新聞雜評（四百七十九）

熱氣球節甩轆｜議員指全額退款安排合理　江玉歡：或選址失敗　促政府及早監管高危活動 有線新聞 2025年09月08日

【有線新聞】中環海濱國際熱氣球節在風雨中提早結束，主辦單位致歉，並為所有官方門票提供全額退款，有議員認為做法合理，又指政府對類似活動應及早加強監管。

香港首個國際熱氣球節，熱氣球一直不獲當局批准載客，有持票人士認為不符期望，連日來大表不滿。及至活動最後一天，熱帶風暴塔巴迫近，主辦方在社交平台公布取消，有買了早上門票市民「摸門釘」，「我周日早上九時前去到，當刻下車後走到入口，雨下得很厲害，淋到全身濕透，又甚麼也沒有，也問不到任何結果。其實他應該早些通知，不是等所有事件發生了，所有人去投訴才說『我現在退款』，安排比較差。」

主辦方最終宣布所有經官方渠道購買的門票，周二起可申請退款，有立法會議員指退款是合理且必須，又指易受天氣影響的項目不應是活動的「主菜」，當局日後應及早加強監管類似活動。選委會界別江玉歡：「第一天選址時，應該很早知道成功機率近乎零，可能真的選錯地點，繼而令活動失敗。這反映我希望日後在類似高危或特別活動，政府角色更加主動些，在開始成型階段不妨提供策略性意見，如果知道未必可行，是否可以更早與主辦方磋商，勸退他們。」

消委會及海關至今合共接到超過300宗投訴，江玉歡指市民不能主動通過《商品說明條例》追討，要視乎海關會否採取行動。

1. 主辦方最終宣布所有經官方渠道購買的門票，周二起可申請退款，有立法會議員指退款是合理且必須，又指易受天氣影響的項目不應是活動的「主菜」，當局日後應及早加強監管類似活動。選委會界別江玉歡：「第一天選址時，應該很早知道成功機率近乎零，可能真的選錯地點，繼而令活動失敗。這反映我希望日後在類似高危或特別活動，政府角色更加主動些，在開始成型階段不妨提供策略性意見，如果知道未必可行，是否可以更早與主辦方磋商，勸退他們。」

魔術師就唔係好同意鋼管歡所言。一來今次主要問題係主辦方明知未有批文就做宣傳收費，將市民、遊客當水魚，之後仲唔想退款；三來會受天氣的活動可以是活動的「主菜」，只要唔好「相金先惠」甚至「唔肯回水」（到群情洶湧之時才話會退款），就算入場者要買票，都明顯知道玩唔到會退款的話，應該唔會有意見（見魔術師和靚姐姐在越南玩唔到的經歷《爽歪歪芽莊遊（四）之貴人出門（Day 3)》，人哋名額有限，仲有專車接送呢！）；三來，魔術師就懷疑正苦官員是否有能力提供策略性意見，判斷是否可行嘞！

爽歪歪芽莊遊（五．完）之回歸（Day 4)

行程來到最後一天，上午吃過早餐就是去泳池區。這天趁靚姐姐落咗水，魔術師就在沙灘椅上 hea；卻見到有兩名花樣年華的泡菜妹結伴同行，在泳池邊影相。只見「主角」個樣真係唔太靚（唔通泡菜妹都係靠化妝？），三點式泳衣個胸有啲扁平，肚腩有贅肉而且向下墮，難得佢仲懶有自信在鏡頭前擺出各種甫士（因為「來都來了」？），直教魔術師看傻了眼，相都唔記得影。

靚姐在水中央見到魔術師掛住「𥄫囡」，連忙揮手示意。魔術師只好馬上走去餐廳，買杯西瓜汁俾靚姐姐消暑。

（靚姐姐泳衣照照例省略。）

玩完水便返房沖涼執行李 check out，然後將行李寄存，然後就去揼骨 spa：兩個人熱石按摩 90 分鐘都只係圍埋 672 我城貨幣，真係抵到爛。

爽歪歪芽莊遊（四）之貴人出門（Day 3)

跟住嗰日可以唔使咁趕，訓到九點先去食早餐，然後換衫陽光與海灘：

爽歪歪芽莊遊（三）之黃沙萬里（Day 2)

第二天魔術師和靚姐姐一早起床，吃過早餐，便有司機來接，正是靚姐姐用 Get Your Guide 這個 App book 的導遊來了：

爽歪歪芽莊遊（二）之到埗（Day 1)

去越南（除富國島外）旅遊是需要簽證的。魔術師同靚姐姐今次行程比較急，需要做快證，一個工作天申請，3小時內起貨，結果就要多200帝幣（每人）：

（圖片來源：Vietnam eVisa Online, captured on 10 Jul 2025）

於是魔術師就同靚姐姐分頭行事：靚姐姐識玩識食，當然負責 book 酒店同埋 local tour 活動；魔術師就負責 book 機票同埋兌換現金。坐兩個半小時機去越南，搭廉航就得（個 app /網站係無因航咁好用），我們選的是香港快運（HK Express）。靚姐姐仲忽然慳家，話見架機無乜人坐，唔劃位去到機場時才扭計要坐埋一齊。呢啲嘢都係女人做好啲。

兌現金魔術師一律都係 Interactive Brokers（IB） 優先，可惜 IB 無得兌越南盾，結果就要出街換。魔術師發現有間位於尖沙咀的樓上鋪個 rate 好似幾好，可惜收工去到已關門；唯有星期六（7月5日）出發前去屯門「冠軍找換店」換錢，個價都算 okay 嘅。

爽歪歪芽莊遊（一）之魔術師被有青職場整頓

是咁的。靚姐姐生意難做，聽佢講真係唔覺「執1間開16間」的「盛勢」（又或者執的是靚姐姐的舊客戶但新開的卻並非她的潛在客戶群），所以忽然要離巷散吓心，否則壓力爆煲隨時「會死」（算係另類「唔去旅行會死」），於是就緊急召喚魔術師做書童男伴遊。

今次短短哋玩四日三夜（其實第一日去到已是夜晚），又係越南（見《爽歪歪富國島（二）之到埗（Day 1）》），但今次就係去芽莊。點都好，去得咁急，結果就係要魔術師緊急向公司請假。

爽歪歪富國島（八．完）之歸途（Day 7）

唔好以為三號酒店「JM卡薩維拉度假村(JM CASAVILLA RETREAT PHU QUOC）」位置偏遠，成個錦綉花園咁就無乜人，原來住客都唔少，相信都係班志在搵個遠離煩囂的地方 hea 的洋腸洋妞居多，亞洲人面孔就比前兩個酒店少。

（網上截圖）

爽歪歪富國島（七）之小貓食海鮮（Day 6）

話咁快就去到二號酒店「富國島海洋灣度假村（Ocean Bay Phu Quoc Resort and Spa）」check out 的日子。食完早餐，靚姐姐情況有好轉，伯母又話想「浸吓水」，魔術師「知情識趣」，馬上便「貼心地」返房執嘢先，留返啲時間俾靚姐姐同伯母「親子時間」。

魔術師執完嘢，便出去行吓兜個圈，不用搭電動車，都幾好行，酒店範圍都幾大：

hea 一輪之後，魔術師就同靚姐姐、伯母 check out，留意到酒店係用小米（01810.HK）mon。國貨果然深受一帶一路發展中國家喜愛，唔怪之得小米去年股價表現亮麗：

酒店招呼甚為殷勤，就算我們是在 check out，冰凍飲料都不絕奉上，實在值得稱讚。

爽歪歪富國島（六）之大出血（Day 5）

前一晚去完富國島夜市返歸，去到酒店 book 定今天揼骨按摩。作為骨精的靚姐姐拎住本 menu 揀呢揀路自製套餐俾自己同媽咪，魔術師就乖乖地跟套餐再追加「自選服務」（唔好心邪）以求時間上較到同靚姐姐一樣，然後就各自返房訓。

臨走之前，靚姐姐俾了個評語幫手 book 按摩的酒店女員工：「乜間酒店請埋啲童工嘅？」

魔術師失笑：「你咪咁喇！人地係生得細粒，同埋打扮得中性啫！」

誰知道這天跟靚姐姐母女在餐廳會合，食完嘢仲沒精打彩，本來今天無乜嘢特別行程諗住游水都無去。聽伯母講，原來靚姐姐M到，而且量頗多...魔術師心想，怪唔得昨天靚姐姐對在動物園繞圈行路唔太耐煩喇！

唔游水都可以哂太陽，而且酒店泳池對出就係沙灘，只係日光浴都夠譜：

爽歪歪富國島（五）之睇動物、食蟹、夜市（Day 4）

都話咗呢間二號酒店「富國島海洋灣度假村（Ocean Bay Phu Quoc Resort and Spa）」唔係咁「長者友善」，食早餐要行一大段樓梯上二樓：

雖則酒店臨近海灘，海景實係幾無敵（竟然唔記得在餐廳影相）。

食完早餐便 call 車去富國珍珠野生動物園（Vinpearl Safari Phu Quoc），全程同司機又係用 Google Translate 溝通：

一入到園區門口便見到有大量卡通人物在 say hello：

爽歪歪富國島（四）之夜遊富國大世界 Grand World Phu Quoc（Day 3）

位於富國島南部 Sunset Town 的一號酒店「希爾頓格芮精選酒店（La Festa Phu Quoc, Curio Collection by Hilton）」環境真係好得沒話說，話咁快就來到 check out 的日子，靚姐姐自然不放過機會，吃過早餐臨走前便在酒店泳游池來過下水禮，比堅尼泳衣盡顯美好身段（魔術師都算見過世面無流鼻血），可惜伯母在另一邊休息，搞到魔術師想學《精裝追女仔》馮淬帆（定荷蘭叻？）咁藉口幫手搽太陽油都唔敢...

又，原來得幾條繩綁住的比堅尼真係可以游到水又唔會甩...

又又，靚姐姐水着照當然唔會在此刊登。

爽歪歪富國島（三）之富國島南部一日遊（Day 2）

靚姐姐經 KKDay 訂咗呢個 local tour，需要一早起床（仲早過返工），搭車同其他來自世界各地的團友集合，參加呢個一日團：

【越南】富國島南部一日遊及纜車體驗

1. 參觀珍珠養殖農場，認識島上的珍珠養殖產業

搭一輪車去到珍珠養殖場，見到有工人拎住類似老父以前的雕象牙的雕刻機在幹活，竟有一絲感動。

之後去到賣紀念品的地方，有啲似大陸平價旅行團去咗土瓜灣的感覺，幸好並無強迫消費，行個圈便離去：

爽歪歪富國島（二）之到埗（Day 1）

話說魔術師、靚姐姐、與及伯母各自從家中出發到機場集合，剛好趕得上一齊 check in 擺低寄艙行李，使逕自出發去 lounge 食嘢：

（菠蘿包、春卷、雜菜湯）

（魚蛋河）

記住各大錢莊的旅遊信用卡雖然名義上可以「免費享用」機場貴賓室，但事實上事後係要用張卡在指定時限內碌返夠本，至於時限和碌幾多錢、點先至算係「合資格簽賬」則每間錢莊每張卡都唔同，用之前要俾多少少 attention to details 計好數；好似大貓呢張 EveryMile Visa Signature 卡就要在使用 lounge 後60個曆日碌滿4,000等值我城貨幣，才可以「豁免」＄250 去 lounge 的費用：

外遊啟事

魔術師休假外遊，本 blog 在下星期中聖誕節（25 Dec 2025）將回復更新。

Merry Christmas and Happy New Year！

 

爽歪歪富國島（一）之旅遊平台中伏記

各位網友，當睇到呢篇帖文之時，魔術師已經跟靚姐姐及伯母（見《拖篋不可打JJ》）在越南富國島嘆（短暫的）世畀。今次出遊由於要帶埋老人家同行，於是便揀個比較近便卻又夠  chill 的目的地 - 越南富國島。

本來魔術師一力承擔打點，點知呢一兩個月公司太多嘢做（公司班後生電車仔女愈來愈唔似樣，一係就成日病假，唔知真係孱仔定係夜晚有副業去做PTGF/PTBF，一係就係乜都（扮）唔識做，delegate 啲工作俾返魔術師做），好多時放咗工成身散晒返到屋企撻落床馬上要訓陣先識醒，搞到今次貪方便經旅遊平台網上 book 機票和行程，用 Agoda 預訂機位，語哂大品牌總算一 take okay：

（圖片來源：Agoda > 交通 > 機票, captured on 12 Dec 2024）

點知用我城品牌嘅畸碌 book 行程就出事了...

爽歪歪澳門遊（甲辰龍年年初四）

靚姐姐早就揚聲年初四同媽咪到澳門一日遊（其實中午出發即係半日遊），仲通咗幾晚頂 design 行程（畢竟伯母年紀大不適宜行行企企太耐），以慰勞照顧老伴之辛勞。正當以為此行係靚姐姐兩母女 share me time 的好時機，點知伯母竟然叫埋魔術師一齊去（可能伯母真係太鍾意魔術師了）！

諗住靚姐姐一個女人既然要照顧阿媽，都要個男人幫手執頭執尾，伯母又咁「盛情難卻」，魔術師又點可以唔「𦧲飯應」呢！

由於伯母想坐船，於是約定年初四11:30在信德中心等。先到先等，靚姐姐負責買船票，但佢生活瑣事上的「自理能力」一向唔高，買船票對她來說是高難度動作 - 果然差啲買唔到12:30的船飛（12:00 太趕了吧，原來仲有好多人會搭船過大海），最後要買「黃牛」解決...靚姐姐雖則話唔係窮撚，但買貴咗幾百蚊，啲錢都唔係咗嘥法㗎（好彩佢無買飛去睇美C睇波）。

（圖片來源：金光飛航 > 船期表及票價，captured on 18 Feb 2024）

點都好喇，在 KFC 吃過簡單午餐便出發。上船落船過關一切順利（除咗魔術師俾人用拖喼從後掃咗幾吓腳之外），而且魔術師仲第一次「享用」到跟長者同行，過關可以用優先通道的「特權」。

爽歪歪澳洲遊（2023年12月）（六．完）之墨爾本篇（下）

Day 8

來到行程的尾二一天，魔術師和靚姐姐都開始有點捨不得了。

交個袋鼠朋友

之前一天本來想改行程，想在今天玩蒸汽小火車，但男司機 book 唔到位，結果都係依照原定行程到企鵝島（Phillip Island)一天遊（可惜）。男司機先帶我們到馬璐考拉動物公園（Maru Koala and Animal Park）參觀。跟之前遊覽過的動物園不同，在這兒是可以比較近距離觀賞甚至餵飼、同動物玩耍的。

(Nikon Z7 24-200mm f4-6.3. @200mm 1/250s f/6.3 ISO 280)

爽歪歪澳洲遊（2023年12月）（五）之墨爾本篇（上）

 Day 6

又飛內陸機

這天要離開開恩茲飛到墨爾本了。9:15 機，魔術師慣性早一晚執好行李，就可以訓晏少少，等靚姐姐梳洗完執行李時才去梳洗，搞掂就一齊去食早餐再 check out，時間充裕。

去到機場，寄存行李後過安檢，魔術師例牌響機過唔到，皆因袋鼠國的金屬探測器非常敏感，一定掃到魔術師年前腿傷時留下的鈦金屬「骨髓釘」（反而我城機場係唔會掃到的），例牌都要被拉去一角被檢查一輪，要勞煩靚姐姐等了。

飛機 13:40 到達墨爾本，拎埋行李都成下午兩點幾，好在在機上吃了些小吃，還未算肚餓。今次旅行社竟然安排了男司機加蝗妹二人來接機，仲一人幫我們開一邊車門：男司機為靚姐姐開車門，而蝗妹就幫魔術師開車門，認真體貼。

其實在機上靚姐姐已經跟魔術師商量好，在餘下的行程可以取消廢老窮撚活動，以比較「精品」的活動代替，錢當然不是問題。於是我們一上車，便跟司機說明天早上想玩熱汽球，要他拿資料。男司機將我們車到去市內觀光，放低我們後便去做門票 booking；而靚姐姐就有同事搵佢傾公事，剩下魔術師應酬蝗妹去遊覽前事頭婆的前行宮：

Nikon Z7 24-200mm f4-6.3. @33.5mm 1/1000s f/4.8 ISO 64

Nikon Z7 24-200mm f4-6.3. @200mm 1/1000s f/6.3 ISO 800

Nikon Z7 24-200mm f4-6.3. @97mm 1/1000s f/6.3 ISO 1250

爽歪歪澳洲遊（2023年12月）（四）之開恩茲篇（下）

魔術師跟靚姐姐去旅行，「日夕相對」，總會傾下心事，當中自然包括愛情觀。話說靚姐姐係就係多人追，但奇人異士、心懷不軌、或者操控狂、「沙沙滾」者亦不在少數。今次去遊袋鼠國，靚姐姐亦有不少人叫佢「唔好去」...

魔術師明知故問：「點解？」

靚姐姐沒好氣：「佢哋妒忌你呀！」

好彩嗰班「狂蜂浪蝶」中應該無人識魔術師，否則就大鑊鳥！

Day 4

伴妳起錨

前一天由於原班機取消，要改道由悉尼飛墨爾本再飛開恩茲，到達時雖然已是夜晚，但吃過串燒做晚餐後，反而可以早點回酒店休息，養足精神。第二天早點起身，在酒店吃過早餐便出發去碼頭。

這天要去遊船河，加埋可能要落水，靚姐姐換上一身短打，水陸兩用緊身 bra top，仲要細半個碼，熱褲踢拖鞋，3D 身材盡顯陽光氣息，雖然出發時披了外套，依然睇到魔術師晨早就頭暈。

魔術師和靚姐姐出發去碼頭，雖說前一晚大媽司機兜過我們去過門口，畢竟夜麻麻有啲睇唔清路，都要搵咗陣問吓人才去到碼頭。行咗一輪熱焫焫，靚姐姐已經一身汗，要除衫以 bra top 示人了！

上到船之後到上層坐定，起程後不久 local tour 的工作人員就俾生死狀和健康申報表我哋填。

魔術師水性不佳，唔玩浮潛（snorkeling）了；靚姐姐雖然識游水，但都唔想潛水了，卻想玩「水底綿羊仔」：

可惜我們這個 trip 沒有「水底綿羊仔」，只有 Hemlet Diving：

於是魔術師便返回下層的 office desk 張羅，報名 hemlet diving...可惜又係額滿了！

爽歪歪澳洲遊（2023年12月）（三）之開恩茲篇（上）

在悉尼歌劇院睇完馬戲表演，魔術師和靚姐姐就回到酒店，完成悉尼之旅。第二天預期早機到開恩茲，六點幾就要出發，酒店早餐都無得食。靚姐姐梳洗完後（佢有個習慣就係成日都係沖完涼後裏住條大毛巾從浴室走出來在行李喼搵衫着，然後又走返入浴室，十分開放，睇到魔術師眼定定），較個鬧鐘5:30起身，行李都唔執便倒頭大睡；而魔術師則強迫症發作，執好行李，鬧鐘較到比靚姐姐早起一粒鐘作準備。

Day 3

意外延誤

魔術師如期 4:30 就醒咗，順手撳吓手機睇吓航班是否如期起飛...點知維珍袋鼠真係同因航一樣臨時取消班機（好在出發時因航未玩取消班機啫！），金趐大鑊鳥！