二人飯局（2024年7月）

靚姐姐是七月生日之星，大把人輪住請食飯。魔術師就安排到昨天跟靚姐姐撐枱腳。由於靚姐姐早前 send 個呢幅超萌蛋榚相俾魔術師，魔術師自然識做：

（圖片來源：美心西餅 > 超萌Cinnamoroll蛋糕, capture on 14 Jul 2024）

今次去的餐廳是位於美麗華廣場的 Whisk，吃法日 Fusion 菜：

(圖片來源：Openrice > 餐廳 > 香港 > 尖沙咀 > WHISK, captured on 14 Jul 2024） 

呢間餐廳入口處比較難搵，魔術師花了點時間才找到，魔術師上到去時，只見侍應哥哥跟靚姐姐甚為相熟，招呼殷勤。而靚姐姐則去過幾次，早到了仲趁 last order 前點埋菜，話10道菜個 course 太多了，點了6道菜：

（圖片來源： Whisk Finesse Dinner Menu June 2024, captured on 14 Jul 2024）

等候上菜期間，魔術師順便送埋早前在7仔訂的可愛造壓攬枕俾佢，物輕情意重（真．生日禮物遲啲再買）：

但靚姐姐竟然跟魔術師「交換禮物」，原來係幾條「孖煙囪」狀的「短褲」：

「係咪無女人買過呢啲嘢俾你呢？」靚姐姐又「撩」魔術師了。

這時麵包連自家製牛油，同埋 starter 上枱：

侍應哥哥有向靚姐姐講解菜譜，但 fine dinning 賴斯文聲調甚低，魔術師也就聽唔到佢哋講乜：

Main course 靚姐姐叫了雞，而魔術師則是和牛（完勝）

最後上的是甜品，由於魔術師訂座時已說明是生日飯，靚姐姐嗰碟仲有生日爉燭同埋 Happy Birthday 字樣：

用餐期間都飲過杯紅白餐酒、清酒、同埋威士忌，魔術師心臟剛剛好返啲，唔敢飲太多，淺嘗即止，也沒有影低飲咗邊幾款酒（除了呢隻清酒）：

最最後就係魔術師的蛋糕（影相用，唔切等靚姐姐拎返屋企）：

埋單6道菜＄980 x 2，魔術師和牛加＄268，連加一＄2,450.8。

餐後評語：魔術師同靚姐姐今餐都食得好滿足，侍應哥哥服務好（係聲線唔夠同我們二人一齊講解食物之外），食物質素佳，除了餐廳入口難找一點之外，整體環境唔錯。唔知係咪靚姐姐屬於熟客，魔術師就係完全感服唔到好似呢一篇 Openrice 的負評（《錯不在食物》），唔似食物質素同侍應服務態度，就連人地燈光、地氈空調都逐樣數，唔好話對食無乜研究的魔術師，只能說就連一向識飲識食、食慣好西的靚姐姐都唔夠傷巷班「平民食家」咁腌臢腥悶也。

＊＊＊

伸延閱讀：

Openrice Whisk 評語 > 錯不在食物