1. 太二老壇子酸菜魚（啟德店）
靚姐姐上個月由九龍站豪宅搬去啟德毫宅，由大少少嘅屋搬去細啲嘅屋，住細啲但住新啲。魔術師都有去幫手嘅，於是靚姐姐就請魔術師去附近的餐廳食飯。
呢間木二好似鼎泰豐咁 show 俾客人睇廚房的備餐過程:
唔好以為門面光鮮，價錢一定貴，實際上係想像不到的親民（靚姐姐話喺呢度食，比在九龍站圓方慳返好多）：
魔術師同靚姐姐叫咗個四季豆同水煮牛肉，靚姐姐就加叫不知名特飲，魔術師就例湯加杯水算數（順便玩吓枱頭的求簽遊戲）：
埋單計數靚姐姐俾，就算有加一都係兩百幾，抵食！
1. 瓏門住家飯
是日靚姐姐伯母搞團年飯，叫埋魔術師去，席間估唔到靚姐姐大哥大嫂亦在座。好在早前魔術師幫靚姐姐同伯母買賀年榚點（每人各兩底）時，美心（唔係美誠）要買夠5張榚點劵才會送貨，所以魔術師便搭單買多一份四喜臨門年糕，刪好這天團年飯時用來送給靚姐姐大哥大嫂做禮，「禮多人不怪」呢句話真係無講錯。
餐飯都係行禮如儀，一樣咁好餸，有花膠湯，白灼蝦、蜆、髮菜蠔豉等。
12月30日，原來的行程是0600起床，0700執好行李(痴線，臨尾仲要咁早！)：
前往卡蕯布蘭卡(全日車程約6小時)
午餐於中途餐廳
卡蕯布蘭卡~加利福利購物城
晚餐於Rick's Cafe
入住酒店
卡蕯布蘭卡:13-18°C
至於靚姐姐同魔術師就留在瑪拉喀什這間「四星酒店」宿一宵，靚姐姐成晚囉囉攣疑心生暗鬼，一大早就起身執行李。魔術師就慢慢來，唔使同佢急。我們落到樓下退房，叫 reception 姐姐搵 bell boy 幫手拎行李落§嚟，但 reception 姐姐竟然叫我哋自己拎，似乎呢間嘢一星都無，認真氣壞。
魔術師打開銀包，見到乾塘，便叫靚姐姐繼續跟酒店搞定行李，魔術師就行返去前一晚的精緻餐廳，裡面有找換店，兌返啲錢打的。
|
| （靚姐姐在餐廳中其中一隻戰利品。） |
當地啲路唔難搵，都係行10分鐘左右便去到，少少哋以50元帝幣兌咗 DH，順手截埋的士，靠 iPhone 翻譯叫司機大哥先去「四星酒店」接過靚姐姐和行李，再去 Grand Plaza Hotel。
2月29日，原來的行程是0700起床，0800執好行李，0830食完早餐集合時間出發，搭3.5小時車到索維拉（氣溫10-17°C ）：
- 午餐於市內
- 市內遊
- 入住 Atlas Essaouira Hotel
- 晚餐於酒店
由於唔想行來行去，同埋想再在 Radisson Blu Hotel 享受按摩，所以靚姐姐在前一晚早就 book 定下午場，這天就繼續脫隊，同魔術師一起施施然食完早餐才 check out。至於索維拉雖然以靚姐姐最喜歡的海鮮聞名，但大隊餐單普遍唔會啱靚姐姐口味，所以 miss 咗都應該無乜所謂。
總之食完早餐 hea 到 1200 check out，行李暫時寄存於洒店，然後便出去行吓高場，起碼靚姐姐在這個區域較光鮮的店舖多啲購物欲：
|
| (就算靚姐姐膽大包天，都唔敢揸返轉。) |
12月28日，今次入住的 Radisson Blu Hotel 是行程中唯一可以住兩晚的，第二朝唔使匆匆忙忙執行李。不過由於前一日魔術師同靚姐姐都各自有不愉快「體驗」（見《爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔》），又見領隊前一晚預告今日行程，又係 0700 起床、0830 出發、只係「每次」搭二、三十分鐘車：
市區觀光遊
午餐於市內
乘馬車
下午茶
晚餐於酒店
唔使講即係鳩嗚日。靚姐姐馬上向魔術師提出不如脫隊，魔術師可以訓晏啲，當然贊成，於是前一晚一面後悔無買水晶（見《爽歪歪摩洛哥（七）之 Day 6 瑪拉喀什（Marrakech）：既要別去，且盡量逗留，日後亦無悔》），一面已告知領隊魔術師和靚姐姐會在瑪拉喀什「自由行」。
由於唔使趕頭趕命食早餐，自有時間自行調較返杯無酒精 Bloody Mary：
12月27日，位於歐蕯蕯的酒店 3 - 13°C，0700 起床，0800 執好行李放在房門口，0830 食完早餐集合上車，第一站係亞特拉斯影城（Altas Studios），《帝國驕雄（Gladiator)》（唔係《神鬼戰士》）第一、二集、《天國驕雄（Kingdom of Heaven）》等古裝片都在這裡拍攝。導賞團導遊仲同我哋跟當地臨記拍咗一段微短片玩吓，想不到披上那些麻布「戲服」，都幾暖身的！
12月26日，晨咁早起身去帳蓬酒店門外集合，騎駱駝看日出。靚姐姐仲好貼心咁從 PDD 買入兩人份的防沙鞋套（見下圖）同埋由頭包到腳蒙住面防沙（唔使學19才子要次紙包頭，但無圖）:
|
| （網上截圖） |
去到集合地點，一眾駱駝已早早跪低「等客上馬」，又馴又乖。其實眾駱駝係一隻縛住一隻咁串連起來，由嚮導拉住，非常安全：
第四天(12月25日）0600 起床、0645 執好行李、0730 食完早餐出發，真慘情。這天是要開車到艾佛德（Erfoud），是撒哈拉沙漠「核心的外圍」，入住一晚「帳篷酒店」，然後第二天去睇日出。領隊要我們執定一個手提包內有一晚內外衣物及日常用品，其他東西放入大喼，跟旅遊車唔會再攞出嚟。
靚姐姐就醒目，一個 hand carry 小型行李箱就搞定；而魔術師就要清空背囊，着住厚重衣服，背囊上有電腦、叉電、水壺等物、手拎另一個袋內衣褲、梳洗用品等，有點狼狽。於是趁上文《爽歪歪摩洛哥（三）之 Day 2 舍夫沙萬（Chefchaouen）：一條濕滑的斜坡》曾提及魔術師孭住部無反 Nikon Z7 同 鏡頭上斜上樓級行到死死下，而且凍得濟手指唔聽話好難較光圈快門，便趁機餘下行程便放低幾 kg 嘢入大喼，淨係以 iPhone 影相輕裝上路。
這天雖是聖誕節，但摩洛哥是伊斯蘭教國家，沒有慶祝的習慣（我城習慣「大肆慶祝」一神教節日，唔通係一神地區？）
這天全日車程大約 7- 8小時，又係全日浪費在訓完醒、醒完落車去次所、上返車繼續行程的日常。不過，由平地去到山區，由「綠草如茵」的環境於幾小時內變成雪地戰，都算是一個頗新鮮的體驗：
中途經過依芙蘭（Ifrane，氣溫 0-4°C ），不過領隊卻沒有帶領我們遊覽這個有「小瑞士」之稱，位於海拔約 1,650米 高的滑雪勝地
|
| （凡事問 AI） |
第三天的景點是遊菲斯古城，朝早07:45 就要執好行李放在房間門外再去食早餐，08:30 出發，即係又係6點幾7點要醒到，凍冰冰咁早起身真係慘絕人寰。
話說在拉巴特天氣是10-16°C 有雨，已經係沾寒沾凍，第二天仲要 7:30am 起身、08:15 執好行李、09:00 食完早餐出發，真係慘過返工的日子。鑑於靚姐姐起身梳洗都要搞一排，所以魔術師都係漏夜執定最多嘅嘢先，較早少少個鬧鐘寧願早一粒鐘醒住訓,,,
第二天的景點是充滿「關色小屋」（希臘 feel？）的舍夫沙萬，不過要由拉巴特去就要搭約5小時車，真係醒完訓、訓完醒：
先簡略補充返《爽歪歪摩洛哥（一）之準備篇》其間發生的事：
魔術師在屯門市中心上了 A33X 去機場，見巴士進了屯赤隧道便因為太疲倦睡着了，一覺醒來車已停站，在不太清醒的狀態下落了車，但那個站卻是巷豬噢大橋，不是機場站...
魔術師見又有一巴士駛來落客，便揮手示意向司機查詢。誰知那司機態度頗為惡劣：「呢度只係落客，唔上客的。」
魔術師苦笑：「我落錯車...」
司機：「唔關我事！」
的確魔術師落錯車係唔關你事，但魔術師又唔係要強硬上車，只係想問吓點樣可以搭返車去機場，使唔使咁嘅態度呢？
又，就以近期火災為例，便會出現很多「唔關佢哋事」的「義工」（記得元祖版本就是來自「縮骨遮革命」）整理救災物資，相信是「發自內心的關懷」的確會令傍徨無依的人很受落（有點像一神教戰時派奶粉的場景），更與那些去到集合先行打卡的「關愛隊」造成強烈對比。「主動的幫助」與一般人冷冷地「唔關我事」的分別，日常的人情冷暖，小黃人（？）更能「收買人心」，自不待言。
總之，魔術師問過保安岡位的叔叔，知道轉車巴士站的方向，再向靚姐姐和領隊稍遲少許，才「安心上路」。
＊＊＊
去到機場集合 check in，領隊是個矮小的C9，團友有兩對退休夫婦A及夫婦B，還有闊太M。
退休夫A是開會計師樓的。闊太M 則是離婚婦，有自己收入，不用靠前夫，家住巷島海拔50米以上，仔大女大依家成日去玩去旅行、行山做運動，體能超 fit（雖無法冰證，但相信係魔術師塞內設計系列要有展示櫃 show off 旅行戰利品嗰種人）。
乘塔阿聯酋航空 (Emirates)，飛機先由我城去杜拜 DXB（約6小時），再轉機去卡隡布蘭卡 CMN（又約6小時）- 由於我城比卡隡布蘭卡快 7 小時，所以「實際飛行時間」約19小時。
本來幾個月前問過靚姐姐，佢話年尾唔得閒唔會去旅去，於是魔術師便同公司預咗年尾清假；點知上個月靚姐姐就問魔術師仲有幾多日大假，夾定年尾去旅行，睇嚟我城的經濟活動真係死水一潭，生意淡薄（其時尚未發生大火，火災之後，節日慶祝更為低調，生意更難做）。
本來靚姐姐諗住話去土耳其，同魔術師一齊報團懶得諗（魔術師有啲驚旅行社安排的酒店食宿未必啱佢口味），但去到旅行社，卻發現去摩洛哥好似更吸引（當然團費都貴一截）：
|
| （摩洛哥團費2025年12月底出發約HKD37,000） |
1. 半島酒店大堂茶座
靚姐姐今個月一早就 book 咗魔術師去食生日飯，問到魔術師鍾意食乜，又真係無乜 idea（其實魔術師食開飯都係簡單為主，唔夠靚姐姐咁多窿路）；於是靚姐姐便一口價話去半島食個生日餐，夠有儀式感咁話：
|
| （圖片來源：Openrice > 餐廳 > 香港 > 尖沙咀 > 半島酒店大堂茶座, captured on 20 Jun 2024) |
生日飯有生日餐牌，不過「燭光」昏暗，要睇清楚都有難度，完全唔記得「相機先食」，只係記得同靚姐一人一份麵包、餐湯、主食、甜品、茶啡、加生日餅樣樣有齊：
是日靚姐姐請客，餐單免問。
1. 住家飯
是日中秋。靚姐姐媽咪做節叫埋魔術師去食飯，有鮑魚、有魚蝦蟹、有帶子、仲有花膠靚湯添！
（工人姐姐的手藝真係好得。）
食完飯落到樓下，竟然見唔到月亮，美中不足。
1. 泰金鍋
話說日前靚姐姐牛一，便跟（靚姐姐的）朋友們一起去食返餐，識飲識食嘅靚姐姐就揀咗位於海之戀商場嘅呢間泰式火鍋放題：
|
| （圖片來源：Openrice > 餐廳 > 香港 > 荃灣 > 泰金鍋, captured on 20 Aug 2025） |
唔好以為豬牛雞肉、菜、肉丸、配料、飲品都係如同一眾火鍋放題，呢間嘢最有特色的就係有游水生蝦可以任撈，用來打邊邊認真美味（好味到唔記得影相）。食完仲有雪榚做甜品：
極端天氣｜陳國基：應對機制成熟 今次暴雨證明運作暢順 不開會不會少了保護 有線新聞 2025年08月09日
【有線新聞】本港早前迎來連場大暴雨，政務司司長陳國基指當局有成熟機制應對，今次暴雨證明機制運作暢順。就近日錄得的基孔肯雅熱個案，他指已在口岸和本地加強滅蚊。
香港在一星期內錄得五宗基孔肯雅熱輸入個案，政務司司長陳國基指已加強滅蚊工作，「第一是在口岸加強滅蚊，因為很多口岸連接香港和內地，市民在那裏回來，我們一定不會讓蚊叮可能帶有這個病毒的朋友。當然在香港本土亦加強滅蚊工作，加多很多，以往我們有蚊患指數，有些地方蚊患指數達到20，我們就要滅蚊，現在降到10要提早處理。」
八月亦迎來破紀錄暴雨，當局未召開「應對極端天氣督導委員會」，負責統籌的陳國基指有成熟機制應對。陳國基：「雨方面我們不能預測，我們有機制已經在這裏，可以即時運作。剛剛我說的緊急事故監察及支援中心已經運作，所以不會有問題。今次也證明整件事運作很暢順，希望市民明白不是不開『極端天氣督導委員會』就少了保護。」
當局亦未發出「極端情況」，他解釋「極端情況」是為了爭取時間清理，當局在黑雨期間已完成大部份工作。陳國基：「『極端情況』不代表停工令，大家千萬不要有這種感覺，我們用『極端情況』來彌補行政上，發現未至於這些情況，8號風球或黑雨，但市面未適宜上班，因為沒有交通、水浸、路斷諸如此類，我們用這個補救。」
對於七月中的「超前部署」提早停課，陳國基解釋當時天文台預測有大暴雨，考慮到學生可能要在大暴雨下登記入學和叩門的危險，決定保障市民安全。
1. 八月亦迎來破紀錄暴雨，當局未召開「應對極端天氣督導委員會」，負責統籌的陳國基指有成熟機制應對。陳國基：「雨方面我們不能預測，我們有機制已經在這裏，可以即時運作。剛剛我說的緊急事故監察及支援中心已經運作，所以不會有問題。今次也證明整件事運作很暢順，希望市民明白不是不開『極端天氣督導委員會』就少了保護。」...對於七月中的「超前部署」提早停課，陳國基解釋當時天文台預測有大暴雨，考慮到學生可能要在大暴雨下登記入學和叩門的危險，決定保障市民安全。
完全唔明白基哥的邏輯。一時就話「雨方面我們不能預測」，又話有既定機制；一時又話「天文台預測有大暴雨」，（怪獸）嘉獎和學生在暴雨下登記入學及叩門有危險。言下之意，即係話教育局無既定制度叫停「登記入學及叩門」程序？教育局不嬲都會在風球或暴雨的情況下宣布停課㗎喇！唔通改日子登記入學又無既定機制？
行程來到最後一天，上午吃過早餐就是去泳池區。這天趁靚姐姐落咗水，魔術師就在沙灘椅上 hea；卻見到有兩名花樣年華的泡菜妹結伴同行，在泳池邊影相。只見「主角」個樣真係唔太靚（唔通泡菜妹都係靠化妝？），三點式泳衣個胸有啲扁平，肚腩有贅肉而且向下墮，難得佢仲懶有自信在鏡頭前擺出各種甫士（因為「來都來了」？），直教魔術師看傻了眼，相都唔記得影。
靚姐在水中央見到魔術師掛住「𥄫囡」，連忙揮手示意。魔術師只好馬上走去餐廳，買杯西瓜汁俾靚姐姐消暑。
（靚姐姐泳衣照照例省略。）
玩完水便返房沖涼執行李 check out，然後將行李寄存，然後就去揼骨 spa：兩個人熱石按摩 90 分鐘都只係圍埋 672 我城貨幣，真係抵到爛。
去越南（除富國島外）旅遊是需要簽證的。魔術師同靚姐姐今次行程比較急，需要做快證，一個工作天申請，3小時內起貨，結果就要多200帝幣（每人）：
|
| （圖片來源：Vietnam eVisa Online, captured on 10 Jul 2025） |
於是魔術師就同靚姐姐分頭行事：靚姐姐識玩識食，當然負責 book 酒店同埋 local tour 活動；魔術師就負責 book 機票同埋兌換現金。坐兩個半小時機去越南，搭廉航就得（個 app /網站係無因航咁好用），我們選的是香港快運（HK Express）。靚姐姐仲忽然慳家，話見架機無乜人坐，唔劃位去到機場時才扭計要坐埋一齊。呢啲嘢都係女人做好啲。
兌現金魔術師一律都係 Interactive Brokers（IB） 優先，可惜 IB 無得兌越南盾，結果就要出街換。魔術師發現有間位於尖沙咀的樓上鋪個 rate 好似幾好，可惜收工去到已關門；唯有星期六（7月5日）出發前去屯門「冠軍找換店」換錢，個價都算 okay 嘅。
