責任，你唔好自打嘴巴。你履行責任嘅話，點解咁多問題問你嘅時候，你根本答唔到？點解要回避？真係好嬲。」
宏盛閣居民陳先生同樣批評合安沒有正面回答居民問題，僅「repeat又repeat，叫我地揾一戶一社工、解說隊… 同上次答案一模一樣。」他稱合安沒有交代保險要買到何時、第三次上樓亦沒有時間表。
初代業主哽咽 斥政府係一言堂
林氏父子，各在宏福苑擁有一個單位，災後被安排住在啟德過渡性房屋。林老先生指，合安未有直接面對居民想知道的事情，包括保險金修復與早前部分居民獲安排第三次上樓，「佢話根據個別特別要求可以上樓，但係其實個個都要求上樓，唔係特唔特別。」
他形容合安是政府「擋箭牌」，在售樓日期已定情況下，不可能再有業主大會，「賣剩嘅冇幾多，根本上都唔夠 5%（法定人數）開咩會啊？」林老先生續透露，自己是宏道閣一手業主，單位無大礙仍要出售，他哽咽指「話唔會俾你重建唔會俾你返去⋯⋯無奈。」
「佢話仲要立例立法收購，咁你點講啊 ？即係冇嘢講，𠵱家個政府係一言堂，唔到你哋講嘢。」
居於宏泰閣的林先生指，上次大會，主持聽到問題後會自行「演繹」、「扭曲」再讓合安陳偉光作答，今次亦有同樣情況。他不滿，合安言之鑿鑿指會作會議紀錄，但最後卻刪走街坊問題；關於上樓禁制也未能解答。
已遞交意向書的林先生續指，自己最想了解勘察報告，認為可協助自己決定是否賣樓，也未能得到解答，「一個好基本嘅邏輯，你覺得呢樣嘢會變，你係咪應該每個月，甚至乎至少每季去做一份驗樓報告公開畀我哋知？」
他說，合安在會上援引政府說法是「當波踢」，「火災前又係咁，火災後又當你班人狗咁玩。有啲打份工都算，但陳生（陳偉光）呢啲擺明賺陰質錢，你袋得心安理得嘅，你長命百歲啦。」
長者業主指怨氣爆棚 斥要收印花稅「乞兒兜度揦飯食」
到大埔出席大會的宏仁閣居民李先生形容業權出售後仍要買保險的做法荒謬，「保啲乜嘢？唔比你上樓，咁條電梯仲保乜嘢養啊？」「層樓根本無人住、無人入得到去、鬼都入唔到去嘅，咁你買份保險來做咩？」他又認為合安沒有為災民福祉著想，不滿大埔場館只接受兩條居民提問；場地不准錄影之餘、合安亦沒有提供業主大會的錄影可供重溫，「咁即係點呢？問題無解決到，佢係嚟傳遞訊息㗎啫。」出席兩次業主大會的李形容「開第一次會失望，開第二次會更加失望」。
他亦不滿當局在收購業權時一意孤行，只一味「恐嚇」居民，認為大部分居民、包括自己都不是真正願意與政府簽署買賣合約，「佢不停放啲恐嚇嘅資訊出來，係咪一個政府所為、情理喺邊度？」「我地依家入面嘅怨氣，根本好多都爆棚。」
關於重置的問題，李先生說，沒有一位區議員，立法會議員，為災民發聲，「咁我選你做咩呀，以後大家仲會唔會投票呀？」
他表示，現時街坊的怨氣「爆棚咁滯」，只能透過傳媒，向政府反映，希望當局願聽，作出改善，「你政府聽吓啦，大佬。」
此外，宏業董事侯華健最近賣樓套現，李先生說：「佢賣緊資產啦，你政府有冇凍結佢，第日賠償點計數呀？佢一清盤我哋渣都冇。呢啲政府你要去做，你告緊宏業，點解仲畀佢去套現呀？」
204 人出席
在大埔社區中心，現場有約 320 個坐位，會議原定開始時間，在坐人數目測約七成，但少量位置為工作人員及警民關係組警員。在啟德會堂，現場安排約 120 個座位，比首次特別大會少約一半。會議原定開始時間，列席人數目測只不足一半，亦有少量工作人員坐於業主位置。
合安今日開會列席代表，只有物業服務總監陳偉光，以及法律代表梁秉釗，另有警民關係組、大埔民政事務署職員列席；但並未包括中國太平保險代表。
開會前，陳偉光指截至晚上 7 時 10 分，出席大會的業主或獲授權人士為 204 人，佔全體 1840 位業主的11.09%；與會代表的業權份數則為17.48%。
宏仁閣謝先生：期望「炳強」釘死失職公務員
「我告訴你，我一定會「釘死」你，後果自負」。保安局局長鄧炳強的一句話，給宏仁閣住客謝先生留下深刻印象，他今晚來到業主大會場外，談及近日對事件感受時表示，很期望鄧局長能「釘死」失職公務員。
「我都期望，阿炳強呢，用釘死佢嘅態度，去釘死嗰啲失職嘅公務員。」謝先生說，由起火、蔓延、走火、滅火，「係咁多公務員監管下，都冇樣嘢生效到，剩係答唔理想，一係就嗰班公務員好流，一係就造假嗰班國際級嘅，仲勁過 KK園，咁香港應成為國際詐騙之都，所有公務員都呃晒喎」。
捲入「離世授權一票」風波的民建聯區議員黃碧嬌病了，兩度缺席區議會會議，謝先生說：「我都唔想佢長命百歲但係百病纏身，好多街坊揾緊佢幫手，大維修時咁積極攞授權票，𠵱家宏福苑差過大維修前，呢個時間應更加上心喎，好多街坊好想佢出嚟關心返我哋 」。
葉家駒關注追究責任制
遺屬葉家駒、李國鴻同到大埔會場出席大會。葉關注法團餘款如何安排，以及上次未獲通過、今次卻未納入議程的核數師報告，「係咪唔需要再表決呢？佢覺得今次係最後一次業主大會，所以所有嘅嘢都冇所謂？」他稱今日出席大會心情平靜，認為即使失去業主身份，亦不會改變自己的罹難者家屬身份，「我太太喺呢度因為人禍而喪失生命，呢個係事實，無論我係唔係宏福苑業主嘅身份，都唔能夠改變呢個事實，我係要追究責任。」
晚上會議結束，葉家駒說，會議「原則上冇解答問題，我問佢會唔會有下一次業主大會，再有時，我哋已冇資格出席。佢應盡早解決，畀一個明確答覆，依然拖拖拉拉，我哋冇下一次。」
對於失去業主身份，葉家駒批評，政府用高壓手段，脅逼他們要將業權賣出，「除咗屈服，我哋仲點可以同佢對抗呢？」
他再三重申，會繼續關注追究責任問題，包括政府部門疏失，監管不力，導致大火，無街坊犧牲，「包括我太太」。他說：「我要去攞返個公道，呢方面我唔認為我冇咗業主資格，就會喪失責任追究資格。我太太係呢個單位，因為呢個人禍死亡，呢個係點都改變唔到嘅事實」。
李國鴻：點解買咗五份保險，一毫子都冇得賠？
在火災喪母、兩名家傭罹難的證人李國鴻則關注保險賠償問題，「𠵱家好似係賠曬比政府喎，我哋嗰啲死曬人冧樓呀，點解都冇得賠呢？」他說：「點解買咗五份保險，一毫子都冇得賠，咁買嚟做乜嘢？我問吓政府」。葉家駒補充，五份保險，都是中國太平的，「咁裏面究竟係一個乜嘢操作呢？」
曾爭原址重建戴先生：黃碧嬌畀人揭發到，我好開心
曾為居民爭取原址重建的宏志閣居民戴自文表示，對業主大會沒期望，他說，只是前來跟街坊聚舊。
對於或許是最後一次業主大會，他說「好傷心，始終都要離開宏福苑呢個屋企，你冇得選擇冇得揀」，「好似我媽鬧我一樣，我成日話拖吓先，佢話你唔好咁吊兒吊兒郎當，想拖到幾時，始終要為屋企人著想，所以我𠵱家都冇理到，咁你搞啦」。
他指如今形勢沒有選擇，「可能你仲有二百戶、三百戶，你仲可以企硬，但得返十幾戶，仲有冇必要企硬去對抗，攞返嚟嘅係得到啲乜嘢？」他續說：「為咗啖氣，始終我有屋企人，有小朋友，有老婆，冇理由為咗啖氣，去令到佢哋無家可歸」。
對於民建聯區議員黃碧嬌捲入「離世授權票」風波，戴自文表示，「佢做過嘅嘢，真真正正畀人挖到出來」。「黃碧嬌有做過嘅嘢，畀人揭發到，我好開心。攞假嘅授權票，有法律責任。」
冼婆婆：賣業權「惡夢一場」、「家鄉都冇埋」
在大火中獲救的宏泰閣 86 歲冼婆婆，指自己「唔知有幾多日命」，已交出收購建議信，但對於出售業權，「有種畀人千咗嘅感覺」，質疑買樓時用建築面積、但政府收購則用實用面積。她又形容，賣業權如「惡夢一場」，指父親 7 歲時從佛山來港，自己是一個沒有家鄉的人，而宏福苑就是她的家鄉，「我哋而家連香港宏福苑嘅家鄉都冇埋，咁你話我心情係點吖？」
冼婆婆續說，「政府要立法我哋都冇辦法㗎，我哋不過係一個居民。習主席都話，我哋係香港市民，咁梗係要乖乖哋聽政府話啦，佢話左、我哋唔敢行右，佢話右、我哋唔敢行左，咁就叫做守法囉。」至於業主大會，冼婆婆說自己仍是業主，故有責任出席。
業主麥先生：冇期望
在大埔社區中心外，未到五時已有警員在附近一帶駐守，工作人員在正門指示業主從籃球場的側門入場。據了解，有居民因為在火災中喪生的太太才是業主，而轉名文件未被交到土地註冊 處，一度被拒入場，後來在其他業主一同向合安交涉，工作人員再檢查其轉名法律文件，最後才獲准進入會場。有業主步入會場前，說了一句：「冇期望」。另一業主麥先生，臨入場前也說：「冇期望，只有失望，都無投票開咩業主會呀」。
業主：大局已定
下午五時，啟德社區會堂外設有帳篷，警方安排便衣警員、傳媒聯絡隊在場，民政事務署職員、關愛隊則在入口處接待到場業主。
已簽署「接受收購建議信件」的宏仁閣業主何生，今晚到啟德會堂出席大會。他說，現時「政府都安排好晒，只有跟住去做，都無辦法」，他形容情況「大局已定」，今日到場是希望再了解管理費情況，「選擇都無咩好選擇，因為佢全部都係啲，即係畀咗咩屋各方面咁樣。」
他表示，自上次召開大會後，合安只發放一次信件交代第二次大會申請出席方法；今次亦不了解詳細章程，認為合安「都無乜對唔對接。」上周四有搬屋公司發文指協助居民再上樓，何生就表示未曾聽過有關情況，但因為單位已經損毀，他自己亦無意再上樓。
集誌社檔案｜法團共有 1160.6 萬元可作退款
陳偉光今交代宏福苑法團營運基金情況指，現時法團共有 1160.6萬元可作退款，不會因為業權轉而失去權利。
該款項包括現時法團銀行截至 6 月 30 日仍有 3920.8 萬元，以及市建局樓宇排水系統維修資助的 800萬元。兩款再扣除四項支出，包括有業主不在港或未入票等，正待退款的大維修基金款項約 2086.2萬元；大火前合約供應商的應付未付賬約106 萬元；264.5 萬管理費按金。
另有合約終止備用退款的 1100萬元，陳偉光透露，當中包括一份前法團與石油氣公司於2025年簽訂、為期十年的合約，該筆合約由石油氣公司支付 950 萬元履約保證金予法團，合安會再檢視合約情況。
根據業權份數不同，每戶可獲退款 5400、5850、6300元。退款下星期三中午起開始網上登記退款；合安指，業主可自行到民政諮詢中心領取、或由一戶一社工或區議員代領。惟如 9 月 6 日前仍有欠款，或需更改上一輪大維修基金退款收款人姓名，需自行聯絡合安處理。
1. 中小學生嘅 meeting 咁樣
成篇報道，水蛇春咁長，睇落有如昔日黃霉毒果、臘腸等以煽情角度的報導手法，一人一句難以 focus。睇落都係災呢情緒發洩居多，真係以情理法去考慮可行性就未免太少 - 首先主辦方合安只係管理公司，居民走去問上樓安排嗰啲超出合安權責的，就未免強人所難。然後甚麼「我哋永遠都係宏福苑街坊」（我哋都係傷巷人？）、「原址重建」（不遷不拆？）、「希望政府多聆聽居民聲音，站在居民角度想」（「溝通」即係「你一定要應承我的訴求」，唔順從我嘅即係唔同我溝通），唔係好似小學雞 meeting，而係當年黃黑社混論壇再現。
1. 《露絲小姑娘》
在《新聞雜評（五百零七）》的留言中，魔術師提及過都唔知啲傷民引入大型格鬥犬做乜，係咪學似以前啲財主佬咁拖住隻惡犬出街會型啲、威武啲？呢知念頭一起，魔術師即時就想起兒時在 CCTVB 睇過的卡通卡《露絲小姑娘》。劇情已不太記得，大概係主角露絲一家從巨嬰帝國移居到袋鼠國做開荒牛（窮途末路的殖民者？），其中有個蝦蝦霸霸的財主佬就係成日牽住隻惡犬（洛威拿？沙皮狗？）欺負主角露絲與及她養的小動物。呢套卡通片係充滿童真同溫情，係幾好睇嘅，而且仲介紹咗魔術師認識了樹熊呢種咁得意的動物，以至數十年後同靚姐姐去袋鼠國旅遊都借機攬吓（樹熊）...
接續返上一篇，又到咗摩摩（自稱）「放飛自我」，對我城足運發展的少少點評：
香港足球：發展、感想和其他（下）
關於聯賽
青訓講了很多，但聯賽就不用說太多了—就是青訓出了人才也要有作爲產業的聯賽承接才行。而我說這個聯賽至少要但不限一個，甚至不一定要港超，可以是最政策配合的内地聯賽，也可以是東南亞各國聯賽，大想頭甚至日韓聯賽都得… 只要業界有辦法令高質量的青訓產品有高水平的出路就行—挪威聯賽在歐洲不怎麽樣，但不妨礙夏蘭特在英超大殺四方；18世界杯季軍比利時大名單更沒有一個在比甲效力（中超反而有兩個）。
但要港超承載這個功能，前提是要港超的受歡迎程度和賽事水平大幅提高，如果單純靠港超一個聯賽的話，popularity甚至要超過七十年代才行—養得出一條蛟龍總不能將其留在小池塘吧？所以我才留言說過「港隊屢屢吸引近50000觀衆但滲透不進港超，這是毫無用處的事」。
寫後感
寫本系列的初心就是「總覺得包括於魔兄園地的香港社會各界，對香港足球歷來的興衰軌跡都存有誤解」，希望一次過用客觀戰績澄清；就算「獨立成篇」的亞運章節，也動用了大量各隊排陣資料… 是到了最後要發表港足未來要如何發展的看法，才加入很多主觀意見—雖然我認爲我的意見也是基於有實例驗證過的科學。
不過在寫香港歷年成績時，除了第一篇是溫習中國近代史外，之後也是回憶自己和周遭事物過去的過程—畢竟小弟83年5月24日南華對荃灣後正式成爲球迷，93年之前以本地波為主，93至98年本地外國兼顧，之後放棄本地聯賽但到13年左右仍感情上有留意港隊，其後連港隊都唔睇但on & off仍有留意港足新聞。說港足和小弟自己人生完全無連結那是騙人的，寫這個系列時經常寫到某個年份某項賽事，就會諗起當時自己讀幾年級/返緊邊份工？嗰排忙緊乜玩緊乜煩緊乜、甚至溝緊邊條女😂？一路寫就一路好多無關足球的往事湧上心頭。就算之後魔兄講無關足球的《西遊記第壹佰零壹回之月光寶盒》，小弟留言都會提及睇戲當日下午是睇賀歲波。
至於前文連民安先生的足總學生証，小弟都有類似的一張，不過是「球迷卡」，是當年《球迷世界》估波膽游戲寄信估中兼抽中而獲得的（按：其實都是大包圍寄好多個賽果），持卡者可一年免費入場睇本地波：
本月結算，尾帝加息走勢反覆，黃金、比特幣跌得多亦有可觀反彈。魔術師商品組合本月收報 ＄303.20（我城貨幣，下同），較上月狂升11.83%，繼續保持第一位。尾股不論收息股、價值股、定係增長股、科技股、AI 股，全盤靠穩；以尾股為主、巷股為輔的沉船基金靠穩，較上月升 1.06％，每單位收報 ＄259.11，創新高，保持第二位。傷巷倆銀及公用股報升，尾帝科技分頭發展，由巷尾高息股、公用股、及尾帝科技股組成的生活基金則較上月微升 0.31%，每單位收報 ＄248.45，創新高，保持第三位。
包含高中低回報（及風險）的債券、債劵 ETF/CEF 和現金組合的合格線組合價格竟然造好（唔通基金佬捨國債買企圖債？），每單位收報＄166.15，較上月微升 0.34%，保持第四位。
巷股食完偉哥威咁一輪之後又回復弱勢，複式盈富組合本月每單位價格收報 ＄162.87，較上月跌 1.00％，穩守第五位。第六位都係以環球債劵股及中巷貨弊基金為主，巷尾股票指數基金為輔的大雜燴強強積金組合，買賣交易用來對沖其他投資組合，本月靠穩，較上月微升 0.18％，每單位收報 ＄123.01。巷尾房託都係偏軟（加息陰霾仍未消散？），房託組合較上月下跌 3.01％，每單位收報 ＄114.42。
睇咗
1. Amazon Prime：《北斗の拳（FIST OF THE NORTH STAR）》
熟口熟面的情節、角色、配合新派 2D＋3D 畫功、完全係回憶殺。唔夠半小時一集，一個星期一集，等到連載完起碼第一季先至一次性時。第一季14集完，到打完牙一族止。第二季 2027 見，二師兄（？）和三師兄下一季先出場，唔知見唔見到雷奧。
魔術師評分：90分（100分滿分）
分拆煲劇推介 list 如下：
＊＊＊最後貼上魔術師的 all time favoruites 影集/動畫/單元劇/紀錄片頭N名（僅限現時在 Netflix、Disney+、及 Amazon Prime 的非電影類片種)，排名分先後：
1. Netflix:《闇（Dark）》
三季完燒腦穿越神劇，無 bug。
魔術師評分：100分（100分滿分）
1. Netflix:《魔剎（Monster）》
漫畫改編之暗黑系動畫，分鏡出色。魔術師由錄影CCTVB直至買碟二刷，同先父一齊欣賞之動畫之二（另一套就係《銀河英雄傳說》）。
魔術師評分：100分（100分滿分）
3. Netflix:《今際之國的有栖（Alice in Borderland）》第一至三季
遊戲求生劇，漫畫改編。淨係睇囡囡已能完勝，本來兩季好地地可以有 100 分，但第三季實在太無謂，亦無吸睛囡囡（連第二季行行企企的跛妹女弓箭手的水準都無），逼住要扣分：
魔術師評分：95分（100分滿分）
曾俊華搭網約車遇普通話司機 感意外完全不熟香港路｜政壇諸事町
撰文：潘耀昇出版：2026-08-23 11:57更新：2026-08-23 14:03
網約車合法化塵埃落定，首批持牌平台第四季開始營運。財政司前司長曾俊華今日（23日）透露近期乘坐網約車的一段經歷。他當時由機場返家，遇到一名說普通話、完全不懂廣東話的司機，對對方完全不熟香港路感到意外，甚至數十年歷史的屋苑，司機好像沒聽過般。翻查資料，警務處過去三年針對「白牌車」的執法行動中，拘捕了11名非法勞工。
曾俊華在社交平台分享，上星期初去北京公幹數天，出席天九企服 35 周年慶典。回港時，他形容有一段「幾特別嘅經驗」。他落機後召喚網約車回家，司機是一名說普通話、完全不懂得說廣東話的司機。曾俊華形容這名司機駕駛技術完全沒問題，能夠妥當顧及路上安全情況。
但係令我有啲意外嘅，係佢似乎完全唔熟悉香港嘅道路，尤其係我要前往嘅目的地，即係我住嗰個已經有幾十年歷史嘅屋苑，司機大佬直頭好似冇聽過咁。
曾俊華
曾俊華指，現在科技發達，GPS導航成為指點方向的偉大工具，該名司機全程跟導航指示慢慢駕駛，順利將他送回家。他透露最近有幾次類似經驗。
有咗科技嘅幫助之後，唔熟路嘅司機，都可以照樣接單可也，呢個係進步定係退步呢？呢個對乘客係好事定係壞事呢？
曾俊華
1. 財政司前司長曾俊華
哇！做乜薯片叔老得咁緊要，完全唔認得佢；個樣仲殘過坐完監出嚟嘅貪曾，有冇搞錯？
話說90後、00後經常在網上說要「整頓職場」，相當有雄心壯志（80後都4字頭，要照顧家庭，開始無心無力了），魔術師自己都被有青同事「整頓」過唔少次，點知邪惡 FB 最近連環從唔同 source 推送內容相近的帖文，即時令魔術師身心愉快起來：
【鐵飯碗都可以食唔落】香港90後港女入政府首月已想走 列7大不滿：返工衰過坐監
返工不敢隨便講兩句，請病假怕被人話「射波」，遇到不懂的工作，答又驚錯、不答又被責怪。
一名自稱90後至00後的港女近日在Dcard發帖，表示入職香港政府部門首月已覺得「唔係好對路」。原本打算做多一排再算，怎料試用期尚未捱完，已經萌生離職念頭。
外界眼中的政府工，是人工穩定、福利有保障的「鐵飯碗」。但樓主形容，自己入職後面對的，卻是薪酬與預期有落差、晉升空間有限，以及令人喘不過氣的人事壓力。
她認為目前人工不算特別高，又沒有花紅或雙糧，可能要做幾年甚至十年，收入才追上較理想水平。她亦擔心上級與自己年紀相若，若要等待職位空缺，可能十幾二十年後仍未必有晉升機會。
不過，公務員的薪酬、醫療、退休安排及晉升機制，會因入職條款、職系和職級而異。樓主未有公開所屬部門及職位，其說法只能代表個人經歷，不能一概而論。
真正令她想走的，似乎不是人工，而是每日都要面對的人。
她形容部門內有小圈子文化，部分同事態度高高在上，甚至會因不喜歡某人而聯手孤立對方。有人把批評包裝成「我都係為你好」，但每句說話聽落都帶刺。
作為新人，她遇到從未接觸的工作，本來就需要時間學習。她稱即使按照同事要求嘗試回答，答錯後仍會被斥責，久而久之，每次開口前都要先估對方想聽甚麼。
她又表示自己身體較弱，平均一年需要求醫約5至6次，偶爾請病假卻被同事形容成「射波」。工作期間與身旁同事講幾句亦被限制，其他人得閒聊天卻似乎冇問題，令她感到被雙重標準對待。
最終，她形容自己長期像被人監視，返工每日承受巨大壓力，情緒亦開始受影響，直言工作環境「衰過坐監」，認為這份工至少不適合自己。
帖文引起兩派爭論。有人認同部分政府職系工作量大、階級文化重，並非人人都捱得住；亦有紀律部隊人員表示，自己部門雖然忙碌，但同事關係良好，返工氣氛甚至相當歡樂。
另一批網民則認為，政府工已經算穩定，私人市場同樣存在小圈子、辦公室政治和工作壓力，轉工未必代表問題自然消失。關鍵可能不在「政府工」三個字，而是職系、主管和團隊文化。
講真，一份工夠不夠筍，不能只看糧單和福利。每日要在甚麼氣氛下工作、犯錯時有沒有人肯教、請病假會否被標籤，同樣決定一個人能否長久做下去。
新人亦需要接受工作有規矩、有考核，不可能事事順心；但試用期的目的，本來就應該是讓人學習和適應，不是靠冷言冷語測試誰最捱得。
鐵飯碗再穩，如果每日返工都要提心吊膽，未必人人食得落。真正留得住人的工作環境，不只要有制度和保障，也要讓一個剛入職的人知道，自己可以慢慢學，而不是日日驚住做錯。
靚姐姐係7月壽星，舊年魔術師送個時興的 Labubu 蛋糕（見《二至N人飯局（2025年7至8月）》），令網友印象深刻，直至今時今日都伸記得（原來樂易玲都係7月壽星，舊年有人送咗紮 Labubu 花俾佢，點知俾人偷咗，真係同人唔同命矣。見伸延閱讀 ）。今年魔術師被邪惡 FB 引誘，轉為訂購咗呢隻（自稱）「限量版」、以《愛麗絲夢遊仙境》為主題的「兔仔錶」俾靚姐姐。靚姐姐鍾意兔仔，應該無買錯嘅（隻錶用的是國產機芯，貴極有限）：
|
| （圖片來源：Loresum x Crown Hour LS06 Adventures in Wonderland Limited Edition LS06-AW-YG, captured on 22 Aug 2026） |
元朗大狗咬死兩狗事件 傳漁護署擬人道毀滅狗狗 毛守引述狗主指於警署被漁護署要求簽棄養書 涉事大狗身世可憐曾多次被棄養
By Hong Kong Animal Post -Aug 19, 2026
【動物專訊】元朗大狗咬死兩狗事件，傳漁護署擬將涉事大狗人道毀滅。毛守救援Kent對本報表示，收到大狗狗主聯絡，指昨日被帶到警署落口供，期間漁護署人員要求他即場簽棄養書，又聽到有漁護署人員指今次要「處理」隻狗「向市民交代」。Kent表示，該狗主事後很後悔簽了棄養書，又指不知道原來「處理」是指要殺死狗狗，今日會向漁護署要求取消棄養。
Kent指狗狗是偷走出去，事發時狗主正在上班，而狗主也深感自己做錯，現盼望可以救回狗狗及做多項補救措施，包括交給毛守訓練該狗狗的行為及戴口罩等。
Kent表示，涉事狗狗名叫「拉里」，是一隻混種西班牙獒犬，只得5歲，身世可憐，短短5年已經經歷4任主人，「最早是有錢人買了一對回來，因為兩狗經常打架，有錢人將比較乖的拉里賣給了第二任主人，然後又輾轉棄養，最終到了現時第4任主人手上。」
他指，現主人住在寮屋，但將拉里放在屋外養，只有鐵絲網圍住，結果拉里多次挖洞偷走。拉里在7月於Yoho被漁護署捕捉後，狗主有加固鐵絲網底部，但今次仍然被拉里偷走出去，當時狗主正在上班，不知道發生拉里咬狗事件。
Kent又表示，拉里對人十分友善，和狗主家中的另一隻細狗相處甚好，甚至會保護細狗，所以狗主也不明白為何拉里今次會殺了兩隻狗。
然而，狗主昨日聯絡Kent，指昨日被安排到警署，其間被拘捕及落口供，當時還有漁護署人員在場，即場要求他簽署棄養書。Kent引述狗主指在當時環境下簽署了棄養，事後十分後悔，又指聽到有漁護署人員講今次可能要處理隻狗，要向市民交代，惟狗主事後對Kent講當時不知道「處理」是什麼意思。
Kent表示，大狗是無辜的，而且對人友善，從沒有攻擊人，當時被人用水淋和拉後腿，都從來沒有一絲反擊人的想法，「你要懲罰都應該懲罰狗主，沒理由用拉里來祭旗。」他表示，毛守願意接收這狗狗，可以幫狗狗找訓犬師，照顧者亦會做好拖繩等措施，只希望可以保住拉里一命。
Kent又坦言，事件引來一些仇狗人士借題發揮，擔心有人趁機歧視大狗，惡意舉報和逼漁護署撲殺社區狗。
漁護署助理署長葉彥今早在電台節目表示，漁護署仍在調查階段，如狗主將狗交給政府，會作適當處理，包括考慮人道處理，「他是一隻大形混種狗，現時在動物管理中心接受觀察，始終狗隻是有主人，屬於主人，我們在觀察期間會與主人商討。如果主人最後決定將狗交給政府，我們會決定一個適當處理，有需要包括考慮人道處理。」
本報正向漁護署查詢拉里的情況及處理安排。
1. 狗主事後很後悔簽了棄養書，又指不知道原來「處理」是指要殺死狗狗...Kent引述狗主指在當時環境下簽署了棄養，事後十分後悔，又指聽到有漁護署人員講今次可能要處理隻狗，要向市民交代，惟狗主事後對Kent講當時不知道「處理」是什麼意思。
個狗主都成 52歲（見伸延閱讀），如果話唔明咩叫「漁護處會將狗狗處理」，未免難以令人信服一個大男人可以咁傻咁天真。不負責任地養大狗在先，疑似講大話在後，呢位狗主似乎真無幫唔落，應該同樣「人道處理」才對。
信報 2026年8月8日
記協周六選執委 鄧炳強抨黑箱作業
本報日前報道、香港記者協會（記協）近日向會員發信，公布周六（8日）將舉行會員大會，選出新一屆執委會。保安局局長鄧炳強【圖】周五（7日）回應時批評，記協欠認受性及公信力，亦形容記協不公開參選人名單屬「黑箱作業」。競逐連任的候選主席鄭嘉如指出，記協每年均有按法例要求向職工登記局提交執委名單。
據了解，記協於今年6月原定換屆選舉時，未獲足夠候選人參與，故臨時執委會把選舉提名期及投票日延後至今。鄧炳強周五會見傳媒談及時質疑，「記協係一個冇認受性、冇公信力嘅團體」，指據報參選人均屬外媒或網媒成員，「連一個香港主流傳媒嘅人都冇，咁點樣可以叫得做香港記者協會呢？」他也提到記協並無公布參選人及當選名單，形容是「黑箱作業」。
指有團體濫用職工會名義
鄧炳強亦不點名稱「有團體」濫用職工會名義，從事與之無關行為，強調會依法調查追究，並警告若從事危害國家安全、勾結外部勢力或顛覆國家政權行為，「我可以話畀你聽，我一定會釘死你，後果自負。」
至於鄭嘉如回應說，記協有按《職工會條例》及會章要求每年換屆，澄清選舉資訊已向全體會員公布，並因近年包括今屆選舉受外界嚴重滋擾及恐嚇，無奈決定不再向公眾發布選舉資訊，強調每年均按法例要求向職工登記局提交執委名單。
鄭嘉如提到，港府去年修訂《職工會條例》，容許職工會接納並非通常在港居住而從事相關行業者成為會員，可見政策鼓勵來自各地勞工加入職工會爭取勞工權益。她亦呼籲主流傳媒響應鄧炳強號召，鼓勵而非阻止僱員參選記協執委會及工會活動。
1. 鄧炳強周五會見傳媒談及時質疑，「記協係一個冇認受性、冇公信力嘅團體」...鄧炳強亦不點名稱「有團體」濫用職工會名義，從事與之無關行為，強調會依法調查追究，並警告若從事危害國家安全、勾結外部勢力或顛覆國家政權行為，「我可以話畀你聽，我一定會釘死你，後果自負。」
記協之所以無「認受性」，魔術師認為主要無因為其「人人都是記者」的宗旨，犧牲了專業性，淪為「妓怯」：
|
| (圖片來源：香港記者協會 > 會員類別, captured on 16 Aug 2026） |
1. 四面泰泰式火鍋（啟德店）
靚姐姐係7月壽星，魔術師當然要約靚女賀一賀佢。不過近期靚姐姐𢱑到生意，又忙又要應酬之下唯有在佢樓下簡單食個飯...同靚姐姐食飯通常都係打邊邊，幾乎是指定動作。
|
|
（圖片來源：Openrice > 餐廳 > 香港 > 九龍城 > 四面泰泰式火鍋, captured on 14 Aug 2026） |
儀式感總要有，魔術師簡簡單單訂咗個蛋糕仔，一於俾餐廳雪住佢：
魔術早在5月時收到摩摩呢篇穚，拖吓拖吓去到現時才刊出，內容應該未過時嘅，只係希望熱情尚未冷卻...
香港足球：發展、感想和其他（上）
香港足球要如何發展呢？
- 大幅提升青訓水平，並以最快七年後的U17亞洲杯成績作爲KPI，起碼目標是「進入決賽周」；之後將KPI逐漸擴展至U20和U23。當U17/U20/U23都有明顯提升，再訂立實際可行的成年隊目標，例如亞洲杯決賽周小組出綫（不是「出綫決賽周」，而是「在決賽周小組出綫」i.e.起碼十六強）、世界杯外圍賽晉級到什麽階段等。
- 同時要對標至少一個（但可以不止一個）聯賽，可承載青訓提升後的人才；人才有聯賽承載，又反過來支撐青訓系統的發展。這個聯賽可以（但不止）是港超，但如果是港超，水平和受歡迎程度必須大幅度提升，這樣才能承載更高水平的青訓產品、以及反哺青訓系統。
關於青訓
又loop返去「你的青訓如何你將來的成年隊也必如何」、「對職業足球員而言，15至20歲接受的青訓質量直接決定其一生上限，成年後只能盡量向此上限邁進，要突破可能性卻極低」；這裏再加
- 小孩最早6-7歲、最遲10歲要開始接受啓蒙訓練，這時主要是對足球培養興趣、基本技巧、和篩選有天賦和熱情者。
用數字解釋是：例如20歲左右可能能力值是50，但一生上限已封頂在100，30歲生理退化前只能盡量往100推；若世界杯奪冠要250，那或只能寄望於一張白紙無限可能的10歲以下小孩了。說白一點，對於已經定型的20歲以上者，不是說「放棄一袋人」，但真的只望保住他們的下限和盡量推他們接近上限就算了—因爲「體育運動是童子功」，肌肉記憶和反應過了某個年紀就不能再突破。
而「十年樹木、百年樹人」，若一批小孩從6歲開始啓蒙期，到最當打的26歲，青訓修成正果可以需時長達二十年！而一生上限取決於青訓質量，若再加上青訓系統的發展和試錯，時間隨時會更長！
比利時是最好的例子。98世界杯和00年歐國杯相繼小組出局後，比利時足協已經著手改革，但隨著02世界杯十六強的日落餘暉（當年睇住班老鬼對巴西3R，幾驚佢地踢踢下心臟病發），之後缺席世界杯和歐國杯十二年，到14世界杯才再入決賽周打入八強，18世界杯才修成正果得季軍—中間起碼經歷了十四至十六年。
回來睇睇「無人提就不存在」、香港足總在2020年推出以「展望2025策略計劃」為名的新一份五年策略計劃。第19頁策略目標 1：香港 2034 計劃就寫到
有同事以為魔術師可以做到賺錢買花戴，係因為魔術師「出身富裕」，唔使養屋企。或者啦，鬼叫魔術師父母仙遊多年咩；不過當魔術師父母仍健在時，魔術師可是買了層居屋（當然要月供）給父母養老用，另外再俾家用的。
「我都係公屋、居屋、私樓咁買上去㗎咋，細個嗰時一樣要養家。」魔術師如此回應同事。
最近邪惡 FB 引流了以下一大段似是而非的帖文，講到有青搬出嚟佳使唔使俾家用的問題。咦，當年魔術師剛畢業在中環上班，一眾同事仔亦係好嚮往「自己搬出嚟住」（潛台詞是有「私淫胸間」）。有青問題真係數十年如一日。
1：唔知大家有冇試過，搬咗出嚟自己住之後，先至第一次認真計過，原來以前屋企每個月使咗幾多錢喺你身上。
2：水電煤、上網費、垃圾費，仲有間屋本身嘅租——以前呢啲數字對你嚟講係空氣，而家自己畀先知，原來一個人生存喺呢個城市，底線都要成萬蚊。
3：Threads 見到有位網民問，搬咗出嚟之後，仲使唔使畀家用返屋企，話有啲人覺得要畀，當係心意，但佢諗，一個人出嚟住，燈油火蠟自己畀晒，冇再住屋企，仲要畀？咁將來結咗婚生咗仔，有自己頭家，都仲要畀？佢覺得幾搞笑。
4：呢條問題睇落係家庭情感題，但拆開嚟其實係一條財務題——家用喺會計角度，究竟係一條 fixed cost，定係一條 discretionary spending。
5：Fixed cost 嘅意思係，唔理你個月使咗幾多、剩返幾多，呢筆錢一定要出，同交租、供樓、供車冇分別。
6：Discretionary 就相反，係你有能力先畀，冇能力就緩一緩，性質上更似買禮物、請食飯，睇心意多過睇責任。
7：香港好多屋企將家用定義做前者——一個月三千五千，雷打不動，甚至喺你未出糧之前已經預咗喺個 budget 入面。
8：但當你自己一個人出嚟住，你屋企嘅 budget 表上多咗一條新開支：租金、管理費、水電煤全部要自己找數，粗略計一個劏房到細單位，一個月萬零蚊走唔甩，呢個時候「家用」呢條 fixed cost，就同你自己嘅 fixed cost 開始爭緊同一份糧單。
9：先講點解會有咁多屋企預設咗，你出咗嚟住都要繼續畀家用。
10：最直接嘅原因係「行之有效」——你細個到大個，屋企畀晒你食住行，你出到嚟做嘢，畀返少少係一種延續，冇人特登開會傾過，純粹慣性。
11：第二個原因係面子，屋企有街坊親戚會問「個仔而家出嚟做嘢畀唔畀家用㗎」，畀得出係一種「教得好」嘅證明，唔畀就變成閒言閒語嘅材料。
12：第三個原因，先至係真正嘅「心意」——屋企未必缺你嗰三幾千蚊，但想睇到你有心，證明你冇當呢頭家係酒店。
13：問題係，呢三個原因當中，前兩個其實同你個人嘅財務狀況完全冇關係，佢哋係屋企同社會嘅慣性同面子，唔係基於你而家實際負擔得起幾多。
14：於是「心意」同「必要」呢兩個概念，喺好多屋企入面被夾埋一齊講，變咗「唔畀就係冇心意」，但一啲都冇考慮到你搬出嚟之後，個人 cash flow 已經完全唔同咗。
15：呢個就係最大嘅 generational gap——上一代畀家用嘅年代，好多人仲係同屋企同住，租金水電呢啲大頭洗費本身唔洗自己畀，家用先可以做到「使剩嘅先畀」；而家一個人出嚟住，租金已經食晒你三分一到一半人工，性質完全變咗。
16：講到呢度，好自然會有人企出嚟講屋企嗰邊嘅角度——你細個嗰廿幾年，屋企畀嘅唔止係錢，仲有時間、心力、機會成本。
17：屋企做嘢供你讀書、供你興趣班、送你去英文班，呢啲加埋隨時過百萬，你出咗嚟做嘢，畀返幾千蚊一個月，其實連零頭都未夠。
18：仲有一個講法係，屋企老咗之後冇強積金保障，或者強積金得返嗰十零萬，家用某程度上係一種提早俾嘅退休金，唔畀，將來屋企老咗你都要負責，倒不如而家開始畀。
19：呢個 argument 唔係完全冇道理——尤其係香港強積金制度本身回報同保障都有限，好多父母嗰代其實冇乜退休儲備，靠嘅係「養兒防老」呢個舊有機制。
20：但呢度有個邏輯漏洞：如果家用嘅本質係「儲緊屋企嘅退休金」，咁就應該講清楚係儲蓄，而唔係包裝做「心意」——心意係可以彈性、可以隨你能力上落嘅，退休金儲蓄就要有清晰數字同共識，兩者唔可以夾埋模糊處理。
21：亦都有人會問，唔畀係咪代表冇良心，冇報答養育之恩？
22：呢個問題其實問錯咗方向——報答養育之恩嘅方式好多，陪食飯、幫手處理屋企雜務、生病時陪睇醫生、得閒返屋企坐坐，呢啲全部都係報答，唔一定要用月供形式嘅現金先叫做有心。
23：問題喺於，好多屋企習慣咗將「孝順」同「畀錢」畫上等號，畀夠數就係孝順，畀少咗或者遲咗就係冇良心，呢個框架先係令年輕人覺得辛苦嘅地方。
24：仲有個現實係，唔少屋企本身經濟狀況唔差，家用對佢哋嚟講唔係必需嘅生活費，純粹係想睇到個心意，但收到嗰個未必知道，你而家自己一個人出嚟住，個 budget 已經瀨緊喺 breakeven 邊緣。
25：所以呢個問題根本冇一個放諸四海皆準嘅答案——關鍵唔係「畀唔畀」，而係「屋企有冇需要」同「你有冇能力」呢兩個變數有冇對齊。
26：對讀者嚟講，最實際嘅 implication 係，搬出嚟之前最好同屋企傾清楚呢筆數，畀幾多、點畀、如果人工加咗定跌咗會唔會調整，寫成心入面嘅一條數，唔好淨係靠「意會」。
27：好多手足係搬出嚟先發現，屋企當初口頭講嘅「隨意」，原來心入面有個底數，一旦你畀嘅唔夠，就會有暗示、有比較，「隔籬個表哥畀幾多幾多」呢類說話隨時出現。
28：亦都有人選擇用實物代替現金——買餸、幫手畀水電費單、逢時過節請食飯，一樣可以達到「心意」嘅效果，但唔會將自己個人 cash flow 逼到牆角。
29：講到將來結婚生仔，呢個問題只會變得更複雜——你將會同時要負擔自己新頭家嘅開支，同埋原生屋企嘅家用，兩條數同時存在。
30：香港樓價同租金擺喺度，一對夫婦供緊層樓、湊緊細路，每個月嘅 fixed cost 隨時去到兩三萬，呢個時候如果仲要各自畀返屋企家用，就變成兩個人同時肩負四個方向嘅財務責任——自己嘅頭家，同雙方屋企。
31：呢個就係好多人講嘅「三文治世代」——上有父母要照顧，下有仔女要湊，中間嗰個人成為咗成頭家嘅財務緩衝，收入永遠追唔上責任嘅速度。
32：而家未結婚嘅你，如果而家已經因為家用同屋企有拉扯，將來呢個張力只會加倍，唔會自動消失。
33：所以問清楚屋企嘅底線同期望，唔係唔孝順，反而係令呢件事可以長期做落去嘅方法——雙方都清楚個安排係基於能力，而唔係基於面子或者慣性，先可以維持得耐。
34：講開又講，其實好多屋企都冇認真計過，佢哋收嘅家用，究竟佔緊你人工幾多個百分比。
35：如果一個人月薪兩萬，交租已經用咗七八千，再畀三千蚊家用，即係成個月人工接近五成已經去咗「生存必要開支」，剩返嗰半用嚟食飯、交通、儲蓄、應急，壓力其實好實在。
36：講埋一個相關現象——而家好多年輕人索性揀晏啲先搬出去，寧願喺屋企捱多幾年，儲夠首期先至走，原因之一就係想避開呢種雙重負擔嘅陣痛期。
37：亦都有人反過來，寧願住得差啲、遠啲，慳返嗰筆家用去投資或者儲蓄，畢竟屋企未必真係缺你嗰幾千蚊，但你自己嗰幾千蚊，喺你廿幾三十歲嗰陣，複利效果反而更大。
38：呢個唔係話唔畀先啱，而係想帶出，每一蚊嘅去向，背後都有機會成本，家用都唔例外。
39：最後想講返個最初嗰個問題——搬出嚟仲畀唔畀家用，答案其實一直都唔喺「畀」定「唔畀」呢兩個字度。
40：真正嘅答案喺於，你同屋企有冇認真傾過呢筆錢嘅性質——係心意，定係必需，係固定，定係彈性，傾清楚咗，呢件事先唔會年年拗一次。
41：好多屋企其實從來冇傾過呢個位，大家只係憑估、憑面子、憑上一代點做就跟住點做，結果去到你出嚟住、成家、生仔嗰每一個新階段，呢條問題都會翻叮多一次。
42：而最搞笑嘅位就喺呢度——一件事年年拗、年年尷尬，大家竟然情願咁樣拖落去，都唔肯坐低講清楚條數，寧願用「心意」呢兩個字，包起晒所有唔想講明嘅嘢。
43：搬出嚟之後嘅家用，講到底唔係孝順測試，係一場冇寫低條款嘅長期協議，而你哋雙方，可能連自己簽咗乜都唔清楚。
44：BTW，講開又講，身邊有朋友試過搬出去半年，屋企主動話「唔使畀住，你自己都未站穩」，反而搬出去嗰位覺得唔畀好過意唔去，自己主動維持返個數。
45：即係話，呢件事有時真係雙方諗法都對唔上——一方驚你捱唔住主動鬆手，一方就驚被人講冇良心死頂住畀。
46：兩頭都係為咗對方著想，結果卻可能因為冇講出口，變成大家都以為自己知道對方想點。
47：你屋企嗰邊，係屬於「行之有效」型，定係已經傾清楚咗筆數嘅嗰種？
奧迪足球峰會2026拜仁慕尼黑對亞士東維拉（FC Bayern vs Aston Villa）於8月7日晚上舉行，魔術師身為拜粉當然唔貴嘅飛唔買；不過聽講話今場波因為世界盃關係拜仁重點球星例如哈利簡尼（Harry Kane）和奧拉斯（Michael Olise）都無隨隊，又被妄民嫌票價過高（可能消費力已被前幾日的「盛事」消耗得七七八八），搞到只有3萬8千多人入埸：
不過，人「少」唔緊要，只要妹妹仔球迷多就得，好似坐魔術師前面呢位個背影同正面就幾唔錯（右手邊嗰位係搭單走埋去影相的）：
話說魔術師做咗廣大妄民（或球迷）口中的冤大頭，以最貴（二千幾蚊）價錢晨咁早訂咗拜仁對維拉 A 類波飛。波就未有得睇住（8月7日晚上8點開波），但就附送今天拜仁公閞訓練（買飛的時候無講，算是「驚喜」）。魔術師大鄉里從未玩過類似的活動，於是就向公司講了半天假去啟德體育圜「探險」...不過點都好，呢個突如其來的「見面會」，唔係追開星的魔術師就無辨法去到啦（常日辦公時間，正常工資奴都要預先謂假才去到，adi 忽然公佈真係好難跟佢玩）：
|
| （圖片來源：高柏尼率拜仁球星快閃尖沙咀 紐亞笑唔停口, 東網 2026年8月6日） |
魔術師向公司請了半天假，下午來到啟德，靚姐姐搬來不久，便一盡「地主之誼」帶魔術師去主場館，連隨飲返杯嘢。本來魔術師有約靚姐姐一齊睇波，不過佢呢排搲到生意，大把嘢要跟，靚姐姐自己都話不如慳返二千幾蚊波飛錢，買其他嘢好過 - 於是魔術師今次就單刀赴會了。
唔好理黃金、虛弊、晶片股、記憶體股最近唔係好得，魔術師個投資組合反而受惠於分散投資，唔係買一注獨赢而有所增長。上月結算，股票：商品：房託：債券及現金為 34.5:4.0:23.5:37.3，要變成目標比例 33.5:5.0:23.0:38.5，即係沽股票及房託「獲利套現」買返些少黃金及虛弊，餘下資金投入債券及現金：
股票方面：沉船基金「虛擬沽清」了舊有的高息 ETF（實質全數調往特種兵組合，不在資產配置範圍內，以備將來有任何特殊需要之用），騰出空間換馬至新高息 ETF，貪期每月派息夠爽。另外就係行禮如儀季供尾帝科技 ETF 同埋增長股（主要都係科技股）。
商品方面：有侵侵就有仗打（相信侵侵完咗個任期之後，會變成「有尾帝就有仗打」），定期趁低入返啲黃金及虛弊要抱持信念有買貴無買錯。魔術師都係傳統派一啲，黃金點都有價值過新興事物虛弊，增持比例上亦以黃金為重。實物黃金因為流動性低，資金有多啲餘裕才買入儲蓄。
房託方面：將賺息蝕價的笨土房託清零；另外升幅已大的低息尾帝科技 REIT 都稍作減持。
債券及現金方面：翻兜返尾帝地方價 ETF，
以每１００萬股票組合計，資金調配如下：
香港足球盛會｜球迷難掩興奮心情 提早到場買周邊、拍卡 帶旺商戶生意料增兩成 有線新聞 2026年08月01日
【有線新聞】香港足球盛會由曼城對國際米蘭揭開序幕，不少球迷預早到場購買周邊以及與珍貴的獎盃拍照留念，商戶預計能帶旺消費，生意額有一至兩成增幅。
晚上七時半的球賽，天未黑球迷已陸續到啟德體育園，零售館內的快閃店人龍不斷。球衣、多款限定周邊都是球迷的目標。曼城亦帶來兩座最新贏得的獎盃，吸引不少球迷前來拍照留念。
蘇州球迷楊小姐：「因為我最喜歡的球員是歷高奧拉利，他在聯賽盃決賽進了兩球，覺得特別有意義，想過來和聯賽盃獎盃合照。」球迷吳先生：「待會去排隊（跟獎盃拍照），（排隊要半小時）都會排隊，因為是球迷來的，難得曼城來香港，一定要排隊合照。」廣州球迷陳小姐：「能見到球星太興奮，雨已經擋不住我的熱情。（現在也很興奮？）很興奮，昨晚興奮一整個晚上都睡不著。」
有餐廳延長營業時間，預計整日人流帶動一至兩成生意。食肆經理Alex：「今日再多些人，有英超強隊曼城，都是很受歡迎的球隊之一。另外體藝館有演唱會，兩個活動希望吸引一定人流，刺激客數和生意額。」食肆經理周先生：「散場之後應該有一些人流，都會做多一輪，都會看情況，有需要都會自行延長營業時間。」
礙於主場館不能攜帶食物，有小食店指盛事對生意幫助不大。商戶林女士：「起碼讓顧客可以買或攜帶（食物）進場，就算不是在內進食，至少不用覺得買了不用偷偷收藏，很多顧客買了都會問可否放袋內進場。」
足球盛會亦有票尾優惠，球迷憑門票可以在比賽當日和前後三日到零售館使用。
財政司副司長黃偉綸及商務及經濟發展局局長丘應樺到場觀賞賽事，商經局在社交平台發文指趁著世界盃剛結束，足球熱潮的餘溫，多個歐洲頂級球會相繼訪港作賽上演「足球盛會」，場館附近食肆及店舖非常熱鬧，盛事活動帶來人氣及財氣，有助促進地區經濟。
1. 晚上七時半的球賽，天未黑球迷已陸續到啟德體育園，零售館內的快閃店人龍不斷。球衣、多款限定周邊都是球迷的目標。曼城亦帶來兩座最新贏得的獎盃，吸引不少球迷前來拍照留念。
話說魔術師真係未試過「現場睇波」，連去快達票自助機攞票都係第一次：
|
| （網上圖片） |
拜仁對維拉，公開練習8月6日下午5點入場，6點開始；對賽就係8月7日晚上6點入場，8點開波。咁魔術師又不是追星大媽，是否要請兩個下午假去睇波？
中尾韓科技股、晶片股、記憶體回調，想不到泡菜仔的賭仔比得上中國人，炒橫枰 ETF 炒得不亦樂乎，輸亦輸得轟烈。黃金、比特幣依然保持跌勢，不過勢頭已開始放緩，並有少許反彈，希望是尋底跡象。魔術師商品組合本月收報 ＄271.12（我城貨幣，下同），較上月上升1.30%，繼續保持第一位。尾帝科技股繼續有獲利盤湧現，以尾股為主、巷股為輔的沉船基金靠穩，較上月微升 0.90％，每單位收報 ＄256.39，保持第二位，開始追貼不進則退的商品基金。傷巷倆銀及公用股報升，尾帝科技分頭發展，由巷尾高息股、公用股、及尾帝科技股組成的生活基金竟然大幅向上，每單位收報 ＄247.70，較上月大升 8.35％，創新高，保持第三位。
包含高中低回報（及風險）的債券、債劵 ETF/CEF 和現金組合的合格線組合好似已消化加息可能，每單位收報＄165.58，較上月微升 0.08%，創新高，保持第四位。
巷股跌完一輪之後又收覆返失地，真係好難跟。複式盈富組合本月每單位價格收報 ＄164.51，較上月狂升 10.79％，穩守第五位，追近合格線。第六位都係以環球債劵股及中巷貨弊基金為主，巷尾股票指數基金為輔的大雜燴強強積金組合，買賣交易用來對沖其他投資組合，本月靠穩，較上月上升 1.94％，每單位收報 ＄122.80。巷尾房託同樣造好，似乎加息已變成利好消息。房託組合較上月上升 2.92％，每單位收報 ＄117.83。
睇咗
1. Netflix：《氣體人第一號（ガス人間，Human Vapor）》
本劇屬於劇情片多過科幻片、超英片、暗黑（反）英雄片、偵探懸疑片之類（「幕後黑手」甚至在劇集中段已揭曉），所以在討論區中大有吃爽片奶水大的妄友動輒喊悶，要一路玩手機一路睇，甚或嚷着要棄劇。魔術師作為老餅一名，當然唔會咁無耐性，就算是網友紛紛話難捱拖戲的兄妹 Youtuber 劇情也只是覺稍為拖戲，甚至乎興主線無關的劇情其實是在構築人物能情和關係，令角色更立體，唔算得上是「悶」。而且整劇也只有八集，拖極有個譜（雖然某些橋段真係老土咗啲，啲角色有時未免劇情需要太傻太天真），煲得劇就預就有時間會被浪費，忙成咁就唔好睇劇喇！
又，本片以南方之星（Southern All Stars）的《心愛的艾莉》作為氣體人的引發點，販賣懷舊情懷，討論區中的灣灣妄民大受憑動，魔術師卻毫不受落，足證灣灣受鄉下影響有幾深也：
魔術師評分：80分（100分滿分）
究竟係乜嘢原因兩公婆要一人一個次所？係唔想 share 馬桶？唔通老公成日痾爛X，搞到馬桶成日有漬（18:21 - 24:57）?
五平方 Squarefoot 優質樓盤專區特約：樓盤傳真 - 2026年 第 28 集 - 2026-07-11
今集《樓盤傳真》同大家傾下半年首個全新盤，新地位於錦田的芊御，短短兩日上載樓書兼開價，銷售成績為下半年新盤帶來指標性。首批以均價 14,509 元開出 120 伙，有九成屬兩房戶，為大家分析這口價值不值得。各間大行也為下半年香港樓市誕下預測，不少大行都轉為更保守。樓市好轉，政府推地保守，只推出何文田一幅住宅用地，提供 280 伙，發展商亦同樣對強拍重建保守，到底是甚麼原因？ 〈業主新睇驗〉會與大家到啟德前跑道區驗收天瀧三房戶，是樓盤較入門的類別。天瀧由 6 間發展商聯合發展，交樓質素會否有更大保證呢？ 〈設計廊〉的戶主有一些珍藏多年的「寶物」，搬入屯門南浪海灣的新居，希望在設計上可以將這些「寶物」布滿全屋。
幾個星期前茶日，放工返到屋企，入屋去到書房放低包包，順手啪着部冷氣...
唔着...
再啪...
都係唔着。
魔術師睇吓個電掣，有燈着即係有電到；再去廚房望下個電兜，無跳掣。
咁即係話，除非係個電掣壞咗，無電去到部窗口式冷氣機度；否則就係部冷氣機壞咗。
冷氣機壞都唔出奇，畢竟買咗成十幾年，又少保養打理，甚至無洗過（最多只係抹吓隔塵網嗰類表面嘢）。
一來係懶，二來係唔想執清張書枱俾啲工人在上方工作搞部冷氣機，出出入入間屋...
日前 DSE 放榜，魔術師物理系當年仲選緊博士（好似係）的時任 tutor 湯兆昇（現為鄉大物理系首席講師）在 FB 貼上他的陳年會考證書：
DSE 放榜，祝願各位同學鵬程萬里，在學業或事業上更上一層樓。勝不驕、敗不餒，人生的路仍長。共勉之。
我也可以分享一下我會考時的學習經歷。自幼很喜歡科學，所以科學科的成績都考得很好。在數學上我沒有很高的天份，成績是靠後天操練而來。對文史哲的興趣是讀大學時才開始培養的，中學時覺得文科很沉悶，所以成績只是平平。最有趣的是，第一次考英文考了個 D，於是考多一年，自問沒有花很多時間溫習，期間英文也不見得有進步，但第二年竟然考了個 B，這到底是怎麼回事，到今天仍然是一個謎。
現在很多同學都補習。我會考時也有過私補。坦白說，補習對我作用不大。我比較喜歡自己主動學習，有時也不理學習的內容是否在考試範圍內。補習時，有超過一半時間是我把今個星期所學的東西告訴補習老師，然後問一些問題。有時我問的問題老師也不懂得答，當中也有些是從物理延伸至哲學的問題，所以他聽著我說這些東西的時候也會有點無奈。
會考後的暑假看了兩三本書，包括愛因斯坦的《狹義與廣義相對論淺說》(這是他解釋相對論科普版)，伯克萊大學物理系列的《力學》。就這樣，我就決定大學讀物理了。我覺得興趣和主動學習比任何外力和考試壓力都重要，好奇心成為我人生中的最大的學習動力。但願你也可以發掘自己的好奇心和興趣，培養終身學習。
見到湯博呢篇，搞到魔術師又心癢癢要走去想當年，如何「共勉之」。
魔術師雖然不是工資奴，但工作五天精精還是相當繃緊的，周末最好就係可以訓晏啲，唔訓到中午唔安樂。不過今日就要早起，搞到臨訓前除了較好 iPhone 鬧鐘之外，都同自己講要知醒，較好心理鬧鐘 - 事緣是日要去屯門醫院抽血。
自從上次心臟衰竭入院兩個星期（見《又見新一袋醫護人員》），又出返院之後病情穩定，只需定時抽血覆診。親戚朋友問魔術師有無睇睇私家，反正魔術師經濟情況許可，但魔術師都答「無」，原因係病情穩定，自我感覺良好，而且如果心臟有乜事，多數都係 call 白車入公立醫院，私家醫生未必咁好手尾將私家藥份量入醫健通俾埋公家參考，咁為咗唔好急病要入院時延誤診治，都係返公家覆診，食返公家藥算，都係嗰句，病情穩定就唔怕輪公家囖。
揭陽虐狗案｜愛協要求平台刪片 網民怒轟：隻狗識上網？同施虐者無分別 有線新聞 2026年07月15日
【有線新聞】廣東揭陽早前發生震驚社會的殘忍虐待動物事件，四名未滿14歲的男童當街以棍棒毆打一隻流浪狗媽媽及其幼犬，其後更向狗媽媽淋潑汽油並點火，將其活活燒死。殘忍畫面曝光後激起兩岸三地網民公憤，甚至有網民發起集資，計劃於旺角及銅鑼灣刊登反虐待廣告。香港愛護動物協會今（15日）早在社交平台發文，對事件深感痛心與憤怒，並透露已向香港警方舉報，獲警方回覆指將會要求Threads及YouTube移除相關虐狗影片，然而帖文一出隨即受到網民怒轟。事隔半日，愛協晚上稱對帖文造成誤解表示致歉，強調是希望公眾持續關注事件，並促請有關方面嚴肅跟進及處理。
促修例保護動物 愛協：已聯絡警方要求平台下架影片
愛協在帖文中強調，任何虐待動物、以生命痛苦取樂的行為，都不應被容忍，亦不應被輕描淡寫地視作玩笑或惡作劇。愛協指出，現行的動物保障法例仍有極大改善空間，促請當局建立更完善的法律，除了引入具阻嚇力的懲處機制外，也應納入更完整的飼養與謹慎責任觀念。愛協透露，目前正與內地組織合作，研究在部分內地城市制定「伴侶動物保護條例」的可行性，並會積極推動本港《防止殘酷對待動物條例》的修訂，爭取建立動物受虐預警機制。
不過，帖文最引發爭議的部分，是愛協透露已向香港警方舉報，並獲警方回覆指將要求Threads及YouTube移除相關影片，又指「歡迎任何有助防止暴力及有害內容進一步傳播的行動，並期望所有相關平台都能負責任地迅速採取行動。」
網民留言炮轟「同施虐者無分別」 愛協急澄清：旨在防模仿
帖文一出，隨即引來網民排山倒海的質疑，大批網民湧入愛協社交平台留言，批評下架影片只會減低公眾對事件的關注度，甚至是在「幫兇」掩蓋真相，「你們憑什麼要求把短片下架」、「唔趁呢啲時候加強教育，反而叫人刪片，壓制討論空間？」、「你哋同施虐者無乜分別」。
面對輿論，愛協隨即澄清，解釋要求平台下架影片並非為了阻止公眾了解事件。愛協指，虐待動物的原始畫面本身會對動物造成二次傷害，亦可能刺激他人模仿、消費痛苦，甚至令施虐者因獲得關注而得到變相曝光。
愛協強調，下架的是血腥、殘忍及直接呈現虐待過程影片，公眾仍可繼續傳播事件的背景、求助聲明、投訴渠道、舉報方法及保護動物的資訊，認為能讓更多人知道事件真相，亦能同時保障動物安全，向平台及有關部門施壓，從而促成介入、追責及預防悲劇再次發生。
然而網民並不買帳，繼續留言怒斥「二次傷害？隻狗識上網？」、「唔趁呢啲時候加強教育，反而叫人刪片，壓制討論空間？」、「對動物造成二次傷害？乜而家啲動物識睇電話咁勁㗎？」、「你哋同施虐者無乜分別」，甚至有人揚言抵制愛協賣旗日。
對於帖文惹來網民爭議，愛協晚上再發文回應，指早前的帖文引起不同理解或造成誤解，深表致歉。愛協強調本意並非阻止傳播或討論真相，而是希望在避免青少年模仿的前提下，與公眾一同持續關注及反映事件。發文目的是為了喚起社會關注，同時促請有關方面嚴肅跟進和處理是次事件。
1. 香港愛護動物協會今（15日）早在社交平台發文，對事件深感痛心與憤怒，並透露已向香港警方舉報，獲警方回覆指將會要求Threads及YouTube移除相關虐狗影片...愛協強調，下架的是血腥、殘忍及直接呈現虐待過程影片，公眾仍可繼續傳播事件的背景、求助聲明、投訴渠道、舉報方法及保護動物的資訊...然而網民並不買帳...「你哋同施虐者無乜分別」，甚至有人揚言抵制愛協賣旗日。
傷巷妄民真係識借啲意反吓公營機構（妄上有反拼多多揭陽電商帖，不過「關乎自身利益」，傷巷妄民不知可以堅持幾耐？），間接鬧吓政府，行使一吓免於恐懼的自由。睇返原文報道，恐怕4惡童恐怖罪行都係自己拍上輯上網「炫耀」（做過份的事就是要來炫耀呃 like/hate），而內地最愛歡迎的社交平台斷不會是 Threads 和 Youtube...愛協的做法未免左膠咗啲。實際上不刪片就是有片有真相，不涉及 AI 改造，不上網引述群情洶湧，官方也不會嚴肅處理，怪獸嘉獎也不會「出來道歉」吧。
揭陽虐狗案｜愛協取消周六賣旗活動 重申報警原意為轉介內地部門跟進 非阻止監察 有線新聞 2026年07月16日
【有線新聞】愛護動物協會取消周六賣旗活動。
愛協晚上再次在社交平台致歉，指日前回應廣東揭陽虐狗事件因為溝通不足引起公眾疑慮。為顧及賣旗參與者顧慮，決定取消周六賣旗日。愛協解釋報警初衷是尋求轉介內地部門嚴正跟進，又關注完整血腥施虐過程在網上被重複傳播，對公眾造成嚴重不安，並非阻止事件受監察或討論，又指日後會改善資訊發布及溝通程序。
2. 愛協晚上再次在社交平台致歉，指日前回應廣東揭陽虐狗事件因為溝通不足引起公眾疑慮。為顧及賣旗參與者顧慮，決定取消周六賣旗日。
估唔到愛協怕咁啲妄民搞事，運賣旗活動都取消埋。好在愛協只是 NGO，「跪低」都無損正苦威遜啫。
